МОНГОЛ УЛСЫН НЭРИЙН ӨМНӨӨС

Хөвсгөл аймаг дахь сум дундын эрүүгийн хэргийн анхан шатны шүүхийн шүүх хуралдааныг шүүгч М.Эрдэнэ-Очир даргалж,

Нарийн бичгийн дарга Х.Золжаргал,

Улсын яллагч Ч.Батзориг,

Хохирогч: Б.Бадмаа,

Шүүгдэгч ***************нарыг оролцуулан тус шүүхийн шүүх хуралдааны танхимд нээлттэй хийсэн шүүх хуралдаанаар Аймгийн Прокурорын газрын хяналтын
прокуророос Эрүүгийн хуулийн тусгай ангийн 27.10 дугаар зүйлийн 3 дахь хэсэгт зааснаар яллах дүгнэлт үйлдэж ирүүлсэн ***************холбогдох эрүүгийн 1938005920402 дугаартай хэргийг 2019 оны  10 дугаар сарын  23-ны өдөр хүлээн авч хянан хэлэлцэв.

Шүүгдэгч ***************нь 2019 оны 8 дугаар сарын 18-ны өдөр Хөвсгөл аймгийн Мөрөн сумаас 25 километрийн зайд Ачмаг нуурын босго гэх газарт өөрийн эзэмшлийн 04-97 ОРО улсын дугаартай суудлын авто машин жолоодон явахдаа Замын хөдөлгөөний аюулгүй байдлын тухай хууль, түүнд нийцүүлэн гаргасан захиргааны хэм хэмжээний актыг зөрчсөний улмаас зам тээврийн осол гаргаж зорчин явсан ***************амь насыг хохироосон гэмт хэргийг үйлдсэнд холбогджээ.

Шүүхийн хэлэлцүүлгээр яллах, цагаатгах болон бусад нотлох баримтуудыг шинжлэн судлаад

ТОДОРХОЙЛОХ нь:

Шүүгдэгчийн гэм буруугийн талаар:

Шүүгдэгч ***************нь 2019 оны 8 дугаар сарын 18-ны өдөр Хөвсгөл аймгийн Мөрөн сумаас 25 километрийн зайд Ачмаг нуурын босго гэх газарт өөрийн эзэмшлийн 04-97 ОРО улсын дугаартай суудлын авто машин жолоодон явахдаа Замын хөдөлгөөний аюулгүй байдлын тухай хууль, түүнд нийцүүлэн гаргасан захиргааны хэм хэмжээний актыг зөрчсөний улмаас зам тээврийн осол гаргаж зорчин явсан ***************амь насыг хохироосон гэм буруутай болох нь хэрэгт авагдсан дараах нотлох баримтуудаар тогтоогдож байна. Үүнд:  

Хохирогч ***************мөрдөн шалгах ажиллагааны явцад өгсөн:...Миний нөхөр ***************80 км/цагийн хурдтай жолоодож явсан. Зам дээр явган хүн гарч ирээд миний нөхөр ***************машинаа зогсоох арга хэмжээ авах үедээ замын хажуу руу унаж осол гарсан. Надад энэ хэрэгт нэхэмжлэх зүйл байхгүй, гомдол санал байхгүй. Хэргийг хурдан шийдүүлмээр байна...гэх мэдүүлэг /хх-ийн 17-р тал/

Хохирогч ***************гэрчээр мөрдөн шалгах ажиллагааны явцад өгсөн: ... Тосонцэнгэл сум өнгөрч яваад Ачмаг нуурын босго гэх газарт Түнэл сумруу салдаг уулзварын ойролцоо явж байтал ногоон цамцтай, хар өнгийн үүргэвчтэй малгайтай үл таних эрэгтэй хүн гарч ирээд гар өргөхөөр нь миний нөхөр ***************багтахгүй машинаа дарж өнгөхөд санаатай хүн суулгаж багтахгүй юм чинь гээд өнгөрөх гэтэл бид нарын зорчиж явсан машины урдуур тухайн үл таних эрэгтэй хүн гүйгээд ороод ирсэн. Миний нөхөр ***************эсрэг талын урсгалруу машинаа дараад ортол урдаас машин ир* яваа харагдсан. Тэр үед тухайн үл таних эрэгтэй хүн өнгөрсөн байсан тул миний нөхөр буцааж машиныхаа жолооны хүрдийг өөрийн явж байсан урсгалруу дарахад машин замын хажууруу орж хэсэг явж байгаад 2 удаа өнхрөөд 4 дугуйн дээрээ тогтсон. Тэгтэл миний охин А.Чулуунцэцэг нас барсан машины хажууд газарт хэвтэж байсан...гэх мэдүүлэг /хх-ийн 18-р тал/

Гэрч ***************мөрдөн шалгах ажиллагааны явцад өгсөн: ... Орхон аймгийн Баян-Өндөр сумаас Хөвсгөл аймгийн Мөрөн сумын чиглэлд гараад Хөвсгөл аймгийн Тосонцэнгэл сум өнгөрч яваад Ачмаг нуурын босго нэх газарт Түнэл сумруу салдаг уулзварын ойролцоо явж байтал ногоон цамцтай, хар өнгийн үүргэвчтэй малгайтай үл таних эрэгтэй хүн гарч ирээд гар өргөхөөр нь манай аав машин дотор багтахгүй юм чинь гээд машинаа дарж өнгөрөх гэтэл бид нарын зорчиж явсан машины урдуур тухайн үл таних эрэгтэй хүн гүйгээд ороод ирсэн. Миний аав тэр үед эсрэг талын урсгалруу машинаа дараад ортол урдаас машин ирж яваа харагдсан. Тэр үед тухайн үл таних эрэгтэй хүн өнгөрсөн байсан тул миний аав буцааж машиныхаа жолооны хүрдийг өөрийн явж байсан урсгал руу дарахад машин замын хажууруу орж хэсэг явж байгаад 2 удаа өнхөрөөд 4 дугуйн дээрээ тогтсон. Тэгтэл миний дүү охин А.Чулуунцэцэг нас барсан машины хажууд газарт хэвтэж байсан. Би хэдэн км цагийн хурдтай явж байсан талаар мэдэхгүй байна, миний аав жолоо бариад би урд хажуугийн сандал дээр суугаад ард талын зүүн захад эмэгтэй дүү А.Чулуунцэцэг, голд нь ээж баруун захад Пунцаг нар сууж явсан...гэх мэдүүлэг /хх-ийн 22-р тал/

Гэрч ***************мөрдөн шалгах ажиллагааны явцад өгсөн: ... Орхон аймгийн Баян-Өндөр сумаас гараад Хөвсгөл аймгийн Мөрөн сумын чиглэлд явж байгаад замдаа бууж бие засаад Мөрөн рүү явж байхад Түнэл сумруу салдаг Ачмаг нуурын ойролцоо явж байтал үл таних согтуу хүн зогсож байгаад гар өргөж байгаад гэнэт машины урдуур гараад гүйсэн. Тэгээд жолооч *************** ах зүүн гар талруугаа дараад эсрэг урсгалд ороход урдаас нь машин ирж байсан тул буцаагаад өөрийн урсгал руу оруулахад машин хажууруу өнхөрч осолдсон. Миний зүүн гарын савх хугарсан, цээж хэсэг хөндүүртэй, баруун талын мөр өвчтэй байна. Би чанх ард талд нь сууж байсан болохоор мэдээгүй шулуун замд 80 км цаг орчим хурдтай явж байсан ба Түнэл сум руу салдаг уулзвар руу дөхөхөд хурд саарсан байсан...гэх мэдүүлэг /хх-ийн 24-р тал/

Гэрч ***************мөрдөн шалгах ажиллагааны явцад өгсөн: ... Хөвсгөл аймгийн Түнэл сумын төвд хүүгийнхээ хадгыг өгчөөд буцаад хэдэн цагийн үед гэдгийг нь санахгүй байгаа бөгөөд хатуу хучилттай замруу орох гэж явж байтал сууж явсан машин унтраад асахаа больсон юм. Тэгээд би машинаасаа буугаад төв зам руу алхсан. Төв зам руу алхаад нуурын босго дээр ирэхэд хүн нас барсан осол болчихлоо гээд хар бараан өнгийн тэрэг Ачмаг нуур талруу замын хажууруу гарсан байдалтай байсан. Би осол болохыг хараагүй...гэх мэдүүлэг /хх-ийн 28-р тал/

Хөвсгөл аймгийн цагдаагийн газар замын цагдаагийн тасгийн 2019 оны 9 дүгээр сарын 08-ны өдрийн:...2019 оны 8 дугаар сарын 18-ны өдрийн 18 цагийн орчим COLT nlac маркын 04-97 ОРО дугаартай тээврийн хэрэгслийн жолооч ***************, явган зорчигч Д.Эрдэнэбаатар нар нь Монгол Улсын замын хөдөлгөөний дүрэм зөрчсөн. Жолооч ***************нь Монгол Улсын Замын хөдөлгөөний дүрмийн 12 дугаар зүйлийн 12.3, 5 дугаар зүйлийн 5.6 дахь хэсгийг тус тус зөрчсөн. Жолооч ***************нь зам дээр үүссэн саадыг хараад тээврийн хэрэгслийн хурдыг хасах болон тээврийн хэрэгслээ зогсоох арга хэмжээг оновчтой зөв аваагүйн улмаа зам тээврийн осол гарах үндсэн шалтгаан нөхцөл болсон... COLT nlac маркын 04-97 ОРО дугаартай тээврийн хэрэгслийн жолооч ***************ийн үйлдэл нь зам тээврийн осол мөн. Алтангэрэлийн өөрийн мэдүүлэг болон бусад гэрчүүдийн мэдүүлгээр тогтоогдож байна. Жолооч ***************нь тухайн замд 80 км/цагийн хурдтай явж байхдаа явган зорчигчийг хараад тээврийн хэрэгслийнхээ хурдыг хасаж саадыг тойрон гарахгүй байх боломжтой байсан. Тухайн замын нөхцөл байдал зохион байгуулалт нь COLT nlac маркын 04-97 ОРО дугаартай тээврийн хэрэгслийг жолоодож явсан ***************д нөлөөлөөгүй. Тухайн осол гарсан замд 80 км/цагийн хурдтай явах нь тохирох хурд мөн...гэх дүгнэлт /хх-ийн 68-р тал/

Хөвсгөл аймаг дахь Шүүхийн шинжилгээний албаны шинжээчийн 2019 оны                        8 дугаар сарын 21-ний өдрийн 435 дугаартай: ...***************ийн биед дух, зүүн бугалганд зулгаралт, зүүн гуяанд цус хуралт бүхий гэмтэл тогтоогдлоо. Дээрх гэмтлүүд нь мохоо зүйлийн хэд хэдэн удаагийн үйлчлэлээр тухайн цаг хугацаанд үүссэн гэмтэл байх боломжтой. Харин зүүн гуяны цус хуралт нь хуучин гэмтэл байна. ***************ийн биед үүссэн гэмтэл нь гэмтлийн зэрэг тогтоох журмын 2.6-д зааснаар эрүүл мэндийн сарниулахгүй тул гэмтлийн зэрэгт хамаарахгүй. Цаашид ерөнхий хөдөлмөрийн чадварын тогтонги алдалтанд нөлөөлөхгүй..гэх дүгнэлт /хх-ийн 46-р тал/

            Хөвсгөл аймаг дахь Шүүхийн шинжилгээний албаны шинжээчийн 2019 оны                        8 дугаар сарын 28-ний өдрийн 104 дугаартай:  хоолойн, зүүн чихний дэлбэн, зүүн мөр, зүүн тохой, зүүн шуу, зүүн сарвуу, баруун мөр, цээжний зулгаралт. зүүн өвдөг, цээж, нуруунд цус хуралт бүхий гэмтэл тогтоогдлоо. Дээрх гэмтэл нь мохоо зүйлийн хэд хэдэн удаагийн үйлчлэлээр тухайн цаг хугацаанд үүссэн гэмтэл байх боломжтой. Гавал тархи цээжний хавсарсан гэмтлийн улмаас нас барсан байна. А Чулуунцэцэг нь нас бараад ойролцоогоор 16-18 цаг болсон байна. А Чулуунцэцэгийн биед үхэлд хүргэх архаг хууч өвчин тогтоогдсонгүй. А.Чулуунцэцэг нь гавал тархи цээжний хавсарсан гэмтлийн улмаас нас барсан байна. Энэ нь духны зүүн хэсэг. зулай дагзны хэсгийг хамарсан цус хуралт, гавлын суурийн хөндий олон сэлтэрсэн зөрөөтэй хугарал, тархины суурийн хэсэг тархины эдийн хүнд зэргийн бяцрал. аалзавчин бүрхүүл доорх цус харзалт, тархины суур хэсгийн дэлбэнгийн уртавтар тархи, тархины гүүр. бага тархины бүтэц алдагдсан, няцралтай, хэвлийн хөндий дэхь цус элэгний 5,6,7,8-р сегментийн элэгний эдийн няцрал, элэгний холбоосын урагдал цус хуралт зэрэг шинж тэмдгээр батлагдаж байна. Мөнх задлан шинжилгээний явцыг 45 ширхэг фото зургаар баталгаажуулан хавсаргав. А.Чулуунцэцэг нь ойролцоогоор 5-6 сартай жирэмсэн байсан байна. Ургын биеийн гадна хэсэгт гэмтлийн гаралтай еөрчлөлт тогтоогдоогүй” ... гэх дүгнэлт /хх-ийн 34-р тал/ зэрэг болно.