1

Сонгинохайрхан дүүргийн эрүүгийн хэргийн анхан шатны шүүхийн шүүгч
Т.Алтантуяа даргалж,

шүүх хуралдааны нарийн бичгийн дарга А.Сэрчмаа,

улсын яллагч Т.Отгонтөгс,

шүүгдэгч Б.Д- нарыг оролцуулан тус шүүхийн хуралдааны “А” танхимд
нээлттэй явуулсан хуралдаанаар:

Сонгинохайрхан дүүргийн прокурорын газрын хяналтын прокуророос Б- овогт
Б-ын Д-д холбогдуулан Эрүүгийн хуулийн тусгай ангийн 11.6 дугаар
зүйлийн 1 дэх хэсэгт зааснаар яллах дүгнэлт үйлдэж, хялбаршуулсан журмаар
шийдвэрлүүлэх саналтай ирүүлсэн эрүүгийн 1808 0476 51432 дугаартай хэргийг 2018 оны
12 дугаар сарын 12-ны өдөр хүлээн авч, 2018 оны 12 дугаар сарын 14-ний өдөр хянан
хэлэлцэв.

Шүүгдэгч: Б- овгийн Б-ын Д- Монгол Улсын иргэн, 1994 оны
11 дүгээр сарын 25-нд Увс аймгийн Тэс суманд төрсөн, 25 настай, эрэгтэй, бүрэн бус дунд
боловсролтой, мэргэжилгүй, “Милко” ХХК-нд машинист ажилтай, ам бүл 3, эцэг, эхийн
хамт Увс аймгийн Тэс сумын 2 дугаар багт оршин суух бүртгэлтэй, 2014 оноос хойш, урьд ял шийтгэлгүй,

Прокуророос шуухэд шилжуулсэн хэргийн агуулга:

Шүүгдэгч Б.Д- нь 2018 оны 10 дугаар сарын 08-наас 09-нд шилжих шөнө
Сонгинохайрхан дүүргийн 19 дүгээр хорооны нутаг дэвсгэрт хохирогч Д.С-ийг
зодож, эрүүл мэндэд нь баруун нүдний алим, баруун дээд, доод зовхинд цус хуралт,
баруун хөмсөгт шарх, баруун хацар дагз, хүзүүнд зулгаралт гэмтэл бүхий хөнгөн хохирол
учруулсан гэмт хэрэгт холбогджээ.

2

ТОДОРХОЙЛОХ НЬ:

Шүүхийн хэлэлцүүлэгт дараах нотлох баримтуудыг шинжлэн судлав.Үүнд:

Нэг. Шүүхийн хэлэлцүүлэгт шүүгдэгч Б.Д-: Мөрдөн байцаалтын шатанд
үнэн зөв мэдүүлсэн тул нэмж мэдүүлэг гаргахгүй гэв.

Хоёр. Эрүүгийн 1808 0476 51432 дугаартай хэргээс:

1. Хохирогч Д.С-ийн хэрэг бүртгэлтэд 2018 оны 10 дугаар сарын 25-нд

өгсөн:

“...2018 оны 10 дугаар сарын 08-ны өдөр Сонгинохайрхан дүүргийн 19 дүгээр хороо
21 дүгээр хорооллын “Хишигт-Од” бааранд найз Баярхүү, Батбаяр хоёрын хамт 02 цагийн
үед ороод 0,5 литрийн хэмжээтэй “Соёрхол” нэртэй архи 2 шилийг гурвуулаа хувааж
уусан. 04 цагийн үед тэр баарнаас гараад Баярхүү, Батбаяр 2 гэртээ харихаар явсан. Би
машин руу явж байхад замд 4 залуу 2 эмэгтэй пиво уугаад байж байсан. Би тэд нар дээр
очоод “машин барьдаг хүн байна уу” гэж асуухад нэг залуу нь “байна” гээд тэд нартай юм
яриад байж байгаад “би дайлнаа уух газар байна уу” гээд ярьж байхад нэг залуу хоёулаа
юм яръя гээд гудамжинд байсан машины хажууд очоод миний цээжний гол хэсэг рүү нэг
удаа цохисон. Би “яаж байгаа юм бэ” гэж асуухад миний куртикны захаар боогоод бид
хоёр барьцалдсан. Тэгтэл нөгөө залуу намайг хавирч унагаагаад гараараа 2-3 удаа нүүр
рүү цохиод газраас шил авч нэг удаа цохиж тэр шил нь хагараад хүзүүний зүүн хэсгийг
зүссэн. Би нүүрээ хамгаалаад байж байхад зугтаад явсан. Би араас нь харж байгаад
таксины жолоочид хэлээд цагдаад барьж өгсөн. Миний биед учирсан гэмтлүүдийг
Д- гэдэг залуу учруулсан. Надад эмчилгээ хийлгэсэн зардлын баримт байхгүй.
Тухайн үед Д- гэх залуу бид хоёр байсан. Хамт явж байсан найзууд нь булан
тойроод явсан. Гомдолтой байна. Хуулийн дагуу шийдэж өгнө үү. ...” гэх мэдүүлэг¹,

2. Шүүхийн шинжилгээний үндэсний хүрээлэнгийн хүний биед хийсэн шүүх
   эмнэлгийн шинжилгээний 2018 оны 10 дугаар сарын 14-ний өдрийн 12259 дугаартай
   дүгнэлтэд:

“...Хэсэг газрын үзлэгт: баруун нүдний алиманд цус хурсан, баруун хөмсөгний гадна
буланд 1,5 см зах ирмэг тэгш бус няцарсан шархтай, шархнаас цус гарч хатсан. Баруун
дээд, доод зовхи хавдсан, хөхөлбөр хүрэн ягаан өнгийн цус хуралттай. Баруун хацрын
төвгөрт 3x3 см улаан хүрэн өнгийн зулгаралттай, дагзны зүүн хэсэг болон хүзүүний зүүн
дээд хэсгийг хамарсан ташуу 15x0,2 см улаан хүрэн өнгийн зурагдсан зулгаралттай.

ДҮГНЭЛТ:

¹ Хавтаст хэргийн 16-17 дугаар тал.

3

1. Д.С-ийн биед баруун нүдний алим, баруун дээд, доод зовхинд цус
   хуралт, баруун хөмсөгт шарх, баруун хацар, дагз, хүзүүнд зулгаралт гэмтэл тогтоогдлоо.
2. Дээрх гэмтэл нь мохоо зүйлийн хэд, хэдэн удаагийн үйлчлэлээр үүсгэгдэх ба
   хэрэг болсон гэх цаг хугацаанд үүссэн байх боломжтой.
3. Шүүх эмнэлгийн гэмтлийн зэрэг тогтоох журмын 2.4.1-т зааснаар эрүүл мэндийг
   түр хугацаагаар сарниулах тул гэмтлийн хөнгөн зэрэгт хамаарна.
4. Цаашид ерөнхий хөдөлмөрийн чадварын тогтонги алдалтанд нөлөөлөхгүй.
   /шинжээч эмч Ш.Цэцэгмаа/...” гэсэн дүгнэлт²,

3. Б.Д-гийн мөрдөн шалгах ажиллагаанд 2018 оны 11 дүгээр сарын 19-нд
   яллагдагчаар өгсөн:

“...2018 оны 10 дугаар сарын 08-ны 15 цагийн үед Сонгинохайрхан дүүргийн 19
дүгээр хороо “Цэлмэг” нэртэй караоке бааранд найз Даваасүрэн болон түүний найзуудын
хамт ороод тэндээ бүгд ууж байгаад гарсан. Тэндээс цагийн дараа л гарсан, гараад явж
байхад нэг согтуу ах “машин бариад өгөх хүн байна уу” гээд асуугаад байсан. Бид нар
бүгд архи уусан байна гэхэд тэр ах явахгүй зууралдаад зогсоод байхаар нь тэр ахыг
найзуудаасаа холдуулаад “одоо та яваа” гэж хэлэхэд намайг түлхээд “чи намайг барах уу”
гээд гараараа нэг удаа нүүрэнд цохисон. Би зөрүүлээд гараараа нүүр рүү нь цохиод бид
хоёр барьцалдаад газар унасан. Тэгээд бид хоёр босоод би гарыг нь тавиулаад
найзуудынхаа араас гүйгээд очсон. Би тэр ахыг гараараа 1-2 удаа нүүрэнд нь цохиж
байхдаа гэмтэл учруулсан. Өөрийн үйлдсэн хэргээ хүлээн зөвшөөрч байна. ...” гэх
мэдүүлэг³,

4. Б.Д-гийн иргэний үнэмлэхийн лавлагаа ⁴, түүний урьд ял шийтгэгдсэн
   эсэхийг шалгасан хуудас⁵, Нийгмийн даатгал төлөлтийн талаарх тодорхойлолт ⁶, Оршин
   суух хаягийн тодорхойлолт ⁷, үл хөдлөх эд хөрөнгө бүртгэлгүй тухай лавлагаа ⁸, мөн
   түүний нэр дээр тээврийн хэрэгсэл бүртгэлгүй тухай лавлагаа ⁹, “Милко” ХХК-ийн
   “Б.Д- нь тус компанид 2014 оноос туслах ажилтнаар ажиллаж байгаа тухай
   тодорхойлолт ¹⁰, Б.Дуласүрэнгийн “Хаан” банкинд эзэмшдэг депозит дансны хуулга ¹¹,
   хохирлын мөнгө төлөхөө илэрхийлсэн тухай баримт ¹²,

2. Хавтаст хэргийн 12 дугаар тал.
3. Хавтаст хэргийн 46-47 дугаар тал.
4. Хавтаст хэргийн 24 дүгээр тал.
5. Хавтаст хэргийн 30 дугаар тал.
6. Хавтаст хэргийн 26 дугаар тал.
7. Хавтаст хэргийн 27 дугаар тал.
8. Хавтаст хэргийн 28 дугаар тал.
9. Хавтаст хэргийн 29 дүгээр тал.
10. Хавтаст хэргийн 31 дүгээр тал.
11. Хавтаст хэргийн 32-38 дугаар тал.
12. Хавтаст хэргийн 52 дугаар тал.

4

б.Хохирогч Д.С-¹³, шүүгдэгч Б.Д-гийн нарын хэргийг
хялбаршуулсан журмаар шийдвэрлүүлэх тухай хүсэлт ¹⁴, хэргийг хялбаршуулсан журмаар
шийдвэрлүүлэх тухай прокурорын 2018 оны 12 дугаар сарын 12-ны өдрийн 262 дугаар
тогтоол ¹⁵, хялбаршуулсан журмаар шалгасан хэрэгт ял оногдуулах тухай прокурорын
саналыг яллагдагчид танилцуулсан баримт¹⁶ зэрэг нотлох баримтуудыг шинжлэн
судалсан болно.

Шүүх хуралдаанд талуудаас хэрэгт цугларсан нотлох баримтаас шүүх
хуралдаанаар хэлэлцүүлэхгүй, нотлох баримтаас хасуулах талаар санал, хүсэлт гаргаагүй
болно.

Хэрэг хянан шийдвэрлэх ажиллагааны явцад прокурорын хяналтад Б.Д-
нь өөрт холбогдох эрүүгийн хэргийг хялбаршуулсан журмаар хянан шийдвэрлүүлэх хүсэлт
гаргасныг прокурор 2018 оны 12 дугаар сарын 12-ны өдрийн тогтоолоор шийдвэрлэж,
яллагдагчид хүлээлгэх эрүүгийн хариуцлагын төрөл, хэмжээний талаар бичсэн саналыг
2018 оны 12 дугаар сарын 12-ны өдөр яллагдагчид танилцуулж, хэргийг шүүхэд
шилжүүлснийг үндэслэн шүүх Эрүүгийн хэрэг хянан шийдвэрлэх тухай хуулийн 17.4
дүгээр зүйлийн 4 дэх хэсэгт заасан нөхцөл байдлыг шалгаж, тус хэргийг хялбаршуулсан
журмаар хянан шийдвэрлэлээ.

Шүүх хуралдаанд гэм буруугийн талаар улсын яллагчаас шүүгдэгч Б.Д-
нь хүний эрүүл мэндэд хөнгөн хохирол учруулсан гэмт хэрэг үйлдсэн болох хохирогчийн
мэдүүлэг, шинжээчийн дүгнэлт, шүүгдэгчийн яллагдагчаар өгсөн мэдүүлэг зэргээр
тогтоогдсон тул түүнийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт
зааснаар гэм буруутайд тооцуулах гэсэн дүгнэлтийг гаргасан ба шүүгдэгч нь улсын
яллагчийн гаргасан дүгнэлттэй мэтгэлцээгүй, гэм буруугийн талаар маргаагүй болно.

Шүүхээс тогтоосон хэргийн нөхцөл байдал.

Гурав. Прокуророос шүүхэд шилжүүлсэн эрүүгийн хэргийн хүрээнд, шүүгдэгч
Б.Д-д холбогдсон хэрэгт гэм буруу, эрүүгийн хариуцлага хүлээлгэхдээ Эрүүгийн
хуулийн хууль ёсны, шударга ёсны, гэм буруугийн зарчмыг тус тус баримтлан шүүхийн
хэлэлцүүлэгт тогтоогдсон үйл баримт, шинжлэн судалсан болон хэрэгт цугларсан дээрх
нотлох баримтуудыг үндэслэн дүгнэхэд:

1.Гэм буруугийн талаар

Шүүгдэгч Б.Д- нь согтуурсан үедээ 2018 оны 10 дугаар сарын 08-наас
09-нд шилжих шөнө Сонгинохайрхан дүүргийн 19 дүгээр хорооны нутаг дэвсгэрт иргэн
Д.С-ийг “машиныг чинь жолоодох хүн байхгүй, яв гэхэд явсангүй, мөн намайг

13. Хавтаст хэргийн 53 дугаар тал.
14. Хавтаст хэргийн 54 дүгээр тал.
15. Хавтаст хэргийн 57 дугаар тал.
16. Хавтаст хэргийн 56 дугаар тал.

цохилоо" гэх зэрэг шалтгаанаар цээжинд нь цохих, куртикных нь захаар боох, хавирч
унагаагаад гараараа 2-3 удаа нүүр рүү нь цохих, газраас шил авч шилээрээ цохих зэргээр
зодож биед нь баруун нүдний алим, баруун дээд, доод зовхинд цус хуралт, баруун
хөмсөгт шарх, баруун хацар, дагз, хүзүүнд зулгаралт бүхий хөнгөн хохирол учруулсан
болох нь:

-хохирогч Д.С-ийн хэрэг бүртгэлтэд өгсөн 2018 оны 10 дугаар сарын
08-ны өдөр ... найз Баярхүү, Батбаяр хоёрын хамт 02 цагийн үед ороод 0,5 литрийн
хэмжээтэй Соёрхол нэртэй архи 2 шилийг гурвуулаа хувааж уусан. 04 цагийн үед тэр
баарнаас гараад... би машин руу явж байхад замд 4 залуу, 2 эмэгтэй пиво уугаад байж
байсан. Би тэд нар дээр очоод “машин барьдаг хүн байна уу” гэж асуухад нэг залуу нь
“байна” гээд тэд нартай юм яриад байж байгаад ...нэг залуу хоёулаа юм яръя гээд
гудамжинд байсан машины хажууд очоод миний цээжний гол хэсэг рүү нэг удаа цохисон.
... миний куртикны захаар боогоод бид хоёр барьцалдсан. Тэгтэл нөгөө залуу намайг
хавирч унагаагаад гараараа 2-3 удаа нүүр рүү цохиод газраас шил авч нэг удаа цохиж тэр
шил нь хагараад хүзүүний зүүн хэсгийг зүссэн. ...” гэх мэдүүлэг¹⁷,

-Б.Д-гийн мөрдөн шалгах ажиллагаанд яллагдагчаар өгсөн “..2018 оны 10
дугаар сарын 08-ны 15 цагийн үед Сонгинохайрхан дүүргийн 19 дүгээр хороо Цэлмэг
нэртэй караоке бааранд найз Даваасүрэн болон түүний найзуудын хамт ороод тэндээ бүгд
ууж байгаад гарсан. ... нэг согтуу ах “машин бариад өгөх хүн байна уу” гээд асуугаад
байсан. Бид нар бүгд архи уусан байна гэхэд тэр ах явахгүй зууралдаад зогсоод байхаар
нь тэр ахыг найзуудаасаа холдуулаад “одоо та яваа” гэж хэлэхэд намайг түлхээд “чи
намайг барах уу” гээд гараараа нэг удаа нүүрэнд цохисон. Би зөрүүлээд гараараа нүүр
рүү нь цохиод бид хоёр барьцалдаад газар унасан. ...Би тэр ахыг гараараа 1-2 удаа
нүүрэнд нь цохиж байхдаа учруулсан....” гэх мэдүүлэг¹⁸, шүүхийн шинжилгээний үндэсний
хүрээлэнгийн 2018 оны 10 дугаар сарын 14-ний өдрийн 12259 дугаартай дүгнэлт ¹⁹ зэрэг
бичгийн нотлох баримтуудаар нотлогдон тогтоогдож байна.

Шүүхийн хэлэлцүүлгийн үед шинжлэн судалсан болон хэрэгт цугларсан нотлох
баримтууд нь энэ хэрэгт хамааралтай, хуульд заасан үндэслэл, журмаар цуглуулж
бэхжүүлсэн, Эрүүгийн хэрэг хянан шийдвэрлэх тухай хуулийг зөрчөөгүй, агуулгын хувьд
зөрүүгүй.үйл баримтыг хангалттай тогтоож чадсан байх тул хууль ёсны гэж үзэж нотлох
баримтаар үнэлэв.

Гэм буруугийн хэлбэрийн хувьд шүүгдэгч Б.Д- нь хохирогч
Д.С-ийг шууд санаатай үйлдлээр зодож эрүүл мэндэд нь хөнгөн хохирол
учруулсан байх бөгөөд тухайн гэмт хэрэг гарах болсон шалтгаан нөхцөл нь шүүгдэгч,

17. Хавтаст хэргийн 16-17 дугаар тал.
18. Хавтаст хэргийн 46-47 дугаар тал.
19. Хавтаст хэргийн 12 дугаар тал.

6

хохирогч нарын хэн аль нь согтууруулах ундааны зүйлийг хэтрүүлэн хэрэглэсэн, улмаар
бие биенээ гудамж талбайд хүндлээгүй байдал зэрэг нь нөлөөлжээ.

Шүүгдэгч Б.Д-гийн үйлдсэн гэмт хэрэг нь Эрүүгийн хуулийн тусгай ангийн
11.6 дугаар зүйлийн 1 дэх хэсэгт заасан “Хүний эрүүл мэндэд хөнгөн хохирол учруулах”
гэмт хэргийн шинжийг бүрэн хангасан байна.

Тиймээс шүүгдэгч Б.Д-г Эрүүгийн хуулийн тусгай ангийн 11.6 дугаар
зүйлийн 1 дэх хэсэгт зааснаар гэм буруутайд тооцуулах тухай улсын яллагчийн дүгнэлтийг
хүлээн авч тус зүйл, хэсэгт зааснаар гэм буруутайд тооцох хууль зүйн үндэслэлтэй гэж
шүүх дүгнэв.

2. Гэмт хэргийн улмаас учруулсан хохирол, хор уршгийн тухай.

Шүүгдэгч Б.Д-гийн үйлдсэн гэмт хэргийн улмаас хохирогч
Д.С-ийн бие махбодид хөнгөн хохирол учирсан ба хохирогч Д.С- нь
шүүх эмнэлэгт үзүүлсэн 8000 төгрөгийн баримтаас өөр баримтыг ирүүлээгүй байх боловч
хэрэг хянан шийдвэрлэх ажиллагаанд явцад 2018 оны 12 дугаар сарын 12-ны өдөр
хохирогч, шүүгдэгч нар нь хохирлын төлбөрт 600.000 төгрөгийг 2018 оны 12 дугаар сарын
25-ны өдөр өгч, авахаар харилцан тохиролцсон байх ба энэ талаар баримтыг ²⁰ хэрэгт
ирүүлсэн байх тул тэднийг тохиролцоог тогтоолд дурдаж шийдвэрлэв.

3. Эрүүгийн хариуцлагын талаар.

Шүүх хуралдаанд эрүүгийн хариуцлагын талаар улсын яллагчаас Б.Д-д
холбогдох хэргийг хялбаршуулсан журмаар шийдвэрлүүлэхээр тогтоол гаргаж, эрүүгийн
хариуцлагын төрөл, хэмжээний талаар Эрүүгийн хуулийн тусгай ангийн 11.6 дугаар
зүйлийн 1 дэх хэсэгт зааснаар 450 нэгж буюу 450.000 төгрөгөөр торгох ялын саналыг
Б.Д-д танилцуулахад, зөвшөөрч гарын үсгээ зурсан тул түүнд 450.000 төгрөгийн
торгох ял оногдуулах, торгох ялыг 2 сарын хугацаанд хэсэгчлэн төлүүлэхээр тогтоох тухай
дүгнэлтийг гаргасан ба шүүгдэгч Б.Д- нь улсын яллагчийн гаргасан дүгнэлттэй
мэтгэлцээгүй болно.

Шүүхээс шүүгдэгчид эрүүгийн хариуцлага хүлээлгэхдээ Эрүүгийн хуулийн хууль
ёсны, шударга ёсны, гэм буруугийн зарчмыг баримтлан гэмт хэрэг үйлдсэн нөхцөл
байдал, учирсан хохирол, хор уршгийн шинж чанар, гэмт хэрэг үйлдсэн хүний хувийн
байдал, эрүүгийн хариуцлагын хөнгөрүүлэх, хүндрүүлэх нөхцөл байдлыг тал бүрээс нь
харгалзан эрүүгийн хариуцлага хүлээлгэх нь зүйтэй байна.

Шүүгдэгч Б.Д- нь урьд ял шийтгэгдсэн эсэхийг шалгасан хуудсаар
Цагдаагийн ерөнхий газрын лавлагааны санд бүртгэгдээгүй, ял шийтгэлгүй байх ба
тохиолдлын шинжтэй нөхцөл байдлын улмаас анх удаа гэмт хэрэг үйлдсэнийг эрүүгийн

²⁰ Хавтаст хэргийн 52 дугаар тал.

7

хариуцлага хүлээлгэхдээ хөнгөрүүлэх нөхцөлд харгалзан үзсэн ба хүндрүүлэх нөхцөл
байдал тогтоогдоогүй.

Прокурорын шатанд Б.Д- нь хэргийг хялбаршуулсан журмаар хянан
шийдвэрлүүлэх хүсэлтийг гаргаж, прокурорын санал болгосон 450 нэгжтэй тэнцэх
хэмжээний буюу 450.000 төгрөгөөр торгох ялын саналыг зөвшөөрсөн байна.

Эрүүгийн хэрэг хянан шийдвэрлэх тухай хуулийн 17.5 дугаар зүйлд зарим хэргийг
хялбаршуулсан журмаар хянан шийдвэрлэх талаар заасан ба уг зүйлийн 8 дахь хэсэгт
“шүүх шүүгдэгчийг гэм буруутай гэж үзвэл прокурорын саналыг харгалзан эрүүгийн
хариуцлага хүлээлгэх шийдвэр гаргана” гэж заасан.

Шүүхээс шүүгдэгчид эрүүгийн хариуцлага хүлээлгэхдээ шүүгдэгчийн гэмт хэрэг
үйлдсэн нөхцөл байдал, түүний хувийн байдал зэргийг харгалзан улсын яллагчийн
саналыг харгалзан 450.000 төгрөгөөр торгох ял оногдуулж, шүүгдэгчийн цалин хөлс,
хөрөнгө, бусад орлого зэргийг харгалзан торгох ялыг биелүүлэх хугацааг 3 сарын
хугацаагаар тогтоож шийдвэрлэв.

Шүүгдэгч нь торгох ялыг шүүхээс тогтоосон хугацаанд биелүүлээгүй бол шүүх
биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор
тооцож хорих ялаар солихыг анхааруулж, урьд авсан хувийн баталгаа гаргах таслан
сэргийлэх арга хэмжээг хэвээр үргэлжлүүлж шийдвэрлэв.

4.Бусад асуудлаар

Энэ хэрэгт эд мөрийн баримтаар хураагдсан зүйлгүй, битүүмжлэгдсэн эд
хөрөнгөгүй, гаргавал зохих хэрэг хянан шийдвэрлэх ажиллагааны зардалгүй,
Б.Д-гийн иргэний бичиг баримт шүүхэд ирээгүй зэргийг тус тус тогтоолд дурдах
нь зүйтэй байна.

Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 1, 17.5 дугаар
зүйлийн 9, 5 дахь хэсэг, 36.2 дугаар зүйлийн 1, 2, 4, 36.6, 36.7, 36.8 дугаар зүйлийн 1, 4
дэх хэсэг, 36.10 дугаар зүйлийн 4, 36.13 дугаар зүйлийн 1, 2, 4, 37.1 дүгээр зүйлийн 1, 2
дахь хэсэгт заасныг тус тус удирдлага болгон

ТОГТООХ нь:

1. Шүүгдэгч Б- овогт Б-ын Д-г хүний эрүүл мэндэд хөнгөн
хохирол учруулсан гэмт хэрэг үйлдсэн гэм буруутайд тооцсугай.