МОНГОЛ УЛСЫН НЭРИЙН ӨМНӨӨС

Сонгинохайрхан дүүргийн Эрүүгийн хэргийн анхан шатны шүүхийн шүүгч Г.Ганбаатар даргалж,

Нарийн бичгийн дарга Ц.Отгонбаяр,

Улсын яллагч Д.Ганчимэг,

Хохирогч, шүүгдэгч, түүний өмгөөлөгч Н.Одонтуяа,

Насанд хүрээгүй хохирогч, өсвөр насны шүүгдэгч О.Г, түүний хууль ёсны төлөөлөгч .Д.О тэдгээрийн өмгөөлөгч Д.Ганбат нарыг оролцуулан тус шүүхийн эрүүгийн хэргийн шүүх хуралдааны танхимд хаалттай хийсэн хуралдаанаар:

Сонгинохайрхан дүүргийн прокурорын газраас Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар яллах дүгнэлт үйлдэж ирүүлсэн Сад занги овогт Оын О.Г, Хаадын урианхай овогт Үүрцайхын Гэлэнхүү нарт холбогдох 1708023560310 дугаартай эрүүгийн хэргийг хянан хэлэлцэв.

Шүүгдэгч нарын биеийн байцаалт:

Монгол Улсын иргэн, **оны ** дүгээр сарын **-ны өдөр Улаанбаатар хотод төрсөн, эрэгтэй, ** настай, бүрэн бус дунд боловсролтой, мэргэжилгүй, Монголын Үндэсний Их Сургуулийн Универсал политехникийн коллежийн 2 дугаар ангид суралцдаг, ам бүл 3, ээж, дүүгийн хамт Сонгинохайрхан дүүргийн ** дугаар хороо, Хайрханы ** тоотод оршин суух, урьд ял шийтгэлгүй, Сад занги овогт Оын О.Г, РД: УП****,

Монгол Улсын иргэн, ***оны ** дүгээр сарын **-ны өдөр Төв аймагт төрсөн, ** настай, эрэгтэй, дээд боловсролтой, эрх зүйч мэргэжилтэй, "**” ХХК-д борлуулагч ажилтай, ам бүл-*, ээж, аав, эхнэр хүүхдүүдийн хамт Сонгинохайрхан дүүргийн * дугаар хороо, Баянзүрх хотхоны *** тоотод оршин суух, 2008 оны 11 дүгээр сарын 21-ний өдөр Сонгинохайрхан дүүргийн шүүхээр Эрүүгийн хуулийн тусгай ангийн 181 дүгээр зүйлийн 181.2.1, 181.2.5 дахь хэсэгт зааснаар 03 жил 01 сарын хорих ялаар шийтгүүлж, уг ялыг тэнсэж, 1 жилийн хугацаагаар хянан харгалзсан, 2010 оны 09 дүгээр сарын 28-ны өдөр Сонгинохайрхан дүүргийн шүүхээр Эрүүгийн хуулийн тусгай ангийн 181 дүгээр зүйлийн 181.2.1, 181.2.5 дахь хэсэгт зааснаар 2 жил 10 хоногийн хорих ялаар шийтгүүлж, 2011 оны 11 дүгээр сарын 02-ны өдөр 08 сар 06 хоногийн хорих ялаас хугацааны өмнө тэнсэж хянан харгалзсан, Х овогт Ү Г, РД: НМ*****,

Холбогдсон хэргийн талаар: /яллах дүгнэлтэд дурдсанаар/

Шүүгдэгч Ү.Г нь 2017 оны 11 дүгээр сарын 02-ны өдөр Сонгинохайрхан дүүргийн 25 дугаар хороонд үйл ажиллагаа явуулдаг хүнсний дэлгүүрийн үүдэнд согтууруулах ундааны зүйл хэрэглэсэн үедээ насанд хүрээгүй О.Гтай зүй бус харьцаж, О.Гын зүүн гарын сарвуунд тамхины цогоор түлж, эрүүл мэндэд нь хөнгөн хохирол учруулсан гэмт хэрэг,

Өсвөр насны шүүгдэгч О.Г нь 2017 оны 11 дүгээр сарын 02-ны өдөр Сонгинохайрхан дүүргийн 25 дугаар хороонд үйл ажиллагаа явуулдаг хүнсний дэлгүүрийн үүдэнд Ү.Ггийн зүй бус харьцааны /О.Гын гарын сарвуун тус газар нь тамхины галаар түлсний/ улмаас маргалдан хана руу санаатай түлхэж, газар унаган толгой, нуруун тус газар өшиглөж, эрүүл мэндэд нь хөнгөн хохирол учруулсан гэмт хэрэгт тус тус холбогджээ.

ТОДОРХОЙЛОХ нь:

Шүүх хуульд заасан үндэслэл, журмын дагуу хэрэгт цугларсан, шүүх хуралдаанаар хэлэлцэгдсэн дараах нотлох баримтуудыг шинжлэн судлав. Үүнд:

- насанд хүрээгүй хохирогч О.Г мөрдөн байцаалтад өгсөн:.. 2017 оны 11 дүгээр сарын 02-ны өдөр би найз Г хамт гэрийнхээ ойролцоох дэлгүүр орчихоод тухайн дэлгүүрийнхээ тампарт зогсож байтал гаднаас нэг танихгүй согтуу эрэгтэй ганцаараа бид хоёртой зөрж орчихоод эргэж гарч ирээд Гансүх бид хоёрт тамхи өгөхөөр нь үгүй, ахаа татдаггүй гэхэд та нар шиг бацаан татдаг байж, 80, 90-ээд оны муусайн бацаан нар гэж хэлээд өөрөө нэг тамхи асааж татаад дэлгүүрийн тампарын хаалгыг онгойлгоод бариад зогсож бай гэсэн. Гэтэл Г чадахгүй гэж хэлээд бид хоёр дэлгүүрээс гарах гэтэл тэр согтуу ах татаж байсан тамхиа миний зүүн гарын ар талын хэсэгт унтраасан. Маш их хорсож өвдсөн болохоор би тэр ахыг цааш нь гараараа түлхээд дэлгүүрээс гарсан. Тэгтэл дэлгүүрийн худалдагч эмэгтэй гарч ирээд та нар яагаад зодолдоод байгаа юм, энэ газарт унасан хүний толгойноос цус гараад байна ш дээ, энэ хүнээ аваад гар гэсэн. Тэгтэл дэлгүүрийн тампараас нөгөө согтуу ах гарч ирээд намайг шууд хүзүүн дээрээс дарж аваад газар унагаасан...цаанаас архи уусан эрэгтэй гарч ирээд алнаа гээд орилоод байхаар нь бид 2 зугтаасан. Согтуу ах мөн дөрөвүүлээ машинтай хөөгөөд намайг бариад авсан. Согтуу ах миний толгойн хэсэгт 2-3 удаа гараараа цохисон. Миний гар дээр тамхи унтраасан ах танай хүүхэд миний толгойг хагалсан, би цагдаа дуудна гэж хэлсэн...Г ахыг түлхэх үед биеийнхээ ар талын хэсгээс хананд хүрээд урагшаа хана мөргөж унасан байсан. Энэ үед түүний дух хэсэг хагарсан юм шиг байна лээ. Түүнээс биш Г бид 2 тэр ахыг зодсон зүйл байхгүй...гэх мэдүүлэг /хх-8-9/,

Насанд хүрээгүй хохирогч О.Г: Миний биед учирсан хохирлыг Гэлэнхүү тамхины цогоор түлсэн...Би зүүн гараа хаалганы бариул дээр тавьсан байсан, тэр үед түлсэн, тэгээд би баруун гараараа цааш нь түлхсэн.../шүүх хуралдааны тэмдэглэл/,

Өсвөр насны шүүгдэгч О.Гын мөрдөн байцаалтад өгсөн:... 2017 оны 11 дүгээр сарын 02-ны өдөр гэрийнхээ ойролцоох дэлгүүрийн тамбарт зогсож байтал гаднаас нэг танихгүй согтуу залуу тамхи өгсөн. Тамхи татдаггүй гэтэл 80, 90-д оны муусайн буцаан нар, та нар татдаг биз дээ гээд байсан. Өөрөө нэг тамхи асаагаад татсан. Бид 2-ыг дэлгүүрээс гарах гэтэл татаж байсан тамхиараа миний зүүн гарын ар хэсэгт унтраасан. Маш их өвдсөн болохоор тэр ахыг цааш нь гараараа түлхээд гарсан. Тэгтэл худалдагч эгч гарч ирээд "яагаад зодолдоод байгаан, энэ хүний толгойноос цус гарч байна, хүнээ аваад гар” гэсэн. Нөгөө ах гарч ирээд миний хүзүүн дээр дараад газар унагаасан. Цаашаас нэг залуу гарч ирээд ална аа гээд орилоод, цагаан өнгийн приустэй хүмүүс гараад ирэхээр нь бид 2 зугатаасан. Намайг барьж аваад ална аа гээд

орилоод байсан ах миний толгойн хэсэгт 2-3 удаа цохисон. Энэ үед манай ээж О ирсэн. Би Г цохиж зодоогүй. Тэр ах татаж байсан тамхиа миний гаран дээр унтраасан. Энэ үед миний гар аймаар хорсохоор нь би өөрөөсөө холдуулах гэж дэлгүүрийн үүдний тамбарт гараараа цааш нь түлхсэн. Гэтэл Г ах биеийнхээ нурууны хэсгээр хананд очиж мөргөөд урагшлах үедээ газар унасан юм уу урд талынхаа ханыг мөргөж духны хэсгээ хагалсан байх гэж бодож байна...гэх мэдүүлэг /хх-43-45/... Тухайн үед миний араас хөөсөн хар савхин куртиктэй доогуураа жинсэн өмдтэй Гэлэнхүү, Октъбрь, бас 2 эмэгтэй нар хөөсөн. О гэх залуу нь ална гээд намайг барьж аваад толгойны зүүн тал руу 2, 3 удаа цохисон. Тэгээд тэр хавийн хүмүүс салгасан... гэх мэдүүлэг /хх-131 -132/,

• Өсвөр насны шүүгдэгч О.Г: 2017 оны 11 дүгээр сарын 02-ны өдөр би Сонгинохайрхан дүүргийн Зүүн салааны дэлгүүрийн үүдэнд Гэлэнхүү гэдэг хүнтэй тааралдсан. Би хэргийг хүлээн зөвшөөрөхгүй. Надад санаатайгаар түлхэж зодсон зүйл байхгүй. Гэлэнхүү миний гарын сарвууг түлээгүй бол би түлхэхгүй байх байсан, би цочсондоо түлхсэн. Дэргүүрийн үүдний өрөө нь жижиг тамбар байсан. Би түлхчихээд гараад явсан, толгой нүүр рүү нь өшиглөсөн зүйл байхгүй...Дэргүүрийн тамбарт түлхчихээд гараад явсаны дараа дэлгүүрийн худалдагч эгч гарч ирээд энэ хүний чинь толгойноос цус гараад байна, энэ хүнээ аваад гар гэсэн. Бид буцаад очтол Гэлэнхүү унаад толгойгоо хагалсан байсан...Гэлэнхүү дэлгүүрийн тамбараас гарч ирээд намайг шууд бариад авсан. Тэгээд намайг газар дараад унасан. Гансүх салгах гээд чадахгүй байж байтал найзууд нь ирсэн...Миний гарын сарвуунд түлэхэд би цочрол үүсээд хана руу түлхсэн...Гэлэнхүү нэлээд согтолттой байсан биеэ хянах чадваргүй байсан...би өшиглөсөн, цохисон үйлдэл хийгээгүй...би дэлгүүрийн таампарын бариулан дээр гараа тавьсан байсан гэтэл гар дээр татаж байсан тамхины цогоор дарсан...би цочрол үүсээд баруун гараараа түлхсэн...Дэлгүүрийн таамбар жижиг байсан. Гэлэнхүү цаад ханыг мөргөөд урагшаа унасан, тэр үед бид хоёр гараад явсан...Би цааш түлхэхэд согтуу байсан болоод өөрөө унасан байх.../шүүх хуралдааны тэмдэглэл/
• хохирогч Ү.Ггийн мөрдөн байцаалтад өгсөн:... 2017 оны 11 дүгээр сарын 02-ны 17 цагийн орчим би гэрээсээ гараад тамхи авахаар гэрийн хажуу талд байдаг дэлгүүр рүү орж тамхи авчихаад үүдэнд тампар хэсэгт нь тамхиа асаагаад татсан. Энэ үед улаан өнгийн куркиктай өндөр биетэй жоохон эрэгтэй хүүхэд намайг чи эндээс гар пизда минь гээд миний хувцаснаас татсан. Гэтэл дэлгүүр дотроос тухайн эрэгтэй хүүхдийн найз гэх жижигхэн биетэй эрэгтэй хүүхэд гарч ирсан. Тэгэхээр нь би өндөр биетэй, улаан куртектэй эрэгтэйд хандан ахыгаа чи гэж дуудлаа, жаахан хүүхэд байж гэж хэлсэн. Тэгтэл нөгөө улаан куртиктэй эрэгтэй хүүхэд намайг түлхээд газар унагаасан, энэ үед надад гэмтэл учраагүй. Гэтэл нөгөө жижигхэн биетэй эрэгтэй хүүхэд нь намайг газар унасан байхад нүүр рүү өшиглөж, миний толгой дух хэсгийг хагалсан. Тэгэхээр нь би босоод жижиг биетэй эрэгтэйгээс зуураад зогсож байтал манай хажуу айлын Түмээ, Ганаа нар ирсэн, Түмээ нөгөө өндөр хүүхдийг бариад автал тэр 2 хүүхэд зугтаасан...бид араас нь машинтай хөөж 2 хүүхдийг барьж авсан...Гэтэл жижиг биетэй хүүхдийн ээж таарсан...гэх мэдүүлэг /хх-4-5/,

Хохирогч Ү.Г: О.Г дөнгөж сургуулиа төгсөж байгаа тул надад нэхэмжлэх зүйлгүй. Гомдол саналгүй...надад учирсан гэмтэл О.Гын түлхэлтээс болсон. О.Г намайг хойшоо хүчтэй түлхэхэд нь савахдаа урагшаа газар хүчтэй мөргөж унасан...Унахдаа гараараа тулах боломж байгаагүй, унаад л би доошоо хараад хэвтсэн...Тэр үед миний өмссөн байсан донжгоносон ковбой гутал нөлөөлсөн байж болзошгүй гэж бодож байна...Би хананаас ойрхон зайтай байсан, тэгээд саваад урагшаагаа тээгэлдээд унасан, унаад тэр чигтээ доошоо хараад хэвтчихсэн...Шал нь цементэн арзгар шал байсан...Унахдаа духаараа унасан...Нүдний гэмтлийн хувьд духаа

оёулахад өвчин нь доошоо гүйгээд нүд рүүгээ ороод хөхөрчихсөн байсан. О.Г нүд рүү цохиогүй...Толгойнд өшиглөөгүй, нуруу руу 2-3 удаа өшиглөх шиг болсон, гэхдээ хэн өшиглөснийг хараагүй. Бүх зүйл маш хурдан хугацаанд болсон...Би хэн цохисоныг мэдэхгүй байгаа болохоос намайг унасан байхад нуруу, мөр рүү цохисон нь үнэн. Духанд савж унахад л гэмтэл учирсан байх. Дух руу өшиглөсөн асуудал байхгүй...О.Г 2 гараараа цээж рүү түлхсэн, би донжигносон гутал өмссөн байсан, унахаас аргагүй байдалтай байсан, шал нь цементэн шалтай байсан...Би тэгж их архи уугаагүй байсан, 4-лээ 1 шил архи хувааж уусан...надад тулах боломж байсан боловч би тухайн үед тулж чадаагүй...Би шалны суурь маягийн цементэн зүйлийг мөргөж унасан...хундаам маягийн барзгар цементэн зүйлийг духаараа мөргөж унасан. Тухайн үед би нэлээд хүчтэй мөргөсөн тул доош хараад хэвтсэн...Толгой руу өшиглөөгүй, нуруу руу л 1-2 удаа өшиглөсөн байх...Духыг би тусдаа тайлбарласан, хана мөргөсөн гэж хэлсэн...Би О.Гыг явуулахгүй, цагдаад барьж өгнө гэж байх үед тэдгээр хүмүүс машинтай ирсэн...О.Г найзтайгаа гараа угзраад зугатаагаад явсан...Октябрь сүүлд гүйж ирсэн...О.Г бид 2 зууралдсан нь энэ эхний зодооны дараа болсон үйл явдал...Дэлгүүрийн үүдэнд зодоон болоогүй, цагдаа ирсэн.../шүүх хуралдааны тэмдэглэл/

• шүүгдэгч Ү.Ггийн мөрдөн байцаалтад өгсөн:... 2017 оны 11 дүгээр сарын 02-ны өдөр Сонгинохайрхан дүүргийн 25 дугаар хорооны нутаг дэвсгэрт байрлах гэртээ Октябрь бид 2 архи уусан. 17 цагийн үед би гэрээсээ дэлгүүр орж тамхи авахаар гарсан. Дэлгүүрийн үүдний таамбарт 2 эрэгтэй хүүхэд зогсож байсан. Би дэлгүүрийн үүдний таамбар хэсэгт тамхи асаагаад таттал О.Г "намайг гарч татаач” гэхээр нь "чи жоохон юм байж, чи гэж дуудлаа, чамаас би хамаагүй ах” гээд хоорондоо маргалдсан. Энэ үед нөгөө намхан биетэй хүүхэд намайг дэлгүүрийн таамбар хэсэгт түлхсэн. Нэг мэдэхэд газар уначихсан, духны хэсгээс цус гарсан байсан. Ингээд би газраас босч, нөгөө жижигхэн биетэй эрэгтэйг бариад авах гэтэл надаас зугтаагаад дэлгүүрийн үүдэнд тойроод зугтаад байсан. Тэгсэн гэрээс Түмээ, Октябрь, Ганчимэг 3 гарч ирээд энэ 2 хүүхдэд зодуулчихлаа гэсэн. Тэгээд бид 4 араас машинтайгаа хөөгөөд барьж автал нэг эмэгтэй ирээд хүүхдийн ээж юу болоод байгаан гээд дайрсан...Тухайн үед би согтуу байсан. Үүдний таамбар хэсэгт О.Г түлхээд би биенийхээ ар талын хэсгээр хананд очиж цохигдоод газар унасан. Гэтэл духнаас цус гарсан...Би дэлгүүрийн гадна унасан зүйл байхгүй, гадаа О.Г, Гансүх нар намайг зодсон зүйл болоогүй.../хх-90-91/...Тухайн үед тэр дэлгүүрийн үүдний тамбарт тамхи татаж байхад тамхины цог үсэрсэн байж магадгүй...Үүдний тамбарт тамхи татаж байхад "О.Г тамхиа гарч татаач чи” гэхээр нь ах нь чамаас хамаагүй ах ш дээ гэсэн. Тэгээд чиний ах чинь ямар хамаатайн гээд маргалдсан. О.Г намайг цээж рүү түлхээд баруун талаараа хана мөргөөд доошоо цементэн дээр духаараа унахдаа толгой хагараад цус гарсан. Дээрээс нэг, хоёр удаа цохисон, хэн цохисныг мэдэхгүй...О.Гын ээжид танай хүүхэд миний толгойг хагалчихлаа гэсэн чинь О.Г "та миний гарыг тамхины цогоор түлсэн биз дээ” гэхээр нь би харъя гээд харахад баруун гарны бугуйны хэсэг дээр жижигхэн түлэгдсэн харагдаж байсан...гэх мэдүүлэг /133-134/,

Шүүгдэгч Ү.Г: Би тухайн үед архи уусан байсан, гэхдээ хөл дээрээ тогтож чадахгүй болтлоо согтоогүй байсан...Би гэм буруутай үйлдэл гаргасандаа харамсаж байна. О.Г дөнгөж сургуульд орж байгаа хүүхэд, мөн дээр нь би архи уусан байсан гэдэг утгаараа буруутсан. Түүнээс биш тамхины цогоор хүчээр түлсэн зүйл байхгүй. О.Гаас уучлал гуйсан, нэхэмжилсэн 100,000 төгрөгийг төлсөн... /шүүх хуралдааны тэмдэглэл/,

• насанд хүрээгүй гэрч С.Гансүхийн мөрдөн байцаалтад өгсөн...2017 оны 11 дүгээр сарын 02-ны өдрийн 17 цагийн үед О.Г бид хоёр СХД-ийн 25-р хороо,

улаан дэлгүүрийн автобусны буудлын дэргэдэх хүнсний дэлгүүрийн таамбарт ортол бид хоёрын өөдөөс нэг согтуу ах орж ирсэн...тэр ах тамхиа асаасан...надад хандан дэлгүүрийн таамбарын хаалгыг барьж бай гэсэн, би бариагүй...гэтэл чи надтай юм ярих гээд байна уу, 98, 99 оны бацаан нар намайг барахгүй гэж хэлээд миний мөрөн дээр гараа тавьсан, би үгүй, үгүй ах гэтэл тэр согтуу ах О.Г руу явж шүдээ зуугаад байна уу банди минь гээд дээрэлхэх үг хэллэг хэлээд байснаа О.Гын гаран дээр татаж байсан тамхиа унтраах гэж байгаа юм шиг үйлдэл хийсэн, тэр үед О.Г яагаад байгаа юм гэж хэлээд 2 гараараа нөгөө ахын цээж хэсэг рүү 1 удаа түлхсэн. Энэ үед нөгөө ах нуруугаараа хойд ханаа мөргөөд, буцаад урагшлах үедээ урд хананы доод хэсгийг духаараа нэг удаа мөргөчихсөн юм. Үүний дараа би хартал нөгөө ахын духнаас цус гарсан байсан. О.Г бид хоёрыг дэлгүүрийн таамбараас гарсан байхад араас дэлгүүрийн эгч гарч ирээд яагаад зодолдоод байгаа юм, энэ хүний толгойноос цус гарсан байна, гэрт нь хүргэж өг гэж дуудсан. Гэтэл нөгөө ах бид хоёрын өөдөөс гарч ирээд ална гээд бид 2 руу дайраад О.Гыг барьж аваад хүзүүгээр нь уургалж барьж авсан, тэр хоёр хамт газар унасан. Энэ үед би салгах гээд очтол согтуу ахыг дийлээгүй, хажуугаар явсан ах ирж салгасан...Гэтэл приус машинтай ах, эгч 2 ирээд О.Г бид 2 руу дайраад байсан залууг зогсоосон...нэг дуудагдаж ирсэн ах ирээд О.Г бид 2 руу дайраад, ална гээд орилоод байсан, би зугтаасан намайг хөөж байгаад больсон...О.Гыг зугтаасан боловч нөгөө хүмүүст баригдаад, зодуулж байх шиг харагдсан.../х-12-13/,

• насанд хүрээгүй гэрч С.Г мөрдөн байцаалтад өгсөн:..2017 оны 11 дүгээр сарын 02-ны өдөр О.Г бид хоёр Зүүн салааны улаан дэлгүүрийн хойд талд байдаг хүнсний дэлгүүрт ороод юм авчихаад гарч байхад Гэлэнхүү гэх хүн уг дэлгүүрт зөрөөд орсон. Тэгээд бид хоёр дэлгүүрийн үүдний тампарт зогсож байгаад салаад явах гэж байсан чинь Гэлэнхүү гэх хүн буцаж гарч ирээд над руу эхэлж томроод чи надтай юм ярих уу гэхээр нь би үгүй ээ гэж хэлсэн. Тэгээд цаашаа О.Г руу очоод би шоронд сууж байгаад гарч ирсэн, та нараас 10, 20 ах гэх зэргээр хэлсэн. Тэгээд О.Г бид хоёр гарах гэж байсан чинь О.Гын гаран дээр тамхиныхаа галаар дараад түлсэн. Тэгээд О.Г Гэлэнхүү гэх хүнийг түлхээд бид 2 тэр дэлгүүрээс гарч явсан...Дэлгүүрийн худалдагч гарч ирээд юу болоод байгаан энэ хүнээ ав гэж хэлсэн...Гэлэнхүү гарч ирээд О.Гыг заамдаж аваад барилцаж байгаад 2- уулаа газар унахаар нь би очоод гарыг нь тавиулах гэтэл Гэлэнхүү гараа тавиулахгүй байж байтал приус машинтай Гэлэнхүүгийн таньдаг хүмүүс ирсэн...Би О.Гтай хамт зугтаасан...тэд араас машинтай хөөсөн...О.Гыг барьж аваад Октябрь гэх залуу 2-3 удаа толгой руу нь цохисон...би цаана хараад зогсож байсан...Би Гэлэнхүүг зодож цохьсон зүйл байхгүй...Тэр дэлгүүрийн тампарт Гэлэнхүүг О.Г түлхэх үед гэмтсэн байх, дэлгүүрээс гарч ирэхдээ толгой нь хагараад цус гарсан байдалтай гарч ирсэн...гэх мэдүүлэг /хх-126-127/,
• гэрч Б.А мөрдөн байцаалтад өгсөн: ...Дэлгүүрийн тампарт хүмүүс муудалцах чимээ гарахаар нь гүйгээд гартал архи зээлээч гэсэн эрэгтэй хүн газар уначихсан, байдалтай хажууд нь 2 жоохон хүүхэд зогсож байсан. Нүүр нь цус болчихсон байсан...гэх мэдүүлэг /хх-20-21/,
• гэрч Д.Оын мөрдөн байцаалтад өгсөн: ...Тухайн өдөр би найзынхаа гэрт оччихоод гэр рүүгээ орох гээд гэрийнхээ ойролцоох гудамжинд гарцаараа алхаж явтал манай хүү О.Гыг 2 танихгүй эрэгтэй зуурчихсан зогсож байхаар нь би очоод яаж байна юу болоод хүүхэд барьж аваад явуулахгүй байгаа юм гэж хэлэхэд тухайн 2 эрэгтэйгийн нэг нь болох намхан шар царайтай залуу Гэлэнхүү нь танай хүүхэд миний толгойг хагалчихаад зугтаагаад явчихаар нь араас нь очиж барьж авч

байна гэж хэлсэн. Тэр шар царайтай намхан Гэлэнхүү гэдэг залуу О.Гын толгой руу гараараа цохиод байсан...гэх мэдүүлэг /хх-22-23, 123-124/,

• гэрч Л.Г мөрдөн байцаалтад өгсөн:.. тэр өдөр 16 цагийн үед би нөхрийнхөө хамт 4228 УБЗ дугаартай приус машинтайгаа гэр рүүгээ явж байтал...хүнсний дэлгүүрийн урд талд манай айлын Гэлэнхүү гэдэг залуу газар уначихсан байдалтай хажуу талд нь 2 эрэгтэй хүүхэд зогсож байхаар нь асуутал Гэлэнхүү энэ 2 хүүхэд намайг зодчихлоо гэсэн, нөгөө 2 хүүхэд зугтаасан...Гэлэнхүү энэ 2 хүүхдийг барих хэрэгтэй гэхээр нь араас нь хөөж, нэгийг нь барьсан...Гэлэнхүү архи уусан байсан...өөр мэдэх зүйлгүй...гэх мэдүүлэг /хх-14-15/,
• гэрч Б.И мөрдөн байцаалтад өгсөн: ...2017 оны 11 дүгээр сарын 02- ны өдөр би эхнэр Г хамт гэрлүүгээ орох гээд гудамж руугаа машинтай эргээд ортол гудамжинд байдаг дэлгүүрийн гадаа хажуу айлын залуу болох Гэлэнхүүгийн нүүр нь цус болчихсон байдалтай хоёр эрэгтэй хүүхэдтэй зогсож байсан. Тэгэхээр нь эхнэр Ганчимэг бид хоёр машинаас буугаад яасан бэ гэж асуутал Гэлэнхүүтэй хамт зогсож байсан хоёр хүүхдийн нэг намхан биетэй хүүхэд нь энэ ах чинь өөрөө дэлгүүр ортол тамхи татаад бид хоёр луу томроод тамхиараа миний гарыг түлчихсэн гэж хэлсэн. Энэ үед Гэлэнхүүгийн гэрээс Октябрь гэдэг залуу орилоод гараад ирсэн. Гэтэл тухайн хоёр хүүхэд зугтаагаад гүйгээд явчихсан. Тэгэхээр нь Октябрь, Гэлэнхүү, Ганчимэг бид дөрөв тухайн хоёр хүүхдийн араас машинтайгаа очсон гэтэл Гэлэнхүү нөгөө хоёр хүүхэд рүү агсараад байсан. Нэг харсан чинь нөгөө хоёр эрэгтэй хүүхдийн намхан биетэй эрэгтэйн /О.Г/ ээж нь гэх нэг эгч ирсэн. Удалгүй цагдаа нар ирсэн юм. Үүнээс хойш дээрх хүмүүстэй уулзаагүй...гэх мэдүүлэг /хх-24/,
• гэрч А.Октябрийн мөрдөн байцаалтад өгсөн: ...Манай хажуу айлын эмэгтэй Ганчимэг манай гэрт орж ирээд танай хамаатны эрэгтэйг гадаа зодож байна гэж хэлсэн. Тэгэхээр нь гараад очтол Гэлэнхүүгийн нүүр цус болчихсон, нэг намхан биетэй хүүхэдтэй зууралдчихсан, Ганчимэгийн нөхөр нь нэг улаан куртиктэй эрэгтэй хүүхдийг гарнаас нь барьчихсан зогсож байсан. Гэтэл нөгөө хүүхэд гудамж руу зугтаачихсан. Тэгэхээр нь Гэлэнхүү Ганчимэгийн нөхрийн машинтай бид хэд тэр хоёр хүүхдийг хөөж бариад автал нэг эгч гарч ирээд хүүхэд зодлоо гээд бид нар руу дайраад байсан...Би тэр залууг цохиж зодсон зүйл байхгүй...гэх мэдүүлэг /хх-16-17, 121-122/,
• гэрч Д. мөрдөн байцаалтад өгсөн :...Манай доод айлын эмэгтэй Ганчимэг орж ирээд манай нөхрийг дэлгүүрийн үүдэнд хүн зодчихсон, нүүр нь цус болчихсон хэвтэж байна гэхээр нь гайхаад гараад очтол 2 эрэгтэй жоохон хүүхэд зогсож байсан. Октябрь нэг эрэгтэйгийнх нь гараас бариад зогсож байсан. Нэг эрэгтэй нь цаашаа зугтаагаад яваад өгсөн. Ганчимэг Түмээ нар араас нь хөөгөөд явчихсан. Нүүр нь цус болсон байсан. Гэлэнхүү дэлгүүрийн тампарт тамхи татах гэхэд нөгөө 2 хүүхэд энд тамхи татахгүй гэснээс болж маргалдсан гэж байсан...гэх мэдүүлэг /хх-18- 19/,
• шүүхийн шинжилгээний үндэсний хүрээлэнгийн шинжээчийн 2017 оны 11 дүгээр сарын 06-ны өдрийн 13787 дугаартай:...О.Гын биед зүүн гарын сарвуунд 2 дугаар зэргийн түлэгдэл, зулгаралт, зүүн чамархай хэсэгт зулгаралт, хүзүүнд улайлт бүхий гэмтэл тогтоогдлоо. Дээрх гэмтэл нь Шүүх эмнэлгийн гэмтлийн зэрэг тогтоох журмын 2.4.1-т зааснаар эрүүл мэндийг түр хугацаагаар сарниулах тул гэмтлийн хөнгөн зэрэгт хамаарна. Дээрх гэмтэл хэрэг болсон гэх цаг хугацаанд үүсгэгдсэн байх боломжтой. Дээрх түлэгдэл гэмтэл нь өндөр хэмийн үйлчлэлээр үүсгэгдэнэ. Бусад гэмтэл нь мохоо зүйлийн олон удаагийн үйлчлэлээр үүсгэгдэнэ. Цаашид гэмтэл нь ерөнхий хөдөлмөрийн чадварт нөлөөлөхгүй...гэх дүгнэлт /хх-27/,
• шүүхийн шинжилгээний үндэсний хүрээлэнгийн шинжээчийн 2018 оны 04 дүгээр сарын 10-ны өдрийн 454 дугаартай:...О.Гад зүүн чихний сонсгол бууралт

тогтоогдлоо. Дээрх сонсгол бууралт нь гэмтэлтэй шалтгаант холбоотой эсэхийг нарийвчлан тогтоох боломжгүй байна. Зүүн гарын сарвуунд 2 дугаар зэргийн түлэгдэл, зулгаралт гэмтэл нь Шүүх эмнэлэгийн гэмтлийн зэрэг тогтоох журмын 2.4.1-д зааснаар эрүүл мэндийг түр хугацаагаар сариулах тул гэмтлийн хөнгөн зэрэгт хамаарна. Зүүн чамархай хэсэгт зулгаралт, хүзүүнд улайлт гэмтэл нь Шүүх эмнэлгийн гэмтлийн зэрэг тогтоох журмын 2.6-д зааснаар эрүүл мэндийг сарниулахгүй тул гэмтлийн зэрэгт хамаарахгүй. Зүүн гарын сарвуунд 2 дугаар зэргийн түлэгдэл гэмтэл нь өндөр хэмийн үйлчлэлээр үүсгэгдэнэ. Бусад гэмтэл нь мохоо зүйлийн олон удаагийн үйлчлэлээр үүсгэгдэнэ. Дээрх гэмтлүүд нь хэрэг болсон гэх цаг хугацаанд үүсгэгдсэн байх боломжтой...гэх дүгнэлт /хх-136-137/,

• шүүхийн шинжилгээний үндэсний хүрээлэнгийн шинжээчийн 2018 оны 09 дүгээр сарын 21-ний өдрийн 1059 дугаартай:...Урьд гарсан №454 тоот дүгнэлт үндэслэлтэй байна. “ЭМЖЖ” эмнэлэгийн 2018 оны 09 дүгээр сарын 12-ны үзлэг, сонсголын бичлэгээр О.Гын хоёр чихний сонсгол хэвийн байна гэжээ...гэх дүгнэлт /хх- 185-186/,
• шинжээч эмч М.Аригуунтөгсийн мөрдөн байцаалтад өгсөн:...Дээрх сонсгол бууралт нь гэмтэлтэй шалтгаант холбоотой эсэхийг тогтоох боломжгүй. Уг сонсгол бууралт нь гэмтлээс шалтгаалсан эсэхийг тогтоох боломжгүй тул гэмтлийн зэрэг тогтоохгүй...гэх мэдүүлэг /хх-130/,
• шүүхийн шинжилгээний үндэсний хүрээлэнгийн шинжээчийн 2017 оны 11 дүгээр сарын 09-ний өдрийн 13941 дугаартай:...Ү.Ггийн биед духанд зулгаралт, шарх, баруун чамархайн хуйханд шарх, нурууны голд зулгаралт, баруун нүдний зовхины цус хуралт гэмтэл тогтоогдлоо. Дээрх гэмтэл нь мохоо зүйлийн үйлчлэлээр хэрэг болсон гэх цаг хугацаанд үүсгэгдсэн байх боломжтой. Шүүх эмнэлгийн гэмтлийн зэрэг тогтоох журмын 2.4.1-д зааснаар эрүүл мэндийг түр хугацаагаар сариулах тул гэмтлийн хөнгөн зэрэгт хамаарна. Цаашид ерөнхий хөдөлмөрийн чадварын тогтонги алдалтад нөлөөлөхгүй...гэх дүгнэлт /хх-32/,
• шинжээч эмч Г.Энхбаатарын мөрдөн байцаалтад өгсөн:...Духны дээд баруун талд үүссэн шарх зулгаралт гэмтэл нь дангаараа гэмтлийн хөнгөн зэрэгт хамаарна. Дан дангаараа гэмтлийн зэрэгт хамаарахгүй. Учир нь хэмжээ нь бага байна. Нийтдээ хөнгөн зэрэгт хамаарна. Дээрх гэмтлүүд нь тус тусдаа байршилтай учир олон удаагийн, хатуу мохоо зүйлийн үйлчлэлээр үүсгэгдэнэ. Цаг хугацааны хувьд нэг цаг хугацаанд үүссэн байх боломжтой...гэх мэдүүлэг /хх-128-129/ зэрэг болно.

Шүүгдэгч Ү.Г нь 2017 оны 11 дүгээр сарын 02-ны өдөр Сонгинохайрхан дүүргийн 25 дугаар хороонд үйл ажиллагаа явуулдаг хүнсний дэлгүүрийн үүдэнд насанд хүрээгүй О.Гтай зүй бус харьцаж,

О.Гын зүүн гарын сарвуунд тамхины цогоор түлж, эрүүл мэндэд нь хөнгөн хохирол учруулсан гэмт хэрэг үйлдсэн болох нь:

• насанд хүрээгүй хохирогч О.Галбанбатын мөрдөн байцаалтад өгсөн:.. 2017 оны 11 дүгээр сарын 02-ны өдөр би найз Гансүхийн хамт гэрийнхээ ойролцоох дэлгүүр орчихоод тухайн дэлгүүрийн тампарт зогсож байтал гаднаас нэг танихгүй согтуу эрэгтэй ганцаараа...Гансүх бид хоёрт тамхи өгөхөөр нь үгүй, ахаа татдаггүй гэхэд та нар шиг бацаан татдаг байж, 80, 90-ээд оны муусайн бацаан нар гэж хэлээд өөрөө нэг тамхи асааж татаад дэлгүүрийн тампарын хаалгыг онгойлгоод бариад зогсож бай гэсэн. Гэтэл Гансүх чадахгүй гэж хэлээд бид хоёр дэлгүүрээс гарах гэтэл тэр согтуу ах татаж байсан тамхиа миний зүүн гарын ар талын хэсэгт унтраасан. Маш их хорсож өвдсөн болохоор би тэр ахыг цааш нь гараараа түлхээд дэлгүүрээс гарсан.../хх-8-9/...миний биед учирсан

хохирлыг Гэлэнхүү тамхины цогоор түлсэн...Би зүүн гараа хаалганы бариул дээр тавьсан байсан, тэр үед түлсэн.../шүүх хуралдааны тэмдэглэл/,

• насанд хүрээгүй гэрч С.Г мөрдөн байцаалтад өгсөн...тэр үед хүнсний дэлгүүрийн таамбарт О.Г бид хоёрын өөдөөс нэг согтуу ах орж ирсэн...тэр ах тамхиа асаасан...дэлгүүрийн таамбарын хаалгыг барьж бай гэсэн, би бариагүй...гэтэл чи надтай юм ярих гээд байна уу, 98, 99 оны бацаан нар намайг барахгүй гэж хэлээд миний мөрөн дээр гараа тавьсан, би үгүй, үгүй ах гэтэл тэр согтуу ах О.Г руу явж шүдээ зуугаад байна уу банди минь гээд дээрэлхэх үг хэллэг хэлээд байснаа О.Гын гаран дээр татаж байсан тамхиа унтраах гэж байгаа юм шиг үйлдэл хийсэн, тэр үед О.Г яагаад байгаа юм гэж хэлээд 2 гараараа нөгөө ахын цээж хэсэг рүү 1 удаа түлхсэн.../х-12-13/...дэлгүүрийн үүдний таамбарт Гэлэнхүү гэх хүн над руу эхэлж томроод чи надтай юм ярих уу гэхээр нь би үгүй ээ гэж хэлсэн. Тэгээд цаашаа О.Г руу очоод би шоронд сууж байгаад гарч ирсэн, та нараас 10, 20 ах гэх зэргээр хэлсэн. Тэгээд О.Гын гаран дээр тамхиныхаа галаар дараад түлсэн...гэх мэдүүлэг /хх-126-127/,
• шинжээчийн дүгнэлт:...О.Гын биед зүүн гарын сарвуунд 2 дугаар зэргийн түлэгдэл, зулгаралт, зүүн чамархай хэсэгт зулгаралт, хүзүүнд улайлт бүхий гэмтэл тогтоогдлоо. Дээрх гэмтэл нь Шүүх эмнэлгийн гэмтлийн зэрэг тогтоох журмын 2.4.1-т зааснаар эрүүл мэндийг түр хугацаагаар сарниулах тул гэмтлийн хөнгөн зэрэгт хамаарна. Дээрх гэмтэл хэрэг болсон гэх цаг хугацаанд үүсгэгдсэн байх боломжтой. Дээрх түлэгдэл гэмтэл нь өндөр хэмийн үйлчлэлээр үүсгэгдэнэ. Бусад гэмтэл нь мохоо зүйлийн олон удаагийн үйлчлэлээр үүсгэгдэнэ.../хх-27/ зэрэг нотлох баримтуудаар нотлогдож тогтоогдож байна.

Харин өсвөр насны шүүгдэгч О.Г нь 2017 оны 11 дүгээр сарын 02- ны өдөр Сонгинохайрхан дүүргийн 25 дугаар хороонд үйл ажиллагаа явуулдаг хүнсний дэлгүүрийн үүдэнд Ү.Ггийн зүй бус харьцааны /О.Гын гарын сарвуун тус газар нь тамхины галаар түлсний/ улмаас маргалдан хана руу санаатай түлхэж, газар унаган толгой, нуруун тус газар өшиглөж, эрүүл мэндэд нь хөнгөн хохирол учруулсан гэмт хэрэг үйлдсэн гэж үзэх хууль зүйн үндэслэл, нотлох баримтгүй, харин гарынх нь сарвуун тус газар тамхины галаар түлсэн Ү.Ггийн хууль бус ба тулгарсан довтолгооны эсрэг аргагүй хамгаалалт хийсэн болох нь:

• өсвөр насны шүүгдэгч О.Гын мөрдөн байцаалтад өгсөн:... 2017 оны 11 дүгээр сарын 02-ны өдөр гэрийнхээ ойролцоох дэлгүүрийн тамбарт зогсож байтал гаднаас нэг танихгүй согтуу залуу тамхи өгсөн. Тамхи татдаггүй гэтэл 80, 90-д оны муусайн буцаан нар, та нар татдаг биз дээ гээд...өөрөө нэг тамхи асаагаад татсан. Бид 2-ыг дэлгүүрээс гарах гэтэл татаж байсан тамхиараа миний зүүн гарын ар хэсэгт унтраасан. Маш их өвдсөн болохоор тэр ахыг цааш нь гараараа түлхээд гарсан...Би Гэлэнхүүг цохиж зодоогүй. Тэр ах татаж байсан тамхиа миний гаран дээр унтраахад миний гар аймаар хорсохоор нь би өөрөөсөө холдуулах гэж дэлгүүрийн үүдний тамбарт гараараа цааш нь түлхсэн. Гэтэл Гэлэнхүү ах биеийнхээ нурууны хэсгээр хананд очиж мөргөөд урагшлах үедээ газар унахдаа урд талынхаа ханыг мөргөж духны хэсгээ хагалсан байх гэж бодож байна...тэгтэл худалдагч эгч гарч ирээд "яагаад зодолдоод байгаан, энэ хүний толгойноос цус гарч байна, хүнээ аваад гар” гэсэн...Нөгөө ах гарч ирээд миний хүзүүн дээр дараад газар унагаасан, цаанаас нэг залуу гарч ирээд ална аа гээд орилсон...гэх мэдүүлэг /хх-43-45/,
• өсвөр насны шүүгдэгч О.Г: Гэлэнхүү миний гарын сарвууг түлээгүй бол би түлхэхгүй байх байсан, би цочсондоо түлхсэн. Дэргүүрийн үүдний өрөө нь жижиг тамбар байсан. Би түлхчихээд гараад явсан, толгой нүүр рүү нь өшиглөсөн зүйл

байхгүй...Дэргүүрийн тамбарт түлхчихээд гараад явсны дараа дэлгүүрийн худалдагч эгч гарч ирээд энэ хүний чинь толгойноос цус гараад байна, энэ хүнээ аваад гар гэсэн...Гэлэнхүү дэлгүүрийн тамбараас гарч ирээд намайг шууд бариад авсан. Тэгээд намайг газар дараад унасан. Гансүх салгах гээд чадахгүй байж байтал найзууд нь ирсэн...Миний гарын сарвуунд түлэхэд би цочрол үүсээд хана руу түлхсэн...Гэлэнхүү нэлээд согтолттой байсан биеэ хянах чадваргүй байсан...Гэлэнхүү цаад ханыг мөргөөд урагшаа унасан, тэр үед бид хоёр гараад явсан.../шүүх хуралдааны тэмдэглэл/,

• насанд хүрээгүй гэрч С.Гансүхийн мөрдөн байцаалтад өгсөн...тэр согтуу ах О.Г руу...дээрэлхэх үг хэллэг хэлээд байснаа О.Гын гаран дээр татаж байсан тамхиа унтраах гэж байгаа юм шиг үйлдэл хийсэн, тэр үед О.Г яагаад байгаа юм гэж хэлээд 2 гараараа нөгөө ахын цээж хэсэг рүү 1 удаа түлхсэн. Энэ үед нөгөө ах нуруугаараа хойд ханаа мөргөөд, буцаад урагшлах үедээ урд хананы доод хэсгийг духаараа нэг удаа мөргөчихсөн юм. Үүний дараа би хартал нөгөө ахын духнаас цус гарсан байсан. О.Г бид хоёрыг дэлгүүрийн таамбараас гарсан байхад араас дэлгүүрийн эгч гарч ирээд яагаад зодолдоод байгаа юм, энэ хүний толгойноос цус гарсан байна, гэрт нь хүргэж өг гэж дуудсан. Гэтэл нөгөө ах бид хоёрын өөдөөс гарч ирээд ална гээд бид 2 руу дайраад О.Гыг барьж аваад хүзүүгээр нь уургалж барьж авсан, тэр хоёр хамт газар унасан. Энэ үед би салгах гээд очтол согтуу ахыг дийлээгүй, хажуугаар явсан ах ирж салгасан.../х-12-13/,
• насанд хүрээгүй гэрч С.Г мөрдөн байцаалтад өгсөн:...бид хоёр гарах гэж байсан чинь О.Гын гаран дээр тамхиныхаа галаар дараад түлсэн, О.Г нь Гэлэнхүү гэх хүнийг түлхээд бид 2 тэр дэлгүүрээс гарч явсан...Дэлгүүрийн худалдагч гарч ирээд юу болоод байгаан энэ хүнээ ав гэж хэлсэн...Гэлэнхүү гарч ирээд О.Гыг заамдаж аваад барилцаж байгаад 2-уулаа газар унахаар нь би очоод гарыг нь тавиулах гэтэл чадаагүй...Гэлэнхүүг О.Г түлхэх үед гэмтсэн байх, дэлгүүрээс гарч ирэхдээ толгой нь хагараад цус гарсан байдалтай гарч ирсэн...гэх мэдүүлэг /хх-126-127/,
• хохирогч Ү.Ггийн:...надад учирсан гэмтэл О.Гын түлхэлтээс болсон. О.Г намайг хойшоо хүчтэй түлхэхэд нь савахдаа урагшаа газар хүчтэй мөргөж унасан...Унахдаа гараараа тулах боломж байгаагүй, унаад л би доошоо хараад хэвтсэн...Тэр үед миний өмссөн байсан донжгоносон ковбой гутал нөлөөлсөн байж болзошгүй...саваад урагшаагаа тээгэлдээд унасан, унаад тэр чигтээ доошоо хараад хэвтчихсэн...Шал нь цементэн арзгар шал байсан...Унахдаа духаараа унасан...Нүдний гэмтлийн хувьд духаа оёулахад өвчин нь доошоо гүйгээд нүд рүүгээ ороод хөхөрчихсөн байсан. О.Г нүд рүү цохиогүй...Толгойнд..дух руу өшиглөсөн асуудал байхгүй...О.Г 2 гараараа цээж рүү түлхсэн, би донжигносон гутал өмссөн байсан, унахаас аргагүй байдалтай байсан, шал нь цементэн шалтай байсан...Би шалны суурь маягийн цементэн зүйлийг мөргөж унасан...Дэлгүүрийн үүдэнд зодоон болоогүй.../шүүх хуралдааны тэмдэглэл/
• шүүгдэгч Ү.Ггийн мөрдөн байцаалтад өгсөн:...дэлгүүрийн үүдний таамбар хэсэгт О.Г түлхээд би биенийхээ ар талын хэсгээр хананд очиж цохигдоод газар унасан. Гэтэл духнаас цус гарсан...Би дэлгүүрийн гадна унасан зүйл байхгүй, гадаа О.Г, Гансүх нар намайг зодсон зүйл болоогүй.../хх-90- 91/...О.Г намайг цээж рүү түлхээд баруун талаараа хана мөргөөд доошоо цементэн дээр духаараа унахдаа толгой хагараад цус гарсан...О.Г "та миний гарыг тамхины цогоор түлсэн биз дээ” гэхээр нь би харъя гээд харахад баруун гарны бугуйны хэсэг дээр жижигхэн түлэгдсэн харагдаж байсан...гэх мэдүүлэг /133-134/,
• гэрч Б.Аззаяагийн мөрдөн байцаалтад өгсөн: ...Дэлгүүрийн таамбарт хүмүүс муудалцах чимээ гарахаар нь гүйгээд гартал архи зээлээч гэсэн эрэгтэй хүн газар

уначихсан, байдалтай хажууд нь 2 жоохон хүүхэд зогсож байсан. Нүүр нь цус болчихсон байсан...гэх мэдүүлэг /хх-20-21/,

• шинжээчийн дүгнэлт:...О.Гын биед зүүн гарын сарвуунд 2 дугаар зэргийн түлэгдэл, зулгаралт, зүүн чамархай хэсэгт зулгаралт, хүзүүнд улайлт бүхий гэмтэл тогтоогдлоо. Дээрх гэмтэл нь Шүүх эмнэлгийн гэмтлийн зэрэг тогтоох журмын 2.4.1-т зааснаар эрүүл мэндийг түр хугацаагаар сарниулах тул гэмтлийн хөнгөн зэрэгт хамаарна. Дээрх гэмтэл хэрэг болсон гэх цаг хугацаанд үүсгэгдсэн байх боломжтой. Дээрх түлэгдэл гэмтэл нь “өндөр хэмийн” үйлчлэлээр үүсгэгдэнэ. Бусад гэмтэл нь мохоо зүйлийн олон удаагийн үйлчлэлээр үүсгэгдэнэ.../хх-27/ зэрэг нотлох баримтуудаар нотлогдож тогтоогдож байна.

Иймд шүүгдэгч Ү.Гг хүний эрүүл мэндэд хөнгөн хохирол учруулах гэмт хэргийг хүндрүүлэх нөхцөл байдалгүйгээр үйлдсэн гэм буруутайд тооцож, эрүүгийн хариуцлага хүлээлгэх, харин шүүгдэгч О.Г нь өөрийн эрүүл мэндийн эсрэг хууль бус ба тулгарсан довтолгооны эсрэг аргагүй хамгаалалт хийсэн, түүний үйлдэлд гэмт хэргийн шинжгүй гэж үзэн түүнд холбогдох хэргийг хэрэгсэхгүй болгох үндэслэлтэй байна.

Шүүгдэгч нарын үйлдсэн гэмт хэргийн шинж, зүйлчлэлд хийсэн хууль зүйн дүгнэлт:

Шүүгдэгч Ү.Г нь “өсвөр насны хүүхдүүдийн зүй ёсны шаардлага”-ыг үл тоон тэднийг дээрэлхэхэд чиглэгдсэн сэдэлт зорилго бүхий хууль бус, зүй бус үйлдлүүд хийсэн болох нь хэрэгт авагдсан нотлох баримтуудаар тогтоогдсон байна.

Шүүгдэгч Ү.Г нь мөрдөн байцаалт, шүүхийн хэлэлцүүлэгт...”дэлгүүрийн үүдний таамбарт тамхи татаж байхад тамхины цог үсэрсэн байж магадгүй” гэж буюу холбогдох хуулиар өөрт олгогдсон эрхийн хүрээнд мэдүүлэг өгсөн байх боловч шүүгдэгч Ү.Г нь татаж байсан тамхиныхаа галаар О.Гын зүүн гарын сарвууг санаатайгаар түлсэн болох нь:

• О.Гын...”татаж байсан тамхиараа миний зүүн гарын ар хэсэгт унтраасан, маш их өвдсөн, цочролд орсон” тухай хохирогч, яллагдагч, шүүгдэгчээр удаа дараа тогтвортой өгсөн мэдүүлэг,
• насанд хүрээгүй гэрч С.Гансүхийн мөрдөн байцаалтад өгсөн...тэр согтуу ах О.Г руу...дээрэлхэх үг хэллэг хэлээд байснаа О.Гын гаран дээр татаж байсан тамхиа унтраах гэж байгаа юм шиг үйлдэл хийсэн.../х-12-13/...О.Гын гаран дээр тамхиныхаа галаар дараад түлсэн...гэх мэдүүлэг /хх-126-127/,
• шинжээчийн дүгнэлт:...О.Гын биед зүүн гарын сарвуунд 2 дугаар зэргийн түлэгдэл...гэмтэл тогтоогдлоо. Дээрх түлэгдэл гэмтэл нь “өндөр хэмийн” үйлчлэлээр үүсгэгдэнэ.../хх-27/ гэх зэрэг нотлох баримтаар тогтоогдсон байх тул шүүгдэгч Ү.Гд холбогдох хэргийн зүйлчлэлийг зөв гэж үзнэ.

Шүүгдэгч Ү.Г тийнхүү О.Гын зүүн гарын сарвууг тамхины галаар дарж буюу өндөр хэмийн үйлчлэлээр түлсэн нь О.Гын эрүүл мэндийн эсрэг хууль бус ба тулгарсан аюултай довтолгоонд шууд хамаарах ба О.Г нь өөрийн бие махбодь, сэтгэл санаанд нь онцгой зовиур, шаналал үүсгэн цочроосон тухайн агшинд эрүүл мэндээ хамгаалах зорилгоор тухайн хууль бус ба тулгарсан аюултай довтолгооны эсрэг тэр даруй Ү.Гг "өөрөөс холдуулан түлхсэн" үйлдэл хийсэн нь хэрэгт цугларсан нотлох баримтаар эргэлзээгүй тогтоогдсон байх тул О.Гыг аргагүй хамгаалалт хийсэн гэж үзэх үндэслэлтэй байна.

О.Гын аргагүй хамгаалалт хийсэн үйлдэл нь гагцхүү Ү.Гг өөрөөс холдуулан цааш түлхсэн байх ба Ү.Ггийн толгой, дух хэсэг рүү О.Г болон түүний найз өшиглөх болон бусад хэлбэрээр зодоогүй болохыг О.Г,

Ү.Г нар хохирогч, яллагдагч, шүүгдэгчээр түүнчлэн насанд хүрээгүй С.Гансүх гэрчээр тус тус удаа дараа тогтвортой мэдүүлсэн, мөн Ү.Г нь дэлгүүрийн тамбаарт түлхэгдэн унахдаа нүүр хэсэг нь цус болсон байсныг Ү.Г мөрдөн байцаалт болон шүүхийн хэлэлцүүлэгт удаа дараа мэдүүлсэн, мөн гэрч Б.Аззаяа гэрчилсэн байх тул О.Г аргагүй хамгаалалт хийсний улмаас Ү.Ггийн эрүүл мэндэд хөнгөн хохирол учирсныг гэмт хэрэгт тооцох үндэслэлгүй.

Ү.Г өөрийн хууль бус үйлдлийн улмаас тийнхүү түлхэгдэн унаж, биедээ гэмтэл авахад Ү.Ггийн өөрийнх нь согтуурсан байдал, мөн түүний өмссөн өндөр өсгийтэй гутал нөлөөлсөн байж болохыг үгүйсгэх боломжгүй байна.

Ү.Г анх хохирогчоор мөрдөн байцаалтад мэдүүлэхдээ:...улаан куртиктэй эрэгтэй хүүхэд /Гансүх/ нь түлхэж унагаасан, энэ үед надад гэмтэл учраагүй, гэтэл нөгөө жижигхэн биетэй эрэгтэй хүүхэд /О.Г/ нь намайг газар унасан байхад нүүр рүү өшиглөж, миний толгой дух хэсгийг хагалсан...гэсэн /хх-4-5/ нь "О.Г нь Ү.Гг түлхсэн, харин бусад хэлбэрээр зодоогүй тухай” насанд хүрээгүй С.Гансүхийн гэрчээр, О.Гын хохирогч, яллагдагч, шүүгдэгчээр тус тус удаа дараа өгсөн тогтвортой мэдүүлгээр, мөн энэ тухай Ү.Ггийн мөрдөн байцаалт, шүүх хуралдаанд хохирогч, яллагдагч, шүүгдэгчээр удаа дараа өгсөн мэдүүлгээр няцаагдсан болно.

Мөн Ү.Г нь дэлгүүрийн таамбарт түлхэгдэн хатуу гадаргуутай зүйл хүчтэй мөргөн доош харан "нүүрэн хэсгээрээ” унасан байхад...хэн нь мэдэхгүй "нуруу руу л 1-2 удаа өшиглөсөн байх” гэж мэдүүлсэн байх боловч О.Г, Гансүхын мэдүүлэгт "нуруунд нь өшиглөсөн” талаарх баримтат мэдээлэл байхгүй, мөн нурууны голд зулгарсан гэх гэмтэл нь О.Гад түлхэгдэн дэлгүүрийн таамбарын хананд цохигдох үед үүссэн эсэх нь тодорхойгүйгээс гадна "нурууны зулгаралт дангаараа гэмтлийн зэрэгт хамаарахгүй” талаар шинжээч эмч мэдүүлсэн байх тул энд О.Гад холбогдуулах гэмт хэргийн бүрэлдэхүүний шинж байхгүй гэж үзнэ.

Харин Ү.Г нь дэлгүүрээс гарч ирээд О.Гыг барьж "хүзүүн дээрээс нь дарж аван газар унагаасан, явуулахгүй барьж зуурсан, салгах оролдлогыг С.Гансүх хийсэн болох нь О.Г, Ү.Г нарын хохирогч, яллагдагч, шүүгдэгчээр түүнчлэн насанд хүрээгүй С.Гансүхийн гэрчээр тус тус удаа дараа тогтвортой мэдүүлсэн мэдүүлэг, мөн О.Гын биед хүзүүнд улайлт бүхий гэмтэл үүссэн талаарх шинжээчийн дүгнэлтээр тус тус тогтоогдсон байгаагаас гадна Ү.Ггийн найз, эхнэрийнх нь гэрчээр өгсөн мэдүүлэг бүр шүүгдэгч О.Гыг гэмт хэрэгт холбогдуулахад шууд нотлох баримт болохгүй буюу тухайн гэрч нарын мэдүүлэгт О.Г нь Ү.Гг зодсон, зодож байсан гэдгийг нотлох бодит эх сурвалж, баримтат мэдээлэл байхгүйг тэмдэглэж байна.

Түүнчлэн "зодуулсан" гэх Ү.Ггийн хэлсний дагуу түүний найз нар нь О.Гыг барьж авсан улмаар дахин зодуулахаас айж зугтаасан насанд хүрээгүй С.Гансүх, О.Г нарыг автомашинаар хөөсөн улмаар О.Гыг барьж авсан, энэ явцад О.Г зодуулсан, улмаар чихний сонсгол бууралттай болсон талаар О.Г хохирогч, яллагдагчаар мөрдөн байцаалт, шүүхийн хэлэлцүүлэгт, мөн О.Гын ээж Д.О гэрчээр удаа дараа мэдүүлсэн, энэ хүрээнд хамаарах болон бусад асуудлаар шүүх хэргийг 2 удаа прокурорт буцаасан /х-112-115, 173-175/ боловч гэмт хэрэг үйлдэгдсэн 2017.11.02-ны өдрөөс хойш, мөн чихэнд эмчилгээ хийлгэх тухай эмчийн үзлэг хийсэн 2017.12.08-ны өдрөөс хойш 11 сар орчмын дараа буюу 2018.09.12-ны өдөр гаргасан "О.Гын 2 чихний сонсгол хэвийн буюу эдгэрсэн” гэх эмчийн баримтын дагуу гэмтэл тогтоогдоогүй, мөн гэмтэлтэй шалтгаант холбоотой эсэхийг нарийвчлан тогтоох боломжгүй тухай шинжээчийн дүгнэлт гарсан,

энэ талаар хохирогч О.Гын зүгээс дахин гомдол гаргаагүй болохыг дурдах нь зүйтэй.

Шүүгдэгч Ү.Г нь хохирогч О.Гад 100.000 төгрөг төлсөн /шүүхийн хэлэлцүүлэгт/, тус хохирогч гомдол саналгүй, нэхэмжлэх зүйлгүй болохоо илэрхийлсэн байна.

Шүүгдэгчид эрүүгийн хариуцлага хүлээлгэхэд хийсэн хууль зүйн дүгнэлт:

Шүүгдэгч Ү.Г нь тохиолдлын шинжтэй нөхцөл байдлын улмаас анх удаа гэмт хэрэг үйлдсэн, гэмт хэрэг үйлдсэний дараа хохирогчид учруулсан хохирлоо төлсөн нь Эрүүгийн хуулийн ерөнхий ангийн 6.5 дугаар зүйлийн 1.1, 1.2-т зааснаар эрүүгийн хариуцлагыг хөнгөрүүлэх нөхцөл байдалд хамаарна.

Шүүгдэгч Ү.Гд Эрүүгийн хариуцлага хүлээлгэхэд өөрийн гэм буруугаа хүлээн зөвшөөрсөн, гэмт хэрэг үйлдсэн нөхцөл байдал, гэмт хэрэг үйлдсэн хүний хувийн байдал, эрүүгийн хариуцлагыг хөнгөрүүлэх нөхцөл байдал, ажил эрхэлдэг зэргийг харгалзан торгох ял оногдуулж, торгох ялыг шүүгдэгчийн орлого олох боломж, ар гэрийн байдал зэргийг харгалзан 4 сарын хугацаанд хэсэгчлэн төлүүлэхээр тогтов.

Бусад асуудал

Уг хэрэгт эд мөрийн баримтаар хураагдсан, битүүмжлэгдсэн эд зүйлгүй, шүүгдэгч нар нь цагдан хоригдсон хоноггүй болохыг тус тус дурдав.

Эрүүгийн хэрэг хянан шийдвэрлэх тухай хуулийн 34.19, 36.2, 36.6, 36.7, 36.8, 36.10, 38.1, 38.2 дугаар зүйлүүдэд заасныг тус тус удирдлага болгон

ТОГТООХ нь:

1. Эрүүгийн хуулийн ерөнхий ангийн 4.1 дүгээр зүйлийн 1 дэх хэсэг, Эрүүгийн хэрэг хянан шийдвэрлэх тухай хуулийн 34.19 дүгээр зүйлийн 1 дэх хэсгийн 1.1-д заасныг баримтлан шүүгдэгч О.Гад холбогдох Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэргийг хэрэгсэхгүй болгосугай.
2. Шүүгдэгч Ү.Гг хүний эрүүл мэндэд хөнгөн хохирол учруулах гэмт хэргийг хүндрүүлэх нөхцөл байдалгүйгээр үйлдсэн гэм буруутайд тооцсугай.
3. Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар Ү.Гг 500 нэгжтэй тэнцэх хэмжээний буюу 500.000 төгрөгөөр торгох ялаар шийтгэсүгэй.
4. Эрүүгийн хуулийн ерөнхий ангийн 5.3 дугаар зүйлийн 4 дэх хэсэгт зааснаар Ү.Гд оногдуулсан 500 нэгжтэй тэнцэх хэмжээний буюу 500.000 төгрөгийн торгох ялыг 4 сарын хугацаанд хэсэгчлэн төлүүлэхээр тогтоосугай.
5. Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт зааснаар Ү.Г нь торгох ялыг биелүүлэхгүй зайлсхийвэл ялын 15 нэгжийг нэг хоногоор тооцож, хорих ялаар солихыг мэдэгдсүгэй
6. Шүүгдэгч Ү.Г нь бусдад төлөх нотлох баримт бүхий төлбөргүй, цагдан хоригдсон хоноггүй, тус хэрэгт хураагдсан, битүүмжлэгдсэн эд зүйлгүй болохыг тус тус дурдсугай.