ТОГТООХ нь:

 

1. Гэр бүлийн тухай хуулийн 14 дүгээр зүйлийн 14.1 дэх хэсгийг баримтлан М  овогт Г.А, М овогт Т.Б  нарын гэрлэлтийг цуцалсугай.

 

2. Гэр бүлийн тухай хуулийн 14 дүгээр зүйлийн 14.5 дахь хэсэгт заасныг баримтлан 2002 оны 07 дугаар сарын 17-ны өдөр төрсөн хүү М овогт А.Ц-ийг эх Т.Б-ийн асрамжинд үлдээсүгэй. 

 

3. Гэр бүлийн тухай хуулийн 14 дүгээр зүйлийн 14.5, Иргэний хэрэг шүүхэд хянан шийдвэрлэх тухай хуулийн 129 дүгээр зүйлийн 129.1.1, 131 дүгээр зүйлийн 131.1 дэх хэсэгт зааснаар гэр бүлийн хамтран өмчлөх дундын эд хөрөнгөөс Т.Б, А.Ц нарт 13 301 250 төгрөгийн үнэ бүхий малыг, А.М-т 4 433 750 төгрөгийн үнэ бүхий малыг тус тус хуваан олгож, хариуцагч Г.А-ээс хүүхдийн мөнгө 400 000 төгрөг гаргуулан нэхэмжлэгч Т.Б-д олгосугай. 

 

4. Гэр бүлийн тухай 26 дугаар зүйлийн 26.2-т заасан хүүхдээ хүмүүжүүлэх эцэг, эхийн үүрэг зохигчийн хувьд хэвээр үлдэх болохыг тайлбарласугай.

 

5. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 60 дугаар зүйлийн 60.1, Улсын тэмдэгтийн хураамжийн тухай хуулийн 7 дугаар зүйлийн 7.1.1, 7.1.2 дахь хэсэгт зааснаар нэхэмжлэгч Т.Б-ийн улсын тэмдэгтийн хураамжид төлсөн 314 680 төгрөг, нэхэмжлэгч А.М-ын улсын тэмдэгтийн хураамжид төлсөн 85 890 төгрөгийг тус тус орон нутгийн төсөвт хэвээр үлдээж, хариуцагчаас 400 570 төгрөг гаргуулан 314 680 төгрөгийг Т.Б-д, 85 890 төгрөгийг А.М-т тус тус олгосугай. 

 

6. Гэр бүлийн тухай хуулийн 14 дүгээр зүйлийн 14.9-д зааснаар шийдвэрийн хувийг хүчин төгөлдөр болсноос хойш ажлын 3 өдрийн дотор гэрлэлтийг бүртгэсэн Иргэний бүртгэлийн байгууллагад хүргүүлэхийг шүүгчийн туслахад даалгасугай.

 

7. Шүүхийн шийдвэр гүйцэтгэх тухай хуульд зааснаар шийдвэр гүйцэтгэх арга, журмын дагуу шийдвэр гүйцэтгэх ажиллагааг явуулахыг шийдвэр гүйцэтгэх байгууллагад даалгасугай. 

8. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 120 дугаар зүйлийн 120.2-т зааснаар шийдвэрийг танилцуулан сонсгосноор хүчинтэй болох бөгөөд зохигч шийдвэрийг гардан авснаас хойш 14 хоногийн дотор шийдвэр гаргасан шүүхээр дамжуулан Архангай аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай. 

 

                                               ДАРГАЛАГЧ  ШҮҮГЧ                                   Т.БАДРАХ