Завхан  аймаг  дахь  сум  дундын  иргэний  хэргийн  анхан  шатны  шүүхийн  шүүх  хуралдааныг  шүүгч  Ш.Одонзул  *******алж,  нарийн  бичгийн  *******а  Т.Чулуунхүү,  нэхэмжлэгч  С.*******,  нэхэмжлэгчийн  өмгөөлөгч  В.*******,  хариуцагч  байгууллагын  төлөөлөгч  Ч.*******,  хариуцагчийн  өмгөөлөгч  Б.*******  нарыг  оролцуулан  тус  шүүхийн  шүүх  хуралдааны  танхимд  хийж,  С.С-ийн  нэхэмжлэлтэй  Завхан  аймгийн  Цагаанхайрхан  сумын  *******  *******ын  *******  *******т  холбогдох  Цагаанхайрхан  сумын  *******  *******ын  2017  оны  06  сарын  16-ны  өдрийн  96  тоот  захирамжийг  хүчингүй  болгуулж  ажилд  эгүүлэн  тогтоолгох,  ажилгүй байсан  хугацааны  цалинтай  тэнцэх  олговор  гаргуулах,  эрүүл,  мэнд  болон  нийгмийн  даатгалын  дэвтэрт  нөхөн  бичилт  хийлгүүлэхийг  хүссэн  тухай  иргэний  хэргийг  хянан  хэлэлцээд 

ТОДОРХОЙЛОХ  нь:

Нэхэмжлэгч  С.С  шүүхэд  ирүүлсэн  хүсэлтдээ:  Миний  бие  нь  2010  онд  Этүгэн  дээд  сургуулийг  хүний  их  эмчмэргэжлээр  төгссөн.  2010  оны  10  сард  Цагаанхайрхан  сумын  Эрүүл  мэндийн  төвийн  эрхлэгч  эмчээр  томилогдон  6  жил  ажилласан.  Тус  сумын  *******  *******а  Ч.Б  нь  2017.06.16-ны  өдрийн  96  тоот  тушаалаар  намайг  Төрийн  үйлчилгээний  албаны  удирдах  албан тушаалд  томилогдох  ажилтаны  сонгон  шалгаруулах  журмын  8.4-д  сонгон  шалгаруулалтанд  ороогүй  иргэнийг  удирдах  албан  тушаалд  томилохгүй  гэсэн  шалтгаанаар  ажлаас  чөлөөлсөн.  Миний  бие  үндэслэлгүй  ажлаас  чөлөөлсөн  гэж  үзэж  байгаа  учир  тус сумын  *******  *******ын  2017  оны  06  сарын  16-ны  өдрийн  96  тоот  захирамжийг  хүчингүй  болгуулах,  ажилгүй  байсан  хугацааны  эрүүл,  мэнд,  нийгмийн  даатгалын  дэвтэрт  бичилт  хийлгүүлэх,  ажилд  эгүүлэн  тогтоолгох,  ажилгүй  байсан  хугацааны  цалин  гаргуулахаар танай  шүүхэд  хандаж  байна  гэжээ.

Хариуцагч  байгууллагын  төлөөлөгч  шүүхэд  ирүүлсэн  хариу  тайлбартаа:

...  2017  оны  06  сарын  16-ны  өдөр  өөрийн  96  дугаар  захирамжаараа  С.С-ийг  үүрэгт  ажлаас  нь  чөлөөлсөн.  Чөлөөлөх  болсон  үндэслэл  нь  С.С  нэхэмжлэлдээ  Төрийн  албаны  зөвлөлийн  Завхан  аймаг  дахь  салбар  зөвлөлийн  2017  оны  06  сарын  05-ны  өдрийн  38  дугаар  тогтоол  юм.  Сумын  эрүүл  мэндийн  төвийн  эрхлэгч  эмч  нь  Төрийн  үйлчилгээний  удирдахалбан  тушаалтны  ажлын  байр  бөгөөд  Төрийн  албаны  зөвлөлийн  2013  оны  60  дугаар  тогтоолын  Төрийн  үйлчилгээний  албаны  удирдах  албан  тушаалд  томилогдох  ажилтны  сонгон  шалгаруулах  журмын  8.4-т  зааснаар  ажлаас  чөлөөлсөн  болно.  Мөн нэхэмжлэгч  С.С  нь  Завхан  аймгийн  Цагаанхайрхан  сумын  *******  *******ын  2017  оны  06  сарын  16-ны  өдрийн  96  дугаарзахирамжийг  2017  оны  06  сарын  16-ны  өдрийн  10  цаг  35  минутад  гардан  авсан  бөгөөд  нэхэмжлэлээ  2017  оны  07  сарын  16-ны  өдрийн  17  цаг  03  минутад  гаргасан  байгаа  нь  шүүхэд  хандах  хөөн  хэлэлцэх  хугацаа  нь  дууссан  байна  гэжээ.

Нэхэмжлэгч  С.С  шүүх  хуралдаанд  гаргасан  тайлбартаа:  Би  2017  оны  05  сарын  05-ны  өдөр  шүүхийн  шийдвэрээр  ажилдаа  эгүүлэн  томилогдсон.  Удирдах  ажилтаны  сонгон  шалгаруулалтад  ороогүй  гэдэг  үндэслэлээр  2017  оны  06  сарын  16-ны  өдрийн  96  тоот  захирамжаар  ажлаасаа  чөлөөлөгдсөн.  2017  оны  06  сарын  16-ны  өдрийн  96  тоот  захирамжийг  үндэслэлгүй  гэж  үзэж  байгаа  учраас  тухайн  захирамжийг  хүчингүй  болгуулах,  ажилдаа  эгүүлэн  тогтоолгох,  ажилгүй  байсан  хугацааны  цалин  гаргуулах,  эрүүл  мэнд  нийгмийн  даатгалын  дэвтэрт  нөхөн  бичилт  хийлгүүлэх  тухай  нэхэмжлэл  гаргасан  байгаа.  2017  оны  06  сарын  20-ны  өдрөөс  2017  оны  11  сарын  09  өдөр  хүртэл  ажлын  97  хоног  байгаа  учраас  2.985.854  төгрөгийг  нэхэмжилж  байна.  Би  яагаад  сонгон  шалгаруулалтад  ороогүй  вэ?  гэхээр  би  тухайн  ажилд  2010  онд  орсон.  Тухайн  үед  намайг  ажилд  ороход  Төрийн  үйлчилгээний  албан  хаагчийг  сонгон  шалгаруулалтад  оруулдаггүй  байсан  учраас  энэ  ажилд  орсон.  Тухайн  үед  энэ  ажлын  байранд  томилогдохдоо  сонгон  шалгаруулалтад  ордог  байсан  бол  сонгон  шалгаруулалтдаа  ороод  ажилд  орох  байсан  байх.  Яагаад  тухайн  сонгон  шалгаруулалтад  ороогүй  юм  бэ?  гэхээр  Засгийн  газрын  2013  оны  60  дугаар  тогтоолд  зааснаар  сул  орон  тоо  гарсан  тохиолдолд  тухайн  байгууллага  өөрөө  захиалга  өгөх  ёстой.  Ингэж  захиалга  өгөхдөө  сул  орон  тоон  дээр  захиалга  өгөх  ёстой.  Гэтэл  би  тухайн  үед  тэр  орон  тоон  дээр  би  ажиллаж  байсан  учраас  сул  орон  тоо  гэж  үзэхгүй.  2017  оны  06  сарын  16-ны  өдөр  захирамж  чинь  гаргаж  байгаа  гэж  хэлсэн  боловч  тэр  өдрөө  надад  захирамж  гаргаж  өгөөгүй.  Тэгээд  2017  оны  06  сарын  19-ний  өглөө  надад  захирамжийг  танилцуулсан.  Тэгээд  тухайн  өдрөө  ажил  хүлээлцэх  ёстой  байсан  боловч  тэр  өдөр  Элэг  бүтэн  Монгол  хөтөлбөр  хэрэгжиж  байгаа  учраас  ажлаа  хүлээлгэж  өгөх  боломжгүй  байна  үдээс  хойш  ажлаа  хүлээлцэх  гэсэн  боловч  тэр  өдрөө  ажил  хүлээлцэж  амьжаагүй  учраас  2017  оны  06  сарын  20-ны  өдөр  ажил  хүлээлцсэн  юм.  *******  *******а  надад  захирамжаа  гардуулж  өгөөгүй.  Захирамж  гарсан  гэдгээ  надад  хэлж  байсан  гэхдээ  захирамжаа  надад  өгөөгүй.  Ажлын  хэсгийнхэн  миний  ажлыг  хүлээлцэх  гэж  орж  ирэхдээ  миний  өрөөний  буйдан  дээр  үлдээгээд  явсан  байсан.  Та  бүхэл  бүтэн  сум  удирдаж  байгаа  хүн  байж  яагаад  худлаа  хэлээд  байгаа  юм  бэ,  Би  2017  оны  06  сарын  16-ны  орой  танай  өрөөнд  2  хүүхэдтэйгээ  сууж  байхад  захирамж  гарсан  гэдгийг  л  хэлсэн  шүү  дээ.  Энэ  захирамжийн  хавсралт  дээрх  гарын  үсэг  миний  гарын  үсэг  биш  гэв.

Нэхэмжлэгчийн  өмгөөлөгч  В.*******  шүүх  хуралдаанд  гаргасан  тайлбартаа:  Ажлаас  чөлөөлсөн  96  тоот  захирамжийг  эс  зөвшөөрч  С  шүүхэд  нэхэмжлэл  гаргасан.  Нэхэмжлэлийн  шаардлага  нь  Эрүүл  мэндийн  төвийн  эрхлэгч  эмчийн  ажил  албан  тушаалд  эгүүлэн  тогтоолгох,  ажилгүй  байсан  хугацааны  олговорт  2985800  төгрөг  гаргуулах,  нийгмийн  болон  эрүүл  мэндийн  дэвтэрт  нөхөн  бичилт  хийлгүүлэх  тухай  юм.  Энэ  нэхэмжлэлийн  шаардлага  нь  хууль  зүйн  үндэслэлтэй.  С  нь  2017  оны  04  сарын  26-ны  өдрийн  шүүхийн  шийдвэрээр  ажилдаа  эгүүлэн  томилогдсон.  Гэтэл  С-ийн  Засгийн  газрын  60  дугаар  тогтоолд  зааснаар  сонгон  шалгаруулалтад  орох  ёстой,  сул  орон  тоо  гэж  үзэж  С-ийн  ажлын  байрыг  сул  орон  тоо  гэж  үзсэн.  С-ийг  ажлаас  чөлөөлсөн  захирамж  нь  хууль  хэрэглээний  алдаа  гарсан.  С  нь  тухай  үед  хэрэгжиж  байсан  хуулийн  дагуу  энэ  ажил  албан  тушаалд  томилогдон  ажилласан.  2010  онд  энэ  ажилд  томилогдон  ажиллаж  байсан  талаарх  баримт  хавтаст  хэрэгт  авагдсан  байгаа.  Засгийн  газрын  2013  оны  60  тоот  тогтоолд  заасан  тэр  заалт  нь  орон  тоо  гарсан  байгаа  албан  тушаалд  ажилтанг  томилохдоо  сул  орон  тоо  байгаа  тохиолдолд  сонгон  шалгаруулалтад  орсон  иргэнийг  томилох  талаар  заасан  заалт  болохоос  биш  тухайн  орон  тоон  дээр  ажилтан  ажиллаж  байхад  сонгон  шалгаруулалт  зарлах  тухай  ойлголт  биш  юм.  С-ийг  ажлаас  чөлөөлөхдөө  хэрэглэх  ёстой  хуулийг  хэрэглээгүй  байгаа  нь  энэ  хүний  хөдөлмөрлөх  эрхийг  ноцтой  зөрчсөн  гэж  үзэж  байна.  Тиймээс  Хөдөлмөрийн  тухай  хуулийн  28  дугаар  зүйлийн  28.2  дахь  хэсэгт  заасны  дагуу  С-ийг  өмнө  нь  эрхэлж  байсан  ажилд  нь  эгүүлэн  тогтоож,  Хөдөлмөрийн  хуулийн  46  дугаар  зүйлд  зааснаар  ажилгүй  байсан  хугацааны  олговор  гаргаж,  эрүүл  мэнд  болон  нийгмийн  даатгалын  дэвтэрт  нөхөн  бичилт  хийлгүүлэх  тухай  нэхэмжлэлийн  шаардлагыг  дэмжиж  байна  гэв.

Хариуцагч  байгууллагын  төлөөлөгч  Ч.Б  шүүх  хуралдаанд  гаргасан  тайлбартаа:  С-ийг  ажлаас  чөлөөлөх  болсон  үндэслэл  нь  Төрийн  үйлчилгээний  удирдах  албан  хаагч  нь  тухайн  ажиллаж  байгаа  ажлын  байран  дээр  томилогдохдоо  сонгон  шалгаруулалтын  үндсэн  дээр  томилогддог.  Хэрвээ  сонгон  шалгаруулалтад  орж  томилогдоогүй  бол  тухайн  орон  тоо  сул  байгаа  гэж  үздэг  учраас  Төрийн  албаны  салбар  зөвлөлөөс  24  сумаас  захиалга  авсны  дагуу  сонгон  шалгаруулалт  зарласан.  С  тухайн  ажлын  байран  дээр  томилогдон  ажиллаж  байсан.  Эрүүл  мэндийн  газраас  сонгон  шалгаруулалтын  талаар  сургалт  болон  мэдээллийг  өгч  байсан.  Миний  зүгээс  С-ийг  тухайн  сонгон  шалгаруулалтад  орох  талаар  хэлж  байсан.  Гэтэл  С  тухайн  сонгон  шалгаруулалтад  ороогүй.  Сонгон  шалгаруулалтад  орж  тэнцсэн  Л.Н  гэж  хүнийг  тухайн  албан  тушаалд  томилуулах  саналыг  Төрийн  албаны  салбар  зөвлөлөөс  манайд  ирүүлсний  дагуу  С-т  2017  оны  06  сарын  13-ны  өдөр  мэдэгдэх  хуудас  өгсөн.  2017  оны  06  сарын  16-ны  өглөө  захирамж  гаргаж,  ажлын  хэсэг  байгуулж  С-ийн  ажлыг  хүлээлцүүлэхээр  болж  ажлын  хэсгийн  ахлагч  Н-д  захирамжийг  өгсөн.  Ажлын  хэсгийн  ахлагч  тухайн  өдөр  С  дээр  очиж  ажил  хүлээлцэх  гэсэн  боловч  тухайн  үед  хөтөлбөрийн  ажил  ихтэй,  өөрийнхөө  ажлыг  цэгцлээгүй  байгаа  учраас  өнөөдөр  ажил  хүлээлцэх  боломжгүй  байна  гэж  хэлж  явуулсан  талаар  надад  11-12  цагийн  хооронд  ирж  хэлсэн.  Тэгээд  С-ийн  ажлыг  2017  оны  06  сарын  20-ны  өдөр  хүлээлцсэн.  Төрийн  албаны  зөвлөлийн  2013  онд  баталсан  тогтоолд  сонгон  шалгаруулалтад  ороогүй  бол  удирдах  албан  тушаалд  ажиллуулахгүй  гэсэн  заалт  байдаг.  Үүний  дагуу  ажлаас  нь  чөлөөлсөн  талаараа  захирамжиндаа  заасан  байгаа.  Тиймээс  нэхэмжлэлийн  шаардлагыг  хүлээн  зөвшөөрөхгүй  байна  гэв.

Хариуцагчийн  өмгөөлөгч  Б.*******  шүүх  хуралдаанд  гаргасан  тайлбартаа:  С-ийг  Засгийн  газрын  2016  оны  60  тоот  тогтоолыг  үндэслэж  ажлаас  нь  чөлөөлсөн.  Тухайн  тогтоолд  үйлчилгээний  удирдах  албан  тушаалд  ажиллаж  байгаа  хүн  сонгон  шалгаруулалтад  орж  тэнцсэн  байх  ёстой  талаар  заасан  байгаа.  Энэ  тогтоолын  дагуу  захиалгаа  өгсөн.  Гэтэл  энэ  сонгон  шалгаруулалтад  С  ороогүй.  Хөдөлмөрийн  тухай  хуулийн  129  дүгээр  зүйлийн  3  дахь  хэсэгт  зааснаар  хөөн  хэлэлцэх  хугацаа  яригдаж  байгаа.  Энэ  зүйлд  зааснаар  ажилтан  ажлаас  үндэслэлгүй  халагдсан  тухай  нэхэмжлэлээ  шүүхэд  сарын  дотор  гаргах  ёстой.  Гэтэл  нэхэмжлэгч  энэ  хугацаагаа  хэтрүүлсэн  гэж  манай  талаас  үзэж  байгаа.  Өөрөөр  хэлбэл  2017  оны  06  сарын  16-ны  өдрийн  10  цаг  35  минутад  захирамжийг  хүлээж  аваад  2017  оны  07  сарын  16-ны  өдрийн  17  цаг  03  минутад  шүүхэд  нэхэмжлэл  гаргаж  өгсөн  байгаа.  Тиймээс  шүүхэд  нэхэмжлэл  гаргах  хөөн  хэлэлцэх  хугацаа  нь  дууссан  гэж  үзэж  байна.  Хөөн  хэлэлцэх  хугацаа  дууссан  гэсэн  үндэслэлээр  хэргийг  шийдвэрлэх  бүрэн  боломжтой.  Нэхэмжлэгч  нь  2017  оны  06  сарын  20-ны  өдөр  захирамжийг  хүлээж  авсан  гэж  тайлбар  хэлж  байгаа  боловч  энэ  талаарх  баримт  хавтаст  хэрэгт  байхгүй  байгаа  учраас  нэхэмжлэлийн  шаардлагыг  шүүх  хуралдаанаар  хэлэлцэх  ямар  ч  боломжгүй  гэв.

Шүүх  хуралдаанаар  хэрэгт  цугларсан  нотлох  баримтуудыг  шинжлэн  судлаад  ҮНДЭСЛЭХ  нь  :

Нэхэмжлэгч  С.С-ийг  Завхан  аймгийн  Цагаанхайрхан  сумын  *******  *******ын  2017  оны  06  дугаар  сарын  16-ны  өдрийн  96  тоот  тушаалаар  Монгол  улсын  *******  захиргаа  нутаг  дэвсгэрийн  нэгж  түүний  удирдлагын  тухай  хуулийн  29-р  зүйлийн  29.2,  Төрийн  албаны  зөвлөлийн  2013  оны  60-р  тогтоолын  төрийн  үйлчилгээний  албаны  удирдах  албан  тушаалд  томилогдох  ажилтныг  сонгон  шалгаруулах  журмын  8.4,  Төрийн  албаны  салбар  зөвлөлийн  2017  оны  06-р  сарын  05-ны  өдрийн  38-р  тогтоолыг  тус  тус  үндэслэн  түүнийг  Завхан  аймгийн  Цагаанхайрхан  сумын  эрүүл  мэндийн  төвийн  эрхлэгч  эмчийн  үүрэгт  ажлаас  чөлөөлжээ.

Нэхэмжлэгч  С.С  нь  дээрх  тушаалыг  үндэслэлгүй  гэж  үзэн  ажлаас  чөлөөлсөн  дээрх  захирамжийг  хүчингүй болгуулж,  урьд  эрхэлж  байсан  ажилдаа  эгүүлэн  тогтоолгож  ажилгүй  байсан  хугацааны  олговор  гаргуулах,  нийгмийн  болон  эрүүл  мэндийн  даатгалын  дэвтэрт  бичилт  хийлгүүлэхийг  хүсч  шүүхэд  нэхэмжлэл  гаргажээ.

Хэрэгт  авагдсан  нэхэмжлэгчийг  ажлаас  чөлөөлсөн  *******  *******ын  захирамж,  зохигчдын  тайлбар,  хэргийн  нөхцөл  байдалд  дүгнэлт  хийхэд  ажил  олгогч  нь  ажилтанг  ажлаас  чөлөөлөх  үндэслэлээ  зөв  тодорхойлоогүй,  хөдөлмөрийн  гэрээг  дуусгавар  болгох,  хөдөлмөрийн  гэрээг  ажил  олгогчийн  санаачлагаар  цуцлах  талаар  зохицуулсан  Хөдөлмөрийн  тухай  хуулийн  зүйл  заалтыг  баримтлахгүйгээр  захирамж  гаргаж  ажилтанг  ажлаас  чөлөөлсөн  байна.

Хөдөлмөрийн  хууль  болон  Төрийн  албаны  тухай  хуульд  төрийн  үйлчилгээний  ажилтанг  ажилд  авахдаа  сонгон  шалгаруулна  гэсэн  зохицуулалт  байхгүй  ба  ажил  олгогчийн  зүгээс  С.С-ийг  ажлаас  чөлөөлөхдөө  Төрийн  үйлчилгээний  албаны  удирдах  албан  тушаалд  томилогдох  ажилтныг  сонгон  шалгаруулах  журмыг  баримталж  сонгон  шалгаруулалтанд  ороогүй  гэсэн  үндэслэлээр  ажлаас  нь  чөлөөлжээ.

Нэхэмжлэгч  С.С  нь  Цагаанхайрхан  сумын  хүн  эмнэлгийн  салбарын  эрхлэгч  эмчээр  томилогдон  ажиллаж  байсан  болох  нь  тус  сумын  *******  *******ын  2010  оны  10-р  сарын  23-ны  өдрийн  56  тоот  захирамжаар  тогтоогдож  байна.

Ийнхүү  нэгэнт  захирамж  гаргаж  ажилтанг  ажиллуулж  байсан  атлаа  тодорхой  хугацаа  өнгөрмөгц  хуулинд  заагаагүй  үндэслэлээр  өөрөөр  хэлбэл  сонгон  шалгаруулалтанд  ороогүй  байна  гэдэг  үндэслэлээр  түүнийг  ажлаас  чөлөөлсөн  нь  үндэслэлгүй  байна  гэж  шүүх  үзэв.

Хариуцагчийн  өмгөөлөгчийн  зүгээс  нэхэмжлэгч  С.С-ийг  ажлаас  чөлөөлсөн  захирамжийн  үндэслэлийн  талаар  маргаагүй  төдийгүй  нэхэмжлэлийн  шаардлагыг  хүлээн  зөвшөөрөхгүй  байгаа  үндэслэлээ  тайлбарлахдаа  Хөдөлмөрийн  хуулийн  129-р  зүйлийн  129.3  дахь  хэсэгт  зааснаар  ажилтан  ажлаас  үндэслэлгүй  халагдсан  тухай  нэхэмжлэлээ  шүүхэд  сарын  дотор  гаргах  ёстой.  Гэтэл  нэхэмжлэгч  энэ  хугацааг  хэтрүүлсэн  өөрөөр  хэлбэл  2017  оны  06-р  сарын  16-ны  өдрийн  10  цаг  35  минутанд  захирамжийг  хүлээн  авсан  атлаа  2017  оны  07-р  сарын  16-ны  өдрийн  17  цаг  03  минутад  шүүхэд  нэхэмжлэл  гаргаж  өгсөн  байгаа.  Ийм  учир  хөөн  хэлэлцэх  хугацаа  дууссан  гэсэн  үндэслэлээр  хэргийг  шийдвэрлэх  бүрэн  боломжтой.  Нэхэмжлэгч  2017  оны  06-р  сарын  19-ний  өдөр  захирамжтай  танилцсан  гэж  тайлбарлаж  байгаа  хэдий  ч  энэ  талаарх  баримт  хэрэгт  байхгүй  байгаа  учир  нэхэмжлэлийн  шаардлагыг  шүүх  хуралдаанаар  хэлэлцэх  ямар  ч  боломжгүй  гэж  үзэж  байна  гэжээ.

Нэхэмжлэгч  С.С  энэ  талаар  шүүхийн  хэлэлцүүлэгт  тайлбарлахдаа  2017  оны  06-р  сарын  16-ны  өдөр  захирамж  чинь  гарсан  байгаа  гэж  хэлсэн  боловч  тэр  өдрөө  надад  захирамж  гаргаж  өгөөгүй.  Тэгээд  2017  оны  06-р  сарын  19-ний  өглөө  надад  захирамжийг  танилцуулсан  гэж  тайлбарлажээ.

Хэрэгт  авагдсан  нэхэмжлэгчийг  ажлаас  чөлөөлсөн  Завхан  аймгийн  Цагаанхайрхан  сумын  *******  *******ын  2017  оны  06-р  сарын  16-ны  өдрийн  96  тоот  захирамжид  өөрт  нь  хавсралт  байгаа  эсэх  талаар  дурьдаж  өгөөгүй  байгаа  ба  хариуцагч  талаас  уг  захирамжийн  хавсралтыг  шүүхэд  нотлох  баримтаар  гаргаж  өгсөн  байна.

Уг  хавсралтын  зүүн  дээд  буланд  2017  оны  06-р  сарын  16-ны  өдрийн  96  тоот  захирамжийн  1-р  хавсралт  гэж  бичигдэж  тамга  дарагдсан  байх  ба  түүний  доор  байх  хүснэгтэд  №1,  овог  нэр  С.С,  хүлээн  авсан  10:00-10:35,  гарын  үсэг  Сараа  гэсэн  бичилтүүд  хийгдсэн  байна.

Дээрх  хавсралтын  зүүн  дээд  буланд  бичигдсэн  огноо  дугаар  нь  энэ  хавсралт  нь  2017  оны  06-р  сарын  16-ны  өдрийн  96  тоот  захирамжийн  хавсралт  мөн  юм,  энэхүү  захирамжийг  С.С  10:00-10:30  минутад  хүлээн  авсан  нь  үнэн  гэдгийг  л  нотлож  байна.  Харин  С.С яг  хэдэн  оны  хэдэн  сарын  хэдний  өдрийн  10:00-10:30  минутад  хүлээн  авсан  юм  бэ  гэдэг  нь  хавсралтад  тодорхой  заагаагүй  байна.

Ийм  учир  хариуцагч  тал  ажлаас  чөлөөлсөн  захирамжаа  нэхэмжлэгчид  хэдэн  сарын  хэдний  өдөр  танилцуулснаа  нотлож  чадахгүй  байна  гэж  үзэж  хариуцагчийн  нэхэмжлэгч  шүүхэд  нэхэмжлэл  гаргах  хөөн  хэлэлцэх  хугацааг  хэтрүүлсэн  гэх  тайлбарыг  үндэслэлгүй  гэж  үзлээ.

Иймд  нэхэмжлэгч  С.С-ийг  Завхан  аймгийн  Цагаанхайрхан  сумын  эрүүл  мэндийн  төвийн  эрхлэгч  эмчийн  үүрэгт  ажилд  эгүүлэн  тогтоож,  түүний  ажилгүй  байсан  хугацааны  буюу  2017  оны  06-р  сарын  16-ны  өдрөөс  2017  оны  11-р  сарын  09-ний  өдрийг  хүртэлх  хугацааны  цалинтай  тэнцэх  олговорыг  Завхан  аймгийн  Цагаанхайрхан  сумын  ЗДТГ-аас  гаргуулж,  түүний  эрүүл  мэнд  болон  нийгмийн  даатгалын  шимтгэл,  хувь  хүний  орлогын  албан  татварыг  хуульд  заасан  хувь  хэмжээгээр  суутгаж  зохих  санд  төвлөрүүлж,  нийгмийн  болон  эрүүл  мэндийн  даатгалын  дэвтэрт  нөхөн  бичилт  хийхийг  хариуцагч  байгууллагад  даалгаж  шийдвэрлэх  үндэслэлтэй  байна.

Нэхэмжлэгчийн  дээрх  хугацааны  нөхөн  олговрыг  тооцохдоо  Монгол  Улсын  нийгмийн  хамгаалал,  хөдөлмөрийн  сайдын  2005  оны  55  дугаар  тушаалаар  баталсан  Дундаж  цалин  хөлс  тодорхойлох  журам-ын  7-гийн  а-д  зааснаар  түүний  ажлаас  чөлөөлөгдөхийн  өмнөх  3  сарын  дундаж  цалин  хөлсөөр  тооцох  нь  зүйтэй  байна.

Нэхэмжлэгч  С.С-ийг  өмнө  нь  *******  *******ын  захирамжаар  ажлаас  чөлөөлж  байсан  ба  тус  шүүхийн  2017  оны  04-р  сарын  25-ны  өдрийн  шийдвэрээр  түүнийг  ажилд  нь  эгүүлэн  тогтоож,  ажилгүй  байсан  хугацааны  олговор  гаргуулж  нийгмийн  болон  эрүүл  мэндийн  даатгалын  дэвтэрт  нөхөн  бичилтийг  хийхийг  хариуцагч  байгууллагад  даалгаж  шийдвэрлэж  байсан  байна.  Гэтэл  нэхэмжлэгчийн  нийгмийн  даатгалын  дэвтэрт  нөхөн  бичилтүүд  хийгдээгүй  байгаа  учир  нэхэмжлэгчийн  ажлаас  чөлөөлөгдөхөөс  өмнөх  3  сарын  дундажийг  өмнөх  шүүхийн  шийдвэрт  туссанаар  2016  оны  09,10,11-р  сарын  дундаж  цалингаас  тооцох  нь  зүйтэй  гэж  үзэв.

Нэхэмжлэгч  С.С  нь  ажлаас  чөлөөлөгдөхийн  өмнөх  3  сард  нийт  1,985,462  төгрөгийн  цалин  авсан  нь  түүний 000256108  тоот  нийгмийн  даатгалын  дэвтрээр  нотлогдож  байна.  /2016  оны  09-р  сарын  цалин  503546+  10-р  сарын  цалин  786392  +  11-р  сарын  цалин  695524  =  1.985,462  төгрөг  сүүлийн  3  сарын  цалин,  1,985,462:  3=  661,820  төгрөг  /сарын  дундаж  цалин/,  661,820:  21,5=  30,782  төгрөг  /  өдрийн  дундаж  цалин/

Нэхэмжлэгчийн  ажлаас  чөлөөлөгдсөн  2017  оны  06  дугаар  сарын  16-ны  өдрөөс  2017  оны  11  дүгээр  сарын  09-ний  өдөр  хүртэлх  хугацааны  /  06-р  сард  11  хоног,  07-р  сард  16  хоног,  08-р  сард  22  хоног,  09-р  сард  21  хоног,  10-р  сард  22  хоног,  11-р  сард  7  хоног  нийт  99  хоногийн  цалинг  тооцоход  нийт  3.047.418  төгрөг  болж  нэхэмжлэгчийн  нэхэмжилсэн  2.985.854  төгрөгнөөс  давж  байх  тул  нэхэмжлэгчийн  ажилгүй  байсан  хугацааны  цалинтай  тэнцэх  олговорыг  нэхэмжлэлийн  шаардлагын  хүрээнд  тооцож  хариуцагч  байгууллагаас  2.985.854  төгрөгийг  гаргуулж  нэхэмжлэгчид  олгож  шийдвэрлэх  үндэслэлтэй  байна.

Улсын  тэмдэгтийн  хураамжийн  тухай  хуулийн  41  дүгээр  зүйлийн  41.1.5-д  зааснаар  нэхэмжлэл  тэмдэгтийн  хураамжаас  чөлөөлөгддөг  болохыг  дурьдаж  хариуцагч  байгууллагаас  улсын  тэмдэгтийн  хураамжид  62724  төгрөг  гаргуулж  улсын  орлого  болгох  нь  зүйтэй  гэж  үзээд

МОНГОЛ  УЛСЫН  ИРГЭНИЙ  ХЭРЭГ  ШҮҮХЭД  ХЯНАН  ШИЙДВЭРЛЭХ  ТУХАЙ  115  ДУГААР  ЗҮЙЛИЙН  115.2.1,  116,  118  ДУГААР  ЗҮЙЛҮҮДИЙГ  УДИРДЛАГА  БОЛГОН 

ТОГТООХ  НЬ:

1.  Монгол  улсын  Хөдөлмөрийн  тухай  хуулийн  128  дугаар  зүйлийн  128.1.2  дахь  хэсэгт  заасныг  баримтлан  нэхэмжлэгч  С.С-ийг  Завхан  аймгийн  Цагаанхайрхан  сумын  Эрүүл  мэндийн  төвийн  эрхлэгч  эмчийн  ажилд  эгүүлэн  тогтоосугай.

2.  Монгол  Улсын  Хөдөлмөрийн  тухай  хуулийн  69  дүгээр  зүйлийн  69.1  дэх  хэсэгт  зааснаар  Завхан  аймгийн  Цагаанхайрхансумын  ЗДТГ-аас  нэхэмжлэгчийн  ажилгүй  байсан  хугацааны  олговор  болох  2.985.854  төгрөгийг  гаргуулж  нэхэмжлэгчид  олгосугай.

3.  Монгол  улсын  Хөдөлмөрийн  тухай  хуулийн  46-р  зүйлийн  46.1,  46.2  дахь  хэсгүүдэд  заасныг  баримтлан  нэхэмжлэгчийн  ажилгүй  байсан  хугацаанд  нийгмийн  болон  эрүүл  мэндийн  даатгалд  даатгуулж,  дэвтрүүдэд  зохих  бичилтүүдийг  хийхийг  хариуцагч  байгууллагад  даалгасугай.

4.Улсын  тэмдэгтийн  хураамжийн  тухай  хуулийн  41  дүгээр  зүйлийн  41.1.5  дахь  хэсэгт  зааснаар  нэхэмжлэл  улсын  тэмдэгтийн  хураамжаас  чөлөөлөгддөг  болохыг  дурьдаж,  Монгол  улсын  Иргэний  хэрэг  шүүхэд  хянан  шийдвэрлэх  тухай  хуулийн  60  дугаар  зүйлий  60.1,  56  дугаар  зүйлийн  56.1  дэх  хэсгүүдэд  зааснаар  хариуцагч  байгууллагаас  62724  төгрөг  гаргаж  улсын  орлого  болгосугай.

5.  Шийдвэр  танилцуулан  сонсгомогц  хүчинтэй  болно.

6.  Зохигч,  тэдгээрийн  төлөөлөгч,  өмгөөлөгч  нар  шийдвэрийг  эс  зөвшөөрвөл  шийдвэрийг  гардан  авснаас  хойш  14  хоногийн  дотор  Завхан  аймгийн  Эрүү,  Иргэний  хэргийн  давж  заалдах  шатны  шүүхэд  давж  заалдах  гомдол  гаргах  эрхтэй  болохыг  дурдсугай.

 

ДАРГАЛАГЧ  Ш.ОДОНЗУЛ