МОНГОЛ УЛСЫН НЭРИЙН өмнөөс

Булган аймаг дахь сум дундын эрүүгийн хэргийн анхан шатны шуүхийн шүүгч С Цэрэнханд даргалж

нарийн бичгийн дарга Д.Одончимэг,

улсын яллагч П.Шижирт,

хохирогч Ж Н*******.

гэрЧ Д.Э,

шүүгдэгчийн өмгөөлөгч Г.Эрдэнэчимэг, М.Даваасүрэн.

шүүгдэгч Н.Ч*******, Ц П******* нарыг оролцуулан тус шүүхийн танхимд хийсэн шүүх хуралдаанаар Аймгийн прокурорын газраас Эрүүгийн хуулийн тусгай ангийн 145 дугаар зүйлийн 145.2-т заасан гэмт хэрэгт холбогдуулан яллах дүгнэлт үйлдэж ирүүлсэн Н.Ч*******, Ц.П******* нарт холбогдох эрүүгийн 201606000258 дугаартай. 132/2016/0055/Э индекстэй эрүүгийн хэргийг 2017 оны 05 дугаар сарын 09-ний өдөр хүлээн авч хэлэлцэв.

Шүүгдэгч: Монгол улсын иргэн, 1956 оны 3 дугаар сарын 16-ны өдөр Булган аймгийн Сайхан суманд төрсөн, 61 настай, эрэгтэй, бага боловсролтой, тракторын жолооч мэргэжилтэй, ам бүл 4, эхнэр, 2 хүүхдийн хамт Булган аймгийн Сайхан сумын ..... багт оршин суух, улсаас авсан гавъяа шагналгүй. ял шийтгэлгүй. хэрэг хариуцах чадвартай Ө******* овогт Н******* Ч*******

 

Шүүгдэгч: Монгол улсын иргэн, 1965 оны 01 дүгээр сарын 24-ний өдөр Булган аймгийн Сайхан суманд төрсөн, 52 настай, эрэгтэй. бүрэн бус дунд боловсролтой, гагнуурчин мэргэжилтэй. ам бүл 4, эхнэр, 2 хүүхдийн хамт Булган аймгийн Сайхан сумын ...... оршин суух. улсаас авсан гавъяа шагналгүй, ял шийтгэлгүй, хэрэг хариуцах чадвартай. Т******* овогт Ц******* П*******

Холбогдсон хэргийн талаар:

Шүүгдэгч Ц.П*******, Н.Ч******* нар нь бүлэглэж 2016 оны 5 дугаар сарын 13-ны өдөр Булган аймгийн Сайхан сумын 5 дугаар багийн 4-2 тоотод оршин суух Ж.Н*******н гэрт хууль бусаар нэвтрэн орж “хэт" хутга хулгайлж 8000000 төгрөгийн хохирол учруулсан гэмт хэрэгт холбогджээ. /яллах дүгнэлтээр/

ТОДОРХОЙЛОХ нь:

Шүүхийн хэлэлцүүлэгт дараах нотлох баримтуудыг шинжлэн судаллаа. Үүнд:

Шүүгдэгч Н.Ч*******ийн өгсөн: 2016 оны 05 дугаар сарын 12-ны үед сумын төв орсон, 6 сар гарсан байх сумын төлөөлөгч дуудаад “та 5 дугаар сарын 12-ны үед хаана байсан бэ’ гэж асуусан. Би тэр өдрийн орой нь ач хүүгээ Сайхан сумын “Уурхай’ гэх нэртэй газраас Сайхан сумын төвд хүргэж ирсэн. Тэгээд би Н гэх айлд хоноод 05 дугаар сарын 12-ны өдөр 16 цагийн орчим Н*******гийн дэлгүүр рүү ороод Н гэх хүнтэй нэг шил архи хувааж уугаад байж байхад Н*******гийн эхнэр Э манай гэрт очъё гэж хэлэхээр нь 17 цагийн орчим Н, Э нарын хамт Н*******гийн гэрт очсон. Тэгээд сууж байхад Э айлд очоод ирье та хоёр сууж бай гэж хэлсэн. Удалгүй бэр нь гэх хүүхэн орж ирсэн. Тэгээд Н ах бид хоёрыг хүргэж өгье гээд машиндаа суулгаад Нгийн гэрт хүргэж өгсөн Тэр оройдоо би Нгийн гэрт хоносон. Би сумын төвд 4-5 хоносон, гэхдээ тэр хавиар яваагүй, энэ хэргийг үйлдээгүй. Мөрдөн байцаалтын шатанд би П*******г намайг гүтгэсэн байна гэж гомдохдоо мэдүүлэг өгсөн. Үнэн зөвөөр шийдэж өгнө үү гэх мэдүүлэг,

Шүүгдэгч Ц.П*******гийн өгсөн: Би 2016 оны 5 дугаар сарын 11-ний өдөр захиргаан дээр хуралд суучихаад хог цэвэрлээд бүтэн өдөр ажилласан. 5 дугаар сарын 12-нд мөн бүтэн ажилласан. 2016 оны 5 дугаар сарын 14-ний өдрөөс 16-ны өдрийн хооронд өдөр. шөнөгүй гагнуурын ажил хийсэн юм. Би Н*******гийн гэрт нь ерөөсөө очоогүй, намайг гагнуур хийж байхад Ч******* хашааны хойноос Н*******гийн эхнэр Т дэлгүүрээ онгойлгосон байна уу гэж асууж байсан. Би энэ хэргийг үйлдээгүй гэх мэдүүлэг,

Хохирогч Ж.Н*******гийн өгсөн: Би тав дахь өдөр буюу 2016 оны 05 дугаар сарын 13-ны өдөр бараанд явчихаад үдээс хойш нь мал руугаа явах гээд ногг хазаараа авахад хэт хутга маань байсан юм Тэгээд хөдөө явчихаад 17-ны өдөр ирсэн, тухай өдрөө анзаараагүй маргааш нь буюу 18-ны өдөр хэт хутга байсан газраа байхгүй байсан, тэгээд эхнэрээсээ цаашаа далд хийсэн эсэхийг асуугаад үгүй гэхээр нь хайгаад олоогүй. Бэр маань гэрт Ч*******, Н хоёр ирж архи уусан гэж хэлсэн. Тэгээд хулгайд алдагдсан байна гээд сумын цагдаад хэлэх болоход Э эгч “Ч******* наймаа хийсэн гээд аваад явж байсан шүү дээ' гэж хэлсэн. Тэгээд бид нар цагдаад болсон асуудлын талаар хэлсэн. Харсан гэрчтэй, авсан нь үнэн болохоор би хэт хутгаа олж авмаар байна, гарсан зардлаа мөн нэхэмжилнэ гэх мэдүүлэг,

Гэрч Д.Эн өгсөн: Би айлын хүүхэд хардаг ажилтай, 2016 оны 5 дугаар сарын 13-ны орой айлын хүмүүс ирсэний дараа 22 цаг өнгөрч байхад би гэрлүүгээ явахдаа дүү Н*******гийнхаар дайраад унаа байвал хүргүүлье гэж бодоод очиход хашааны хаалга нь онгорхой. гэр нь гэрэлтэй байсан. Тэгээд гэрийнх нь үүдэнд очтол өөдөөс түрүүлээд П*******. араас нь Ч******* мөрөн дээрээ хэт хутга тохчихсон, ‘наймаа хийлээ дээ" гээд гараад ирсэн. Би юу ч яриагүй гэрт ороход хүнгүй байсан. Намайг орсоны дараа мотоцикль дуугаараад хашаа тойроод явах шиг болсон. Тэгээд хагас бүтэн сайн өдөр өнгөрөөд би айлын хүүхэд хараад хэнтэй нь ч уузалдаагүй байгаад Н*******гийн бэрийг аавын хэт хутга алдагдаад цагдаад хэлэх гэж байгаа гэхээр нь болсон зүйлийг хэлсэн. Надаас цагдаа мэдүүлэг авсан. Би хэнийг ч гүтгээгүй, нэг нь миний шавь, нөгөө нь нутгийн таньдаг хүн. Гэрээс энэ хоёр гарч байхад би зөрж орохоор л таарсан гэх мэдүүлэг,

201606000258 дугаартай эруүгийн хэргээс мерден байцаалтын шатанд:

Хохирогч Ж.Н*******гийн өгсөн: ...2016 оны 05 дугаар сарын 15-ны өдөр хөдөө гэрээсээ сумын төвд байх гэртээ ирсэн. Гэрийн хойморийн орны зүүн талын зүүн унинаас унжуулсан байсан хэт хутгаа байсан үгүйг анзаараагүй байж байгаад 2016 оны 05 дугаар сарын 18-ны өдөр өөрийнхөө хэт хутгыг байхгүй байгааг мэдээд өөрийн эхнэр Эгаас миний хутга хаана байна вэ, энд тэнд далд хийгээ юу гэж асуухад хутгыг авч далд хийгээгүй гэдгээ хэлсэн... гэх мэдүүлэг /хх-ийн 16 тал/,

Гэрч С.Р өгсөн: “...2016 оны 05 дугаар сарын үед Булган аймгийн Сайхан сумын төвд албан үүргээ гүйцэтгэж байхад Э, Золжаргал гэх 2 хүн ирж хадам аав Н*******гийн хэт хутга алга болсон. Морь даваа хочтой Даваа, Ч******* гэх хүмүүс мөрөн дээрээ тохчихсон явж байсан гэж мэдэгдсэн...” гэх мэдүүлэг /хх-ийн 19 тал/

Гэрч Д.Эгийн өгсөн: “...2016 оны Обдугаар сард шигсанаж байна, өдрийг нь сайн санахгүй байна. Миний нөхөр Н******* хөдөө яваад ирэхдээ нэг өглөө унинд байсан хэт хутга алга байна гэж надруу утсаар хэлэхээр нь гэртээ ирээд хэт хутгыг хайсан боловч олдоогүй. Би төрсөн эгч Эд хэт хутгыг алга болсныг хэлэхэд Ч*******, П******* нарыг мөрөн дээрээ хэт хутга тавиад манай гэрээс гарч явсан гэдгийг хэлсэн...” гэх мэдүүлэг /хх-ийн 22 тал/.

Гэрч З өгсөн: “...2016 оны 05 дугаар сарын 18-ны өглөөний 09 цагийн үед хадам аав Н******* миний хэт хутга алга болсон байна харсан уу гээд манай гэрт орж ирсэн. Тэгээд байж байхад гаднаас Э эгч орж ирээд хадам аав Н*******, хадам ээж Э нарыг асуухаар нь хэт хутга алга болсон гээд хайгаад гараад явсан талаар хэлэхэд намайг Цгийн гэрт байхад П******* орж ирээд Н******* гуай Ч*******г хутгаа зарсан гээд яриад байсан гэж хэлсэн. Э эгч Сайхан сумын Рагчаа цагдаад хэлэхдээ ‘П*******. Ч******* нарыг хэт хутгыг аваад гэрээс гарч байхад нь үүдэн дээр таарсан' талаар ярьсан..." /хх-ийн 25 тал/.

Гэрч Д.Эн өгсөн: “..2016 оны 5 дугаар сарын 13-ны орой хүүхдийг хардаг ажлаа тараад гэртээ харих замдаа Н*******гийн гэрээр ороод гаръя гэж бодоод хашааных нь хаалгаар ороод гэрийн үүдэн дээр очиход миний урдаас П******* түрүүлээд араас нь Ч******* гарч ирсэн. Ч******* нь зүүн талынхаа мөрөн дээр хэт хутга тохоод явж байсан...’ гэх мэдүүлэг /хх-ийн 83-84 тал/.

Шүүгдэгч Н.Ч*******ийн сэжигтэн. яллагдагчаар өгсөн: 2016 оны 5 дугаар сарын 11-ний өдрийн орой нь ач хүүгээ маань намайг Сайхан сумын "Уурхай" гэх нэртэй газраас Сайхан сумын төвд хүргэж ирсэн. Тэгээд би Н гэх айлд хоноод 05 дугаар сарын 12-ны өдөр 16 цагийн орчим Н*******гийн дэлгүүр рүү ороод Н гэх хүнтэй нэг шил архи хувааж уугаад байж байхад Н*******гийн эхнэр Э манай гэрт очъё гэж хэлэхээр нь 17 цагийн орчим Н, Э нарын хамт Н*******гийн гэрт очсон. Тэгээд сууж байхад Э айлд очоод ирье та хоёр сууж бай гэж хэлсэн. Удалгүй бэр нь гэх 20 гаран насны хүүхэн орж ирсэн. Тэгээд Н ах бид хоёрыг хүргэж өгье гээд машиндаа суулгаад Нгийн гэрт хүргэж өгсөн. Тэр оройдоо би Нгийн гэрт хоносон. 2016 оны 05 дугаар сарын 10-ны өдрийн 16 цагийн орчим байх гэж санаж байна, Н*******гийн гэрт орох гээд гэр нь цоожгүй хаалгыг онгойлгоод орох гэтэл хүн байхгүй байхаар нь оролгүй хаалгыг нь буцааж хаагаад мотоцикль руугаа явж байхад Пүрэвдваа баруун гар талаас гэнэт хаанаас ч юм тодорхойгүй хүрч ирэхээр нь сайн уу гэж мэнд мэндлэхэд П******* нь

баруун гартаа хавтгайдуу хэлбэртэй өмдний тэлий юм шиг зүйл барьж байсан. Би барьж байгаа зүйлийг нь үзээд өгөхөд нилээн дургүй шинжтэй авсан. Тэр үед Э гэх хүүхэн ирээд юм ярилцаагүй хажууд зогсож байхаар нь би мотоцикль руугаа алхахад Э мөрөн дээрээ тавьчихлаа гэсэн утгатай үг хэлэх шиг сонсогдохоор нь баруун мөрөн дээрээ үзэхэд нөгөө барьсан зүйлээ П******* нь миний мөрөн дээр тавьсан байсан. Тэгэхээр нь би эргэж хараад энийгээ ав гэж хэлээд П*******д гарт нь өгөөд П*******гаас Р гэх айлыг асуугаад мотоциклио унаад Р гэх айл руу явсан. Р гэх айлын гэрт очиход 17 цаг болж байсан. Р гэртээ байгаагүй, харин залуухан хүүхэн байхаар нь мал авч байгаа юм уу гэхэд үгүй гэхээр нь Нгийн гэрт очсон. Нгийн гэрт би 2-3 хоносон. Сүүлд бодоод байхад П******* нь Н*******гийнхаас эд зүйлс авсныхаа дараа Э гэх эмэгтэй таарахаар хавтгайдуу, бүс ч юм шиг зүйлийг миний мөрөн дээр тавьсан гэдгийг бодсон. Тэр зүйл нь Н*******гийн хулгайд алдсан хэт хутга нь байсан" гэх мэдүүлэг /хх-ийн 38-42 тал/,

Шүүгдэгч Ц.П*******гийн сэжигтэн, яллагдагчаар өгсөн: “...Би хэт хутга хулгайлаагүй. 2016 оны 5 дугаар сарын 11-ний өглөөний 09-13 цаг хүртэл тамгын газрын урд талд байдаг цэцэрлэгт хүрээлэнгийн цэвэрлэгээг хийчихээд үдээс хойш нь Хөдөлмөрийн хэлтсийн хуралд суучихаад орой нь гэртээ ирээд амарсан юм Маргааш өглөө нь 08 цагаас хогийн цэг дээр ажиллахаар хувиарлагдсан байсан учраас цэвэрлэгээндээ очсон. Тэгээд 13 цаг хүртэл цэвэрлэж байгаад цайндаа ороод 14 цагаас буцаж ирээд 18 цаг хүртэл цэвэрлээд харьж амарсан. 2016 оны 5 дугаа^сарын 13-ны өдрийн 11 цаг хүртэл ажлаад гэртээ ирээд Ц гэх хүний хашааны хаалтыг гагнаж өгсөн. Тэгээд 15 цагийн үед гагнуураа хийж дуусгасан юм. Тэгээд Ц намайг маргааш нь машины юм гагнуулахаар тохирсон. 2016 оны 5 дугаар сарын 14-ний өдрөөс 16-ны өдрийн хооронд өдөр, шөнөгүй гагнуурын ажил хийсэн юм. Би Н*******гийн гэрт нь ерөөсөө очоогүй, намайг гагнуур хийж байхад Ч******* хашааны хойноос Н*******гийн эхнэр Т дэлгүүрээ онгойлгосон байна уу гэж асууж байсан..." гэх мэдүүлэг /хх-ийн 43-47 тал/,

“Далайван Аудит" ХХК-ийн Орхон аймаг дахь салбарын 2016 оны 9 дүгээр сарын 01-ний өдрийн 02/137 дугаартай “хохирогч Ж.Н*******н “хэт" хутгыг 8000000 төгрөгөөр үнэлсэн’ шинжээчийн дүгнэлт /хх-ийн 30 тал/,

Эрүүгийн хэрэг үүсгэж мөрдөн байцаалтын ажиллагаа явуулах тогтоол /хх 1 тал/, гэмт хэргийн шинжтэй гомдол, мэдээллийг хүлээн авсан тэмдэглэл /хх 2 тал/, гэмт хэргийн талаархи өргөдөл. гомдол мэдээллийг шалгах хугацааг сунгах тухай тогтоол /хх 7 тал/, баримтыг хэрэгт хавсаргах тогтоол, гэрэл зургийн үзүүлэлт /хх 12- 14 тал/. шүүгдэгчийн сэжиггэн, яллагдагчаар тооцсон тогтоол, тэмдэглэл /хх 38-47 тал/ иргэний үнэмлэхний лавлагаа болон урьд ял шийтгэгдсэн эсэхийг шалгасан хуудас /хх 50-51,56-57 тал/, мэдүүлгийг газар дээр нь шалгах тухай тэмдэглэл, гэрэл зургийн үзүүлэлт /хх 73-76 тал/, эд хөрөнгө битүүмжлэх тогтоол, тэмдэглэл /хх 78- 79 тал/ зэрэг нотлох баримтуудыг шинжлэн судлав.

Хэрэгт цугларч шүүх хуралдаанаар хэлэлцэгдсэн дээрх нотлох баримтууд нь тухайн хэрэгт хамааралтай, Эрүүгийн байцаан шийтгэх хуульд заасан үндэслэл журмын дагуу цуглуулж бэхжүүлэгдсэн, хэргийг хянан шийдвэрлэхэд хангалттай гэж үзэж шүүх үнэлэв.

Дээрхи нотлох баримтуудаар шүүгдэгч Н.Ч******* нь 2016 оны 05 дугаар сарын 13-ны өдөр Булган аймгийн Сайхан сумын 5 дугаар багийн 4-2 тоотод оршин суух Ж.Н*******н гэрт хууль бусаар нэвтрэн орж нууц далд аргаар “хэт" хутгыг хулгайлж, 8000000 төгрөгийн хохирол учруулсан үйл баримт тогтоогдож байна.

Энэ үйл баримт нь хэрэг үйл явдал болсон цаг хугацаа, орон зай, учирсан хохирлын талаар өгсөн хохирогч Ж.Н*******, гэрч Д.Э нарын мэдүүлэг, мэдүүлгийг газар дээр нь шалгах ажиллааны тэмдэглэл болон “хэт" хутганы зах зээлийн үнэлгээ гаргасан шинжээчийн дүгнэлт зэрэг нотлох баримтуудаар хангалттай нотлогдож тогтоогдсон байна.

Хэрэгт хохирогч. гэрч нарын мэдүүлгийг Эрүүгийн байцаан шийтгэх хуульд заасан журмын дагуу авч бэхжүүлсэн. шинжээчийн дүгнэлтийг тусгай мэдлэг эзэмшсэн эрх бүхий шинжээч гаргажээ.

Хулгайлах гэмт хэргийн гол шинж нь нууц далд аргаар өмчлөгч, эзэмшигчид нь мэдэгдэлгүй авдаг, иймд хохирогчийн 2017 оны 5 дугаар сарын 12-ны өдрөөс 17-ны хооронд дээрхи эд зүйлийг гэрээсээ алдсан талаар мэдүүлж байгааг цаг хугацааны хувьд зөрүүтэй байна гэж үзэх боломжгүй бөгөөд гэрч Д.Э тухайн үйл баримт болсон цаг, хугацаа, орон зайн талаар хэлж. мэдүүлгийн эх сурвалжаа тодорхой заасан нь нотлох баримтаар нотлогдож байна.

Хохирогч Ж.Н*******н гэрээс шүүгдэгч Ц.П*******, Н.Ч******* нарыг гарч явах үед таарсан, хэт хутгыг Э.Ч******* мөрөн дээрээ тохсон байдалтай явж байсан гэдгийг гэрч Д.Э тууштай мэдүүлдэг боловч энэ мэдүүлгээр Ц.П*******гийн оролцоо, гэмт хэрэг үйлдэхэд санаатай нэгдэж, дэмжлэг үзүүлсөн нөхцөл байдал тоггоогдохгүй байна. Шүүгдэгч Н.Ч*******ийн мөрдөн байцаалтын шатанд “Ц.П******* хэт хутгыг аваад надад өгсөн" гэх агуулга бүхий мэдүүлэг нь гэрч Д.Э болон түүний мэдүүлгийг газар дээр нь шалгах ажиллагааны тэмдэглэлээр няцаагдаж байх тул түүний хохирогч Ж.Н*******н гэрээс Н.Ч*******тай хамт гарч ирсэн үйлдэлд гэмт хэргийн шинж тогтоогдохгүй байна гэж үзэж түүнд холбогдох хэргийг хэрэгсэхгүй болгож шийдвэрлэв.

Хэргийн бүрдэл хангагдсан. хэргийн талаар нотловол зохих зүйл нотлогдсон байх тул шүүгдэгч Н.Ч*******ийг бусдын эд хөрөнгийг хулгайлах гэмт хэргийг орон байранд нэвтэрч үйлдсэн гэм буруутайд тооцож, Эрүүгийн хуулийн тусгай ангийн 145 дугаар зүйлийн 145.2-т зааснаар хариуцлага хүлээлгэх хууль зүйн үндэслэлтэй байна гэж шүүх дүгнэв.

Түүний гэм буруутай үйлдлийн улмаас хохирогч Ж.Н*******н мөнгөн хэт хутга алдагдаж, 8000000 төгрөгийн хохирол учирсан байх тул шүүгдэгч Н.Ч*******аас гэмт хэргийн улмаас учирсан хохирол болон эд зүйлийн үнэлгээний хөлс 40000 төгрөг/хх-27 тал/. мөрдөн байцаалтын шатанд мэдүүлэг өгөх, хэргийн материалтай танилцах /хх-108_: 15/, 2017 оны 5 дугаар сарын 23, 7 дугаар сарын 25-ны өдрүүдэд шүүх хуралдаанд ирж оролцсонтой холбоотой гарсан бинзений зардлыг нотлох баримтын шаардлага хангасан хэмжээнд тооцож/бООООи, 60000П, 80000П, 53200_/ 293200 төгрөгийг тус тус гаргуулж хохирогчид олгох нь зүйтэй байна.

Энэ хэрэгт шүүгдэгч Ц.П*******, Н.Ч******* нар нь цагдан хоригдсон хоноггүй, хэрэгт эд мөрийн баримтаар хураагдаж ирсэн эд зүйлгүйг дурьдаж, шүүгдэгч Ц.П*******гийн N2000179326 дугаарын гэрчилгээтэй 126300 м² бүхий гэр бүлийн хэрэгцээний зориулалт бүхий газрыг битүүмжилсэн мөрдөн байцаагчийн 2017 оны 4 дүгээр сарын 10-ны өдрийн “Эд хөрөнгө битүүмжлэх тогтоол"-ыг хүчингүй болгож шийдвэрлэв.

Эрүүгийн хэрэг хянан шийдвэрлэх тухай хуулийн 36.2 дугаар зүйлийн 1-4, 36.3 дугаар зүйлийн 1, 36.6, 36.7, 36.8 дугаар зүйлүүдэд заасныг тус тус удирдлага болгон ТОГТООХ нь:

1. Эрүүгийн хэрэг хянан шийдвэрлэх тухай хуулийн 39.14 дүгээр зүйлийн 1.1 дэх хэсэгг заасан үндэслэлээр Т******* овогт Ц******* П*******д холбогдох хэргийг хэрэгсэхгүй болгосугай.
2. Шүүгдэгч Ө******* овогг Н******* Ч*******ийг хулгайлах гэмт хэргийг бусдын орон байранд нэвтэрч үйлдсэн гэм буруутайд тооцсугай.
3. 2002 оны Эрүүгийн хуулийн тусгай ангийн 145 дугаар зүйлийн 145.2-т зааснаар шүүгдэгч Н.Ч*******ийг эд хөрөнгө хураахгүйгээр 4 /дөрөв/ сарын хугацаагаар баривчлах ялаар шийтгэсүгэй.
4. Энэ хэрэгт шүүгдэгч Н.Ч*******. Ц.П******* нар нь цагдан хоригдсон хоноггүй, хэрэгт эд мөрийн баримтаар хураагдаж ирсэн эд зүйлгүйг дурьдаж, шүүгдэгч Ц.П*******гийн №000179326 дугаарын гэрчилгээтэй 126300 м² бүхий гэр бүлийн хэрэгцээний зориулалт бүхий газрыг битүүмжилсэн мөрдөн байцаагчийн 2017 оны 4 дүгээр сарын 10-ны өдрийн “Эд хөрөнгө битүүмжлэх тогтоол’-ыг хүчингүй болгосугай.
5. Иргэний хуулийн 497 дугаар зүйлийн 497.1, 510 дугаар зүйлийн 510.1-д зааснаар шүүгдэгч Н.Ч*******аас хэт хутга буюу 8000000 /найман сая/ төгрөг, хэрэг хянан шийдвэрлэх ажиллагаатай холбоотой зардалд 293200 /хоёр зуун ерэн гурван мянга хоёр зуу/ төгрөг, нийт 8293200 /найман сая хоёр зуун ерэн гурван мянга хоёр зуу/ төгрөгийг гаргуулж, хохирогч Булган аймгийн Сайхан сумын 5 дугаар багийн 4-2 тоотод оршин суух, Усчин овогт Жүгдэрийн Н*******д олгосугай.

7. Эрүүгийн хэрэг хянан шийдвэрлэх тухай хуулийн 39.10 дугаар зүйлийн 4 дэх хэсэгг зааснаар шийтгэх тогтоол уншин сонсгосноор хүчинтэй болох бөгөөд тогтоол хүчин төгөлдөр болтол шүүгдэгч Ц.П*******д авсан бусдын батлан даалтад өгөх таслан сэргийлэх арга хэмжээг хүчингүй болгож, шүүгдэгч Н.Ч*******ийг цагдан хорьж, эдлэх ялыг 2017 оны 7 дугаар сарын 26-ны өдрөөс эхлэн тоолсугай.
8. Эрүүгийн хэрэг хянан шийдвэрлэх тухай хуулийн 36.13 дугаар зүйлийн 1 дэх хэсэг, 38.1 дүгээр зүйлийн 1 дэх хэсэгт тус тус зааснаар шийтгэх тогтоолыг шүүгдэгч, хохирогч, тэдгээрийн өмгөөлөгч гардан авснаас хойш 14 хоногийн дотор Булган аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах, улсын яллагч. дээд шатны прокурор эсэргүүцэл бичих эрхтэйг дурьдсугай.
9. Эрүүгийн хэрэг хянан шийдвэрлэх тухай хуулийн 37.1 дүгээр зүйлийн 2-т зааснаар давж заалдах гомдол гаргах буюу эсэргүүцэл бичигдсэн тохиолдолд тогтоолын биелэлтийг түдгэлзүүлсүгэй.

 

 

    ДАРГАЛАГЧ ШҮҮГЧ                            С.ЦЭРЭНХАНД