МОНГОЛ УЛСЫН НЭРИЙН ӨМНӨӨС

 

Дундговь аймаг дахь сум дундын Иргэний хэргийн анхан шатны шүүхийн Ерөнхий шүүгч Д.Уранчимэг даргалж, тус шүүхийн “Б” танхимд нээлттэй хийсэн шүүх хуралдаанаар

Д.М-ийн ажилласан байдал тогтоолгох тухай нэхэмжлэлийг 2017 оны 12 сарын 18-ны өдөр хүлээн авч, 2017 оны 12  сарын 25-ны өдөр иргэний хэрэг үүсгэн  хянан хэлэлцэв.

Шүүх хуралдаанд:

Нэхэмжлэгч Д.М

Нарийн бичгийн дарга Г.Ш нар оролцов.   

                                           

   ТОДОРХОЙЛОХ НЬ:

Нэхэмжлэгч Д.М  шүүхэд гаргасан нэхэмжлэл болон шүүх хуралдаанд гаргасан тайлбартаа: Миний бие 1966 онд төрсөн.  Улсад 18  жил ажилласан.1985 оны 7 сарын 1-нээс 1987 оны 12 сарын 23-ныг хүртэл Барилгын 6-р трестийн шавар будагчаар, 1987 оны 12 сарын 7-ноос 1991 оны 9 сарын 2-ныг хүртэл Дундговь аймгийн 2-р цэцэрлэгт асрагч, угаагчаар ажилласан. Миний эцгийг Т.Ж , эхийг Д.Д гэдэг. Ажилд томилсон, чөлөөлсөн тушаалд миний нэрийг Д.М , Ж.М  гэж зөрүүтэй бичсэн зөрчил байгаа. Иймээс гэрчүүдийн мэдүүлэг, төрсний бүртгэлийн лавлагаа, тушаалуудыг үндэслэн дээрх хугацаанд ажиллаж байсныг тогтоож өгнө үү гэв.

ҮНДЭСЛЭХ НЬ:

Нэхэмжлэгч Д.М  нь ажиллаж байсан байдлаа тогтоолгохоор нэхэмжлэл гаргажээ.

Нэхэмжлэгч Д.М хөдөлмөрийн дэвтэр үрэгдсэн, тушаалд нэр буруу бичигдсэн зөрчилтэй болох нь нэхэмжлэгчийн тайлбар, тушаалын хуулбар зэргээр нотлогдож байгаа нь нэхэмжлэлийг хянан шийдвэрлэх үндэслэл болж байна.

 

            Шүүхийн хэлэлцүүлгээр дараахь баримтуудыг шинжлэн судлав. Үүнд:

1. Гэрч М.О:“...Бид хамт 1985 онд Дундговь аймгийн ТМС-ийг төгсөөд Дундговь аймгийн Барилгын 6-р трестэд засал чимэглэлчинээр орж байсан. Түүнээс хойш  1987 оны 10 сар хүртэл тасралтгүй ажилласан юм. Тэгээд Мандалговь хотын 2-р цэцэрлэгт орсон.  ... М  гэж дууддаг байсан. Үндсэн нэр нь Маам байгаа юм...” гэх мэдүүлэг,

 Гэрч Д.И:“... Д.М  нь 1985 онд Дундговь аймгийн ТМС-ийг төгсөөд 1985 оны 7 сараас Дундговь аймгийн Барилгын 6-р трестэд засал чимэглэлчинээр орж байсан. Түүнээс хойш  1987 оны 10 сар хүртэл ажиллаж байгаад  ажлаасаа гарч өөр газар ажиллах болсон. Би тус трестэд 1985 оноос 1992 он хүртэл ажилласан  ...” гэх мэдүүлэг,

Гэрч Д.Э : “...Бид 1985 онд Дундговь аймгийн ТМС-ийг төгссөн юм. Бид 1985 оны 7 сараас Дундговь аймгийн Барилгын 6-р трестэд засад чимэглэлчинээр орж байсан. Түүнээс хойш Д.М  нь 1987 оны 10 сар хүртэл, би 1990 он хүртэл ажилласан. Бид М  л гэж дууддаг байсан. Албан ёсны нэр нь Маам байгаа юм...” гэх мэдүүлэг, 

Гэрч Д.А : “...Д.Маам нь 1987 оны 12 сараас 1991 оны 9 сар хүртэл Мандалговь хотын 2-р цэцэрлэгт туслах багш, угаагчаар ажиллаж  байсан. Би энэ хугацаанд туслах багшаар ажиллаж байсан юм. 1991 онд орон тооны цомхотголоор гарч байсан санагдаж байна...” гэх мэдүүлэг, 

Гэрч М.Ц : “...Би анх 1981 онд Мандалговь хотын 2-р цэцэрлэгт орсон юм. Түүнээс хойш Д.М  нь 1987 онд орж ирсэн. Д.М  нь 1987 оноос 1991 он хүртэл хүмүүжүүлэгчийн туслах багш, угаагчаар ажиллаж  байсан. Бид хамт ажиллаж байсан учраас энэ хүний ажиллаж байсныг сайн мэднэ...” гэх мэдүүлэг, 

Гэрч Г.Б : “...Бид хамт ажиллаж байсан юм. Д.Маам нь 1987 оны 12 сараас 1991 оны 9 сар хүртэл Мандалговь хотын 2-р цэцэрлэгт туслах багш, угаагчаар ажиллаж  байсан. Би энэ хугацаанд туслах багш, асрагчаар ажиллаж байсан юм. 1991 онд орон тооны цомхотголоор гарч байсан санагдаж байна...” гэх мэдүүлэг, 

2. Дундговь аймгийн Архивын тасгийн 2017 оны 12 сарын 14-ний өдрийн 334 дугаартай “  Тус архивын сан хөмрөгт байгаа Дундговь аймгийн Техник туслалцааны барилгын 6-р трестэд 1985 оны 07 сарын 01-нээс 1987 оны 10 сарын 23-н хүртэл шавар будагчаар, Мандалговь хотын 2-р цэцэрлэгт 1987 оны 12 сарын 07-ноос асрагчаар томилсон тухай  тушаалыг тус тус Д.М-д хуулбараар гаргаж хүргүүлэв” гэх тодорхойлолт,

3. Барилга, барилгын материалын үйлдвэрийн яамны харьяа Дундговь аймаг дахь Техник туслалцааны барилгын 6-р трестийн даргын 1985 оны 7 сарын 01-ний өдрийн 10 тоот “ Ажилд хуваарилж, буцалтгүй тэтгэмж олгох тухай” тушаалын хавсралтад “Б  даргатай бригадад Ж.М”-ыг  хуваарилж, зохих мэргэжлээр нь ажиллуулсугай” гэх бичилттэй тушаалын хуулбар,

4.Барилга, барилгын материалын үйлдвэрийн яамны харьяа Дундговь аймаг дахь Техник туслалцааны барилгын 6-р трестийн даргын 1987 оны 10 сарын 26-ны өдрийн 286 дугаар “ Ажлаас чөлөөлөх тухай” тушаалд ...Д.М нарыг 10-р сарын 23-наас тус тус тасалбар болгон ажлаас чөлөөлсүгэй” гэх бичилттэй тушаалын хуулбар,

5.Дундговь аймгийн Мандалговь хотын ардын депутатуудын хурлын гүйцэтгэх захиргааны  1987 оны 12 сарын 07-ны өдрийн “Ажилчин авах тухай” тушаалд “...Ж.М-ыг асрагчаар 1987 оны 10 сарын 01-нээс эхлэн түр хугацаагаар авч ажиллуулсугай” гэх бичилттэй тушаалын хуулбар,

6.Мандалговь хотын 2-р цэцэрлэгийн эрхлэгчийн 1991 оны 9 сарын 2-ны өдрийн 15 дугаар “Ажлаас чөлөөлөх тухай” тушаалд “ Угаагч М-ыг орон тооны цомхотголоор угаагчийн ажлаас 7 сарын 22-ноос эхлэн чөлөөлж, хөдөлмөр нийгэм хангамжийн хэлтсийн мэдэлд шилжүүлсүгэй” гэх бичилттэй тушаалын хуулбар,

7.Д.М-ийн иргэний үнэмлэхний нотариатаар батлуулсан хуулбар,

8.Оюуны өмч, улсын бүртгэлийн ерөнхий газар, Улсын бүртгэлийн хэлтсийн 2018 оны 01 сарын 17-ны өдрийн 005/000164 дугаартай “Эцгийн нэр Ж, эхийн нэр нэр Д ” гэх лавлагаа,  

Дээрх бичгийн баримтуудаар  Д.М  нь 1985 оны 7 сарын 1-нээс 1987 оны 10 сарын 23-ныг хүртэл Барилга, барилгын материалын үйлдвэрийн яамны харьяа Дундговь аймаг дахь Техник туслалцааны барилгын 6-р трестэд шаварчин, будагчинаар, 1987 оны 12 сарын 1-нээс 1991 оны 7 сарын 22-ныг хүртэл  Дундговь аймгийн Мандалговь хотын 2-р цэцэрлэгт асрагч, угаагчаар ажиллаж байсан болох нь тогтоогдож байх тул нэхэмжлэлийн шаардлагаас энэ хэсгийг хангаж шийдвэрлэх нь үндэслэлтэй байна гэж үзлээ.

Харин нэхэмжлэлийн шаардлагаас 1991 оны 7 сарын 22-ноос 1991 оны 9 сарын 2-ныг хүртэл ажиллаж байсан болох нь хэрэгт авагдсан бичгийн баримтаар  нотлогдохгүй байх тул хэрэгсэхгүй болгож шийдвэрлэлээ.

 

Иргэний хэрэг шүүхэд хянан шийдвэрлэх тухай хуулийн 82 дугаар зүйлийн 82.1.6, 115 дугаар зүйлийн 115.1, 115.2.2, 116, 118 дугаар зүйлд заасныг удирдлага болгон ТОГТООХ НЬ:

1.Иргэний  хэрэг  шүүхэд  хянан  шийдвэрлэх  тухай  хуулийн 133 дугаар зүйлийн 133.1.1, 135 дугаар зүйлийн 135.2.6-д Д.М нь 1985 оны 7 сарын 1-нээс 1987 оны 10 сарын 23-ныг хүртэл Барилга, барилгын материалын үйлдвэрийн яамны харьяа Дундговь аймаг дахь Техник туслалцааны барилгын 6-р трестэд шаварчин, будагчинаар, 1987 оны 12 сарын 1-нээс 1991 оны 7 сарын 22-ныг хүртэл  Дундговь аймгийн Мандалговь хотын 2-р цэцэрлэгт асрагч, угаагчаар ажиллаж байсан болохыг тогтоож, нэхэмжлэлийн шаардлагаас  1991 оны 7 сарын 22-ноос 1991 оны 9 сарын 2-ныг хүртэл ажиллаж байснаа тогтоолгох хэсгийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-т зааснаар нэхэмжлэгчээс улсын тэмдэгтийн хураамжид төлсөн 70200  / далан мянга хоёр зуун / төгрөгийг улсын орлогод хэвээр үлдээсүгэй.

3.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2 дахь хэсэгт зааснаар нэхэмжлэгч шийдвэрийг эс зөвшөөрвөл гардан авснаас хойш 14 хоногийн дотор Дундговь аймгийн Эрүү, Иргэний хэргийн давж  заалдах шатны шүүхэд гомдол гаргах эрхтэйг заасугай. 

 

 

 

 

ДАРГАЛАГЧ                             Д.УРАНЧИМЭГ