2018          12           04                                       2018/ШЦТ/1631

 

 

МОНГОЛ УЛСЫН НЭРИЙН ӨМНӨӨС

 

 

Баянзүрх дүүргийн Эрүүгийн хэргийн анхан шатны шүүхийн шүүгч Н.Баасанбат даргалж,

Нарийн бичгийн дарга Д.Отгонмаа, Улсын яллагч М.Үүрийнтуяа,

Шүүгдэгч Н.А нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар Баянзүрх дүүргийн прокурорын газраас Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан гэмт хэрэгт Н.Аыг холбогдуулан яллах дүгнэлт үйлдэж ирүүлсэн эрүүгийн 1806048151310 дугаар хэргийг хүлээн авч хянан хэлэлцэв.

 

Шүүгдэгчийн биеийн байцаалт:

 

 

Үйлдсэн хэргийн талаар:

Шүүгдэгч Н.А нь 2018 оны 05 дугаар сарын 23-ны өдөр 01 цаг 30 минутын үед Баянзүрх дүүргийн 2 дугаар хорооны нутаг дэвсгэр буюу 13 дугаар хороололын орчимд иргэн Б.Бийн Хаан банкны 5022459156 дугаартай данснаас хүч хэрэглэхгүйгээр, хууль бусаар 700.000 төгрөгийг хулгайлан авсан гэмт хэрэгт холбогджээ.

/яллах дүгнэлтэнд бичигдсэнээр/

 

ТОДОРХОЙЛОХ нь:

 

Шүүхийн хэлэлцүүлэгт хавтаст хэрэгт хуульд заасан үндэслэл журмын дагуу цугларсан дараах нотлох баримтуудыг тал бүрээс нь шинжлэн судалхад шүүгдэгч Н.А нь хулгайлах гэмт хэрэг үйлдсэн гэм буруутай болох нь:

 

Хохирогч Б.Бийн мөрдөн байцаалтын шатанд өгсөн:

Би 2018 оны 05 дугаар сарын 23-ны өдөр 11:30-12:00 цагийн хооронд Сансар худалдааны төвийн Хаан банкны АТМ-ээс мөнгө авах гэхэд үлдэгдэл хүрэлцэхгүй байна гэж хариу гарч ирсэн. Хуулга авч үзэхэд тус өдөр миний

5022459156 дугаарын данснаас 700.000 төгрөг гарсан байсан. Тэгээд Хаан банкны 1800-1917 дугаарын утсаар залгаж асуухад интернет банкаар хийгдсэн гүйлгээ байна гэсэн. Тэгээд намайг 5013... гэсэн дансыг мэдэх үү гэж асуусан. Би мэдэхгүй гэж хэлэхэд тэр ажилтан “таны гомдлыг хүлээн авлаа, 3-5 хоногийн дотор шийдэж өгнө гэж хэлсэн. 2018 оны 05 дугаар сарын 23-29-ний өдрийн хооронд өдөр болгон залгаад миний асуудлыг хурдан шийдэж өгөөчээ гэж гомдол мэдүүлж байсан. 2018 оны 05 дугаар сарын 29-ний өдөр Хаан банкнаас залгаад таны гомдлыг шалгасан, та цагдаагийн байгууллагад ханд гэж хэлсэн. Банкнаас надад Баянмөнх гэдэг хүн ай фоне 7 маркийн гар утасаа 1 хүүхдэд зарсан тэрний төлбөр болгож 700.000 төгрөг орж ирсэн байна гэж байна гэж хэлсэн гэх мэдүүлэг /хх-ийн 11-12/

 

Шүүгдэгч Н.Аын мөрдөн байцаалтын шатанд өгсөн:

... Сансарт Б гэдэг танихгүй Фейсбүүкээр холбогдсон ахаас iphone 5s маркийн гар утас 100.000 төгрөгөөр худалдаж авсан. Маргааш нь утсыг нь үзээд байж байхад мэйл дотроос нь дансны мэдээлэл гарч ирсэн. Түүн дээр нь интернет банкаар нэвтрэх нууц үг байсан. Түүнийг нь би ашиглаад 700.000 төгрөг гаргаад хүнээс гар утас худалдаж авсан гэх мэдүүлэг /хх-ийн 44-45/

 

-гэмт хэргийн талаархи гомдол, мэдээлэл хүлээн авсан тэмдэглэл, цагдаагийн байгууллагад гаргасан хохирогчийн өргөдөл /хх-ийн 4-6/

-хохирогчийн Хаан банкны Депозит дансны дэлгэрэнгүй хуулга /хх-ийн 07-08/

-гар утсанд үзлэг хийсэн тэмдэглэл, гэрэл зургийн үзүүлэлтүүд /хх-ийн 18-27/

-эд зүйл буюу хохиролын мөнгө 700.000 төгрөгийг Н.Ааас хураан авч, Б.Бд хүлээлгэн өгсөн тухай тэмдэглэл /хх-ийн 28-29/,

-хохирогч Б.Бийн БЗД-ийн Цагдаагийн 2 дугаар хэлтэст гаргасан хохирол бүрэн барагдуулж авсан талаарх тайлбар /хх-ийн 30/ болон хэрэгт авагдсан бусад нотлох баримтуудаар тогтоогдож байна.

 

Хавтаст хэргээс Н.Аын жолоочийн лавлагаа мэдээлэл, төрсний бүртгэлийн лавлагаа, иргэний үнэмлэхийн лавлагаа, ял шийтгэгдсэн эсэхийг шалгах хуудас, Бакалаврын дипломын хуулбар, сурагчийн хувийн хэргийн хуулбар

/хх-ийн 31-40/ зэргийг шинжлэн судлав.

 

Шүүхийн хэлэлцүүлэгт шинжлэн судалсан дээрх нотлох баримтууд нь энэ хэрэгт хамааралтай, Эрүүгийн хэрэг хянан шийдвэрлэх тухай хуульд заасан үндэслэл журмын дагуу цуглуулж, бэхжүүлсэн, хэрэг хянан шийдвэрлэхэд хангалттай байна гэж шүүх үнэлэв.

 

Хохирогч, гэрч, яллагдагч нараас мэдүүлэг авахдаа хууль сануулж, хуульд заасан журмын дагуу мэдүүлгийг авсан байх тул үнэн зөвд тооцож үнэлсэн болно.

 

Шүүгдэгч Н.А нь 2018 оны 05 дугаар сарын 23-ны өдөр 01 цаг 30 минутын үед Баянзүрх дүүргийн 2 дугаар хорооны нутаг дэвсгэрт иргэн Б.Бийн Хаан банкны 5022459156 дугаартай данснаас хүч хэрэглэхгүйгээр, хууль бусаар 700.000 төгрөгийг авч хулгайлах гэмт хэргийг хүндэрүүлэх нөхцөлгүй үйлдсэн гэм буруутай болох нь шүүхийн хэлэлцүүлэг болон мөрдөн байцаалтын шатанд өгсөн хохирогч, шүүгдэгч нарын мэдүүлэг болон хэрэгт цугларсан, шүүх

хуралдаанаар хэлэлцэгдсэн бичгийн бусад нотлох баримтуудаар хангалттай нотлогдон тогтоогдлоо.

 

Нотлох баримт болон шүүхийн хэлэлцүүлэгт шүүгдэгчийн гэм буруутай үйлдэл хангалттай тогтоогдож, шүүгдэгч нь өөрийн гэм буруутай маргахгүй, хүлээн зөвшөөрч байх тул шүүгдэгч Н.А нь бусдын эд хөрөнгийг хүч хэрэглэхгүйгээр, нууцаар, хууль бусаар авч хулгайлах гэмт хэрэг үйлдсэн гэм буруутай байна.

 

Шүүгдэгч Н.Аыг прокуророос Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн хуулийн зүйл, хэсэг тохирсон байна.

 

Шүүх шүүгдэгч Н.Аад ял оногдуулахад эрүүгийн хариуцлагыг хүндрүүлэх нөхцөл байдал тогтоогдоогүй, харин тохиолдлын шинжтэй нөхцөл байдлын улмаас анх удаа гэмт хэрэг үйлдсэн, учруулсан хохиролоо нөхөн төлсөн, түүний хувийн байдал, гэмт хэрэг үйлдсэн нөхцөл байдал, гэмт хэрэг үйлдсэн гэм буруугаа хүлээн зөвшөөрч байгаа зэргийг эрүүгийн хариуцлагыг хөнгөрүүлэх нөхцөл байдалд тооцон үзэв.

 

Шүүгдэгч нь хохиролыг төлж барагдуулан хохирогчийн гомдол нэхэмжлэлийг барагдуулсан байх тул гэмт хэргийн улмаас учирсан хохиролыг арилсанд тооцон Н.Аыг бусдад төлөх төлбөхгүй гэж үзэх нь зүйтэй байна.

 

Хэрэгт эд мөрийн баримтаар хураагдаж ирсэн зүйлгүй, хэрэгт битүүмжлэгдсэн хөрөнгөгүй, шүүгдэгчээс гаргуулах хэрэг хянан шийдвэрлэх ажиллагааны зардалгүй болохыг дурдах нь зүйтэй байна.

 

Эрүүгийн хэрэг хянан шийдвэрлэх тухай хуулийн 36.2, 36.6, 36.7, 36.8, 36.10 дугаар зүйлүүдэд заасныг тус тус удирдлага болгон

ТОГТООХ нь :

 

1. Шүүгдэгч Х овогт Нийн Аыг бусдын эд хөрөнгийг хүч хэрэглэхгүйгээр, нууцаар, хууль бусаар авч хулгайлах гэмт хэрэг үйлдсэн гэм буруутайд тооцсугай.

 

2. Эрүүгийн хуулийн тусгай ангийн 17.1 дүгээр зүйлийн 1 дэх хэсэгт зааснаар шүүгдэгч Н.Аыг хоёр зуун тавин цагийн хугацаагаар нийтэд тустай ажил хийлгэх ялаар шийтгэсүгэй.

 

3. Эрүүгийн хуулийн ерөнхий ангийн 5.4 дүгээр зүйлийн 2 дахь хэсэгт зааснаар Н.Аад оногдуулсан 250 цагийн хугацаагаар нийтэд тустай ажил хийлгэх ялыг өдөрт дөрвөн цагийн хугацаагаар тооцож хийлгэхээр тогтоосугай.

 

4. Эрүүгийн хуулийн ерөнхий ангийн 5.4 дүгээр зүйлийн 4 дэх хэсэгт зааснаар нийтэд тустай ажил хийлгэх ялыг биелүүлээгүй бол нийтэд тустай ажил хийлгэх ялын найман цагийн ажлыг нэг хоногоор тооцож хорих ялаар солихыг