МОНГОЛ УЛСЫН НЭРИЙН ӨМНӨӨС

 

 

Төв аймаг дахь Сум дундын Эрүүгийн хэргийн анхан шатны шүүхийн эрүүгийн хэргийн шүүх хуралдааныг тус шүүхийн шүүгч Ю.Энхмаа даргалж,

нарийн бичгийн дарга Б.Буянхишиг,

улсын яллагчаар Б.Сувд-Эрдэнэ,

           хохирогч С.А

шүүгдэгч Л.Б нарыг оролцуулан тус шүүхийн шүүх хуралдааны танхимд нээлттэй хийсэн эрүүгийн хэргийн шүүх хуралдаанаар,

Төв аймгийн Прокурорын газраас Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар яллах дүгнэлт үйлдэж ирүүлсэн Л,Бд холбогдох эрүүгийн 1834005370254 тоот эрүүгийн хэргийг 2018 оны 10 дугаар сарын 05-ны өдөр хүлээн авснаар шүүн хэлэлцэв.

 

           

Холбогдсон хэргийн талаар: /яллах дүгнэлтэд дурдсанаар /

Шүүгдэгч Л.Б 2018 оны 07 дугаар сарын 21-ний өдөр Төв аймгийн Зуунмод сумын 4 дүгээр багийн нутагт С.А хувийн таарамжгүй харьцааны улмаас маргалдаж улмаар түүнийг зодож эрүүл мэндэд нь хөнгөн хохирол учруулсан гэмт хэрэгт холбогджээ.

ТОДОРХОЙЛОХ нь:

 

Нэг. Шүүхийн хэлэлцүүлэгт мэдүүлсэн шүүгдэгчийн мэдүүлэг:

1. Шүүгдэгч Л.Б нь шүүхийн хэлэлцүүлэгт: "2018 оны 07 дугаар сарын 21-ний өдөр С.А өөрөө цохиулах шалбарах нөхцөл байдлыг өөрөө хангасан. Гэм буруу дээр маргахгүй” гэв.
2. Хохирогч С.А нь шүүхийн хэлэлцүүлэгт: “2018 оны 7 дугаар сарын 21-ний орой над руу Л. Б залгаад манай нөхөртэй ярьсан. Тэгээд ирж тарвагны мах ид гэсэн. Би нөхрийнхөө хамт Л.Б гэрт очсон чинь эдний ах дүү нар нийлээд архи, айраг уугаад, тарвагны мах хувааж идээд сууж байсан, 10 аад хүн байсан. Тэгээд би нөхрөө харъя гэсэн чинь нөхөр байж бай гэсэн. Тэгээд Л.Б дуу нь чангараад хүргэнтэйгээ маргалдаад байсан. Тэгээд манай нөхөр намайг гараад нэг шил архи аваад ир гэсэн. Би дэлгүүр орж ирээд нэг шил архи авчисран. Тэгээд сууж байсан чинь Л.Б босч ирээд сткантай архиа миний нүүр рүү чиглүүлээд над руу хараад шидсэн. Би Л.Б маргаагүй. Тэгээд намайг цус нүжтэй минь хольж, нүүр ам тархи толгойг минь хаглаж түлхэж зодож ална гэсэн, ах дүү нараараа над руу дайраад зайл гээд хөөсөн. Би гомдолтой байна. Тархи толгой өвдөж байгаа, би эмэгтэй хүн нүүр ам гоо сайханд минь хохирол учирсан, надаас уучлалт гуйгаагүй, 618.000 төгрөг нэхэмжилж байгаа” гэв.

 

Хоёр: Шүүхийн хэлэлцүүлэгт талуудаас шинжлэн судалсан нотлох баримтуудаас

1. 1. 1. 1. Хохирогч С.А мөрдөн байцаалтын шатанд мэдүүлсэн: “...2018 оны 07 дугаар сарын 21-ний өдөр өөрийн нөхөр Ц.Санжмятавын хамт гэртээ байж байтал манай нөхрийн төргөн дүү Л.Б гэртээ дуудаад тарваганы мах ирж ид гэсэн тэгтэл нөхөр намайг хамт явъя гэсэн ба би хамт явахгүй гэж байж байгаад цуг явахаар болоод бид хоёр хамт Л.Б гэрт нь очсон. Л.Б гэрт очтол манай нөхрийн ах дүү нар бүгдээрээ архи, айраг уугаад тарваганы мах идээд байж байсан. Нөхөр бид хоёрыг очсоны дараа ууж байсан архинаас гадна 2-3 шил 0,75 граммын экс архи авч ирээд уусан. Би гэр рүүгээ явъя гээд нөхөртөө хэлтэл манай нөхөр архи уугаад юундаа яарах вэ гэсэн тэгтэл нөхрийн ах дүүс эрэгтэй эмэгтэй хүмүүс маргалдаад байсан тэгтэл Л.Б дуу нь чангараад нөгөө хүмүүстэй маргалдаад байсан ба манай нөхөр намайг архи аваад ир гэхээр нь би дэлгүүр ороод нэг шил архи, нэг ундаатай авч ирж өгсөн тэгээд архи уугаад байж байгаад Л.Бнь миний нүүр рүү архитай аяга шидэж миний нүүрэнд гэмтэл учруулсан ба намайг 2 удаа түлхэж газарт унагаасан, Л.Бнь миний баруун нүдний дээд хэсэгт духанд аяга шидэж гэмтэл учруулсан одоо шарх нь тавлаад эдгэж байгаа, намайг түлхэж унагаахад хөл, гар, гуя, хөхөрч, шалбарсан байсан, миний биед учирсан духанд шарх, зөөлөн эдийн няцрал, баруун бугуйнд зулгаралт, баруун чамархайн хуйх, баруун бугуйнд зөөлөн эдийн няцрал, дух баруун хөмсөгний гадна хэсэг, зовхи зүүн бугуйнд зулгаралт, баруун чамархайн хуйх, баруун зүүн бугалга, шуу, баруун бугуй, хэвлий, зүүн шилбэний булчинд цус хуралт гэмтлийг Б дангаараа учруулсан, намайг аягаар шидэж гэмтээсний дараа 2 удаа дайрч түлхэж, өшиглөж гэмтээсэн” гэх мэдүүлэг /хх-ийн 14 тал/,
         2. Гэрч Л.Батбаярын мөрдөн байцаалтын шатанд мэдүүлсэн: “...2018 оны 07 дугаар сарын 21-ний өдөр манай ах дүү нар манай дунд ах Б гэрт цуглараад тарваганы боодог хийж идээд, хажуугаар нь архи уугаад байхаар нь би аавынхаа гэрт орчихсон байж байхад ахын гэрт хүмүүс муудалцаад манай бэр А орилоод байсан, тэгэхээр нь би юунаас болж маргалдаад байгаа юм бол гээд ортол А агсан тавиад дээр нь гараад суучихсан байсан, очоод салгатал А толгойноос нь цус гарчихсан, ахын нүүрийг маажаад цус гарчихсан байсан” гэх мэдүүлэг /хх-ийн 23 тал/
         3. Гэрч Л.Батчимэгийн мөрдөн байцаалтын шатанд мэдүүлсэн: “...Намайг харахад А духнаас нь цус гарчихсан, манай ах Бийн хүзүү зэргийг маажсан байсан” гэх мэдүүлэг /хх-ийн 22 тал/,
         4. Гэрч Ц.Санжмятавын мөрдөн байцаалтын шатанд мэдүүлсэн: “...2018 оны 07 дугаар сарын 21-ний өдөр манай төрсөн дүү Б намайг дуудаад ирж тарваганы мах идэж айраг уу гэсэн тэгэхээр нь би өөрийн эхнэр А яваад ирэх үү гэтэл тэгьө гээд надтай хамт явсан. Бид хоёр Б гэрт Л.Б болон манай ах дүү нар айраг уугаад, архи уугаад мах идээд байж байсан бид нар нийт 3-4 шил 0,75 граммын архи уусан, манай эхнэр С.А-3 хоногийн дараа ирсэн ба нүүр нь шалбараад тавалчихсан байсан би яасан талаар асуухад дүүд зодуулсан гэж байсан” гэх мэдүүлэг /хх-ийн 19 тал/,
         5. С.А эрүүл мэндэд учирсан гэмтлийн зэргийг тогтоосон шинжээч эмчийн №446 дугаартай дүгнэлтэд “...С.А биед духанд шарх, зөөлөн эдийн няцрал, баруун чамархайн хуйх, баруун бугуйнд зөөлөн эдийн няцрал, дух, баруун хөмсөгний гадна хэсэг, зовхи, зүүн бугуйнд зулгаралт, баруун чамархайн хуйх, баруун, зүүн бугалга, шуу, баруун бугуй, хэвлий, зүүн шилбэний булчинд цус хуралт гэмтэл тогтоогдсон бөгөөд гэмтлийн хөнгөн зэрэгт хамаарна” гэх дүгнэлт /хх-ийн 25 тал/
         6. С.А 2018 оны 07 дугаар сарын 22-ны өдөр яаралтай тусламжийн үйлчилгээ авсан хуудас /хх-ийн 27 тал/,
         7. Шүүгдэгч Л.Б мөрдөн байцаалтын шатанд мэдүүлсэн: “...2018 оны 07 дугаар сарын 21-ний өдөр манай гэрт манай ах дүү нар цуглараад айраг уугаад тарваганы боодог идээд ах дүүгээрээ сууж байсан тэгээд том ах Санжмятавыг дуудахаар болоод дуудтал удалгүй эхнэр А хамт ирээд мах, идэж, айраг, архи уугаад сууж байгаад орой 22 цагийн үед байх харанхуй болсон байхад манай том ахын эхнэр С.А нь манай эхнэрийг боссонгүй унтлаа гээд байсан тэгэхээр нь би яах гэсэн юм бэ өглөө манай эхнэр ажилтай гэж хэлсэн тэгтэл С.А нь чи эхнэрээ атгачихсан ямар том юм гээд над руу дайрсан тэгэхээр нь би түлхээд унагаасан тэгтэл дахиж босч ирээд миний нүүрийг маажиж над руу дайрахаар нь архи ууж байсан аягаараа нүүрэн дээр нь дараад түлчихээд би гэрээсээ гарч явсан, Би А хоёр удаа түлхэж унагааж сандал дээр суулгасан, мөн архитай аягаараа нүүр хэсэгт нь байх дараад түлхсэн тэгтэл нүүр хэсгээс нь цус гарсан, би өөрийн гэм буруутай үйлдлээ хүлээн зөвшөөрч байна” гэх мэдүүлэг /хх-ийн 39 тал /
         8. Хохирлын үнэлгээний тайлан /хх-ийн 61 тал/
         9. Зөрчил шалган шийдвэрлэх ажиллагаа явуулах тухай Прокурорын тогтоол /хх-ийн 71 тал/
         10. Хохирогч С.А нь шүүдэгч Л.Б нэхэмжилсэн хохирлын баримтууд /хх-ийн 12 тал/ зэрэг болно.

           

            Шүүгдэгч Л.Бял шийтгэлийн тэмдэглэл, иргэний үнэмлэхийн лавлагаа болон бусад хувийн байдлыг тогтоосон баримтуудыг шүүхийн хэлэлцүүлэгт судласан болно.

 

Гурав: Гэм буруугийн талаар:

Шүүгдэгч Л.Бнь 2018 оны 07 дугаар сарын 21-ний өдөр Төв аймгийн Зуунмод сумын 4 дүгээр багийн нутагт С.Ай хувийн таарамжгүй харьцааны улмаас маргалдаж улмаар түүнийг зодож эрүүл мэндэд нь хөнгөн хохирол учруулсан гэм буруутай болох нь: шүүхийн хэлэлцүүлэгт шүүгдэгч Л.Б мэдүүлсэн: “2018 оны 07 дугаар сарын 21-ний өдөр С.А өөрөө цохиулах шалбарах нөхцөл байдлыг өөрөө хангасан. Гэм буруу дээр маргахгүй” гэх мэдүүлэг, хохирогч С.А шүүхийн хэлэлцүүлэгт болон мөрдөн байцаалтын шатанд мэдүүлсэн: “...2018 оны 7 дугаар сарын 21-ний орой...Л.Б босч ирээд сткантай архиа миний нүүр рүү чиглүүлээд над руу хараад шидсэн...гэх мэдүүлэг, мөрдөн байцаалтын шатанд мэдүүлсэн: “...миний биед духанд шарх, зөөлөн эдийн няцрал, баруун бугуйнд зулгаралт, баруун чамархайн хуйх, баруун бугуйнд зөөлөн эдийн няцрал, дух баруун хөмсөгний гадна хэсэг, зовхи зүүн бугуйнд зулгаралт, баруун чамархайн хуйх, баруун зүүн бугалга, шуу, баруун бугуй, хэвлий, зүүн шилбэний булчинд цус хуралт гэмтлийг Б дангаараа учруулсан, намайг аягаар шидэж гэмтээсний дараа 2 удаа дайрч түлхэж, өшиглөж гэмтээсэн” гэх мэдүүлэг /хх-ийн 14 тал/, гэрч Л.Батбаярын мөрдөн байцаалтын шатанд мэдүүлсэн: “...2018 оны 07 дугаар сарын 21-ний өдөр...Аын толгойноос нь цус гарчихсан, ахын нүүрийг маажаад цус гарчихсан байсан” гэх мэдүүлэг /хх-ийн 23 тал/, гэрч Л.Батчимэгийн мөрдөн байцаалтын шатанд мэдүүлсэн: “...Намайг харахад Аын духнаас нь цус гарчихсан, манай ах Бийн хүзүү зэргийг маажсан байсан” гэх мэдүүлэг /хх-ийн 22 тал/, гэрч Ц.Санжмятавын мөрдөн байцаалтын шатанд мэдүүлсэн: “...2018 оны 07 дугаар сарын 21-ний өдөр...манай эхнэр С.А 2-3 хоногийн дараа ирсэн ба нүүр нь шалбараад тавалчихсан байсан би яасан талаар асуухад дүүд зодуулсан гэж байсан” гэх мэдүүлэг /хх-ийн 19 тал/, шинжээч эмчийн №446 дугаартай дүгнэлт /хх-ийн 25 тал/, С.А 2018 оны 07 дугаар сарын 22-ны өдөр яаралтай тусламжийн үйлчилгээ авсан хуудас /хх-ийн 27 тал/, шүүгдэгч Л.Бийн мөрдөн байцаалтын шатанд мэдүүлсэн: “...2018 оны 07 дугаар сарын 21-ний өдөр...Би Аыг хоёр удаа түлхэж унагааж сандал дээр суулгасан, мөн архитай аягаараа нүүр хэсэгт нь байх дараад түлхсэн тэгтэл нүүр хэсгээс нь цус гарсан, би өөрийн гэм буруутай үйлдлээ хүлээн зөвшөөрч байна” гэх мэдүүлэг /хх-ийн 39 тал/ зэргээр нотлогдон тогтоогдож байна.

            Иймд шүүгдэгч Л.Бийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол учруулсан гэмт хэргийг үйлдсэн гэм буруутайд тооцох нь зүйтэй байна.

Хохирогч С.А нь мөрдөн байцаалтын шатанд хохирлын сэтгэл санааны болон эд хөрөнгийн хохиролд 5.000.0000 төгрөгийн нэхэмжлэлийн шаардлагыг, эмчилгээний зардалд 618.500 төгрөгийн нэхэмжлэлийн шаардлагыг нийт 5.618.500 төгрөгийн нэхэмжлэлийн шаардлагыг тус тус гаргасан байна.

Шүүхийн хэлэлцүүлэгт хохирогч С.А нь “улсын 1 дүгээр эмнэлэгт үзүүлсэн 15.000 төгрөгийн баримт нь буруу баримт гаргаж өгсөн байна лээ” гэж байх тул нэхэмжлэлийн шаардлагаасаа татгалзсан гэж үзсэн.

Шүүх хохирогч С.Аын сэтгэл санааны болон эд хөрөнгийн хохирлын 5.000.0000 төгрөгийн нэхэмжлэлийн шаардлагыг хэрэгсэхгүй болгож, эмчилгээний 603.500 төгрөгийн нэхэмжлэлийн шаардлагаас нотлох баримтын шаардлага хангаагүй 305.500 төрөгийг нэхэжлэлийн шаардлагаа нотлох баримтаа бүрдүүлэн Иргэний хэргийн шүүхэд жич нэхэмжлэх эрхийг нээлттэй үлдээж, нотлох баримтын шаардлага хангасан 298.000 төгрөгийн нэхэмжлэлийн шаардлагыг хангаж тус тус шийдвэрлэлээ.

Учир нь шүүхийн хэлэлцүүлэгт хохирогч С.А нь “Би байраа зарсан. Миний байрны хамаг эд хогшил хувцас хунарыг Л.Б хулгайлаад зарж үрээд устгасан байгаа. Иймд сэтгэл санааны болон эд хогшилын хохиролд 5.000.0000 төгрөг нэхэмжилсэн” гэх боловч шүүгдэгч Л.Б нь хохирогч С.Аын орон байрнаас эд зүйлс  хулгайлсан талаар эрүүгийн хэрэг үүсгэгдээгүй, яллах дүгнэлтэд дурдсан гэмт хэргийн улмаас дээрх хохирол учирсан эсэх талаарх нотлох баримт хэрэгт авагдаагүй шүүх Эрүүгийн хэрэг хянан шийдвэрлэх тухай хуулийн 34.14  дүгээр зүйлийн 1 дэх хэсэгт “Анхан шатны журмаар хэрэг хянан шийдвэрлэх ажиллагаа нь тухайн шүүгдэгчийн хувьд прокуророос шүүхэд шилжүүлсэн эрүүгийн хэргийн хүрээнд явагдана” гэж зааснаар хэргийг шийдвэрлэсэн бөгөөд хохирогч С.А нь дээрх хүсэлтээ холбогдох байгууллагад хандан шийдвэрлүүлэх нь зүйтэй байна.

Харин эмчилгээниий 305.500 төгрөгийн баримт нь /хх-ийн 12 тал/ 20118 оны 08 дугаар сарын 20-ны өдөр буюу хэрэг гарснаас хойш 29 хоногийн дараа үзүүлсэн, ямар эмчилгээ болон шинжилгээ үзүүлсэн талаар тодорхойгүй, СК20, СК7, РСК гэх шинжилгээнүүд нь юуны талаарх шинжилгээ оношилгоо болох өөрөөр хэлбэл 2018 оны 07 дугаар сарын 23-ны өдрийн №446 тоот шинжээчийн дүгнэлтээр “С.Аын биед духанд шарх, зөөлөн эдийн няцрал, баруун чамархайн хуйх, баруун бугуйнд зөөлөн эдийн няцрал, дух, баруун хөмсөгний гадна хэсэг, зовхи, зүүн бугуйнд зулгаралт, баруун чамархайн хуйх, баруун, зүүн бугалга, шуу, баруун бугуй, хэвлий, зүүн шилбэний булчинд цус хуралт” гэмтэл тогтоогдсон бөгөөд дээрх гэмтлийн улмаас хийгдсэн шинжилгээ мөн эсэх нь тодорхойгүй, ойлгомжгүй байна.

 

Дөрөв: Эрүүгийн хариуцлага хүлээлгэх талаар:

-Улсын яллагчаас Л.Бийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 400 цагийн нийтэд тустай ажил хийлгэх ял оногдуулж, Эрүүгийн хуулийн 6.10 дугаар зүйлд заасны дагуу шүүгдэгч Л.Бийн цагдан хоригдсон 12 хоногийг эдлэх ялд нь оруулан тооцож, түүнд оногдуулсан 400 цагийн нийтэд тустай ажил хийлгэх ялаас 96 цагийг хасч нийт эдлэх нийтэд тустай ажил хийлгэх ялыг 304 цагаар тогтоох дүгнэлтийг гаргасан байна.

Шүүх шүүгдэгч Л.Бийг анх удаа гэмт хэрэг үйлдсэн, гэм буруугийн талаар маргаагүй, гэмт хэрэг үйлдсэн нөхцөл байдал, учирсан хохирол, хор уршгийн шинж чанар, хувийн байдал, Эрүүгийн хуулийн 1.3 дугаар зүйлийн 1-д “ Эрүүгийн хариуцлага нь тухайн хүн, хуулийн этгээдийн үйлдсэн гэмт хэрэг, гэмт хэргийн нийгмийн аюулын шинж чанар, хэр хэмжээ, гэм буруугийн хэлбэрт тохирсон байна ” гэсний дагуу шүүгдэгч Л.Бөд эрүүгийн хариуцлага хүлээлгэхдээ Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 700 нэгжтэй тэнцэх хэмжээний буюу 700.000 төгрөгөөр торгох ялаар шийтгэх нь зүйтэй байна гэж дүгнэлээ.

              Шүүгдэгч Л.Б нь 12 хоног цагдан хоригдсон байх бөгөөд цагдан хоригдсон нэг хоногийг торгох ялын 15 нэгжтэй тэнцэх хэмжээний төгрөгөөр тооцож /15000х12=180.000/ түүнд оногдуулсан долоон зуун нэгжтэй тэнцэх хэмжээний буюу 700.000 /долоон зуун мянга/ төгрөгөөр торгох ялаас хасч торгох ялыг таван зуун хорин нэгжтэй тэнцэх буюу 520.000 /таван зуун хорин мянга/ төгрөгөөр тооцох нь зүйтэй байна.

            Тав: Бусад асуудлаар:

            Эрүүгийн 1834005370254 тоот хэрэгт эд мөрийн баримтаар хураагдаж ирсэн зүйлгүй, иргэний бичиг баримт шүүхэд ирээгүй, битүүмжлэгдсэн эд хөрөнгөгүй болохыг тус тус дурдах нь зүйтэй байна.

 

            Монгол Улсын Шүүхийн тухай хуулийн 31 дүгээр зүйлийн 31.1, 31.3.1, Эрүүгийн хэрэг хянан шийдвэрлэх тухай хуулийн 36.2, 36.6, 36.7, 36.8, 36.10, 37.1 дүгээр зүйлийн 2, 38.2 дугаар зүйлийн 1 дэх хэсэгт заасныг удирдлага болгон

 

ТОГТООХ нь:

 

1.  Шүүгдэгч Боржигон овогт Лийн Бийг хүний эрүүл мэндэд хөнгөн хохирол учруулсан гэмт хэргийг үйлдсэн гэм буруутайд тооцсугай.

 

2. Шүүгдэгч Боржигон овогт Лийн Бийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 700 /долоон зуу/ нэгжтэй тэнцэх хэмжээний буюу 700.000 /долоон зуун мянга/ төгрөгөөр торгох ялаар шийтгэсүгэй.

 

3. Шүүгдэгч Л.Бөд оногдуулсан торгох ялын биелэлтэнд хяналт тавьж ажиллахыг харъяа нутаг дэвсгэрийн Шүүхийн шийдвэр гүйцэтгэх байгууллагад даалгасугай.
4. Эрүүгийн хуулийн 6.10 дугаар зүйлийн 2 дахь хэсэгт зааснаар шүүгдэгч Л.Бийн цагдан хоригдсон 12 хоногийн нэг хоногийг торгох ялын 15 нэгжтэй тэнцэх хэмжээний төгрөгөөр тооцож /15000х12=180.000/ түүнд оногдуулсан долоон зуун нэгжтэй тэнцэх хэмжээний буюу 700.000 /долоон зуун мянга/ төгрөгөөс хасч таван зуун хорин нэгжтэй тэнцэх буюу 520.000 /таван зуун хорин мянга/ төгрөгөөр торгох ял оногдуулахаар тооцсугай.
5. Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт зааснаар шүүгдэгч Боржигон овогт Лийн Бөд оногдуулсан таван зуун хорин нэгжтэй тэнцэх буюу 520.000 /таван зуун хорин мянга/ төгрөгөөр торгох ялыг Шүүхийн шийдвэр гүйцэтгэх тухай хуулийн 160 дугаар зүйлийн 160.1 дэх хэсэгт заасан хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний буюу 15.000 /арван таван мянга/ төгрөгийг нэг хоногоор тооцож хорих ялаар солихыг мэдэгдсүгэй.
6. Иргэний хуулийн 497 длугаар зүйлийн 497.1, 505 дугаар зүйлийн 505.1 дэх хэсэгт тус тус зааснаар шүүгдэгч Л.Бөөс хохирлын 298.000 төгрөгийг гаргуулж хохирогч С.Аод олгож, сэтгэл санааны болон эд хөрөнгийн хохиролын 5.000.0000 төгрөгийн нэхэмжлэлийн шаардлагыг хэрэгсэхгүй болгож, хохирогч С.А нь цаашид гарах эмчилгээний зардал болон 305.000 төгрөгийн нэхэмжлэлийн шаардлагаа нотлох баримтаа бүрдүүлэн Иргэний хэрэг шүүхэд хянан шийдвэрлэх журмаар жич нэхэмжлэх эрхийг нээлттэй үлдээсүгэй.  
7. Шүүгдэгч Л.Бөд авсан цагдан хорих таслан сэргийлэх арга хэмжээг өөрчилж энэ өдрөөс эхлэн хувийн баталгаа гаргах таслан сэргийлэх арга хэмжээг авч, шийтгэх тогтоол хүчин төгөлдөр болтол шүүгдэгч Л.Бөд авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.
8. Хэрэгт иргэний бичиг баримтаар хураагдаж ирсэн зүйлгүй, битүүмжлэгдсэн эд хөрөнгөгүй, эд мөрийн баримтаар хураагдан ирсэн зүйлгүй болохыг тус тус дурдсугай.
9. Шүүхийн шийдвэр нь уншиж сонсгосноор хүчинтэй болохыг, уг шийдвэрийг уншиж сонсгосноос хойш 15 хоногийн дотор  шийтгэх тогтоолыг бүрэн эхээр, бичгээр үйлдэж улсын яллагч, шүүгдэгч, хохирогч, тэдгээрийн төлөөлөгч, өмгөөлөгчид гардуулахыг, дээрх хугацаанд шүүхийн шийдвэрийг гардаж аваагүй бол энэ хуулийн 11.9 дүгээр зүйлд заасны дагуу хүргүүлэхийг шүүгчийн туслах М.Оюунсүрэнд даалгасугай.

9. Шийтгэх тогтоол нь уншиж сонсгосноор хүчинтэй болох ба шүүгдэгч, хохирогч, тэдгээрийн өмгөөлөгч, улсын яллагч, дээд шатны прокурор анхан шатны шүүхийн шийтгэх тогтоолыг гардан авснаас хойш, эсхүл Эрүүгийн хэрэг хянан шийдвэрлэх тухай хуулийн 11.9 дүгээр зүйлд заасны дагуу хүргүүлснээс хойш 14 хоногийн дотор Төв аймгийн Эрүү, Иргэний хэргийн Давж заалдах шатны шүүхэд давж заалдах гомдол, эсэргүүцлээ шийдвэр гаргасан анхан шатны шүүхэд бичгээр гаргахыг дурдсугай.

10. Шийтгэх тогтоолд давж заалдах гомдол, эсэргүүцэл гаргасан бол шүүхийн шийдвэрийн биелэлтийг түдгэлзүүлж, тогтоол хүчин төгөлдөр болох хүртэл шүүгдэгч Л.Бөд авсан хувийн баталгаа гаргах тухай таслан сэргийлэх арга хэмжээг хэвээр үргэлжлүүлсүгэй.

 

 

 

 

ДАРГАЛАГЧ, ШҮҮГЧ                          Ю.ЭНХМАА