МОНГОЛ УЛСЫН НЭРИЙН ӨМНӨӨС

Сонгинохайрхан дүүргийн Эрүүгийн хэргийн анхан шатны шүүхийн шүүгч Г. Ганбаатар даргалж,

Нарийн бичгийн дарга Б.Энхжаргал,

Улсын яллагч Т.Нансалмаа,

Хохирогч Б.Пүрэвсүрэн, түүний өмгөөлөгч Н.Цэрэндулам,

Шүүгдэгч, түүний өмгөөлөгч Б.Ганбаатар нарыг оролцуулан тус шүүхийн шүүх хуралдааны танхимд нээлттэй хийсэн хуралдаанаар:

Сонгинохайрхан дүүргийн прокурорын газраас Эрүүгийн хуулийн тусгай ангийн 11.4 дүгээр зүйлийн 1 дэх хэсэгт зааснаар яллах дүгнэлт үйлдэж ирүүлсэн Тайжууд овогт О Ч холбогдох ******дугаартай эрүүгийн хэргийг 2018 оны 10 дугаар сарын 03-ны өдөр хүлээн авч хянан хэлэлцэв.

Шүүгдэгч нарын биеийн байцаалт:

Монгол Улсын иргэн, ***оны *** дүгээр сарын **-ний өдөр Улаанбаатар хотод төрсөн, эрэгтэй, ** настай, бүрэн дунд боловсролтой, мэргэжилгүй, эрхэлсэн тодорхой ажилгүй , ам бүл-*, ээж, дүүгийн хамт Сонгинохайрхан дүүргийн ** дугаар хороо, Мандал овоо **** тоотод оршин суух, урьд ял шийтгүүлж байгаагүй, Т овогт О Ч, РД: УБ********,

Холбогдсон хэргийн талаар:

Шүүгдэгч О.Ч нь согтуугаар 2018 оны 07 дугаар сарын 12-ны өдрийн 18 цагийн орчимд Нийслэлийн Сонгинохайрхан дүүргийн 21 дүгээр хорооны нутаг дэвсгэр "Ар гүнт” гэх газар иргэн Б.П "хогоо гэрийн хажуугийн жалганд асгалаа” гэх шалтгаанаар маргалдаж, хэрүүл маргаан үүсгэж улмаар түүний цээж, баруун гуян тус газар нь өшиглөн унагаж, эрүүл мэндэд нь баруун дунд чөмөгний хүзүү хэсгийн далд хугарал бүхий хүндэвтэр хохирол санаатай учруулсан гэмт хэрэгт холбогджээ.

ТОДОРХОЙЛОХ нь:

Шүүх хуульд заасан үндэслэл, журмын дагуу хэрэгт цугларсан, шүүх хуралдаанаар хэлэлцэгдсэн нотлох баримтуудыг шинжлэн судлав. Үүнд:

- хохирогч Б.П мөрдөн байцаалтад өгсөн: ...2018 оны 07 дугаар сарын 12-ны өдөр Хүй долоон худагт наадамлачихаад 18 цагийн үед гэртээ ирсэн юм аа. Тэгээд би тугалнуудаа олж хаших замдаа жалганд пивоны шаарыг асгах гээд тэрэгтэй түрээд хашаанаасаа гарсан. Манай гэрээс 500 орчим метрийн зайд жалга

байдаг. Тэгээд жалганд пивоны шаар асгачихаад байж байтал нэг залуу, нэг 80 орчим насны чавганц гарч ирээд хог асгалаа, энд үхсэн байгаа хар тарлан тугал танайх уу гэж хэлээд нөгөө залуугийн ээж болох 80 орчим насны чавганц таягаараа 3 удаа цохиод авсан. Тэгсэн чинь нөгөө залуу намайг цохих гэхээр нь би заамдаад автал пудволк нь урагдсан чинь миний хөл рүү (...баруун цавь руу...) өшиглөөд дараа нь цээж рүү өшиглөөд намайг газарт унагасан. Намайг газарт унасан байхад битгий ямбалаад бай пизда минь босооч гэж хэлээд гэртээ орсон. Тухайн үед би 30 орчим минут газарт сууж байхад намайг хэл амаар доромжилж пизда минь босоод зайл ямбатай пизда вэ гэж хэд хэд хэлсэн, би босч чадахгүй сууж байсан...гэх мэдүүлэг /хх- 6-8/,

Дээрх гэмтлийг Чулуунбаатар гэх залуу учруулсан. Намайг өшиглөөд газарт унагасны улмаас би газарт унаж гэмтсэн. Эхлээд миний баруун цавь руу өшиглөөд би хойшоо тэнцвэр алдаад ухрах үед дахиад миний цээж рүү өшиглөөд би газарт унасан. Миний унасан газар нь жоохон товгор газар байсан. Намайг жалганд пивоны шаар асгачихаад буцаад гэрийнхээ зүгт явж байхад нөгөө залуу хөөе гээд дуудахаар нь би яваад очиход нөгөө залуу "чи жалганд хог хаялаа, энэ үхсэн тугал танайх уу, би өдөржин булж янзаллаа” гээд над руу давшлаад миний өмсөж явсан подволкноос бариад авахаар нь зөрүүлээд заамдаад авахад нөгөө залууг ээж нь араас нь татахад арагшаа ухрахдаа миний подволкноос гараа тавьсан. Тэр үед ээж нь миний хөлний шилбэ рүү барьж явсан модоор цохисон...гэх мэдүүлэг /хх-85-86/,

• хохирогчийн шүүхийн хэлэлцүүлэгт өгсөн:... 2018 оны 07 сарын 12-ны орой манай гэрт шар айрагний шаар байхаар нь бороо орж байгаа юм чинь усанд урсгая гээд тэрэгтэй түрээд хойшоо явсан. Хонхорт шар айрагны шаараа асгах гээд явж байхад шүүгдэгч ээжтэйгээ хоёулаа хашааныхаа буланд согтуу зогсож байсан. Чулуунбаатар намайг сайн танина. Бид нарын хооронд урьд өс санасан зүйл байгаа. Ээж нь хогь асгалаа гээд хашгирсан. Би хүрч ирээд хог асгаагүй шар айрагний шаар асгасан гээд маргалдсан. Чулуунбаатар хажуугаас орж ирсэн. Чулуунбаатарын ээж нь намайг хэл амтай балиар авгай гээд барьж байсан модоороо миний зүүн талын хөл рүү 2 удаа цохисон. Чулуунбаатар чи яасан зэвүүн амьтан бэ гээд над руу дайрахад нь би футболкоос нь татахад урагдсан. Би хойшоо унаагүй. Миний хөл урьд нь доголон байгаагүй. Ээж нь тэр хооронд гэрлүүгээ явсан, миний баруун цавь, цээж рүү өшиглөөд би хойшоо унасан. Би хойшоо унаад босож чадаагүй сууж байсан. Чулуунбаатар 2 удаа гэртээ ороод буцаж ирсэн. Чи босоод яваач ямбатай муу пизда худлаа баашлаад байх юм гэж хэлсэн. Эмнэлэгт очиж үзүүлэхэд нь хамт явна гэж байсан боловч яг явах болоход цуг яваагүй. Би тухайн үед гар утасгүй байсан, Чулуунбаатар надад утсаа өгөхөд нь би өөрөө хүүхэд рүүгээ ээж нь хүнд зодуулчихлаа гэж ярьсан. Миний бага хүү, том охин хоёр ирсэн. Чулуунбаатарын эгч нар нь гарч ирээд хэсэг маргалдсан. Би хүүхдүүдээрээ дамжлуулаад машинд суугаад явсан. Чулуунбаатарын хүргэн Энхбат манай гэрт ирээд хөлийг чинь бариулдаг юм билүү, Чулуунбаатар архи уугаад хөдлөхгүй нь гэж байсан. Би халуураад болохгүй болохоор нь Гэмтлийн эмнэлэг орсон. Эмчилгээний зардал 1.450.000 төгрөгийг нэхэмжилж байна. Чулуунбаатарын дүү нь надаас хэдэн төгрөг зээлж, дараа нь хэдэн шуудай элс авч байсан. Түүнийгээ өгөөгүй. Би эдний гэрээс нь намар шавар зуурах гэж ванн аваад мөнгөө өгөхгүй болохоор нь түүнийг нь өгөлгүй байлгаж байсан. Ээж нь нэг өдөр ирээд манай ванн өгөхгүй удаасан гээд ээж нь надад өс хонзонтой байдаг. Би архи хэрэглэдэггүй гэв... /шүүх хуралдааны тэмдэглэлээс/,
• гэрч Б.Оюунбилэгийн мөрдөн байцаалтад өгсөн:... 2018 оны 07 дугаар сарын 12-ны орой 18 цагийн үед Сонгинохайрхан дүүргийн 21 дүгээр хороо Ар гүнт 7-1 тоот гэртээ ээж Пүрэвсүрэнгийн хамт ирээд хоолоо хийж байсан ээж хог асгах гээд гараад

явсан. Удалгүй дүү Энхболд гаднаас орж ирээд байж байхад дүүгийн утас руу нэг хүн залгаад танай ээж чинь хүнд зодуулчихсан энд байна гэж хэлсэн. Тэгээд би дүү Энхболдын хамт хог асгадаг жалганы хажууд очиход ээж газар хөлөө нугалаад суусан босч чадахгүй байна гэсэн. Би тэнд цуг байсан залуугаас юу болсон талаар асуухад танай ээж чинь гэрийн хажууд хог асгаад бид хоёр хоорондоо маргалдаж танай ээж чинь миний хувцсыг урсан. Би бол яагаач үгүй. Ээж чинь баашлаад суугаад байгаа юм гэж хэлсэн. Би тэр хүнтэй маргалдаад 2-3 удаа нүүр лүү гараараа алгадсан. Тэр үед гэрээс нь хүмүүс гарч ирээд утсаар бичлэг хийгээд хэл амаар доромжлоод байсан. Ээжийн би муу байсан болохоор дүү Энхболдын хамт ээжийг авч гэртээ очоод эмнэлэг, цагдаа дуудсан...гэх мэдүүлэг /хх-11-12/,

• гэрч З.Зинагийн мөрдөн байцаалтад өгсөн:..2018 оны 07 дугаар сарын 12-ны өдөр баяр наадам гээд хүүхдүүд гэрт ирчихсэн байсан. Би тугалаа хаших гээд хашааны гадаа явж байхад тугалнууд маань айлын тугалнуудтай нийлчихээд салж өгөхгүй байсан учир манай хүү Чулуунбаатар гарч ирээд надад тусалсан. Тэгтэл Пүрэвсүрэн гэх авгай тэргэн дээр хог түрээд явж байсан бөгөөд манай гэрийн ар талын жалганд хог хаяж байсан. Хүү хог хаялаа болиоч, би танайх үхсэн тугалаа жалганд хаясан байна гэж хэлтэл Пүрэвсүрэн тэгвэл чи манай тугалыг алсан байна гэж хэлээд хүү Чулуунбаатарыг алгадаж, өмсөж байсан куртик, цамцыг татаж ураад хэл амаар доромжлоод байсан. Би салгах гэж Пүрэвсүрэнтэй ноцолдож байхад манай хүүгийн цамцнаас татаад цамц нь урагдаад хойшоо гартаа бариад унасан. Тэгээд газарт уначихаад босохгүй, та нар намайг зодчихлоо гээд босохгүй суугаад байсан. Тэгээд гэртээ ороод байж байтал Пүрэвсүрэнгийн хүү, охин хоёр манай гэрт ирээд охин нь хэл амаар доромжлоод Чулуунбаатарыг цохиж зодоод орилж хашгираад байсан. Би тугалд барьж явсан нарийхан 30-40 сантиметр урттай модоор Чулуунбаатарыг цохиод, хувцсыг нь ураад байхаар нь болиоч гээд хөл рүү буюу шилбэ рүү нь нэг удаа цохисон. Манай гэрийн арын жалганд хог авч ирж хаяснаас болоод Чулуунбаатар хогийн цэг биш, яагаад хог асгаад байгаа юм гэснээс болж маргалдсан... гэх мэдүүлэг /хх-16-17/,
• гэрч О.Наранчимэгийн мөрдөн байцаалтад өгсөн:...2018 оны 07 дугаар сарын 12-ны яг хэдэн цагийн үед байсаныг санахгүй байна. Ээжийнхээ гэрт байхад гадаа шуугилдаад унахаар нь гарсан чинь Пүрэвсүрэн эгч газар суучихсан орилоод дүү Чулуунбаатарын цамц нь урагдаад салбайсан байдалтай ээж ирээд хог асгаад байхаар нь шаардлага тавьсан чинь дүү Чулуунбаатартай зууралдаад цамцыг нь урчихлаа, би болиулах гээд чадаагүй аргаа бараад барьж явсан модоороо чичилж үзлээ гээд хашаа руу орсон. Тэгээд байж байхад Пүрэвсүрэн эгчийн хүүхдүүд ирээд тэгээд бөөн хэрүүл маргаан болсон. Тэгээд жоохон намжихаар нь би хүүхдүүдэд нь жалганд хог хаяхаар үмхий үнэртээд байна. Өчигдөр Чулуунбаатар цэвэрлэсэн юм гэж хэлээд явуулсан...гэх мэдүүлэг /хх-19-20/,
• гэрч О.Өлзийбаярын мөрдөн байцаалтад өгсөн:... Манай ах Чулуунбаатар нь Солонгос улсад 8 жил ажиллаж амьдарч байсан. Олонтой, их нийтэч, хүнтэй зөв боловсон харьцдаг, хүний үгээр ажилсаг. Манай ах ээжийн ард байдаг жалганы хогийг түүж баяр наадам болох гэж байна гээд цэвэрлэсэн чинь тэр өдөр нэг эмэгтэй хог хаяад тэгээд маргаан үүссэн гэж ээж Зина хэлсэн...гэх мэдүүлэг /хх-21/
• гэрч У.Энэрэлийн мөрдөн байцаалтад өгсөн: ..Би Жаргалант тосгоны эрүүл мэндийн төвд их эмчээр ажилладаг. 2018 оны 07 дугаар сарын 12-ны өдөр жижүүр эмчээр үүрэг гүйцэтгэж байсан. Тэр өдөр 18:20 минутанд манай төвд дуудлага ирсэн. Дуудлагаар очиход Сонгинохайрхан дүүргийн 21 дүгээр хороо Ар гүнтэд Б.Пүрэвсүрэн байсан ба үзлэг хийхэд ил харагдаж мэдэгдэх гэмтэлгүй, өөрөө гишгэж болохгүй байна гэж байсан. Тэгээд би өөрт болон ар гэрийнхэнд нь хугацаа алдалгүй

ГССҮТөвд очиж үзүүлээрэй гэж зөвлөгөө өгсөн. Пүрэвсүрэн архи уусан байсан. Үнэртэж байсан бөгөөд маргалдаж байгаад өшиглүүлсэн гэж хэлсэн. Би бодохдоо архи ууж байгаад маргалдсан гэж ойлгосон. Манай эрүүл мэндийн төв нь дуудлага бүртгэдэг дэвтэр дээрээ дуудлагаар очоод үзүүлж байгаа хүнээ эрүүл, архи уусан байсан талаар тэмдэглэдэг юм. Даралт, цээж хэсэг зүгээр байсан мөн архи хэрэглэсэн байсан болохоор өвчин намдаах эм болон ямар нэгэн тариа хэрэглээгүй...гэх мэдүүлэг /хх-89-90/,

• өвчтөн П.Пүрэвсүрэн баруун хөлөн дээрээ гишгэж болохгүй, явж чадахгүй, янгинан өвдөнө, хөлөндөө цохиулснаас хойш дээрх зовиур илэрсэн тухай түргэн тусламжийн дуудлагын хуудас /хх-91-93/
• шүүхийн шинжилгээний үндэсний хүрээлэнгийн шинжээчийн 2018 оны 08 дүгээр сарын 03-ны өдрийн 886 дугаартай:..Б.Пүрэвсүрэнгийн биед баруун дунд чөмөгний хүзүү хэсгийн далд хугарал гэмтэл тогтоогдлоо. Дээрх гэмтэл нь мохоо зүйлийн үйлчлэлээр үүсгэгдэнэ. Дээрх гэмтэл нь тухайн хэрэг болсон гэх хугацаанд үүссэн байх боломжтой. Шүүх эмнэлгийн гэмтлийн зэрэг тогтоох журмын 2.3.1-д зааснаар эрүүл мэндийг удаан хугацаагаар сарниулах тул гэмтлийн хүндэвтэр зэрэгт хамаарна. Цаашид ерөнхий хөдөлмөрийн чадвар тогтонги алдалтад нөлөөлөхгүй...гэх дүгнэлт /хх-30-31/,
• шинжээч эмч Б.Долгормаагийн мөрдөн байцаалтад өгсөн:.. Дээрх гэмтэл нь шинэ гэмтэл байсан ба хэрэг учрал болсон гэх цаг хугацаанд үүссэн байх боломжтой. Уг гэмтэл нь мохоо зүйлийн үйлчлэлээр тухайн хугарлын түвшинд хүч үйлчлэх мөн хөлийг эвгүй гишгэж хүчтэй баруун талаар унах үед үүсэх боломжтой. Хүч үйлчлэх гэдэгт нь цохих, өшиглөх, зэвсэг зэвсгийн чанартай зүйлээр цохих зэргийг хэлнэ...гэх мэдүүлэг /хх-87-88/,
• өвчтөн Б.Пүрэвсүрэн зүс таних хүнд зодуулж гэмтсэн тухай гэмтлийн эмнэлэгт үзүүлсэн өвчний түүх /хх-23-29/,
• ял шалгах хуудас /хх-43/,
• шүүгдэгч О.Чын мөрдөн байцаалтад өгсөн:... 2018 оны 07 дугаар сарын 12-ны өдөр гэртээ байж байгаад хойд жалганд 65-70 насны орчим эмэгтэй хүн ганцаараа шавар зөөдөг тэрэгээр шаар асгаад байхаар нь шаардлага тавихад намайг болон ээжийг минь үмхий цагаачид гэж хэл амаар доромжлоод, миний өмсөж байсан цагаан өнгийн цамцнаас хоёр гараараа зулгааж би хойшоо алхахад өөрөө газарт уначихсан. Тэгээд босохгүй болохоор нь төрсөн хүү Гээгүүл рүү нь залгаж "ээж чинь хог асгаж яваад миний хувцаснаас зулгааж байгаад газарт уначихлаа” гэж хэлэхэд хүү нь ирээд над руу ээжийг минь зодлоо гээд хэл амаар доромжилсон. Би хог асгаад байдаг жалгыг сайн дураараа цэвэрлэдэг. Тэр орчимд амьдардаг иргэд дандаа хог хаяаад байхаар нь байнга хэлдэг. Би хорхог хийж байхдаа урьд өдрийн үлдсэн архинаас 2 хундага уучихсан байсан. Тэрнээс өөр архи уугаагүй. Миний өмсөж явсан цагаан цамцны захийг тэр эгч зулгаасаар байгаад урчихсан. Өөрөөр гэмтэл учраагүй...гэх мэдүүлэг /хх-13-15, 40/
• шүүхийн хэлэлцүүлэгт өгсөн:... Сонгинохайрхан дүүргийн 21 дүгээр хороо Ар гүнт гэх газар 2018 оны 07 дугаар сарын 12-ны өдөр Пүрэвсүрэнг хог асгаж байхад нь та энд хог асгаж болохгүй гэж би хууль ёсны шаардлага тавьсан. Пүрэвсүрэн тэгэхэд тэрэгээ хаяад манай хашааны ар талд гүйж ирээд намайг барьж аваад, муусайн гуйлгачид гэж хэлээд миний энгэрээс зуураад тавихгүй байсан. Би хойшоо болоход миний цамцыг ураад өөрөө хойшоо унасан. Миний хувьд энэ хүнийг зодсон зүйл байхгүй. Хохирогчийг зодож цохисон бол би буруугаа хүлээж уучлалт гуйж, өдийг хүртэл ингэж явахгүй байсан. Би 2 хундага архи уусан байсан. Тийм. Би боль гэж хэлэхэд хашааны цаана тэрэгээ хаяад манай хашааны ард ирсэн. Тэгээд хаана хогоо

асгах нь миний эрх, муусайн цагаачид гээд байсан. Энд болохгүй өмхий үнэртээд байна, хогоо асгаж болохгүй гэхэд миний энгэрээс заамдсан. Манай ээж тавиулах гээд бид хоёрын голоор орж ирсэн. Намайг хойшоо болоход миний цамцнаас ураад хойшоо суугаад унасан. 2-3 минутад болсон. Пүрэвсүрэнг унахад нь хүүхэд рүү нь утсаар яриад ээж чинь намайг зодчихлоо гээд байна, ээжийгээ ирж ав гэж хүүхэд рүү нь утсаар залгаж хэлсэн гэв...шүүх хуралдааны тэмдэглэлээс зэрэг болно.

Шүүгдэгч О.Ч нь 2018 оны 07 дугаар сарын 12-ны өдрийн 18 цагийн орчимд Нийслэлийн Сонгинохайрхан дүүргийн 21 дүгээр хорооны нутаг дэвсгэр “Ар гүнт” гэх газар иргэн Б.Пүрэвсүрэнтэй “хогоо гэрийн хажуугийн жалганд асгалаа” гэх шалтгаанаар маргалдаж, хэрүүл маргаан үүсгэж улмаар түүний цээж, баруун гуян тус газар нь өшиглөн унагаж, эрүүл мэндэд нь баруун дунд чөмөгний хүзүү хэсгийн далд хугарал бүхий хүндэвтэр хохирол санаатай учруулсан гэмт хэрэг үйлдсэн болох нь:

• хохирогч Б.Пүрэвсүрэнгийн....тухайн үед намайг жалганд хог хаялаа гэх шалтгаанаар Чулуунбаатар, түүний ээжтэй маргалдсан...Чулуунбаатар гэх залуу намайг цохих гэхээр нь би заамдаад автал пудволк нь урагдсан чинь миний хөл буюу баруун цавь руу өшиглөөд тэнцвэр алдан ухрахад цээж рүү өшиглөөд намайг газарт унагасан...намайг заамдаад авахад нөгөө залууг ээж нь араас нь татахад арагшаа ухрахдаа миний подволкноос гараа тавьсан. Тэр үед ээж нь миний хөлний шилбэ рүү барьж явсан модоор цохьсон...тэр залуу намайг газарт унасан байхад битгий ямбалаад бай пизда минь босооч гэж хэлээд гэртээ орсон...тухай мөрдөн байцаалт /хх-6-8, 85-86/, шүүхийн хэлэлцүүлэгт өгсөн мэдүүлэг,
• гэрч Б.Оюунбилэгийн мөрдөн байцаалтад өгсөн:... 2018 оны 07 дугаар сарын 12-ны орой 18 цагийн үед Сонгинохайрхан дүүргийн 21 дүгээр хороо Ар гүнт 7-1 тоот гэртээ ээж Пүрэвсүрэнгийн хамт байсан, ээж хог асгах гээд гараад явсан, удалгүй дүү Энхболдын утас руу нэг хүн залгаад танай ээж чинь хүнд зодуулчихсан энд байна гэж хэлсэн...Энхболдын хамт хог асгадаг жалганы хажууд очиход ээж газар хөлөө нугалаад суусан босч чадахгүй байна гэсэн...эмнэлэг, цагдаа дуудсан...гэх мэдүүлэг /хх-11-12/,
• гэрч У.Энэрэлийн мөрдөн байцаалтад өгсөн: ..Би Жаргалант тосгоны эрүүл мэндийн төвд их эмчээр ажилладаг. 2018 оны 07 дугаар сарын 12-ны өдөр жижүүр эмчээр үүрэг гүйцэтгэж байхад 18:20 минутанд дуудлага ирсэн. Дуудлагаар очиход Сонгинохайрхан дүүргийн 21 дүгээр хороо Ар гүнтэд Б.Пүрэвсүрэн байсан ба үзлэг хийхэд ил харагдаж мэдэгдэх гэмтэлгүй, өөрөө гишгэж болохгүй байна гэж байсан...маргалдаж байгаад өшиглүүлсэн гэж хэлсэн...гэх мэдүүлэг /хх-89-90/,
• гэрч О.Наранчимэгийн мөрдөн байцаалтад өгсөн:...тухайн үед гадаа шуугилдаад унахаар нь гарсан чинь Пүрэвсүрэн эгч газар суучихсан орилоод, дүү Чулуунбаатарын цамц нь урагдаад салбайсан байдалтай...ээж болохоор: хог асгаад байхаар нь шаардлага тавьсан чинь дүү Чулуунбаатартай зууралдаад цамцыг нь урчихлаа, би болиулах гээд чадаагүй, аргаа бараад барьж явсан модоороо чичилж үзлээ гээд хашаа руу орсон...гэх мэдүүлэг /хх-19-20/,
• гэрч З.Зинагийн мөрдөн байцаалтад өгсөн:.. Манай гэрийн арын жалганд хог авч ирж хаяснаас болоод Чулуунбаатар хогийн цэг биш, яагаад хог асгаад байгаа юм гэснээс болж маргалдсан...хог хаяхаа болиоч, танайх үхсэн тугалаа жалганд хаясан байна гэж хэлтэл Пүрэвсүрэн тэгвэл чи манай тугалыг алсан байна гэж хэлээд хүү Чулуунбаатарыг алгадаж, өмсөж байсан куртик, цамцыг татаж ураад хэл амаар доромжлоод байсан. Би салгах гэж Пүрэвсүрэнтэй ноцолдож байхад манай хүүгийн

цамцнаас татаад цамц нь урагдаад хойшоо гартаа бариад унасан...босохгүй суугаад байсан..... гэх мэдүүлэг /хх-16-17/,

• өвчтөн П.Пүрэвсүрэн баруун хөлөн дээрээ гишгэж болохгүй, явж чадахгүй, янгинан өвдөнө, хөлөндөө цохиулснаас хойш дээрх зовиур илэрсэн тухай түргэн тусламжийн дуудлагын хуудас /хх-91-93/,
• шинжээчийн дүгнэлт :..Б.Пүрэвсүрэнгийн биед баруун дунд чөмөгний хүзүү хэсгийн далд хугарал гэмтэл тогтоогдлоо. Дээрх гэмтэл нь мохоо зүйлийн үйлчлэлээр үүсгэгдэнэ. Дээрх гэмтэл нь тухайн хэрэг болсон гэх хугацаанд үүссэн байх боломжтой. Шүүх эмнэлгийн гэмтлийн зэрэг тогтоох журмын 2.3.1-д зааснаар эрүүл мэндийг удаан хугацаагаар сарниулах тул гэмтлийн хүндэвтэр зэрэгт хамаарна /хх-30- 31/,
• шинжээч эмч Б.Долгормаагийн мөрдөн байцаалтад өгсөн:.. Дээрх гэмтэл нь шинэ гэмтэл байсан ба хэрэг учрал болсон гэх цаг хугацаанд үүссэн байх боломжтой. Уг гэмтэл нь мохоо зүйлийн үйлчлэлээр тухайн хугарлын түвшинд хүч үйлчлэх, мөн хөлийг эвгүй гишгэж хүчтэй баруун талаар унах үед үүсэх боломжтой...Хүч үйлчлэх гэдэгт нь цохих, өшиглөх, зэвсэг зэвсгийн чанартай зүйлээр цохих зэргийг хэлнэ...гэх мэдүүлэг /хх-87-88/,
• өвчтөн Б.Пүрэвсүрэн зүс таних хүнд зодуулж гэмтсэн тухай гэмтлийн эмнэлэгт үзүүлсэн өвчний түүх /хх-23-29/ зэрэг нотлох баримтуудаар нотлогдож тогтоогдож байна.

Иймд шүүгдэгч О.Чыг хүний эрүүл мэндэд хүндэвтэр хохирол санаатай учруулах гэмт хэргийг хүндрүүлэх нөхцөл байдалгүйгээр үйлдсэн гэм буруутайд тооцож, эрүүгийн хариуцлага хүлээлгэх үндэслэлтэй байна.

Шүүгдэгчийн үйлдсэн гэмт хэргийн шинж, зүйлчлэлд хийсэн хууль зүйн дүгнэлт:

Шүүгдэгчийн үйлдсэн гэмт хэргийг нотолсон баримтууд Эрүүгийн хэрэг хянан шийдвэрлэх тухай хуульд заасан үндэслэл, журмын дагуу цугларсан, тус хэргийг шийдвэрлэхэд хамааралтай, хангалттай гэж үнэлэв.

Хэрэгт авагдсан нотлох баримтуудыг харьцуулан шалгаж, үнэлэхэд хохирогч нь тухайн үед тухайн шүүгдэгчид зодуулсан талаар удаа дараа тогтвортойгоор мэдүүлсэн, мэдүүлгийнхээ эх сурвалжийг тодорхой заасан байх бөгөөд хохирогчийг худал мэдүүлсэн гэж үзэх үндэслэл, нотлох баримт тогтоогдоогүй, тодруулбал хохирогч нь өөрөө өөртөө гэмтэл учруулаагүй буюу өөрөө сайн дураар газарт хүчтэй унаагүй, мөн шүүгдэгчээс өөр хүнтэй маргалдан барьцалдаагүй буюу шүүгдэгчээс өөр бусад хүний хүч хэрэглэсэн идэвхтэй үйлдэлд автагдаагүй байх тул хохирогчийн эрүүл мэндэд учирсан хүндэвтэр хохирол нь шүүгдэгчийн гэм буруутай, идэвхтэй үйлдэлтэй шалтгаант холбоотой болох нь тогтоогдсон гэж үзнэ.

Хохирогч нь биедээ гэмтэл авсан даруйдаа явж чадахгүй байдалд хүрч улмаар түргэн тусламж дуудсан, мөн гэмтлийн эмнэлэгт үзүүлсэн байх төдийгүй энэ үед холбогдох эмч нар хохирогчийн цавь, цээж хэсгийг үзэж тэмдэглээгүй, мөн хохирогч нь шүүгдэгчид өшиглүүлсэн гэх тухайн хэсэгтээ хөхөрсөн, хавдсан байх эсэхэд хамаарах баримтгүй гэх асуудал нь шүүгдэгчийн үйлдсэн тус хэргийн зүйлчлэлд нөлөөлөх үндэслэл бишээс гадна тухайн холбогдох нотлох баримт хэрхэн үйлдэх, зөв, бүрэн үйлдсэн эсэх асуудал нь хохирогчид хамааралгүй асуудал болно.

Шинжээчийн дүгнэлт, мэдүүлэгт эргэлзээтэй асуудал огт байхгүй байх ба хохирогчийн эрүүл мэндэд хохирол учруулсан хүчний үйлчлэлийн механизмын хувьд аль ч хэлбэр нь шүүгдэгчийн хүч хэрэглэсэн бөгөөд идэвхтэй үйлдлээр нэгэн зэрэг хэрэгжсэн байж болох нь хохирогчийн удаа дараа өгсөн мэдүүлгийн эх сурвалжтай,

харин хохирогч өөрөө сайн дураар баруун талаараа унасан гэж үзэх үндэслэл, нотлох баримтгүй тул энд эргэлзээтэй, шүүгдэгчийн үйлдлийг үгүйсгэх үндэслэл, нөхцөл байдал байхгүй гэж үзнэ.

Шүүгдэгч нь холбогдох хуулиар өөрт олгогдсон эрхийн хүрээнд өөрийн эсрэг мэдүүлэг өгөөгүй байдал нь түүнд холбогдох хэргийг нотлогдоогүй, Эрүүгийн хуулийг хэрэглэхэд эргэлзээтэй гэж үзэх үндэслэлд хамааралгүй болно.

Шүүгдэгч нь согтууруулах ундааны зүйлийг гэмт хэрэг үйлдэх үед эсхүл урьд өдрийн шөнө хэрэглэсэн эсэх тодорхойгүй тул согтуурсан үедээ гэмт хэрэг үйлдсэн гэж үзэх боломжгүй байна.

Мөн хохирогч анхны түргэн тусламж дуудан үзүүлэхэд согтууруулах ундааны зүйлс үнэртэж байсан гэх асуудал нь хохирогч биедээ гэмтэл авсны дараа эсхүл өмнө нь хэрэглэсэн эсэх нь тодорхой бусаас гадна энэ байдал нь шүүгдэгчийн гэмт хэрэг үйлдсэн гэм бурууг зөвтгөх үндэслэл болохгүйг тэмдэглэв.

Дээрх нотлох баримт бүхий үндэслэлийн хүрээнд гэмт хэрэг үйлдсэн гэм буруугүй гэх шүүгдэгчийн өмгөөлөгчийн дүгнэлтийг хүлээж авах үндэслэлгүй гэж дүгнэв.

Хохирогч Б.Пүрэвсүрэнгийн нэхэмжлэлийн нийт дүн 1.170.120 төгрөг /х-60-80/ байх боловч нотлох баримтын шаардлага хангахгүй, мөн тус гэмт хэрэгтэй шууд шалтгаант холбоотой эсэх нь тодорхойгүй кассын орлогын ордер 10.000, худалдан авсан сүү гашилсан 58.800 төгрөг, 56.800 төгрөг, /хх-63, 67-68/, шатахууны зардалд 412.000 төгрөг /х-69/-ийг тус тус хангах боломжгүй, харин эм, тариа, эмнэлэгт хэвтсэн болон бусад хохирлын нийт 632.520 төгрөгийг /хх-60-64/ хангаж, гэмт хэргийн улмаас учирсан бусад хохирлын талаарх нотлох баримтаа бүрдүүлэн иргэний журмаар нэхэмжлэх хохирогчийн эрхийг нь нээлттэй үлдээв.

Шүүгдэгчид эрүүгийн хариуцлага хүлээлгэхэд хийсэн хууль зүйн дүгнэлт:

Шүүгдэгч нь тохиолдлын шинжтэй нөхцөл байдлын улмаас анх удаа гэмт хэрэг үйлдсэн нь Эрүүгийн хуулийн ерөнхий ангийн 6.5 дугаар зүйлийн 1.1-д зааснаар эрүүгийн хариуцлагыг хөнгөрүүлэх нөхцөл байдалд хамаарна.

Шүүгдэгчид эрүүгийн хариуцлага хүлээлгэхэд Эрүүгийн хуулийн 6.1 дүгээр зүйлийн 2-т зааснаар шүүгдэгчийн гэмт хэрэг үйлдсэн нөхцөл байдал, учирсан хохирлын шинж чанар, эрүүгийн хариуцлагыг хөнгөрүүлэх нөхцөл байдал, шүүгдэгчийн хувийн байдал зэргийг тал бүрээс нь харгалзан нийтэд тустай ажил хийлгэх ял шийтгэв.

Бусад асуудал

Уг хэрэгт эд мөрийн баримтаар хураагдсан, битүүмжлэгдсэн эд зүйлгүй, шүүгдэгч нь цагдан хоригдсон хоноггүй болохыг тус тус дурдав.

Эрүүгийн хэрэг хянан шийдвэрлэх тухай хуулийн 36.2, 36.6, 36.7, 36.8, 36.10, 38.1, 38.2 дугаар зүйлүүдэд заасныг тус тус удирдлага болгон

ТОГТООХ нь:

1. Шүүгдэгч Т овогт О Ч-ыг хүний эрүүл мэндэд хүндэвтэр хохирол санаатай учруулах гэмт хэргийг хүндрүүлэх нөхцөл байдалгүйгээр үйлдсэн гэм буруутайд тооцсугай.
2. Эрүүгийн хуулийн тусгай ангийн 11.4 дүгээр зүйлийн 1 дэх хэсэгт зааснаар О.Чыг 680 цагийн хугацаагаар нийтэд тустай ажил хийлгэх ял шийтгэсүгэй.
3. Эрүүгийн хуулийн ерөнхий ангийн 5.4 дүгээр зүйлийн 4 дэх хэсэгт зааснаар О.Ч нь нийтэд тустай ажил хийлгэх ялыг биелүүлэхгүй зайлсхийвэл ялын 8 цагийн ажлыг нэг хоногоор тооцож, хорих ялаар солихыг мэдэгдсүгэй.