Өмнөговь аймаг дахь сум дундын эрүүгийн хэргийн анхан шатны шүүхийн эрүүгийн хэргийн шүүх хуралдааныг Ерөнхий шүүгч Т.Дэлгэрмаа даргалж,

Нарийн бичгийн дарга: А.Мөнхтуяа,

Улсын яллагч:  Н.Ундрах,

Шүүгдэгчийн өмгөөлөгч: Э.Наранцацрал,

Хохирогч: А.Мөнх-Очир,

Шүүгдэгч: Б.Тогтуунбаяр нарыг оролцуулан тус шүүхийн эрүүгийн хэргийн шүүх хуралдааны танхимд нээлттэй хийсэн хуралдаанаар

Өмнөговь аймгийн Прокурорын газраас Эрүүгийн хуулийн тусгай ангийн 99 дүгээр зүйлийн 99.2 дахь хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн Б.Тогтуунбаярт холбогдох 201616000141 тоот нэг хавтас эрүүгийн хэргийг 2016 оны 09 дүгээр сарын 23-ны өдөр хүлээн авч хянан хэлэлцэв.

Монгол Улсын иргэн, 

          Шүүгдэгч Б.Тогтуунбаяр нь согтууруулах ундааны зүйл хэрэглэсэн үедээ 2016 оны 06 дугаар сарын 14-ний өдөр Өмнөговь аймгийн Гурвантэс сумын Баясах багийн нутагт байрлах тоосгоны үйлдвэрт ажиллаж байхдаа хувийн таарамжгүй харьцааы улмаас баюун дотор хохирогч С.Молор-Эрдэнийг, баюуны гадна хохирогч А.Мөнх-Очирыг тус тус зодож давтан үйлдлээр бусдын бие махбодид хөнгөн гэмтэл санаатай учруулсан гэмт хэрэгт холбогджээ.    

Тодорхойлох нь:

            Шүүхийн хэлэлцүүлэгт дараах нотлох баримтуудыг шинжлэн судлав. Үүнд:

            Шүүгдэгч Б.Тогтуунбаяр шүүхийн хэлэлцүүлэгт өгсөн мэдүүлэгтээ: Би 2016 оны 06 дугаар сарын 14-ний өдөр Хилийн цэргийн 0166-р ангиас 5 км-ийн зайд тоосгоны үйлдвэр дээр цэргүүд хариуцаад ажиллаж байсан. Тухайн ажиллаж байх хугацаандаа ангийн төвөөс чөлөө аваад явчихаад буцаж ирсэн. Намайг ирсний дараа Мөнх-Очир, Молор-Эрдэнэ нарыг цэрэг дээрэлхсэн гэж бага дарга нар хэлсэн. Тэгээд би цэргүүдээ өмөөрч Молор-Эрдэнэ, Мөнх-Очир нарыг хоёр, гурав цохьсон.  

             Хохирогч А.Мөнх-Очир шүүхийн хэлэлцүүлэгт өгсөн мэдүүлэгтээ: Тухайн өдөр тоосгоны үйлдвэрт ажиллаж байгаад өдөр 12 цагийн үед амраад цайндаа орсон. 15 цаг хүртэл амардаг. Тэгээд амарчихаад босч хувцасаа өмсөөд гарахад жаа Тогтуунбаяр нь яагаад цэрэг дээрэлхээд байна гээд намайг гараараа цохиж өшиглөсөн. Хохирол төлбөрөө авсан одоо нэхэмжлэх зүйл байхгүй. Гомдол санал байхгүй.

            Хохирогч, иргэний нэхэмжлэгч С.Молор-Эрдэнэ мөрдөн байцаалтын шатанд өгсөн мэдүүлэгтээ:”...2016 оны 06 дугаар сарын 14-ний өдөр би ...15 цаг 30 минутын үед ажилчидын амралтын байранд амарч байсан Амгаланбаяр, Мөнх-Очир нарыг сэрээд сэрээд гээд хашгирахад цэрэг байралдаг өрөөнөөс ахлах байлдагч Эрдэнэбаатар гарч ирээд “юу гэнээ пизда минь” гэж надад хэлсэн. Тэгэхээр нь би “юу гээд байгаан бэ” гээд түүн рүү очиход “юу гэсэн ч яадаг юм бэ” гээд намайг заамдаж авахаар нь би яаж байнаа гээд зөрүүлж заамдсан. ...Тэгэхэд хоёр цэрэг өрөөнөөс гарч ирээд намайг заамдсан байсан ахлах байлдагч Эрдэнэбаатарыг салгаж байтал Төрбат юу болоод яагаад байгаа юм бэ? гэхэд Эрдэнэбаатар танай дүү чинь намайг өдөөд байна гэсэн тэгээд Төрбат ах тэр Эрдэнэбаатарыг шанааруу нь цохьсон. Тэгээд би 15 цаг 40 минутанд Мөнх-Очир, Амгаланбаяр нартай хамт амралтын байрнаас гараад зүүн зүгт байрлах 300 гаруй метрийн зайтай баюун дээр очоод халуун тоосго гаргаж байхад ахлах түрүүч Батсүх нь хаалгаар шагайгаад Тогтуунбаяр чамайг дуудаж байна гэхээр нь ажлаа дуусгачихаад гараад очъё гэсэн. Тэгээд намайг баюун дотор байж байхад удалгүй 3-4 цэрэг орж ирээд намайг тойрч зогсоход ахлах түрүүч цолтой Батсүх намайг, чи муу ямар том пизда вэ гээд намайг газар унагаад Батсүх миний цээжрүү өшиглөхөөр нь би нүүрээ дараад газар доошоо хараад хэвтсэн миний хажуу талаас бөөрний хавьд нэг удаа өшиглөх шиг болсон. Тэгээд би боссон чинь жаа Тогтуунбаяр орж ирээд чи муу яасан их цэрэг дээрэлхдэг пизда вэ гээд миний нүүр, шанаа руу гурван удаа цохиж аваад тэнд байсан цэргүүдээ дагуулаад баюунаас гарсан. Тэгээд би удалгүй баюунаас гарахад Мөнх-Очир ахын хамар, амнаас нь цус гарчихсан гадаа зогсож байсан. ...Би тэгээд бауюнаас гараад Мөнх-Очир бид хоёр байрлуугаа явж гал тогооруу ороод цусаа угаах гээд байж байхад цэргүүдийн жаа нь Тогтуунбаяр орж ирээд чи яагаад цэрэг дээрэлхээд байгаа юм бэ гээд байсан. Тэгээд намайг гараад ир гээд байсан тэгэхээр нь би танд зодуулах гэж гарах юм уу гэж хэлээд би гал тогооноос гарч байгаад тэндээс зугтаасан. Тэгэхэд миний араас ахлах байлдагч Эрдэнэбаатар, дэд түрүүч Жамсран, ахлах түрүүч Батсүх нар элдэж байгаад ахлах түрүүч Батсүх миний араас барьж авах гэхээр нь би хамтдаа очъё гэж хэлээд бид нар амрах байрлуу хүрч очсон. Тогтуунбаяр ахыгаа уучлаарай нүүр амныхаа цусаа угаачих гэсэн. ...Жаа Тогтуунбаяр архи уусан байсан бусад хүмүүс бүгд эрүүл архи уугаагүй байсан. Би гомдолтой байна. Эмчилгээний зардал болох 210.000 төгрөг нэхэмжилж байна үүнийг төлөх юм бол надад гомдол санал байхгүй. ...Батсүхийг цохьсон дараа Тогтуунбаяр ганцаараа орж ирээд намайг цохиж зодсон. Би хохирлоо бүрэн авсан, гомдол санал байхгүй” гэсэн мэдүүлэг /хх-ийн 30-32-р хуудас/,

         Хохирогч А.Мөнх-Очир мөрдөн байцаалтын шатанд өгсөн мэдүүлэгтээ:”...2016 оны 06 дугаар сарын 14-ний өдөр би тоосгоны үйлдвэрт ажиллаж байгаад цайндаа ороод 2 цаг гаруй амраад байж байтал Молор-Эрдэнэ байрны гадаа “сэрээд сэрээд” гэж хашгирсан тэгтэл гадаа хэрүүл маргаан болоод байх шиг байсан. Би тэгээд босж хувцасаа өмсөөд нэлээн удаж байгаад гараад очтол Молор-Эрдэнэ нэг цэрэгтэй маргалдаад хажууд нь Төрбат ах зогсож байсан, би тэгээд ажилдаа явсан.Тэгээд би ажил дээрээ ирээд байж байтал нэг цагийн дараа Тогтуунбаяр мотоцикльтой хүрч ирээд намайг яасан их цэргүүд дээрэлхдэг пизданууд вэ гээд намайг барьж аваад нүүр, хамарлуу нь 2-3 удаа баруун гараараа цохиод, бөгсрүү нь нэг удаа өшиглөөд автал миний хамарнаас цус гараад доошоо тонгойхоор нь Тогтуунбаяр миний зүүн талын гуяруу нэг удаа өшиглөж авч байснаа Тогтуунбаяр баюунруу ороод Молор-Эрдэнэтэй маргалдаад байсан, тэгээд гарч ирээд цэргүүдээ дагуулаад тоосгоны үйлдвэрлүү явсан, тэгэхэд баюун дотроос Молор-Эрдэнэ нүүр ам нь цус болчихсон гарч ирсэн.Тэгээд бид хоёр амрах байрлуугаа явсан. Молор-Эрдэнэ тэр цэргийн байрны гадаа сэрээд гэж хашгирснаас болж хэрүүл маргаан болсон. ...Надад гомдол байхгүй. Эмчилгээний зардал болох 210.000 төгрөг авсан нэхэмжлэх зүйл байхгүй” гэсэн мэдүүлэг /хх-ийн 24-25-р хуудас/

           Хохирогч С.Эрдэнэбаатар мөрдөн байцаалтын шатанд өгсөн мэдүүлэгтээ:”...Би 2016 оны 06 дугаар сарын 14-ний өдрийн 12 цаг 30 минутын үед ажлаасаа буугаад хоолондоо ороод амарч байгаад 13 цаг гээд ажилдаа гарах гээд би сэрээд хувцасаа өмсөж байтал гадаа энгийн иргэн Молор-Эрдэнэ сэрээд, сэрээд бос гээд муухай хашгираад байхаар би чимээгүй бай, юу гэж хашгираад байгаа юм гэхэд Молор-Эрдэнэ өөдөөс чи пизда юу гээд байгаа юм гээд хоорондоо хэрэлдэж байгаад, Молор-Эрдэнэ бид хоёр нэг, нэгнийгээ заамдаад зогсож байхаар нь ахлах түрүүч Батсүх, Жамсранжав хоёр хүрч ирээд бид хоёрыг салгаад байж байхад тэр Молор-Эрдэний ах Төрөө гэдэг хүн хүрч ирээд миний баруун шанааруу нэг удаа цохиод авсан, тэгээд бид нар салцгаасан. Тэгээд удаагүй ажилдаа гарах гэтэл тоосгоны үйлдвэр техник нь эвдэрсэн гэсэн, тэгэхээр нь бид нар байрандаа байж байтал манай ахлах ахлагч Тогтуунбаяр мотоциклиор ирэхээр нь ахлах түрүүч Батсүх бид хоёр хүрч очоод Тогтуунбаяртай уулзаад ардуудтай сая жаахан хэрэлдээд, Молор-Эрдэний ах Төрөө намайг цохьсон гэж хэлсэн, тэгтэл Жаа Тогтуунбаяр би явж тэр ардуудтай уулзана гээд ахлах түрүүч Батсүх, дэд түрүүч Жамсранжав, байлдагч Нямдорж, Ууганбаяр, Очирбат, Пүрэвдорж, Гантөмөр, Мөнгөнцоож, Намсрай, Энх-амгалан, Сүхбаатар, Төмөрчөдөр, Давааням, Батгэрэл, бид 15 цэргийг дагуулаад тоосгоны баюун дээр очиход баюуны гадаа Мөнх-Очир зогсож байхад нь ахлах ахлагч Тогтуунбаяр хүрч очоод Мөнх-Очирыг чи яагаад цэргүүд дарамтлаад байгаа юм гээд Тогтуунбаяр Мөнх-Очирын нүүрлүү нь 2-3 удаа цохиод, бөгсрүү нь нэг удаа өшиглөөд автал Мөнх-Очирын хамарнаас нь цус гараад доошоо тонгойхлоор нь Тогтуунбаяр гуяруу нь нэг удаа өшиглөж авснаа цэргүүдэд энэ баюун дотроос Молор-Эрдэнийг дуудаад гаргаад ир гэхээр нь баюуруу ахлах түрүүч Батсүх, дэд түрүүч Жасмранжав, байлдагч Нямдорж, бид дөрөв ороод Молор-Эрдэнэд “таныг гадаа жаа дуудаж байна” гэхэд Молор-Эрдэнэ ажлаа хийж байна завгүй байна гэхээр нь Батсүх Молор-Эрдэнийг барьж байгаад дугтарч газар унагачихаад, Батсүх Молор-Эрдэний гэдэсрүү нь нэг, хоёр удаа өшиглөсөн тэгэхэд бид гурав хажууд хараад зогсож байсан тэгтэл гаднаас Тогтуунбаяр жаа орж ирээд, чи яасан их цэрэг дээрэлхдэг юм гэхэд Молор-Эрдэнэ хэрэлдээд байсан. Тогтуунбаяр Молор-Эрдэний хамар, зүүн шанааруу нь хоёр, гурван удаа цохиж аваад, та нар битгий цэрэгтэй маргалдаад бай гэж хэлээд Тогтуунбаяр жаа нэг цэргийг, яваад тэр Түвшинбаярыг дуудаад ир гээд явуулсан” гэсэн мэдүүлэг /хх-ийн 27-28-р хуудас/,

           Гэрч С.Түвшинбаяр мөрдөн байцаалтын шатанд өгсөн мэдүүлэгтээ:”...Тухайн үед миний биед учирсан гэмтэл байхгүй, Тогтуунбаяр тэр өдөр ямар хүнтэй маргалдсан талаар сайн мэдэхгүй сүүлд нь сонсоход Молор-Эрдэнэтэй маргалдаж зодолдсон гэж сонссон. Тогтуунбаяр архи уусан согтуу байсан” гэсэн мэдүүлэг /хх-ийн 39-р хуудас/,

         Гэрч М.Амгаланбаяр мөрдөн байцаалтын шатанд өгсөн мэдүүлэгтээ:”...2016 оны 06 дугаар сарын 14-ний өдөр үдээс хойш 17 цагийн орчимд байх, намайг Өмнөговь аймгийн Гурвантэс сумын Овоотын хилийн цэргийн ангийн тоосгоны үйлдвэр дээр тоосгоны баюун дотор шатаасан тоосго ачиж байтал баюун дотор 3-4 цэрэг орж ирэх шиг болсон тэгээд баюун дотор ажиллаж байсан Молор-Эрдэнэтэй хэрэлдээд байх чимээ гарсан тэгтэл гэнэт пижигнээд явчихаар нь хартал Молор-Эрдэнэ газар уначихсан байдалтай хэдэн цэрэг тойроод зогсчихсон нэг цэрэг өшиглөж байгаа харагдсан тэгээд Молор-Эрдэнэ босоход гаднаас жаа Тогтуунбаяр орж ирээд та нар яагаад давраад байдаг юм гээд Молор-Эрдэний зүүн шанааруу 2-3 удаа цохьсон тэгээд ар нурууруу нэг удаа өшиглөж авчихаад Тогтуунбаяр баюуны хаалгаар гараад явсан тэгтэл Молор-Эрдэний хамарнаас нь цус гарчихсан байдалтай байсан би тэгээд амрах байрлуугаа явахад надаас түрүүлээд Молор-Эрдэнэ, Мөнх-Очир нар амрах байрлуугаа явсан. Юунаас болж маргалдсан талаар сайн мэдээгүй” гэсэн мэдүүлэг /хх-ийн 40-р хуудас/,

         Гэрч М.Гантөмөр мөрдөн байцаалтын шатанд өгсөн мэдүүлэгтээ:”...2016 оны 06 дугаар сарын 14-ний өдөр ажиллаж байгаад өдрийн цайны цаг болж, 13 цаг 30 минутаас 15 цаг 30 минутын хооронд амрах байрандаа амарч байгаад би хувцасаа өмсөөд гал тогооруу орж хүйтэн цай уучихаад гараад ирсэн чинь Молор-Эрдэнэ, Эрдэнэбаатар тэр хоёр хоорондоо маргалдаж байснаа Молор-Эрдэнэ, Эрдэнэбаатар хоёр нэг нэгнээ зөрүүлээд заамдалцаад авахаар нь ахлах түрүүч Батсүх, дэд түрүүч Жамсранжав хүрч очоод тэр хоёрыг салгаад байж байхад цаанаас Төрөө ирж байгаа харагдсан би тэгээд байрлуугаа орсон. ... Тогтуунбаяр хүрч ирээд би явж тэр энгийн ардуудтай уулзаж юу болсон талаар асууя гэж хэлээд бид нарыг араас дагаад яв гэхэд бид нарыг ахлах түрүүч Батсүх командлаад тоосгоны баюун дээр очиход баюуны гадаа Мөнх-Очир тоосго гаргаад зогсож байхад ахлах ахлагч Тогтуунбаяр хүрч очоод Мөнх-Очирыг дуудсан чинь Мөнх-Очир хүрээд ирсэн, жаа Тогтуунбаяр та нар яахаараа цэргүүд дээрэлхээд байгаа юм гэж хэлэхэд Мөнх-Очир бид нар яаж дээрэлхсэн юм гэхэд Тогтуунбаяр цэргүүд яахаараа шар будаа, өмхий мах хоёрыг тушаалаар иддэг юм гэж хэлэхэд өөдөөс Мөнх-Очир би тэгж хэлээгүй гээд тэр хоёр хоорондоо маргалдаж байгаад ахлах ахлагч Тогтуунбаяр Мөнх-Очирын нүүр хамарлуу нь 2-3 удаа баруун гараараа цохиж аваад бөгсрүү нь нэг удаа өшиглөөд автал Мөнх-Очирын хамарнаас нь цус гараад доошоо тонгойхоор нь Тогтуунбаяр бөгсрүү нэг удаа өшиглөсөн. Тэр Молор-Эрдэнэ цэргийн байрны гадаа сэрээд гэж 3 удаа хашгирахаар нь Эрдэнэбаатар Молор-Эрдэнэтэй маргалдаж үүнээс болж хэрүүл маргаан үүссэн” гэсэн мэдүүлэг /хх-ийн 42-43-р хуудас/,

         Гэрч Т.Энх-Амгалан мөрдөн байцаалтын шатанд өгсөн мэдүүлэгтээ:”...ахлагч Тогтуунбаяр хүрч очоод Мөнх-Очирыг чи яагаад цэргүүд дарамтлаад байгаа юм гэж хэлээд ахлах ахлагч Тогтуунбаяр Мөнх-Очирын нүүр, хамарлуу нь 2-3 удаа баруун гараараа цохиод, бөгсрүү нь нэг удаа өшиглөөд автал Мөнх-Очирын хамарнаас нь цус гараад доошоо тонгойсон” гэсэн мэдүүлэг /хх-ийн 45-46-р хуудас/,

Өмнөговь аймгийн Шүүхийн шинжилгээний албаны 2016 оны 06 дугаар сарын 21-ний өдрийн 349 дүгээр шинжээч эмчийн дүгнэлтэнд: А.Мөнх-Очирын биед уруулын салстын язарсан шарх, дагз хэсгийн хуйхны зөөлөн эдийн няцрал, мөрний зулгаралт бүхий гэмтэл тогтоогдлоо. Дээрхи гэмтэл нь мохоо зүйлийн үйлчлэлэээр үүсгэгдэнэ. Цаашид ерөнхий хөдөлмөрийн чадварт нөлөөлөхгүй. Шүүх эмнэлгийн гэмтлийн зэрэг тогтоох журмын  2.4.1-д зааснаар эрүүл мэндийг түр сарниулах тул гэмтлийн хөнгөн зэрэгт хамаарна гэжээ. /хх-ийн 69-р хуудас/,

 Өмнөговь аймгийн Шүүхийн шинжилгээний албаны 2016 оны 06 дугаар сарын 21-ний өдрийн 350 дугаар шинжээч эмчийн дүгнэлтэнд: С.Молор-Эрдэнийн биед баруун, зүүн шуу, хамар, толгойн зүүн хэсгийн хуйхны зөөлөн эдийн няцрал, баруун, зүүн шуу, нурууны зулгаралт бүхий гэмтэл тогтоогдлоо. Дээрхи гэмтэл нь мохоо зүйлийн үйлчлэлээр үүсгэгдэнэ. Цаашид ерөнхий хөдөлмөрийн чадварт нөлөөлөхгүй. Шүүх эмнэлгийн гэмтлийн зэрэг тогтоох журмын  2.4.1-д зааснаар эрүүл мэндийг түр сарниулах тул гэмтлийн хөнгөн зэрэгт хамаарна гэжээ. /хх-ийн 72-р хуудас/,

 Шүүгдэгч Б.Тогтуунбаярын мөрдөн байцаалтын шатанд сэжигтэн, яллагдагчаар өгсөн мэдүүлэгт:”... 2016 оны 06 дугаар сарын 14-ний өдөр гадуур ажилтай явж байгаад 15 цагийн үед очиход дэд түрүүч Жамсранжав, ахлах түрүүч Батсүх хоёр ахлах байлдагч Эрдэнэбаатартай Молор-Эрдэнэ хэрэлдээд Төрбат нь зодчихлоо гэхээр нь би тэнд байсан 15 цэргүүдээ дагуулаад тоосгоны баюун дээр очиход Мөнх-Очир гадаа юм хийгээд байж байхаар нь очоод Мөнх-Очирыг чи яагаад цэргүүд дарамтлаад байгаа юм гэж хэлээд Мөнх-Очирын нүүрлүү нь баруун гараараа хоёр, гурван удаа цохьтол Мөнх-Очирын хамарнаас цус гараад доошоо тонгойгоод суухаар нь гуяруу нь нэг удаа өшиглөөд ахлах түрүүч Батсүх, дэд түрүүч Жамсранжав, ахлах байлдагч Эрдэнэбаатар, байлдагч Нямдорж нарт энэ баюун дотроос Молор-Эрдэнийг дуудаад гаргаад ир гэж хэлсэн, тэгээд байж байгаад Молор-Эрдэнийг гарч ирэхгүй байхаар баюунруу орж Молор-Эрдэнийг яагаад цэргүүдтэй хэрүүл маргаан хийгээд байгаа юм гээд Молор-Эрдэний зүүн шанааруу 2-3 удаа цохьсон ...Тэгээд амрах байранд ирээд Молор-Эрдэнийг дуудсан чинь зугтаахлаар нь би араас нь 3 цэрэг явуулсан тэгээд тэд нарыг хүрээд ирэхээр нь би Молор-Эрдэнээс за уучлаарай гэж гар барьж уучлалт гуйчихаад Молор-Эрдэний гар нүүрийг нь угаалгасан. Манай цэрэг Эрдэнэбаатарыг энгийн ард Төрбат цохиж зодсон гэхээр нь цэргүүдээ өмөөрөөд би эдгээр цэргүүдийг хариуцаж байдгын хувьд ямар нэгэн зүйлээс хамгаалах гэж Молор-Эрдэнэ, Мөнх-Очир, Түвшинбаяр нартай хэрүүл маргаан хийж тэр гурвыг цохиж зодсон” гэсэн мэдүүлэг /хх-ийн 107-108-р хуудас/,

            Хэргийн газарт үзлэг хийсэн тэмдэглэл, хэргийн газрын схем зураг, гэрэл зургийн үзүүлэлт /хх-ийн 20-27-р хуудас/,

 Хилийн 0166-р ангийн бэлтгэл заставын жагсаалын дарга, ахлах ахлагч Б.Тогтуунбаярын ажил байдлын тодорхойлолт /хх-ийн 114-115-р хуудас/,

Ял шийтгэгдсэн эсэхийг шалгах хуудас /хх-ийн 125-р хуудас/,

Согтуурал шалгасан магадлагаа /хх-ийн 122-р хуудас/

Хохирол төлсөн хаан банкны орлогын мэдүүлэг /хх-ийн 157-158-р хуудас/,

Хилийн 0166-р ангийн Захирагчийн орлогч дэд хурандаа Н.Очирбатын тодорхойлолт  

Хохирогч С.Молор-Эрдэний шүүхэд бичгээр ирүүлсэн хүсэлт зэрэг болно.

            Шүүгдэгч Б.Тогтуунбаярын үйлдэлд аймгийн Прокурорын газраас Эрүүгийн хуулийн тусгай ангийн 99 дүгээр зүйлийн 99.2 дахь хэсэгт зааснаар давтан үйлдлээр  бусдын бие махбодид  хөнгөн гэмтэл санаатай учруулсан гэмт хэрэгт холбогдуулан яллах дүгнэлт үйлдэж ирүүлснийг өөрчилж, шүүгдэгч Б.Тогтуунбаярын үйлдлийг хавтаст хэрэгт авагдсан дараах нотлох баримтуудад үндэслэн Эрүүгийн хуулийн тусгай ангийн 99 дүгээр зүйлийн 99.1 дэх хэсэгт зааснаар хөнгөрүүлэн зүйлчлэхээр шийдвэрлэв.  Үүнд:

          Хохирогч, иргэний нэхэмжлэгч С.Молор-Эрдэнийн: ”...2016 оны 06 дугаар сарын 14-ний өдөр би ...15 цаг 30 минутын үед ажилчидын амралтын байранд амарч байсан Амгаланбаяр, Мөнх-Очир нарыг сэрээд сэрээд гээд хашгирахад цэрэг байралдаг өрөөнөөс ахлах байлдагч Эрдэнэбаатар гарч ирээд “юу гэнээ пизда минь” гэж надад хэлсэн. Тэгэхээр нь би “юу гээд байгаан бэ” гээд түүн рүү очиход “юу гэсэн ч яадаг юм бэ” гээд намайг заамдаж авахаар нь би яаж байнаа гээд зөрүүлж заамдсан. ...Тэгээд би 15 цаг 40 минутанд Мөнх-Очир, Амгаланбаяр нартай хамт амралтын байрнаас гараад зүүн зүгт байрлах 300 гаруй метрийн зайтай баюун дээр очоод халуун тоосго гаргаж байхад ахлах түрүүч Батсүх нь хаалгаар шагайгаад Тогтуунбаяр чамайг дуудаж байна гэхээр нь ажлаа дуусгачихаад гараад очъё гэсэн. ...Тэгээд би боссон чинь жаа Тогтуунбаяр орж ирээд чи муу яасан их цэрэг дээрэлхдэг пизда вэ гээд миний нүүр, шанаа руу гурван удаа цохиж аваад тэнд байсан цэргүүдээ дагуулаад баюунаас гарсан. Тэгээд би удалгүй баюунаас гарахад Мөнх-Очир ахын хамар, амнаас нь цус гарчихсан гадаа зогсож байсан. ...Би тэгээд бауюнаас гараад Мөнх-Очир бид хоёр байрлуугаа явж гал тогооруу ороод цусаа угаах гээд байж байхад цэргүүдийн жаа нь Тогтуунбаяр орж ирээд чи яагаад цэрэг дээрэлхээд байгаа юм бэ гээд байсан. Тэгээд намайг гараад ир гээд байсан тэгэхээр нь би танд зодуулах гэж гарах юм уу гэж хэлээд би гал тогооноос гарч байгаад тэндээс зугтаасан. Тэгэхэд миний араас ахлах байлдагч Эрдэнэбаатар, дэд түрүүч Жамсран, ахлах түрүүч Батсүх нар элдэж байгаад ахлах түрүүч Батсүх миний араас барьж авах гэхээр нь би хамтдаа очъё гэж хэлээд бид нар амрах байрлуу хүрч очсон. Тогтуунбаяр ахыгаа уучлаарай нүүр амныхаа цусаа угаачих гэсэн. ...гэсэн мэдүүлэг /хх-ийн 30-32-р хуудас/,

         Хохирогч А.Мөнх-Очирын: ”...2016 оны 06 дугаар сарын 14-ний өдөр би тоосгоны үйлдвэрт ажиллаж байгаад цайндаа ороод 2 цаг гаруй амраад байж байтал Молор-Эрдэнэ байрны гадаа “сэрээд сэрээд” гэж хашгирсан тэгтэл гадаа хэрүүл маргаан болоод байх шиг байсан. Би тэгээд босж хувцасаа өмсөөд нэлээн удаж байгаад гараад очтол Молор-Эрдэнэ нэг цэрэгтэй маргалдаад хажууд нь Төрбат ах зогсож байсан, би тэгээд ажилдаа явсан.Тэгээд би ажил дээрээ ирээд байж байтал нэг цагийн дараа Тогтуунбаяр мотоцикльтой хүрч ирээд намайг яасан их цэргүүд дээрэлхдэг пизданууд вэ гээд намайг барьж аваад нүүр, хамарлуу нь 2-3 удаа баруун гараараа цохиод, бөгсрүү нь нэг удаа өшиглөөд автал миний хамарнаас цус гараад доошоо тонгойхоор нь Тогтуунбаяр миний зүүн талын гуяруу нэг удаа өшиглөж авч байснаа Тогтуунбаяр баюунруу ороод Молор-Эрдэнэтэй маргалдаад байсан, тэгээд гарч ирээд цэргүүдээ дагуулаад тоосгоны үйлдвэрлүү явсан, тэгэхэд баюун дотроос Молор-Эрдэнэ нүүр ам нь цус болчихсон гарч ирсэн.Тэгээд бид хоёр амрах байрлуугаа явсан. Молор-Эрдэнэ тэр цэргийн байрны гадаа сэрээд гэж хашгирснаас болж хэрүүл маргаан болсон. ...гэсэн мэдүүлэг /хх-ийн 24-25-р хуудас/

           Хохирогч С.Эрдэнэбаатарын: ”...Би 2016 оны 06 дугаар сарын 14-ний өдрийн 12 цаг 30 минутын үед ажлаасаа буугаад хоолондоо ороод амарч байгаад 13 цаг гээд ажилдаа гарах гээд би сэрээд хувцасаа өмсөж байтал гадаа энгийн иргэн Молор-Эрдэнэ сэрээд, сэрээд бос гээд муухай хашгираад байхаар би чимээгүй бай, юу гэж хашгираад байгаа юм гэхэд Молор-Эрдэнэ өөдөөс чи пизда юу гээд байгаа юм гээд хоорондоо хэрэлдэж байгаад, Молор-Эрдэнэ бид хоёр нэг, нэгнийгээ заамдаад зогсож байхаар нь ахлах түрүүч Батсүх, Жамсранжав хоёр хүрч ирээд бид хоёрыг салгаад байж байхад тэр Молор-Эрдэний ах Төрөө гэдэг хүн хүрч ирээд миний баруун шанааруу нэг удаа цохиод авсан, тэгээд бид нар салцгаасан. Тэгээд удаагүй ажилдаа гарах гэтэл тоосгоны үйлдвэр техник нь эвдэрсэн гэсэн, тэгэхээр нь бид нар байрандаа байж байтал манай ахлах ахлагч Тогтуунбаяр мотоциклиор ирэхээр нь ахлах түрүүч Батсүх бид хоёр хүрч очоод Тогтуунбаяртай уулзаад ардуудтай сая жаахан хэрэлдээд, Молор-Эрдэний ах Төрөө намайг цохьсон гэж хэлсэн, тэгтэл Жаа Тогтуунбаяр би явж тэр ардуудтай уулзана гээд ахлах түрүүч Батсүх, дэд түрүүч Жамсранжав, байлдагч Нямдорж, Ууганбаяр, Очирбат, Пүрэвдорж, Гантөмөр, Мөнгөнцоож, Намсрай, Энх-амгалан, Сүхбаатар, Төмөрчөдөр, Давааням, Батгэрэл, бид 15 цэргийг дагуулаад тоосгоны баюун дээр очиход баюуны гадаа Мөнх-Очир зогсож байхад нь ахлах ахлагч Тогтуунбаяр хүрч очоод Мөнх-Очирыг чи яагаад цэргүүд дарамтлаад байгаа юм гээд Тогтуунбаяр Мөнх-Очирын нүүрлүү нь 2-3 удаа цохиод, бөгсрүү нь нэг удаа өшиглөөд автал Мөнх-Очирын хамарнаас нь цус гараад доошоо тонгойхлоор нь Тогтуунбаяр гуяруу нь нэг удаа өшиглөж авснаа цэргүүдэд энэ баюун дотроос Молор-Эрдэнийг дуудаад гаргаад ир гэхээр нь баюуруу ахлах түрүүч Батсүх, дэд түрүүч Жасмранжав, байлдагч Нямдорж, бид дөрөв ороод Молор-Эрдэнэд “таныг гадаа жаа дуудаж байна” гэхэд Молор-Эрдэнэ ажлаа хийж байна завгүй байна гэхээр нь ...гаднаас Тогтуунбаяр жаа орж ирээд, чи яасан их цэрэг дээрэлхдэг юм гэхэд Молор-Эрдэнэ хэрэлдээд байсан. Тогтуунбаяр Молор-Эрдэний хамар, зүүн шанааруу нь хоёр, гурван удаа цохиж аваад, та нар битгий цэрэгтэй маргалдаад бай гэж хэлээд Тогтуунбаяр жаа нэг цэргийг, яваад тэр Түвшинбаярыг дуудаад ир гээд явуулсан” гэсэн мэдүүлэг /хх-ийн 27-28-р хуудас/,

         Гэрч М.Амгаланбаярын:”...2016 оны 06 дугаар сарын 14-ний өдөр үдээс хойш 17 цагийн орчимд байх, намайг Өмнөговь аймгийн Гурвантэс сумын Овоотын хилийн цэргийн ангийн тоосгоны үйлдвэр дээр тоосгоны баюун дотор шатаасан тоосго ачиж байтал баюун дотор 3-4 цэрэг орж ирэх шиг болсон ...гаднаас жаа Тогтуунбаяр орж ирээд та нар яагаад давраад байдаг юм гээд Молор-Эрдэний зүүн шанааруу 2-3 удаа цохьсон тэгээд ар нурууруу нэг удаа өшиглөж авчихаад Тогтуунбаяр баюуны хаалгаар гараад явсан... гэсэн мэдүүлэг /хх-ийн 40-р хуудас/,

         Гэрч М.Гантөмөрийн: ”...2016 оны 06 дугаар сарын 14-ний өдөр ажиллаж байгаад өдрийн цайны цаг болж, 13 цаг 30 минутаас 15 цаг 30 минутын хооронд амрах байрандаа амарч байгаад би хувцасаа өмсөөд гал тогооруу орж хүйтэн цай уучихаад гараад ирсэн чинь Молор-Эрдэнэ, Эрдэнэбаатар тэр хоёр хоорондоо маргалдаж байснаа Молор-Эрдэнэ, Эрдэнэбаатар хоёр нэг нэгнээ зөрүүлээд заамдалцаад авахаар нь ахлах түрүүч Батсүх, дэд түрүүч Жамсранжав хүрч очоод тэр хоёрыг салгаад байж байхад цаанаас Төрөө ирж байгаа харагдсан би тэгээд байрлуугаа орсон. ... Тогтуунбаяр хүрч ирээд би явж тэр энгийн ардуудтай уулзаж юу болсон талаар асууя гэж хэлээд бид нарыг араас дагаад яв гэхэд бид нарыг ахлах түрүүч Батсүх командлаад тоосгоны баюун дээр очиход баюуны гадаа Мөнх-Очир тоосго гаргаад зогсож байхад ахлах ахлагч Тогтуунбаяр хүрч очоод Мөнх-Очирыг дуудсан чинь Мөнх-Очир хүрээд ирсэн, жаа Тогтуунбаяр та нар яахаараа цэргүүд дээрэлхээд байгаа юм гэж хэлэхэд Мөнх-Очир бид нар яаж дээрэлхсэн юм гэхэд Тогтуунбаяр цэргүүд яахаараа шар будаа, өмхий мах хоёрыг тушаалаар иддэг юм гэж хэлэхэд өөдөөс Мөнх-Очир би тэгж хэлээгүй гээд тэр хоёр хоорондоо маргалдаж байгаад ахлах ахлагч Тогтуунбаяр Мөнх-Очирын нүүр хамарлуу нь 2-3 удаа баруун гараараа цохиж аваад бөгсрүү нь нэг удаа өшиглөөд автал Мөнх-Очирын хамарнаас нь цус гараад доошоо тонгойхоор нь Тогтуунбаяр бөгсрүү нэг удаа өшиглөсөн. Тэр Молор-Эрдэнэ цэргийн байрны гадаа сэрээд гэж 3 удаа хашгирахаар нь Эрдэнэбаатар Молор-Эрдэнэтэй маргалдаж үүнээс болж хэрүүл маргаан үүссэн” гэсэн мэдүүлэг /хх-ийн 42-43-р хуудас/,

         Гэрч Т.Энх-Амгалангийн: ”...ахлагч Тогтуунбаяр хүрч очоод Мөнх-Очирыг чи яагаад цэргүүд дарамтлаад байгаа юм гэж хэлээд ахлах ахлагч Тогтуунбаяр Мөнх-Очирын нүүр, хамарлуу нь 2-3 удаа баруун гараараа цохиод, бөгсрүү нь нэг удаа өшиглөөд автал Мөнх-Очирын хамарнаас нь цус гараад доошоо тонгойсон” гэсэн мэдүүлэг /хх-ийн 45-46-р хуудас/ зэрэг болно.

         Шүүхийн хэлэлцүүлэгт шинжлэн судлагдсан дээрх нэр бүхий хохирогч, гэрч нарын мэдүүлгээс дүгнэхэд шүүгдэгч Б.Тогтуунбаяр нь “цэргүүдийг дээрэлхлээ” гэх шалтгааны улмаас А.Мөнх-Очир, С.Молор-Эрдэнэ нарын бие эрх чөлөөнд халдаж, хохирогч  нарын биед хөнгөн гэмтэл учруулсан болох нь тогтоогдож байна.

         Прокурорын зүгээс тухайн хэрэг явдал болсон газар буюу тоосгоны үйлдвэрийн /баюу/ гадна талд А.Мөнх-Очирын биед, тоосгоны үйлдвэрийн дотор талд С.Молор-Эрдэнийн бие, эрх чөлөөнд халдсан гэж үзэж шүүгдэгчийг “давтан” үйлдлээр хоёр хохирогчийн биед хөнгөн гэмтэл учруулсан гэж яллах дүгнэлт үйлдсэн байх бөгөөд дараах үндэслэлээр “давтан” гэмт хэрэг гэж үзэх үндэслэлгүй байна.

       Эрүүгийн хуулийн 18 дугаар зүйлд: Энэ хуулийн нэг зүйл, түүний нэг хэсэгт заасан гэмт хэргийг хоёр буюу түүнээс дээш удаа үйлдсэн байхыг давтан гэмт хэрэг гэнэ... гэж заасан байх бөгөөд шүүгдэгч Б.Тогтуунбаярын хувьд бусдын бие махбодид хөнгөн гэмтэл санаатай учруулах гэмт хэргийг 2 удаа үйлдсэн байж гэмээнэ давтан гэмт хэрэг үйлдсэн гэж үзэх хуулийн үндэслэл бүрдэх болно.

        Гэтэл шүүгдэгчийн хувьд цэрэг “дарамталлаа” гэсэн хувийн сэдэлтээр энэхүү гэмт хэргийг өдүүлж, улмаар хохирогч нарын бие эрх чөлөөнд нэг удаагийн үргэлжилсэн үйлдлээр халдаж, тэдний биед хөнгөн гэмтэл учруулсан болох нь дээрх мэдүүлгийн нотлох баримтуудаар тогтоогдож байна. Өөрөөр хэлвэл хохирогч А.Мөнх-Очирын биед халдсан үйлдлийнхээ дараа үргэлжлүүлэн хохирогч С.Молор-Эрдэнийн биед халдсанаар энэхүү гэмт хэрэг төгссөн байна.           

         Иймд нэг хананы дотор, гадна талд хоёр хүний эрх чөлөөнд халдсан нь давтан гэмт хэрэг үйлдсэн гэж үзэх үндэслэл болохгүй тул шүүгдэгч Б.Тогтуунбаярыг давтан үйлдлээр бусдын бие махбодид хөнгөн гэмтэл санаатай учруулсан гэж үзэх үндэслэлгүй байна.  

         Дээрхээс үндэслэн шүүгдэгч Б.Тогтуунбаярыг согтууруулах ундааны зүйл хэрэглэсэн үедээ 2016 оны 06 дугаар сарын 14-ний өдөр Өмнөговь аймгийн Гурвантэс сумын Баясах багийн нутагт байрлах тоосгоны үйлдвэрт ажиллаж байхдаа хувийн таарамжгүй харьцааны улмаас С.Молор-Эрдэнэ, А.Мөнх-Очирыг нарыг зодож биед нь хөнгөн гэмтэл санаатай учруулсан гэмт хэрэг үйлдсэн гэм буруутай болох нь шүүхийн хэлэлцүүлэгт шинжлэн судлагдсан дараах нотлох баримтуудаар тогтоогдож байна гэж үзэв. Үүнд:

         Хохирогч, иргэний нэхэмжлэгч С.Молор-Эрдэнийн мэдүүлэг /хх-ийн 30-32-р хуудас/, хохирогч А.Мөнх-Очирын мэдүүлэг /хх-ийн 24-25-р хуудас/, хохирогч С.Эрдэнэбаатарын мэдүүлэг /хх-ийн 27-28-р хуудас/, гэрч М.Амгаланбаярын мэдүүлэг /хх-ийн 40-р хуудас/, гэрч М.Гантөмөрийн мэдүүлэг /хх-ийн 42-43-р хуудас/, гэрч Т.Энх-Амгалангийн мэдүүлэг /хх-ийн 45-46-р хуудас, Өмнөговь аймгийн Шүүхийн шинжилгээний албаны 2016 оны 06 дугаар сарын 21-ний өдрийн 349 дүгээр шинжээч эмчийн: А.Мөнх-Очирын биед уруулын салстын язарсан шарх, дагз хэсгийн хуйхны зөөлөн эдийн няцрал, мөрний зулгаралт бүхий гэмтэл тогтоогдлоо. Дээрхи гэмтэл нь мохоо зүйлийн үйлчлэлэээр үүсгэгдэнэ. Цаашид ерөнхий хөдөлмөрийн чадварт нөлөөлөхгүй. Шүүх эмнэлгийн гэмтлийн зэрэг тогтоох журмын  2.4.1-д зааснаар эрүүл мэндийг түр сарниулах тул гэмтлийн хөнгөн зэрэгт хамаарна гэсэн дүгнэлт /хх-ийн 69-р хуудас/, Өмнөговь аймгийн Шүүхийн шинжилгээний албаны 2016 оны 06 дугаар сарын 21-ний өдрийн 350 дугаар шинжээч эмчийн: С.Молор-Эрдэнийн биед баруун, зүүн шуу, хамар, толгойн зүүн хэсгийн хуйхны зөөлөн эдийн няцрал, баруун, зүүн шуу, нурууны зулгаралт бүхий гэмтэл тогтоогдлоо. Дээрхи гэмтэл нь мохоо зүйлийн үйлчлэлээр үүсгэгдэнэ. Цаашид ерөнхий хөдөлмөрийн чадварт нөлөөлөхгүй. Шүүх эмнэлгийн гэмтлийн зэрэг тогтоох журмын  2.4.1-д зааснаар эрүүл мэндийг түр сарниулах тул гэмтлийн хөнгөн зэрэгт хамаарна гэсэн дүгнэлт /хх-ийн 72-р хуудас/, шүүгдэгч Б.Тогтуунбаярын мөрдөн байцаалтын шатанд сэжигтэн, яллагдагчаар өгсөн: ”... 2016 оны 06 дугаар сарын 14-ний өдөр гадуур ажилтай явж байгаад 15 цагийн үед очиход дэд түрүүч Жамсранжав, ахлах түрүүч Батсүх хоёр ахлах байлдагч Эрдэнэбаатартай Молор-Эрдэнэ хэрэлдээд Төрбат нь зодчихлоо гэхээр нь би тэнд байсан 15 цэргүүдээ дагуулаад тоосгоны баюун дээр очиход Мөнх-Очир гадаа юм хийгээд байж байхаар нь очоод Мөнх-Очирыг чи яагаад цэргүүд дарамтлаад байгаа юм гэж хэлээд Мөнх-Очирын нүүрлүү нь баруун гараараа хоёр, гурван удаа цохьтол Мөнх-Очирын хамарнаас цус гараад доошоо тонгойгоод суухаар нь гуяруу нь нэг удаа өшиглөөд, ...Молор-Эрдэнийг гарч ирэхгүй байхаар нь баюунруу орж Молор-Эрдэнийг яагаад цэргүүдтэй хэрүүл маргаан хийгээд байгаа юм гээд Молор-Эрдэний зүүн шанааруу 2-3 удаа цохьсон ... гэсэн мэдүүлэг /хх-ийн 107-108-р хуудас, хэргийн газарт үзлэг хийсэн тэмдэглэл, хэргийн газрын схем зураг, гэрэл зургийн үзүүлэлт /хх-ийн 20-27-р хуудас/, согтуурал шалгасан магадлагаа,  хохирол төлсөн хаан банкны орлогын мэдүүлэг /хх-ийн 157-158-р хуудас/ зэргээр тус тус тогтоогдож байх тул шүүгдэгч Б.Тогтуунбаярыг бусдын бие махбодид хөнгөн гэмтэл санаатай учруулсан гэмт хэрэг үйлдсэн гэм буруутайд тооцох нь зүйтэй байна. 

            Шүүхийн хэлэлцүүлгийн шатанд шинжлэн судалсан нотлох баримт нь энэ хэрэгт хамааралтай, хуульд заасан арга журмын дагуу авагдсан байх тул шүүх нотлох баримтаар үнэлж хэргийг шийдвэрлэсэн болно.

           Шүүгдэгч Б.Тогтуунбаярын үйлдсэн бусдын бие махбодид хөнгөн гэмтэл санаатай учруулах гэмт хэрэг нь Эрүүгийн хуулийн 17 дугаар зүйлийн 17.2 дахь хэсэгт заасан хөнгөн гэмт хэргийн ангилалд хамаарч байх бөгөөд шүүгдэгч нь анх удаа хөнгөн гэмт хэрэг үйлдсэн болох нь ял шийтгэгдсэн эсэхийг шалгах хуудсаар тогтоогдож байна. /хх-ийн 125-р хуудас/

           Хохирогч Б.Мөнх-Очир нь шүүхийн хэлэлцүүлгийн шатанд “Хохирол төлбөрөө авсан одоо гомдол санал, нэхэмжлэх зүйл байхгүй. Эвлэрсэн” гэсэн мэдүүлэг өгсөн. Мөн хохирогч С.Молор-Эрдэнэ шүүхэд хандаж “надад гомдол санал нэхэмжлэх зүйл байхгүй. Хохирол төлбөрөө авсан” гэсэн тайлбарыг бичгээр гаргасан байх тул хохирогч нар  нь шүүгдэгчтэй сайн дураараа эвлэрсэн гэж үзэх үндэслэлтэй байна.

           Иймд Эрүүгийн байцаан шийтгэх хуулийн 25 дугаар зүйлийн 25.1 дэх хэсэгт зааснаар хохирогч нар нь шүүгдэгчтэй сайн дураараа эвлэрсэн гэх үндэслэлээр Б.Тогтуунбаярын үйлдсэн  гэмт хэргийг хэрэгсэхгүй болгон шийдвэрлэх нь зүйтэй байна.

           Шүүгдэгч Б.Тогтуунбаяр нь согтууруулах ундааны зүйл хэрэглэсэн үедээ гэмт хэрэг үйлдсэн нь Эрүүгийн хуулийн 56 дугаар зүйлийн 56.1.10 дахь хэсэгт заасан ял хүндрүүлэх нөхцөл байдал болно.

Шүүгдэгч Б.Тогтуунбаяр нь бусдад төлөх төлбөр хохиролгүй, биеийн байцаалттай холбоотой бичиг баримт шүүхэд ирээгүй, цагдан хоригдсон хоноггүй, энэ хэрэгт эд мөрийн баримтаар хураагдсан зүйлгүй байна. 

Монгол улсын Эрүүгийн байцаан шийтгэх хуулийн 283, 286, 290 дүгээр зүйлийн 290.3, 294, 297, 298 дугаар зүйлүүдэд заасныг удирдлага болгон ТОГТООХ НЬ:

1. Эрүүгийн байцаан шийтгэх хуулийн 246 дугаар зүйлийн 246.2 дахь хэсэгт зааснаар Өмнөговь аймгийн Прокурорын газраас шүүгдэгч Банзрагч овогтой Тогтуунбаярын үйлдэлд Эрүүгийн хуулийн тусгай ангийн 99 дүгээр зүйлийн 99.2 дахь хэсэгт зааснаар яллах дүгнэлт үйлдэж ирүүлсэн эрүүгийн хэргийг өөрчилж, шүүгдэгч Б.Тогтуунбаярын үйлдлийг Эрүүгийн хуулийн тусгай ангийн 99 дүгээр зүйлийн 99.1 дэх хэсэгт зааснаар зүйлчилсүгэй.
2. Шүүгдэгч Харчу овгийн Банзрагчийн Тогтуунбаярыг бусдын бие махбодид хөнгөн гэмтэл санаатай учруулсан гэмт хэрэг үйлдсэн гэм буруутайд тооцсугай.
3. Эрүүгийн байцаан шийтгэх хуулийн 248 дугаар зүйлийн 248.1, 248.1.2, 208 дугаар зүйлийн 208.1.3 дахь хэсэг, 25 дугаар зүйлийн 25.1 дэх хэсэгт зааснаар шүүгдэгч Б.Тогтуунбаярын үйлдсэн Эрүүгийн хуулийн тусгай ангийн 99 дүгээр зүйлийн 99.1 дэх хэсэгт заасан гэмт хэргийг хохирогч нь шүүгдэгчтэй сайн дураараа эвлэрсэн үндэслэлээр хэрэгсэхгүй болгосугай.
4. Шүүгдэгч Б.Тогтуунбаяр нь хохирогч нарт төлөх төлбөргүй, биеийн байцаалттай холбоотой бичиг баримт шүүхэд ирээгүй, цагдан хоригдсон хоноггүй, энэ хэрэгт эд мөрийн баримтаар хураагдсан зүйлгүй болохыг дурдсугай.
5. Эрүүгийн байцаан шийтгэх хуулийн 249 дүгээр зүйлийн 249.1 дэх хэсэгт зааснаар Б.Тогтуунбаярын урьд авсан бусдын батлан даалтанд байлгах таслан сэргийлэх арга хэмжээг хүчингүй болгосугай. 
6. Эрүүгийн байцаан шийтгэх хуулийн 306 дугаар зүйлийн 306.1 дэх хэсэгт зааснаар шийтгэх тогтоолд эрх бүхий этгээд давж заалдах гомдол, эсэргүүцэл бичсэн тохиолдолд тогтоолын биелэлтийг түдгэлзүүлэх болохыг мэдэгдсүгэй.
7. Эрүүгийн байцаан шийтгэх хуулийн 299 дүгээр зүйлийн 299.3, 304 дүгээр зүйлийн 304.1 дэх хэсэгт зааснаар шийтгэх тогтоол нь танилцуулан сонсгосноор хүчинтэй болох бөгөөд шийтгэх тогтоолыг эс зөвшөөрвөл гардуулснаас хойш 14 хоногийн дотор ялтан, өмгөөлөгч, хохирогч, иргэний нэхэмжлэгч нар  давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэй болохыг дурдсугай.

 

ДАРГАЛАГЧ, ЕРӨНХИЙ ШҮҮГЧ                                  Т.ДЭЛГЭРМАА