Монгол Улсын Шүүхийн шийдвэрийн цахим сан

Шийдвэрийн мэдээлэл

Шүүх	Сэлэнгэ аймгийн Мандал сум дахь сум дундын шүүх
Шүүгч	Бямбын Алтанцэцэг
Хэргийн индекс	149/2021/0103/Э
Дугаар	2021/ШЦТ/108
Огноо	2021-11-30
Зүйл хэсэг	17.3.2.1.,
Улсын яллагч	Б.Энхбаяр

Холбоотой шийдвэрүүд

Сэлэнгэ аймгийн Мандал сум дахь сум дундын шүүхийн Шийтгэх тогтоол

2021 оны 11 сарын 30 өдөр

Дугаар 2021/ШЦТ/108

МОНГОЛ УЛСЫН НЭРИЙН ӨМНӨӨС

Сэлэнгэ аймгийн Мандал сум дахь сум дундын шүүхийн шүүгч Б.Алтанцэцэг даргалж явуулсан эрүүгийн шүүх хуралдаанаар:

Нарийн бичгийн дарга Д.Соёлзул

Улсын яллагч Б.Энхбаяр

Шүүгдэгчийн өмгөөлөгч С.Сувдаа

Хохирогч *******, *******, *******, *******, *******,*******, *******, *******, , ,

Шүүгдэгч Ц.******* нарыг оролцуулан тус шүүхийн хуралдааны танхимд нээлттэй хийв.

Сэлэнгэ аймгийн Мандал сум дахь сум дундын Прокурорын газрын хяналтын прокурор, Хууль цаазын дэд зөвлөх О.Нандинцэцэгээс Эрүүгийн хуулийн ерөнхий ангийн 2.2 дугаар зүйлийн 3 дахь хэсгийг журамлан Эрүүгийн хуулийн тусгай ангийн 17.3 дугаар зүйлийн 2 дахь хэсгийн 2.1 дэх хэсэгт заасан гэмт хэрэгт яллах дүгнэлт үйлдэн ирүүлсэн Ц.*******ад холбогдох 2132001150087 дугаартай эрүүгийн хэргийг хүлээн авч хянан хэлэлцэв.

Шүүгдэгчийн биеийн байцаалт:

Монгол Улсын иргэн, 1987 оны 11 дүгээ сарын 13-ны өдөр Сэлэнгэ аймгийн Мандал суманд төрсөн, 34 настай, эрэгтэй, дээд боловсролтой, ам бүл 5 эхнэр 3 хүүхдийн хамт амьдрах, эдийн засагч мэргэжилтэй, хэрэгт холбогдох үедээ Сэлэнгэ аймгийн Мандал сумын Засаг даргын Тамгын газарт Эдийн засаг, Статистик хариуцсан мэргэжилтэн мөн газар тариалан хариуцсан мэргэжилтнээр тус тус ажиллаж байсан. Сэлэнгэ аймгийн Мандал сумын 1 дүгээр баг 96-1-14 тоотод тоотод оршин суудаг, улсаас авсан гавьяа шагналгүй, ял шийтгэлгүй, бие эрүүл, ухаан санаа бүрэн, хэрэг хариуцах чадвартай, /рд:/ Цоохормод овогт Цэдэнбалжирын *******.

Холбогдсон хэргийн талаар яллах дүгнэлтэд дурдсанаар:

- Ц.******* нь Сэлэнгэ аймгийн Мандал сумын Засаг даргын тамгын газар ажиллаж байхдаа албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж Б.Гантөгсөөс 2500000 төгрөг, *******аас 4500000 төгрөг, Б.Мөнхсүлдээс 600000 төгрөгийг тус тус залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 06 дугаар сарын 12-ны өдөр Ц.Зоригоос 3900000 төгрөгийг залилж авсан,

- Сэлэнгэ аймгийн Мандал суманд зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж, нэр хүнд, урьдын харилцааны явцад бий болсон итгэлийг урвуулан ашиглаж 2021 оны 06 дугаар сарын 06-ны өдөр Л.Баярмаагаас 1000000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 06 дугаар сарын 10-ны өдөр Ч.Дэлгэрцэцэгээс 900000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 07 дугаар сарын 31-ний өдөр Б.Баттулгаас 500000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 06 дугаар сарын 11-ний өдөр Д.Ганхуягаас 1600000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 07 дугаар сарын 24-ний өдөр Б.Тогтохмаагаас 500000 төгрөгийг залилж авсан,

- Сэлэнгэ аймгийн Мандал суманд зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж, нэр хүнд, урьдын харилцааны явцад бий болсон итгэлийг урвуулан ашиглаж 2021 оны 07 дугаар сарын 24-ний өдөр *******ээс 2500000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 08 дугаар сарын 01-ний өдөр Н.Болор-Эрдэнээс 450000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 08 дугаар сарын 01-ний өдөр Ц.Мөнхзулаас 500000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 07 дугаар сарын 24-ний өдөр *******гөөс 500000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 07 дугаар сарын 06-ны өдөр *******аас 2250000 төгрөгийг залилж авсан,

- Сэлэнгэ аймгийн Мандал суманд зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж, нэр хүнд, урьдын харилцааны явцад бий болсон итгэлийг урвуулан ашиглаж *******аас 4250000 төгрөг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 07 дугаар сарын 06-ны өдөр Ц.Анхбаяраас 1950000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 08 дугаар сарын 16, 2021 оны 08 дугаар сарын 17-ны өдөр 2 удаагийн үйлдлээр Х.Зулсараас 1201000 төгрөгийг залилж авсан үргэлжилсэн гэмт хэрэг үйлдсэн,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 06 дугаар сарын 12-ны өдөр Д.Батсууриас 1500000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 06 дугаар сарын 12-ны өдөр Ш.Бямбасүрэнгээс 1900000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 06 дугаар сарын 12-ны өдөр *******гаас 1950000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 08 дугаар сарын 15-ний өдөр *******ээс 2 удаагийн үйлдлээр 1500000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 06 дугаар сарын 17, 2021 оны 06 дугаар сарын 29-ний өдрүүдэд аас 2 удаагийн үйлдлээр 3900000 залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 06 дугаар сарын 22-ны өдөр Ц.Туяагаас 2 удаагийн үйлдлээр 700000 төгрөгийг залилж авсан,

- Сэлэнгэ аймгийн Мандал суманд албан тушаалын байдлаа ашиглаж, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж 2021 оны 06 дугаар сарын 11, 2021 оны 06 дугаар сарын 14-ний өдөроос 1950000 төгрөгийг залилж авсан гэмт хэрэгт холбогджээ.

Шүүхийн хэлэлцүүлэгт дараах нотлох баримтуудыг шинжлэн судлав. Үүнд:

Шүүхийн хэлэлцүүлэгт насанд хүрээгүй шүүгдэгч Ц.******* мэдүүлэхдээ: Би мэдүүлэг өгөхгүй. Өмнө нь өгсөн мэдүүлгүүд үнэн зөв мэдүүлэг. Хохирогч нараасаа уучлалт гуйж байна гэжээ.

Хохирогч ******* шүүх хуралдаанд мэдүүлэхдээ: ... 2500000 төгрөгийг Ц.*******ын дансанд үрийн төмс авна гэж мөнгө хийсэн гэв.

Хохирогч ******* шүүх хуралдаанд мэдүүлэхдээ: ... Манай найз Б.Мөнхсүлд нь надад захиргаанд ажилладаг Ц.******* мөнгө зээлж аваад эргүүлэн өгч байгаа. Уг хүн хувьцаа эргэлдүүлж мөнгө нэмж өгч байгаа гэж хэлэхээр нь би итгээд Ц.*******ад 4500000 төгрөгийг өгсөн. Ц.******* нь 7 хоногийн дотор мөнгийг чинь эргэлдүүлээд ашгаас нь 1350000 төгрөг нэмж өгье гэхээр нь итгээд 4500000 төгрөг өгсөн. Би хүүгийнхээ сургалтын төлбөрийг өгсөн. Одоо хүүгээ сургуульд нь явуулж чадаагүй байна гэв.

Хохирогч ******* шүүх хуралдаанд мэдүүлэхдээ: ... 2021 оны 07 дугаар сарын 06-ны өдөр Ц.******* над руу залгаад хүлэмж авах уу гэхээр нь би авъя, мөнгө төгрөгийг яах юм гэхэд Ц.******* нь 6x20 хэмжээтэй хүлэмж 4500 000 төгрөгийн үнэтэй. Хүлэмжээ захиалсан хүн буцааж байгаа юм, урьдчилгаа болох 2 250 000 төгрөг өгчих гэхээр нь Ц.*******ын 5007473327 дугаарын данс руу 2 250 000 төгрөг шилжүүлсэн. Ц.******* надад 7 дугаар сарын сүүлээр хүлэмж ирнэ гэж хэлсэн. Би Ц.*******тай 2021 оны 07 дугаар сарын сүүлээр очиж уулзахад хүлэмж Сэлэнгэ аймаг дээр бэлэн ирчихсэн байгаа, наашаа ачих унаа олдохгүй байна, аймагтайгаа вагоноор юм уу машинаар ачуулах талаар ярилцаж байгаа гэж хэлсэн. ... Би урьд нь сумын ЗДТГ-т жижүүр хийдэг байхад Ц.******* статистик ажилтай байсан гэв.

Хохирогч Хөхөө шүүх хуралдаанд мэдүүлэхдээ: ... Над руу Ганбаа өөрөө утсаар ярьсан тэгээд хөнгөлөлттэй зээлээр оёдлын төсөл ирлээ гэхээр нь надад мөнгө байхгүй байсан ч Үзмээ гэдэг хүнээс мөнгө зээлээд өгсөн. Ганбааг намайг хуурна гэж би ерөөсөө бодоогүй итгэж байсан учраас 50000 төгрөг шилжүүлсэн гэв.

Хохирогч шүүх хуралдаанд мэдүүлэхдээ: ... Би хүлэмж авах гэж 1900000 төгрөг *******ад өгч хүлэмж захиалсан гэв.

Хохирогч шүүх хуралдаанд мэдүүлэхдээ: ... Би өмнө нь эгч ах нартайгаа хүлэмж авах гэж бүртгүүлсэн байсан. Тийм болохоор энэ хүн над руу залгаад хүлэмж ирсэн гэж хэлээд надад хүлэмжнийхээ 50 хувийг өгчих гэж хэлэхээр нь би 5700000 төгрөгийг *******ад өгсөн. Тухайн үед надад 2000000 төгрөг байсан түүн дээрээ би 2000000 төгрөгийг Вишнфандаас зээлсэн. Тэгээд дутсан мөнгөө эгчээсээ аваад өгсөн Одоо би өөрөө төлж байна гэв.

Хохирогч шүүх хуралдаанд мэдүүлэхдээ: ... Манай ээж хүлэмж авна гээд бүртгүүлсэн байсан. Ээж рүү залгаад хүлэмж ирсэн авах уу гэж байна миний охин авчих гэсэн тэгээд би өгсөн дансанд мөнгө хийх гэтэл цоохор мод гэсэн данс байсан. Тэгээд лавлаад асуухад хөдөө аж ахуйн чиглэлээр үйл ажиллагаа явуулдаг юм байна гэхээр нь би мөнгийг нь шилжүүлсэн. 06 дугаар сарын 29-ны өдөр манай ар гэр мөнгө хэрэг болчихлоо гэхээр нь би сарын хугацаатай мөнгө олоод өгье гээд 1400000 төгрөг шилжүүлсэн. Тэгээд хугацаа нь дуусаад залгасан чинь одоо хийлээ гэсэн тэгээд хийхгүй 2 хонохоор нь ажил дээр нь ирсэн чинь хот руу явсан байсан тэгээд холбогдож чадаагүй. 3900000 төгрөг өгсөн гэв.

Хохирогч ******* шүүх хуралдаанд мэдүүлэхдээ: ... Би *******ыг мэднэ манай дүүгийн анги. Намайг хөдөө байхад над руу чат бичсэн байсан азийн хөрөнгө оруулалттай төсөл ирсэн наанаас чинь хамрагдах хүн байна уу гэхээр нь би хамрагдаж болох юм уу гэсэн чинь болно гэхээр нь би 500000 төгрөг хийсэн. Тэгээд хүлэмж бас байгаа гэхээр би дүүдээ аваад өгье гэж бодоод дүүгийнхээ данснаас 1000000 төгрөг шилжүүлсэн нийт 1500000 төгрөг өгсөн. ******* руу залгаад эгч нь мөнгөө авмаар байна гэхэд үү нь бол орох нь тодорхой өгөх мөнгө байхгүй ажилгүй байна гэсэн. Өөрөө хүний мөнгийг өгье гэсэн бодолгүй байна гэв.

Хохирогч ******* шүүх хуралдаанд мэдүүлэхдээ: ... Би энэ хүнд 7900000 төгрөг зээлсэн. Би мобайлдаж чадахгүй болохоор өөрөөр нь мобайлдуулсан. Дараа нь 3500000 төгрөг над руу шилжүүлсэн. Одоо үлдэгдэл мөнгө 4775000 төгрөг байгаа гэв.

Хохирогч******* шүүх хуралдаанд мэдүүлэхдээ: ... Ерөнхийдөө энэ хүмүүстэй адилхан ярьсан байна. та бүртгүүлсэн байна хүлэмж авах уу гэж. 4500000 төгрөг тэрний 50 хувь гэсэн. Эгч нь одоохондоо чадвар байхгүй байна чанга байна ер нь больё гэж хэлэхэд байн байн залгаад би аймаг руу ярилаа та 1500000 төгрөг шилжүүлчих гэсэн тэгэхээр нь би хүүхдийнхээ байшин барих гэж байсан мөнгөнөөс хүүдээ хэлээд хүлэмжтэй болох юм байна гээд ******* руу шилжүүлсэн. Тэгээд *******тай ярихаар худлаа хэлдэг байсан 8 сараас хойш таг болсон.тэгээд би захиргаа ороод хүлэмж яасан юм бол гэж асуухад юу яриад байгаа юм бэ та хулхидуулсан байна гэж мэдээд гомдлоо гаргасан. Арай ч төрийн албан хаагч ийм байж болохгүй донтоно донтоно гэхэд тоглоом руу буруугаа чихээд энэ олон хүнийг хохироож болохгүй гэв.

Хохирогч Б.Алтантуяа шүүх хуралдаанд мэдүүлэхдээ: ... Манай хөрш эмэгтэй 2021 оны 06 дугаар сарын 12-ны өдөр орж ирээд ‘захиргаанд хөдөө аж ахуйн тасгийн мэргэжилтэн хийдэг статистикч албан тушаал дээр ажилладаг Ц.******* надтай сая утсаар яриад төслөөр орж ирэх хүлэмж ирж байгаа гээд би захиалаад мөнгөө шилжүүлчихлээ, чи захиалахгүй юм уу, хямд орж ирж байгаа юм шиг байна’ гэж хэлсэн. Тэгэхээр нь биоос Ц.******* гэх захиргаанд ажилладаг хүний дугаарыг авч, залгаж ярьсан. Тэгээд би Ц.******* гэх хүнтэй ярихад ‘нийт 3 900 000 төгрөгөөр орж ирж байгаа та урьдчилгаа буюу 1 950 000 төгрөгийг Цоохор мод ХХК-ийн дансанд мөнгөө хийчих гэсэн. Тэгээд би 1950 000 төгрөгийг шилжүүлсэн гэв.

Хохирогч *******, Б.Гантөгс, Б.Мөнхсүлд нараас гаргасан гомдол /1-р ХХ-ийн 3 дугаар хуудас/

Хохирогч Б.Гантөгс мөрдөн байцаалтад мэдүүлэхдээ: ... Сэлэнгэ аймгийн Тамгын газрын статистик Ц.******* байна гэж утсаар ярьсан. Манайд маш хямд өртгөөр Солонгос улсаас төслийн шугамаар хүлэмж ирж байгаа, миний мэдлийн асуудал учир би чамд 2 хүлэмж хямд аваад өгье, 1 хүлэмж 5000000 төгрөгийн үнэтэй. Чи надад урьдчилгаа 2500000 төгрөг өгчих гэж хэлсэн. Тэгээд миний мэдлийн асуудал, асуудалгүй гэж хэлэхээр нь итгээд түүний хэлсэн Хаан банкны 5007473327 тоот дансанд 2021 оны 06 дугаар сарын 15-ны өдөр эгч С.Цандармаагийн Хаан банкны 5001107478 тоот данснаас нэг удаагийн гүйлгээгээр шилжүүлсэн гэх мэдүүлэг /1-р ХХ-ийн 6-7 дугаар хуудас/

Ц.******* болон Ц.Насанжаргал нарын Хаан банкны дансны дэлгэрэнгүй хуулга /1-р ХХ-ийн 12-13 дугаар хуудас/

Хохирогч ******* мөрдөн байцаалтад мэдүүлэхдээ: ... Манай найз Б.Мөнхсүлд нь надад захиргаанд ажилладаг Ц.******* мөнгө зээлж аваад эргүүлэн өгч байгаа. Уг хүн хувьцаа эргэлдүүлж мөнгө нэмж өгч байгаа гэж хэлэхээр нь би итгээд Ц.*******ад 4500000 төгрөгийг өгсөн. Ц.******* нь 7 хоногийн дотор мөнгийг чинь эргэлдүүлээд ашгаас нь 1350000 төгрөг нэмж өгье гэхээр нь итгээд 4500000 төгрөг өгсөн” гэх мэдүүлэг /1-р ХХ-ийн 16 дугаар хуудас/

*******, Ц.******* нарын Хаан банкны дансны дэлгэрэнгүй хуулга /1-р ХХ-ийн 19-23 дугаар хуудас/

Хохирогч Б.Мөнхсүлд мөрдөн байцаалтад мэдүүлэхдээ: ... Ц.******* нь хувьцаа авах гэсэн юм, 1000000-2000000 төгрөг байна уу гэж асуусан. Тэгэхээр нь би мөнгө муутай байна, Байгаа мөнгө нь 600000 байна гэхэд тэгвэл 600000 төгрөгөө миний данс руу шилжүүлчих гэж хэлэхээр нь түүний Хаан банкны 5007473327 тоот данс руу 1 удаагийн гүйлгээгээр 600000 төгрөг шилжүүлсэн. ... Бид 2 найзууд, бид хоёр хоорондоо утсаар ярьж байхад би найз *******д ‘найз нь хүнд мөнгө өгөөд эргүүлээд 100000-300000 төгрөг 5-7 хоногийн хугацаанд аваад их зүгээр юм байна билээ” гэж хэлсэн чинь ******* ‘би тэгвэл зүгээр байхаар наад хүнд чинь мөнгө өгөөд эргүүлээд авчихъя л даа гээд надаас утсыг нь авч Ц.******* гэх хүнтэй өөрөө холбогдож 4500000 өгөөд залилуулсан юм байна билээ.” гэх мэдүүлэг /1-р ХХ-ийн 26 дугаар хуудас/

Хохирогч Ч.Дэлгэрцэцэг, Н.Баттогтох нараас гаргасан гомдол /1-р ХХ-ийн 50 дугаар хуудас/

Хохирогч Ч.Дэлгэрцэцэг мөрдөн байцаалтад мэдүүлэхдээ: ... Манайх хувиараа хүнсний ногоо тариалдаг. 2021 оны 06 дугаар сарын 10-ны өдрийн 11 цаг 40 минутын орчимд нөхөр бид хоёр гэртээ байхад Мандал сумын ЗДТГ-н ХАА-н тасгаас Ц.******* гэгч хүн 70367340 гэсэн албаны дугаараас залгаад ‘танайх хүлэмж захиалсан байна, захиалах хэвээрээ юм уу, одоо ирж уулзаад захиалгаа өгч болно’ гэж ярьсан. Манайх урьд нь Мандал сумын ХАА-н тасагт төслийн шугамаар хүлэмж авах гээд захиалчихсан байсан юм. Тиймээс би тухайн өдрийнхөө 11 цаг 50 минутын орчим Мандал сумын ЗДТГ-ын ХАА-н тасгийн өрөөнд очиход ******* өөрөө ажлын өрөөндөө байсан. Тэгээд ******* нь надад ‘одоо 13 цагаас өмнө байгууллагын дансанд урьдчилгаа мөнгө болох 900000 төгрөг шилжүүлчих, би одоо 13 цагт хөдөө шалгалтаар явах гээд байна’ гэж хэлээд 5001395310 дугаарын данс өгсөн. Тэгээд би тухайн данс руу /Цоохор мод ХХК гэсэн данс байсан/ өөрийн нөхрийн 5001415792 гэсэн данснаас 900 000 төгрөг шилжүүлсэн. Түүнээс хойш би *******ын 99939050 дугаарын утас руу 2021 оны 08 дугаар сарын эхээр залгахад ‘Би өөрөө Сэлэнгэ аймаг руу гарч байна, очоод хүлэмжийн компанитай уулзах гэж байна, хүлэмжээ та нар очоод авах боломжтой юу’ гэж ярьсан. Тэгвэл бид нар өөрсдөө очиж унаатайгаа хүлэмжээ авъя гэсэн чинь ******* аймаг дээр очоод буцаагаад яръя гэж хэлэд таг алга болсон. ...Би ******* гэдэг хүнийг танихгүй, Сумын ХАА-н тасгаас ярьж байна гээд өөрөө холбогдсон. Өөрийгөө Мандал сумын ХАА-н тасгийн мэргэжилтэн гэж танилцуулсан. Мөн би өөрөө түүний ажлынх нь өрөөнд очиж уулзсан. Түүний ажлын өрөө Мандал сумын ЗДТГ-ын байрны 3 дугаар давхарт байсан гэх мэдүүлэг /1-р ХХ-ийн 55 дугаар хуудас/

Н.Баттогтохын Хаан банкны дансны дэлгэрэнгүй хуулга /1-р ХХ-ийн 51-52 дугаар хуудас/

Хохирогч Ц.Зоригоос гаргасан гомдол /1-р ХХ-ийн 64 дүгээр хуудас/

Хохирогч Ц.Зориг мөрдөн байцаалтад мэдүүлэхдээ: ... Манайх хувиараа хүнсний ногоо тариалдаг юм. 2021 оны 06 дугаар сарын 12-ны өдөр Мандал сумын ЗДТГ-н ХАА-н тасгаас Ц.******* гэгч хүн 99933950 гэсэн дугаараас миний өөрийн утас руу залгаад ‘танайх хүлэмж захиалсан байна, хүлэмж аймаг дээр ирчихсэн байна, 40x6 метрийн харьцаатай хүлэмж ирсэн, хоёрхон үлдлээ, авах бол урьдчилгаа мөнгө болох 3 900 000 төгрөг хийгээд үлдэгдэл мөнгийг нь 10, 11 дүгээр саруудад хийж болно.’ гэж ярьсан. Манайх урьд нь Мандал сумын ХАА-н тасагт төслийн шугамаар хүлэмж авах гээд захиалчихсан байсан юм. Тиймээс би эхнэртэйгээ ярилцаж байгаад дээрх хүлэмжийг авахаар болоод тухайн өдөртөө *******ын өгсөн 5001395310 дугаарын /Цоохор мод ХХК/ данс руу урьдчилгаа мөнгө болох 3900 000 төгрөг шилжүүлсэн. Түүнээс хойш хүлэмжээ *******аас асуухаар коронатай холбоотой ирэхгүй байна, унаа байхгүй байна, би өөрөө очиж хүлэмжээ шалгах шаардлагатай байна гэх мэтээр хойшлуулаад байсан. Тэгээд сүүлдээ ******* нь утсаа авахгүй байгаад, утас нь холбогдохгүй болохоор нь залилуулсан гэдгээ мэдсэн. Би ******* гэх хүнийг танихгүй, Сумын ХАА-н тасгаас ярьж байна гээд өөрөө холбогдсон. Өөрийгөө Мандал сумын ХАА-н тасгийн мэргэжилтэн Болормаа гэдэг хүний ажлыг орлож ажиллаж байгаа хүн гэж танилцуулсан. Би Болормаа эгчийг хүүхэд асрах чөлөөтэй байгаа гэдгийг мэдэж байсан учраас түүнийг орлож байгаа хүн юм байна гэж ойлгосон гэх мэдүүлэг /1-р ХХ-ийн 70 дугаар хуудас/

Ц.Солонгын Хаан банкны дансны дэлгэрэнгүй хуулга /1-р ХХ-ийн 66 дугаар хуудас/

Хохирогч Н.Болор-Эрдэнээс гаргасан гомдол /1-р ХХ-ийн 79 дүгээр хуудас/

Хохирогч Н.Болор-Эрдэнэ мөрдөн байцаалтад мэдүүлэхдээ: ... 2021 оны 07 дугаар эхээр урьд Сод Монгол группэд цуг ажилладаг байсан Ц.******* нь Мөнх ногоон тал ХХК-ийн жилийн 3 хувийн хүүтэй зээлд хамруулж өгье, урьдчилгаа 1500000 төгрөг өгчих гэсэн. Би тухайн мөнгө байхгүй гээд түүнд өгөөгүй. Сүүлд нь 08 дугаар сарын 01-ний өдөр Ц.******* руу Ковид өвчний үед иргэдийн амьжиргааг дэмжих зорилготой хөдөө аж ахуйн чиглэлээр төсөл орж ирсэн., чи урьдчилгаа 500000 төгрөг өгчих төсөлд хамруулаад өгье гэсэн. Эхлээд над руу чат бичээд төслүүдийн зургийг явуулаад тэгээд дараа нь утсаар яриад би түүний өгсөн 5007473327 дугаарын данс руу өөрийн нөхрийн ХХБ-ны 455058231 данснаас өөрт байсан 450000 төгрөг шилжүүлсэн гэх мэдүүлэг /1-р ХХ-ийн 84 дүгээр хуудас/

Худалдаа хөгжлийн банкны дансны мэдээлэл, Ц.*******ын Хаан банкны дансны дэлгэрэнгүй хуулга /1-р ХХ-ийн 80-81 дүгээр хуудас/

Хохирогч Б.Баттулгаас гаргасан гомдол /1-р ХХ-ийн 93 дугаар хуудас/

Хохирогч Б.Баттулга мөрдөн байцаалтад мэдүүлэхдээ: ... Би хувиараа барилгын ажил хийхээс гадна хүнсний ногоо тариалдаг юм. Би хугацааг нь сайн санахгүй байна 2021 оны 07 дугаар бард байх, хуучин 3 дугаар багийн нийгмийн ажилтнаар ажиллаж байгаад захиргаанд статистикчиар ажилладаг байсан ******* гэгч нь над руу залгаад төслийн шугамаар хямдралтай хүлэмж олгоно, 7 сая төгрөгийн төсөл юм, чи орох уу гэж байсан. Би тухайн үед Улаанбаатар хотод аавыгаа хагалгаанд оруулах гэж явж байсан тул одоогоор мөнгөний боломж алга гэж хэлсэн. Гэтэл 2021 оны 07 дугаар сарын 31-ний өдөр ******* дахин утсаар залгаад нөгөө төсөл чинь цөөхөн хүнд л олдох юм, би хамрагдаач, эхний ээлжид 500000 төгрөг шилжүүлчих, би чамайг төсөлд хамруулаад өгье гэсэн. Тэгээд би өөрийн данснаас *******ын нэр дээрх 5007473327 дугаарын данс руу 2021 оны 05 дугаар сарын 31-ний өдөр 500000 төгрөг шилжүүлсэн. Түүнээс хойш одоо болтол *******аас мөнгөө авч чадахгүй, хүлэмжээ ч авч чадахгүй болохоор нь ажил дээр нь очоод түүнийг асуухад ажилдаа ирэхгүй, хаяад явчихсан гэж байсан. Тэгээд би залилуулсан гэдгээ мэдсэн гэх мэдүүлэг /1-р ХХ-ийн 101 дүгээр хуудас/

Б.Баттулгын Хаан банкны дансны дэлгэрэнгүй хуулга, Б.Баттулга, Ц.******* нарын хоорондоо харилцсан чат/ мессежний хуулбар /1-р ХХ-ийн 94-98 дугаар хуудас/

Хохирогч Л.Баярмаагаас гаргасан гомдол /1-р ХХ-ийн 110 дугаар хуудас/

Хохирогч Л.Баярмаа мөрдөн байцаалтад мэдүүлэхдээ: ... Мандал сумын ЗДТГ-т статистикчиар ажилладаг Ц.******* нь 2021 оны 04 билүү, 5 сард надаас 500000 төгрөг зээлээд буцаагаад 2021 оны 06 дугаар сарын 02-ны өдөр өгсөн юм. Тэгээд дараа нь 2021 оны 06 дугаар сарын 06-ны өдөр Ц.******* нь дахин холбогдоод 1000 000 төгрөг зээлчих, төмсний үр хямд үнээр аваад буцаагаад ашиг гаргаж зарчхаад 7-8 хоногийн дараа буцаагаад өгье гэсэн. Тухайн үед надад мөнгө байхгүй байсан учраас би байхгүй гэж хэлэхэд надад хүнээс ч хамаагүй зээлээд өгчих гээд гуйгаад байхаар нь би манай багт дэлгүүр ажиллуулдаг Ч.Пүрэвжав гэх хүнээс 1 000 000 төгрөг зээлээд *******ын нэр дээрх 5007473327 дугаарын данс руу шилжүүлсэн. Тэгээд түүнээс хойш ******* мөнгөө өгөхгүй, очиж уулзахаар удахгүй өгнө гэсээр байгаад одоог хүртэл өгөөгүй. ... Ц.******* нь урьд надаас зээлсэн мөнгөө хэлсэн цаг хугацаандаа өгсөн болохоор би түүнд итгэж хүнээс мөнгө зээлж өгөөд залилуулчихлаа. Би Ц.*******ыг сайн танина. Бид хоёр бага байхаасаа нэг нутагт өссөн. Эгч нь манай ангийн хүүхэд байсан. Мөн ажил үүргийн хувьд ч байнгын холбоотой байсан гэх мэдүүлэг /1-р ХХ-ийн 115 дугаар хуудас/

Дансны мэдээлэл /1-р ХХ-ийн 111-112 дугаар хуудас/

Хохирогч Б.Тогтохмаагаас гаргасан гомдол /1-р ХХ-ийн 129 дүгээр хуудас/

Хохирогч Б.Тогтохмаа мөрдөн байцаалтад мэдүүлэхдээ: ... 2021 оны 07 дугаар сарын 24-ний өдөр намайг эмнэлэгт хэвтэж байхад Мандал сумын ЗДТГ-т ажилладаг Ц.******* гэгч хүн 99933950 гэсэн дугаараас над руу залгаад ‘Цагаан идээний тоног төхөөрөмж оруулж ирэх төсөл, 7 сая төгрөгийн тусламж цөөхөн айлд ирсэн байна. 7000000 төгрөгийг нь сумын хөгжлийн сангаас гаргах юм, та одоо миний данс руу 500000 төгрөг явуулчих, би тухайн төсөл, тусламжийг танайд аваад өгье’ гэсэн. Тэгэхээр нь би хүнээс хүүтэй мөнгө зээлээд 500000 төгрөгийг *******ын 5007473327 дугаарын дансанд шилжүүлсэн. Надад утсаар төслийн мөнгө 2021 оны 08 дугаар сарын 10-ны өдөр гэхэд ороод ирнэ гэж хэлсэн. Би *******ыг Мандал сумын ЗДТГ-т ажилладаг гэдгийг нь мэдэж байсан учраас түүнд итгээд мөнгийг шилжүүлсэн гэх мэдүүлэг /1-р ХХ-ийн 134 дүгээр хуудас/,

Б.Тогтохмаа болон Ц.*******ын Хаан банкны дансны дэлгэрэнгүй хуулга /1-р ХХ-ийн 130-131 дүгээр хуудас/

Хохирогч *******ээс гаргасан гомдол /1-р ХХ-ийн 143-144 дүгээр хуудас/

Хохирогч ******* мөрдөн байцаалтад мэдүүлэхдээ: ... Би хувиараа төмс тариалдаг, мөн хүмүүстэй хамтарч хүлэмжийн аж ахуй эрхэлдэг. Гэтэл Мандал сумын ЗДТГ-т статистик хариуцсан мэргэжилтэн Ц.******* гэгч нь Зүүнхараагаас үрийн төмс 1кг-ыг нь 200 төгрөгөөр худалдаж аваад Төв аймгийн Цээл сум руу арай өндөр үнээр буюу 1 кг-ыг нь 350 төгрөгөөр зарж нийлүүлэн дундаас нь ашиг олох боломж байна, хүүтэй мөнгө зээлчих би буцаагаад 2021 оны 06 дугаар сарын 15-ны өдөр гэхэд өгчихнө гээд надаас эхлээд 2021 оны 05 дугаар сарын 01-ний өдөр 1500000 төгрөг зээлж авсан. ... Маргааш өдөр нь ******* дахин залгаад би чамаас авсан 1500000 төгрөгөөр төмс авчихлаа, ачаа дүүрэхгүй байна, ачаагаа дүүргэхийн тулд та өөрөө төмс хямд аваад Цээл рүү зарж ашгийг нь ав гэхээр нь би түүний данс руу дахин 1000000 төгрөг шилжүүлсэн. Харин 2021 оны 05 дугаар сарын 08-ны өдөр Ц.******* над руу яриад зээл төлөлт хийх гээд 500000 төгрөг явуулчих, би урьд авсан мөнгөтэй, хүүтэй нь цуг буцааж өгнө гэхээр нь би шилжүүлсэн. Дараа нь би 2021 оны 05 дугаар сарын 20-ны өдөр ******* руу яриад мөнгө хэрэг болоод байна гээд 500000 төгрөгийг буцааж авсан. Тэгээд түүнээс хойш 2021 оны 06 дугаар сарын 10-нд гаргаад ******* руу залгаад мөнгөө авъя гэхэд янз бүрийн шалтаг яриад хойшлуулаад байсан тул би түүний яриад байсан үрийн төмсний асуудал худал болсон юм шиг санагдаж эхэлсэн. Тиймээс би түүнийг мөнгөө өг, талыг нь ч гэсэн буцаагаад өг гэж яаруулсан Гэтэл надад аймгийн аж ахуйн газраас хөнгөлөлтэй үнээр, төслийн хүрээнд хүлэмж олгож байна, Хүлэмжийн тал мөнгийг аймгийн ХАА-н газар луу оруулаад чамд хүлэмж аваад өгье гэсэн. 2021 оны 06 дугаар сарын 25-ны өдөр гэхэд хүлэмж хүрээд ирнэ гэж байсан. Тэгээд би тухайн үед мөнгөгүй үлдэж байснаас хүлэмжтэй ч гэсэн болъё гэж бодоод итгээд хүлээсэн. Гэтэл хүлэмж ирэхгүй, ******* утсаа авахгүй, фейсбүүк хаяг нь өөрчлөгдсөн байсан би түүнд залилуулсан гэдгээ мэдсэн. Би урьд нь Түнхэл тосгоны захиргаанд мэргэжилтэн хийдэг байсан тул ажлын шугамаар *******ыг таньдаг байсан. ******* нь эхлээд 3 дугаар багийн нийгмийн ажилтан хийж байгаад сүүлд Мандал сумын ЗДТГ-т статистикчаар ажиллаж байсан. Тиймээс би *******ыг танина, ******* ч намайг танина. ******* нь над руу ярьж мөнгө авах үедээ Мандал сумын ЗДТГ-т статистик хариуцсан мэргэжилтнээр ажиллаж байсан юм. Мандал сумын хэмжээнд хүнсний ногоо тариалж, газар тариалан эрхэлж буй хувь хүн болон ААН-н талаарх бүх мэдээлэл судалгаа нь статистик хариуцсан мэргэжилтэнд байдаг. Өөрөөр хэлбэл *******ад Мандал сумын хэмжээнд газар тариалан эрхэлдэг бүх хүний судалгаа байдаг гэсэн үг. Тиймээс ******* нь намайг хүнсний ногоо тариалж, хүлэмжийн аж ахуй эрхэлдэг гэдгийг сайн мэдэж байсан тул үрийн төмс худалдаж хямд ав, хүлэмж ав гэх мэтээр хуурамч нөхцөл байдал бүрдүүлэн төөрөгдөлд оруулж залилсан байна гэх мэдүүлэг /ХХ-ийн 154-155 дугаар хуудас/

******* болон Ц.******* нарын Хаан банкны дансны дэлгэрэнгүй хуулга /ХХ-ийн 145-152 дугаар хуудас/

Хохирогч Д.Ганхуягаас гаргасан гомдол /1-р ХХ-ийн 164 дүгээр хуудас/

Хохирогч Д.Ганхуяг мөрдөн байцаалтад мэдүүлэхдээ: ... Би өөрөө хувиараа аж ахуй эрхэлж хүнсний ногоо тариалдаг юм. Тэгээд манай урьд хөнгөлөлттэй зээлээр хүлэмж авах хүсэлтийг Мандал сумын ЗДТГ-т гаргаж байсан юм. Гэтэл 2021 оны 05 дугаар сард Мандал сумын ЗДТГ-н ХАА-н тасгийн ажилтан Ц.******* гэгч хүн 99933950 гэсэн дугаараас над руу залгаад ‘танайх урьд хүлэмж авахаар хүсэлт гаргаж байсан юм байна. ХАА-н яамны төслөөр ногоочдод хөнгөлөлттэй зээлээр хүлэмж олгож байна. Хүлэмжийн мөнгө 3200000 төгрөг тушаах юм байна. Эхний ээлжид энэ мөнгөний 50 хувийг хийгээрэй’ гээд 5001395310 дугаарын дансыг өгсөн. Тиймээс би төслийн шугамаар хүлэмж авах зорилгоор дээрх данс руу 2021 оны 06 дугаар сарын 11-ний өдөр 1 600 000 төгрөг шилжүүлсэн. Түүнээс хойш хүлэмжээ ******* гэдэг хүнтэй утсаар холбогдохоор Сэлэнгээс ачуулах гээд бэлэн болчихсон байна, машин олдохгүй байна, одоо удахгүй ирнэ гэх мэтийн шалтаг яриад хойшлуулаад байсан. Тэгээд 2021 оны 08 дугаар сарын 25-ны дөр ЗДТГ-т очоод ******* гэдэг хүнтэй уулзах гээд захиалсан хүлэмжээ асуух гэтэл ажилдаа ирэхгүй байгаа гэсэн. Би ******* гэх хүнийг танихгүй, түүнийг харж байгаагүй, Тэр ******* гэх хүн над руу утсаар залгаад ЗДТГ-т ажилладаг юм. Таны хүлэмж авах гэсэн хүсэлтийн дагуу ярьж байна, цөөхөн хүлэмж ирсэн, яаралтай мөнгө шилжүүлээрэй гэсэн. Тиймээс би урьд хүлэмж авах өргөдөл гаргасан болохоор тухайн өргөдлийн дагуу надад хүлэмж олгох юм байна гэж итгээд л тухайн хүний данс руу мөнгө шилжүүлсэн гэх мэдүүлэг /1-р ХХ-ийн 169 дүгээр хуудас/

Д.Ганхуяг болон Ц.******* нарын Хаан банкны дансны дэлгэрэнгүй хуулга /1-р ХХ-ийн 165-166 дугаар хуудас/

Хохирогч *******аас гаргасан гомдол /1-р ХХ-ийн 178 дугаар хуудас/

Хохирогч ******* мөрдөн байцаалтад мэдүүлэхдээ: ... Мандал сумын 2 дугаар багийн даргын үйлчлэгч Сувдаа надад захиргаанд ажилладаг ******* гэх хүн мөнгө зээлүүлээч гэхээр нь би хэдэн төгрөг хэрэгтэй байгаа юм бэ гэж асуухад 800000 төгрөг хэрэгтэй гэхээр нь би Ц.*******ад сарын 10 хувийн хүүтэй зээлж байгаа гэхэд Ц.******* зөвшөөрөөд Ц.*******ын 5001395310 тоот данс руу 2021 оны 03 дугаар сарын 29-ний өдөр 675000 төгрөг шилжүүлсэн. Маргааш нь 2021 оны 03 дугаар сарын 30-нд 5001395310 тоот данс руу 1400000 төгрөг, 2021 оны 04 дүгээр сарын 01-нд 5001395310 тоот данс руу 1000000, 2021 оны 04 дүгээр сарын 01-нд 5001395310 тоот данс руу 200000 төгрөг, 2021 оны 04 дүгээр сарын 05-нд 5001395310 тоот данс руу 5000000 төгрөг шилжүүлсэн.Тэгээд 2021 оны 04 дүгээр сарын 14-ний өдөр *******аас 3600000 төгрөг төлөөд одоо үлдэгдэл 100000 төгрөг авсан. ******* надад нийт 8375000 төгрөг зээлснээс 3600000 төгрөг төлөөд үлдэгдэл 4775000 төгрөг, зээлийн хүү нэмээд 6533000 төгрөг нэхэмжилж байна. Ц.******* надаас мөнгө зээлж авахдаа манайд ирээд миний гар утаснаас Ц.******* 5001395310 тоот данс руу мөнгө шилжүүлдэг байсан. Би мобайл банкийг сайн ашиглаж чаддаггүй байсан. Би 05 дугаар сарын 01-ний өдөр *******ын ажил дээр очиход мөнгө орж ирээгүй байна, та энэ сарын 05-ны өдөр хүрээд ир гэхээр нь би дахиад 05-ны өдөр очиход мөнгө орж ирээгүй, орж ирвэл таны данс руу шилжүүлнэ гэж хэлсэн. Би 06 дугаар сарын эхээр ажил дээр очиход ******* ажил дээрээ байхгүй байсан. Тэгээд надаас дахин мөнгө зээлнэ гэхээр нь одоо надад мөнгө байхгүй гэж хэлсэн. Тэгээд 7 дугаар сарын эхээр *******ын ажил дээр очиход мөнгө орж ирээгүй байна, ирэхээр нь явуулна гэхээр нь би 07 дугаар сарын 07-ны өдөр ажил дээр нь дахин очиход ажил дээрээ байхгүй байсан. Тэгээд утсаар залгахад ******* ‘би корона тусаад Баянхангайн гэртээ гэрийн хорионд байна, наадмын өмнө та ирэхгүй яасан юм бэ, надад мөнгө байсан. Таны данс руу шилжүүлж чадаагүй өөр хүн рүү явуулчихлаа гэж хэлсэн. Дараа нь мөнгө орж ирж байна уу гэхэд Улаанбаатар хотод бөмбөгөр зах дээр байцаа зарж байгаа, мөнгө орж ирэхээр нь би өгнө гэж хэлсэн. Тэгээд мөнгө өгөхгүй байхаар нь 2021 оны 07 дугаар сарын 30-нд очиход Ц.******* би хуралтай байна, орой хүнээс мөнгө аваад тань руу шилжүүлнэ гэж надад худлаа яриад намайг залилаад байсан. 2021 оны 08 дугаар сарын 30-ны өдөр Ц.*******ын ажил дээр нь очиход *******ыг ажлаасаа гарсан гэж хэлсэн. Ц.*******ын утас руу зөндөө залгасан боловч миний дугаарыг огт авахгүй байсан. ******* нь би модны компанитай, би таньд мод олж өгнө, Би төсөл бичиж байгаа, та хүлэмж авах уу гэхээр нь би авахгүй гэж хэлсэн. Сарын эхээр мөнгө орж ирнэ, тэгэхээр таны мөнгийг хүүтэй нь өгнө гэж хэлээд мөнгө зээлж авдаг байсан гэх мэдүүлэг /1-р ХХ-ийн 183 дугаар хуудас/

*******ын Хаан банкны дансны дэлгэрэнгүй хуулга /1-р ХХ-ийн 179-180 дугаар хуудас/

Хохирогч Ш.Бямбасүрэнгээс гаргасан гомдол /1-р ХХ-ийн 198 дугаар хуудас/

Хохирогч Ш.Бямбасүрэн мөрдөн байцаалтад мэдүүлэхдээ: ... 2021 оны 06 дугаар сарын 12-ны өдөр миний 99879840 дугаарын утас руу албан байгууллагын бололтой 70-тай дугаараас залгаж “Би сумын эдийн засагч Ц.******* гэж хүн байна. Би сумын тамгын хөдөө аж ахуйн тасгийг давхар орлож хийж байгаа хүн байна. Та 2019 онд хүлэмж авахаар сумын тамгын газарт хүсэлт гаргаж байсан байна. Тэрний дагуу тань руу залгаж байна, Солонгос улсад үйлдвэрлэгдсэн 6х40 хэмжээтэй усалгааны системтэй хүлэмж 5 ширхэг манай суманд ирж байгаа. Одоо 3 хүлэмж эзэнтэй болсон. Би өмнө нь хүлэмж авахаар захиалсан байсан хүмүүстэй холбогдож байгаа юм, 1 ширхэг хүлэмж 3800000 төгрөгийн үнэтэй. Та урьдчилгаа 50 хувийг өгөөд хүлэмж авч болно. Үлдэгдэл 50 хувь 1900000 төгрөгийг намар 11 сард өгч болно, та авах уу гэж гэж надаас асуусан. Тэгээд би авъя гэж хэлээд 2021 оны 06 дугаар сарын 12-ны өдөр өөрийн охин Э.Жаргалын Хаан банкны 5020845799 тоот данснаас 5001395310 дугаарын данс руу 1900000 төгрөг шилжүүлсэн гэх мэдүүлэг /1-р ХХ-ийн 203-204 дүгээр хуудас/

Хохирогч *******аас гаргасан гомдол /1-р ХХ-ийн 216 дугаар хуудас/

Хохирогч ******* мөрдөн байцаалтад мэдүүлэхдээ: ... 2021 оны 07 дугаар сарын 06-ны өдөр Ц.******* над руу залгаад хүлэмж авах уу гэхээр нь би авъя, мөнгө төгрөгийг яах юм гэхэд Ц.******* нь 6x20 хэмжээтэй хүлэмж 4500000 төгрөгийн үнэтэй. Хүлэмжээ захиалсан хүн буцааж байгаа юм, урьдчилгаа болох 2250000 төгрөг өгчих гэхээр нь Ц.*******ын 5007473327 дугаарын данс руу 2250000 төгрөг шилжүүлсэн. Ц.******* надад 7 дугаар сарын сүүлээр хүлэмж ирнэ гэж хэлсэн. Би Ц.*******тай 2021 оны 07 дугаар сарын сүүлээр очиж уулзахад хүлэмж Сэлэнгэ аймаг дээр бэлэн ирчихсэн байгаа, наашаа ачих унаа олдохгүй байна, аймагтайгаа вагоноор юм уу машинаар ачуулах талаар ярилцаж байгаа гэж хэлсэн. ... Би урьд сумын ЗДТГ-т жижүүр хийдэг байхад Ц.******* статистикч ажилтай байсан гэх мэдүүлэг /1-р ХХ-ийн 221 дүгээр хуудас/

Хохирогч аас гаргасан гомдол /1-р ХХ-ийн 234 дүгээр хуудас/,

Харилцан бичсэн зурвасын зурган үзүүлэлтүүд /1-р ХХ-ийн 237-249 дүгээр хуудас/

Хохирогч Х.Зулсараас гаргасан гомдол /2-р ХХ-ийн 20 дугаар хуудас/

Хохирогч Х.Зулсар мөрдөн байцаалтад мэдүүлэхдээ: ... 2021 оны 08 дугаар сарын 16-ны орой 17 цаг 04 минутад миний фейсбүүк чатанд “Ganbat” гэх хаягаас чат зурвас ирсэн. Нарны өртөө зочид буудалд ажиллаж байсан, одоо захиргаанд ажиллаж байгаа ******* байна. Таньж байна уу гэж надаас асуусан. Тэгэхээр нь би таньж байгаагаа хэлэхэд ‘танайх ногоогоо тарьж байгаа юу, ямар нэгэн төсөл хөтөлбөрт хамрагдсан уу’ гэж асуусан. Тэгэхээр нь би ямар нэг төсөл хөтөлбөрт хамрагдаагүй, ямар төсөл байдаг вэ гэж асуухад ‘Азийн хөгжлийн банкны хөрөнгө оруулалттай иргэний нийгмийн байгууллага хэрэгжүүлж байгаа төсөл байгаа, Төсөл дотроо зөгий, хүлэмж, төмс, хүнсний ногооны тоног төхөөрөмж, буцалтгүй, өгөх юм байна гэж надад хэлэхээр нь би хүлэмжийн төсөлд хамрагдаж хүлэмж авах хэрэгтэй байна гэж *******ад чатаар хэлсэн. ******* би одоо Улаанбаатар хотод хүлэмж болон бусад тоног төхөөрөмжөө Зүүнхараа руу ачуулах гээд айл өрх сонгож байна. Чи хүлэмж авна гэвэл нэрийг чинь оруулаад эндээс ачаад гарлаа гэж хэлсэн. 6500000 төгрөгийн үнэтэй, хучлагатай, усалгааны системтэй, солонгос улсад үйлдвэрлэгдсэн хүлэмж гэж хэлсэн. Тэгэхээр нь би мөнгийг нь бөөнд нь өгөх юм уу, ямар шалгуураар өгөх вэ төсөл хөтөлбөрт хамрагдахаар өргөдөл гаргах уу гэж асуухад ‘өргөдөл хэрэггүй, иргэний үнэмлэхийн зургаа дараад явуулчих, би чамд нэг ширхэг хүлэмж 400 000 төгрөгөөр аваад өгье гэж хэлсэн. Тэгээд би *******ын хэлсэн ХААн банкны 500747332 тоот дансанд 400 000 төгрөгийг 2021 оны 08 дугаар сарын 16-ны өдөр шилжүүлсэн. Маргааш нь буюу 2021 оны 08 дугаар сарын 17-ны өдөр Ц.******* нь над руу фейсбүүкээр чат бичиж Зүүнхараа руу салж байна, дахиад хүлэмж авах хүн байна уу, найдвартай хэл ам хийхгүй хүн олох хэрэгтэй байна гэхээр нь адилхан хүлэмж юм бол өөртөө дахин 2 ширхгийг авъя гэж хэлээд дахин 801 000 төгрөгийг түүний 5007473327 тоот дансанд 2021 оны 08 дугаар сарын 17-ны өдөр нөхөр Э.Өнөболдын данснаас шилжүүлсэн гэх мэдүүлэг /2-р ХХ-ийн 27-28 дугаар хуудас/

Хохирогч аас гаргасан гомдол /2-р ХХ-ийн 43 дугаар хуудас/

Хохирогч мөрдөн байцаалтад мэдүүлэхдээ: ... 2021 оны 06 дугаар сарын 17-ны өдөр манай эх Д.Батчимэг над руу 14 цаг өнгөрч байхад залгасан. Тухайн үед ээж Д.Батчимэг ‘би 2020 онд захиргаанд хүлэмж авахаар бүртгүүлсэн байсан юм, тэр хүн над руу хүлэмж авах уу гэж залгаж байна, би сайн ойлгосонгүй, чи яриад үз дээ гэсэн. Тэгээд би ээж Д.Батчимэгийн хэлсэн 99939050 дугаарын утас руу залгаж ярихад сумын тамгын газрын статистикч болон хөдөө аж ахуйн тасгийг давхар хариуцан ажиллаж байгаа Ц.******* гэдэг хүн байна. Танай эх манайх дээр 2020 онд хүлэмж авахаар бүртгүүлж байсан юм байна, Солонгос улсад үйлдвэрлэгдсэн 5 000 000 төгрөгийн үнэтэй 10х20 хэмжээтэй хүлэмж гэж хэлсэн. Тэгээд урьдчилгаа 2 500 000 төгрөгийг өгчих, үлдэгдэл 2 500 000 төгрөгийг 9 дүгээр сараас 2,3 хуваагаад авч болно гэж хэлсэн. Тэгэхээр нь хөдөө аж ахуйн тасагт ажил хийдэг Ц.******* гэдэг хүн байдаг уу гээд сумын захиргааны жижүүр болон ажлынх нь хүмүүсээс асуухад Ц.******* гэдэг хүн байдаг гэж хэлэхээр нь итгээд түүний хэлсэн 5001395310 тоот данс руу 2021 оны 06 дугаар сарын 17-ны өдөр 18 цаг 01 минутад шилжүүлсэн. Би Ц.******* гэж хүнээс хүлэмж ирж байгаа юу, хэзээ ирэх вэ гэж асуухад удахгүй ирнэ, Сэлэнгээс ачуулах гэж байгаа гэдэг байсан. Ц.******* нь 2021 оны 06 дугаар сарын 29-ний өдөр над руу 99939050 дугаарын утаснаас залгаж надад хүүтэй мөнгө олоод өгөөч, жоохон асуудал гарчихлаа, яаралтай хэрэг байна, төслийн мөнгө орж ирэхээр нь найдвартай өгнө гэж хэлэхээр нь би итгээд өөрт байсан 1 400 000 төгрөгийг түүний 5007473327 тоот данс руу шилжүүлсэн гэх мэдүүлэг /2-р ХХ-ийн 50-51 дүгээр хуудас/

Хохирогч Ц.Туяагаас гаргасан гомдол /2-р ХХ-ийн 66 дугаар хуудас/

Хохирогч Ц.Туяа мөрдөн байцаалтад мэдүүлэхдээ: ... 2021 оны 06 дугаар сарын 22-ны өдөр сумын тамгын газарт ажиллах зүс таних Ц.******* 99971268 дугаарын утаснаас миний 95855081 дугаарын утас руу 11 цаг 40 минутын үед залгасан. Тухайн үед Ц.******* нь ‘эгчээ манай дээр маш хямд хүлэмжийн төсөл орж ирж байгаа, цөөхөн тоогоор ирж байгаа, та нэг хүлэмж өөртөө авахгүй юм уу, Солонгос улсад үйлдвэрлэгдсэн 6000 000 төгрөгийн үнэтэй, 6х20 хэмжээтэй хүлэмж гэж хэлсэн. Тэгээд урьдчилгаа 500 000 төгрөгийг өгчих гэж хэлсэн. Тэгээд би ямар материал бүрдүүлэх шаардлагатай вэ гэж асуухад Ц.******* нь материал бүрдүүлэх шаардлага байхгүй, та миний 5007473327 тоот данс руу 500000 төгрөгөө хийчих гэж хэлсэн. Тэгэхээр нь би итгээд Ц.*******ын дансанд нөхөр Ц.Төмөрхуягийн ХААН банкны 5374102965 тоот данснаас 11 цаг 53 минутад 500000 төгрөг шилжүүлсэн. Уг өдрийн 14 цагийн үед Ц.******* над руу дахин залгаж жижиг хүлэмж авах уу 200000 төгрөгийн үнэтэй, хямд юм байна гэж хэлэхээр нь тэгье гэж хэлээд 200000 төгрөгийг шилжүүлсэн. Нийт 700 000 төгрөг шилжүүлж залилуулсан” гэх мэдүүлэг /2-р ХХ-ийн 72-73 дугаар хуудас/

Хохирогч Д.Батсууриас гаргасан гомдол /2-р ХХ-ийн 86 дугаар хуудас/

Хохирогч******* мөрдөн байцаалтад мэдүүлэхдээ: ... 2021 оны 06 дугаар сарын 25-ны өдөр 99939050 дугаарын утаснаас миний 99257993 дугаарын утас руу 14 цагийн үед захиргаанд ажилладаг зүс таних Ц.******* залгаж ярьсан. Тухайн үед Ц.******* надтай утсаар ярихдаа ‘та 2020 онд хүлэмж авахаар сумын тамгын газрын хөдөө аж ахуйн тасагт нэрээ өгсөн байна. Манайд хөнгөлөлттэй нөхцөлөөр солонгос улсаас хүлэмж ирж байгаа, та хамрагдаж хүлэмж авах уу гэж надаас асуусан. Би тухайн үед хэдэн төгрөгийн өртөгтэй, ямар хэмжээтэй хүлэмж байгаа талаар асуухад 6х40 хэмжээтэй хүлэмж бөгөөд 4500 000 төгрөгөөр ирж байгаа урьдчилгаа 50 хувийг төлөөд хүлэмж авч болох юм байна гэж хэлсэн. Тэгэхээр нь би 4500 000 төгрөгийн урьдчилгаа 2 250 000 төгрөг одоогоор байхгүй гэж хэлэхэд би аймгийн хүнтэй яриад эргээд хэлье гэж хэлээд утсаа салгасан. Удалгүй аймгийн хөдөө аж ахуйн тасгийн хүнтэй ярьсан, та 1 500 000 төгрөгөөр авахгүй юу гэж надад хэлсэн. Тэгэхээр нь би 1 500 000 төгрөг хүнээс зээлж Ц.*******ын надад хэлсэн ХААН банкны 5007473327 тоот дансанд дүү Г.Эрдэнэбилэгийг ХААН банкны 5058497043 дугаарын данснаас 1500 000 төгрөгийг гар утасны интернет банк ашиглан шилжүүлсэн. Тэгээд удаа дараа хүлэмжээ авъя гэж *******тай ярьсан боловч худлаа яриад алга болсон. Би мандал сумын 3 дугаар багийн нийгмийн ажилтан байхад нь зүс таньдаг болсон. Тэгээд захиргаанд ажилладаг гэхээр нь итгээд мөнгө шилжүүлсэн гэх мэдүүлэг /2-р ХХ-ийн 91-92 дугаар хуудас/

Хохирогч Ц.Анхбаяраас гаргасан гомдол /2-р ХХ-ийн 105 дугаар хуудас/

Хохирогч Ц.Анхбаяр мөрдөн байцаалтад мэдүүлэхдээ: ... 2021 оны 07 дугаар сарын 05-ны орой 15 цаг 06 минутад миний фейсбүүк чатад “Ganbaa Ganbaa” гэх хаягаас чат зурвас ирсэн. Солонгос улсад үйлдвэрлэсэн 6х20 хэмжээтэй 3 900 000 төгрөгийн үнэ бүхий хүлэмж авах уу гэж надаас асуусан. Тэгэхээр нь би ямар шалгуур үзүүлэлттэй , үнэ төлбөрийг нь яаж өгөх вэ гэж Ц.*******аас чатаар асуухад ‘сумын захиргаанаас батлан дааж байгаа хөнгөлөлттэй нөхцөлөөр орж ирж байгаа хүлэмж юм. Сая авна гэсэн хүн больчихлоо чи авах уу гэж асуусан. Би тухайн үед хэзээ ирэх хүлэмж ирэх вэ, мөнгийг нь яаж өгөх вэ гэхэд хүлэмж 2021 оны 07 дугаар сарын сүүлчээр ирнэ, урьдчилгаа 50 хувь болох 1 950 000 төгрөг өгчих, үлдэгдэл, 50 хувийг ирэх онд төлж болно гэж хэлсэн. Тэгэхээр нь би итгээд 1 хүлэмж авъя гэж хэлэхэд надад Ц.******* 5007473327 тоот данс өгсөн. Тэгээд 1950 000 төгрөгийг 2021 оны 07 дугаар сарын 06-ны өдөр өдөр түүний хэлсэн 5007473327 дугаарын дансанд дүү Б.Батцэцэгийн Хаан банкны данснаас 1 удаагийн гүйлгээгээр ‘хүлэмж урьдчилгаа’ гэж бичээд шилжүүлсэн. ... Ямар нэгэн гэрээ байгуулаагүй, Утсаар л холбогдсон. Өмнө нь таньдаг, тэгээд захиргаанд ажилладаг болохоор нь итгэсэн юм гэх мэдүүлэг /11-112 дугаар хуудас/

Хохирогч *******гаас гаргасан гомдол /2-р ХХ-ийн 126 дугаар хуудас/

Хохирогч ******* мөрдөн байцаалтад мэдүүлэхдээ: ... Манай хөрш эмэгтэй 2021 оны 06 дугаар сарын 12-ны өдөр орж ирээд захиргаанд хөдөө аж ахуйн тасгийн мэргэжилтэн хийдэг статистикч албан тушаал дээр ажилладаг Ц.******* надтай сая утсаар яриад төслөөр орж ирэх хүлэмж ирж байгаа гээд би захиалаад мөнгөө шилжүүлчихлээ, чи захиалахгүй юм уу, хямд орж ирж байгаа юм шиг байна’ гэж хэлсэн. Тэгэхээр нь биоос Ц.******* гэх захиргаанд ажилладаг хүний дугаарыг авч, залгаж ярьсан. Тэгээд би Ц.******* гэх хүнтэй ярихад нийт 3900000 төгрөгөөр орж ирж байгаа төслийн 6х40 хэмжээтэй хүлэмж байгаа, та урьдчилгаа буюу 950000 төгрөгийг тендерээр ялсан “Цоохор мод” ХХК-ийн дансанд мөнгөө хийчих гэсэн. Тэгээд би хүргэн Р.Өлзийбадрахын ХААН банкны 5400315465 тоот данснаас нэг удаагийн гүйлгээгээр Ц.*******ын хэлсэн 5001395310 тоот дансанд 1950000 төгрөгийг 1 удаагийн гүйлгээгээр шилжүүлсэн гэх мэдүүлэг /2-р ХХ-ийн 133-134 дүгээр хуудас/

Хохирогч С.Уянгаас гаргасан гомдол /2-р ХХ-ийн 146 дугаар хуудас/

Хохирогч С.Уянгын мэдүүлэг /2-р ХХ-ийн 165-166 дугаар хуудас/

Харилцан бичсэн зурвасын зурган үзүүлэлтүүд, банкны дансны мэдээлэл /2-р ХХ-ийн 148-162 дугаар хуудас/

Хохирогч Ц.Мөнхзулаас гаргасан гомдол /2-р ХХ-ийн 179 дүгээр хуудас/

Хохирогч Ц.Мөнхзул мөрдөн байцаалтад мэдүүлэхдээ: ... 2021 оны 08 дугаар сарын 01-ний өглөө 10 цагийн үед миний фейсбүүк чатад ‘Ganbaa ganbaa’ хаягаас чат зурвас ирсэн. Сайн уу, нөгөө төсөл сая 10-нд гэрээгээ байгуулаад одоо эхний 20-нд эхний эхний 54 өрхийн төсөл хамруулна гэсэн зурагтай чат ирсэн. Яг одоо төслийн 54 өрхийг явуулах гээд байна гэхээр нь би гэрийн хорионд байна гээд бичихэд ийм сайхан юманд орооч ээ, дууслаа, буцалтгүй, яасан сонин хүмүүс вэ гэхээр нь би яаж орохыг нь хэлээд өгөөч гэхэд зөндөө хэлсэн дээ, энэ төслийн зохицуулагч ирсэн байна 500-г атгуулаад 7 сая төгрөгийн зоорь барих тэтгэлэг буцалтгүй авна, одоо гэрээгээ хийгээд аваад явна, би чиний бичээд байгаа мессежийг ойлгохгүй байна, чи надад утасны дугаараа өгчих гэхээр нь 94246006 гэсэн дугаар өгөхөд ******* 70367446 тоот дугаараас залгаад Азийн хөгжлийн банкнаас төсөл хэрэгжиж байгаа юм аа, Мандал суманд 54 өрхөд хэрэгжиж байна, чи ойлгохгүй байгаа юм уу, өнөөдөр дансанд 500000 төгрөг хийх юм бол зоорины төсөлд шууд чамайг оруулаад өгнө, төслийн анкет бөглөөд явуулчих гэж хэлээд өөрийнхөө иргэний үнэмлэхийн зургийг явуулсан. Тэгээд Ц.******* 5007473327 дугаарын данс өгөхөөр нь би 2021 оны 08 дугаар сарын 01-ний өдөр тухайн данс руу 500000 төгрөг шилжүүлэхэд ******* надад 2021 оны 08 дугаар сарын 15-ны өдөр хүртэл хүлээж байгаарай, хүнд хэлэв ээ би ажилгүй болно шүү гэж надад хэлсэн. Би сумын ЗДТГ-т статистикч мэргэжилтэй Ц.*******ыг танина. Би хамт “Нарны өртөө” зочид буудалд 7 жил гаран хамт ажилласан. Ямар нэг гэрээ байгуулаагүй. Өмнө нь таньдаг, тэгээд захиргаанд ажилладаг болохоор нь итгэсэн юм гэх мэдүүлэг /ХХ-ийн 183 дугаар хуудас/

Ц.Мөнхзулын Хаан банкны дансны хуулга, харилцан яриа /2-р ХХ-ийн 180-186 дугаар хуудас/

Хохирогч *******гөөс гаргасан гомдол /2-р ХХ-ийн 199 дүгээр хуудас/

Хохирогч ******* мөрдөн байцаалтад мэдүүлэхдээ: ... Би захиргаанд ажиллаж байгаад тэтгэвэрт гарсан. Ц.******* Мандал сумын 3 дугаар багийн нийгмийн ажилтан хийж байсан болохоор би сайн таньдаг. 2021 оны 07 дугаар сарын 24-ний өдөр Ц.******* нь 99939050 дугаарын утсаар над руу залгаад Герман улсын хөрөнгө оруулалттай, 7 сая төгрөгийн төсөл байна авах уу эгчээ гэхээр нь би авъя гэж хэлэхэд Ц.******* ойр зуурын зардалд хэрэглэх 500000 төгрөг хэрэгтэй байна, яг одоо миний данс болох 5007373327 дугаарын данс руу явуулчих гэхээр нь яах гэж байгаа юм бэ гэхэд төсөл хөөцөлдөж авах гэж байгаа хүмүүст хэрэгтэй гэж хэлсэн. ... Би 2021 оны 07 дугаар сарын 29-ны өдөр Мандал сумын ЗДТГ-т очиж уулзахад Ц.******* надад Ковидын үеийн ажиллагаа дээшлүүлэх гэсэн бичигтэй төсөл надад үзүүлэхээр нь уг төслийг харахад “Цагаан идээ, Оёдол, Зоорь, Хүлэмж” гэсэн төсөл байхаар нь би үнэмшсэн гэх мэдүүлэг /2-р ХХ-ийн 204 дүгээр хуудас/

Гэрч Ш.Үзмээ мөрдөн байцаалтад мэдүүлэхдээ: ... 2021 оны 07 дугаар сарын 24-нд Хөхөө эгч надаас 500000 төгрөг зээлээч удахгүй, гаргаж өгнө гэхээр нь би яах гэж байгааг асуухад захиргаанд ажилладаг ******* гэх хүн Герман улсын санхүүжилтээр оёдлын тоног төхөөрөмжийн буцалтгүй тусламж өгнө гэнэ, 500000 төгрөг байршуулна гэнэ. 500000 төгрөг зээлчих гэхээр нь би өгье гэсэн. Тэгээд Хөхөө эгч бид 2 Хаан банкны АТМ дээрээс 5007373327 дугаарын данс руу мөнгө шилжүүлэхэд Ц.******* гэсэн нэр гарч ирсэн. Би тэр данс руу Хөхөө эгчид зээлүүлсэн 500000 төгрөгийг шилжүүлсэн гэх мэдүүлэг /2-р ХХ-ийн 206 дугаар хуудас/

Хохирогч *******ийн гаргасан гомдол /2-р ХХ-ийн 216-217 дугаар хуудас/

Хохирогч *******ийн мэдүүлэг /2-р ХХ-ийн 223-224 дүгээр хуудас/

Банкны дансны мэдээлэл /2-р ХХ-ийн 218-220 дугаар хуудас/

Хохирогчоос гаргасан гомдол /2-р ХХ-ийн 238-239 дүгээр хуудас/

Хохирогчын мэдүүлэг /2-р ХХийн 248-249 дүгээр хуудас

Банкны дансны мэдээлэл /2-р ХХ-ийн 241-245 дугаар хуудас/

Гэрч Л.Чинбатын мэдүүлэг /3-р ХХ-ийн 1 дүгээр хуудас/

Ц.******* болон “Цоохор мод” ХХК-ийн Хаан банкны дансны дэлгэрэнгүй хуулга /3-р ХХ-ийн 48-95 дугаар хуудас/

Сэлэнгэ аймгийн Мандал сумын Засаг даргын тамгын газрын даргын тодорхойлолт, тушаал /3-р ХХ-ийн 123-125 дугаар хуудас/

Ц.*******ын бусдад учруулсан хохирлын тооцоог гаргасан мөрдөгчийн тэмдэглэл /3-р ХХ-ийн 38-40 дүгээр хуудас/

Шүүгдэгчийн хувийн байдлыг тогтоосон баримтууд: Шүүгдэгч Ц.******* нь Эрүүгийн хариуцлага хүлээж байсан эсэхийг шалгах хуудас /ХХ-ийн 122 дугаар хуудас, Оршин суугаа хаягийн тодорхойлолт /ХХ-ийн 121 дүгээр хуудас/, Сэлэнгэ аймгийн Мандал сумын Засаг даргын Тамгын газрын даргын тушаалууд /ХХ-ийн 124-125 дугаар хуудас/, Иргэний үнэмлэхийн лавлагаа эрэг болно.

Шүүхийн хэлэлцүүлэгт шинжлэн судлагдсан дээрх нотлох баримтууд болон хэрэгт авагдсан бусад бичгийн нотлох баримтуудыг шүүх тал бүрээс нь бүрэн, бодитой магадлан хянасны үндсэнд ТОДОРХОЙЛОХ нь:

Шүүхээс Эрүүгийн хэрэг хянан шийдвэрлэх тухай хуулийн 34.14 дүгээр зүйлд “Анхан шатны журмаар хэрэг хянан шийдвэрлэх ажиллагаа нь тухайн шүүгдэгчийн хувьд прокуророос шүүхэд шилжүүлсэн эрүүгийн хэргийн хүрээнд явагдана” гэж заасныг баримтлан шүүгдэгчийн гэм буруугийн асуудлыг прокуророос шүүхэд шилжүүлсэн хэргийн хэмжээний дотор дараах байдлаар хянан шийдвэрлэлээ.

Шүүгдэгч Ц.******* нь Сэлэнгэ аймгийн Мандал сумын Засаг даргын Тамгын газарт Эдийн засаг, Статистик хариуцсан мэргэжилтэн мөн газар тариалан хариуцсан мэргэжилтнээр тус тус ажиллаж байхдаа албан тушаалын байдлаа ашиглаж, төсөл хөтөлбөрт хамруулж өгнө, хөнгөлөлтэй нөхцөлөөр хүлэмж, тоног төхөөрөмжийн төсөлд хамруулж өгнө, үнэт цаасны арилжаагаар ашиг олж өгнө, үрийн төмс авч өгнө, ковидын өвчний үед иргэдийн амьжиргааг дэмжих төсөл хөтөлбөр хэрэгжиж байгаа түүнд хамруулж өгнө, Азийн хөгжлийн банкны хөрөнгө оруулалтай иргэний нийгмийн байгууллагын буцалтгүй төсөл хөтөлбөрт хамруулж өгнө,азийн хөрөнгө оруулалттай хөнгөлөлттэй зээл ирсэн, Мөнх ногоон тал ХХК-ийн 3 хувийн хүүтэй зээлд хамруулж өгнө гэх зэргээр иргэдийг хуурч, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж бусдаас өөрийн нэрийн данс болон өөрийн эзэмшлийн Цоохор мод ХХК-ийн дансаар 2021 оны 06 дугаар сарын 11-ний өдрөөс 2021 оны 08 дугаар сарын 15-ны өдөр хүртэлх хугацаанд бусдаас бэлнээр болон бэлэн бусаар мөнгө авч хохирогч нарт үлэмж хэмжээний хохирол учруулсан.

- 2021 оны 06 дугаар сарын 12-ны өдөр Ц.Зоригоос 3900000 төгрөгийг залилж авсан,