Өвөрхангай аймаг дахь сум дундын Эрүүгийн хэргийн анхан шатны шүүхийн шүүх хуралдааныг Ерөнхий шүүгч, шүүгч Х.Отгонжаргал даргалж,

Шүүх хуралдааны нарийн бичгийн дарга: Л.Мөнхнасан,

Улсын яллагч: У.Анхжаргал,

Хохирогчийн хууль ёсны төлөөлөгч: *******, *******,

Шүүгдэгчийн өмгөөлөгч: Р.Шүрхүү,

Шүүгдэгч: ******* нарыг оролцуулан тус шүүхийн шүүх хуралдааны танхимд нээлттэй хийсэн шүүх хуралдаанаар Өвөрхангай аймгийн прокуророос Эрүүгийн хуулийн тусгай ангийн 27.10 дугаар зүйлийн 4 дэх хэсгийн 4.1-д зааснаар ял сонсгож, яллах дүгнэлт үйлдэж ирүүлсэн Тавантайж овгийн *******т холбогдох 2026002120249 дугаартай эрүүгийн хэргийг хянан хэлэлцэв.

Шүүгдэгчийн биеийн байцаалт:

Монгол Улсын иргэн, улсаас авсан гавьяа шагналгүй, ял шийтгэлгүй, Тавантайж овгийн ******* /РД:*******/

Холбогдсон хэргийн талаар:

Шүүгдэгч ******* нь согтуурсан үедээ 2020 оны 09 дүгээр сарын 25-ны өдөр Өвөрхангай аймгийн Зүүнбаян-Улаан сумын 3 дугаар багийн нутаг дэвсгэр “Мөнхийн Ам” гэх газар ******* улсын дугаартай Тоёота Приус-11 загварын тээврийн хэрэгслийг жолоодож явахдаа “...1.Монгол Улсын Замын хөдөлгөөний аюулгүй байдлын тухай хуулийн 12 дугаар зүйлийн 12.2.1 дэх хэсэгт заасан “Замын хөдөлгөөний дүрмийг баримтлан саадгүй зорчих”, Монгол Улсын Замын хөдөлгөөний дүрмийн 1 дүгээр бүлгийн 1.3 “Замын хөдөлгөөнд оролцогч нь аюул, хохирол учруулахгүй, хөдөлгөөнд осолтой байдал бий болгохгүйгээр зорчино”, 3 дугаар бүлгийн 3.7 “Жолоочид дараах зүйлийг хориглоно: а.Тухайн ангиллын тээврийн хэрэгслийг жолоодох эрхгүй (жолоодлогын дадлага хийхээс бусад тохиолдолд), эсхүл согтууруулах ундаа, мөн хөдөлгөөний аюулгүй байдлыг хангаж чадахааргүй өвчтэй буюу ядарсан үедээ тээврийн хэрэгсэл жолоодох” гэсэн заалтуудыг зөрчсөний улмаас *******ын амь нас хохирсон гэмт хэрэгт холбогджээ. /Яллах дүгнэлтэнд бичигдсэнээр/

ТОДОРХОЙЛОХ нь:

Шүүхийн хэлэлцүүлэгт дараах нотлох баримтуудыг шинжлэн судлав.

Шүүгдэгч ******* шүүх хуралдааны хэлэлцүүлэгт мэдүүлэхдээ:... 2020 оны 09 дүгээр сарын 25-ны өдөр ахынхаа найранд охиныг нь хүргэж өгөх гээд найранд очсон.  Би ер нь  архи  дарс  хэрэглээд  байдаггүй.  Найран дээр намайг пивоор шахаад байсан. Пивоор

шахуулаад ухаа мэдрэлээ алдсан байсан. Талийгаачтай өмнө нь хэрүүл маргаан, өс хонзонгийн асуудал байхгүй. Архи гэдэг зүйлээс болж хүний амь нас эрсдүүлсэнд маш их гэмшиж байна. Мөн хийсэн хэргээ хүлээн зөвшөөрч байна. Хохиролд 6900000 төгрөг төлсөн гэв.

Хохирогчийн хууль ёсны төлөөлөгч ******* шүүх хуралдааны хэлэлцүүлэгт мэдүүлэхдээ:... 2020 оны 09 дүгээр сарын 25-ны 16-17 цагийн орчим ажил дээр байхад танай ах Энхбаатар өнгөрчихлөө хурдан ир гэж утсаар ярьсан. Тэгээд яасан юм болдоо гээд би ах руу залгасан чинь утас нь холбогдохгүй байсан. Тэгээд хүмүүсээс залгаад асуусан чинь найранд  явсныг нь мэдсэн. Төд удалгүй ахын эхнэр нь утсаар над руу Энхбаатар ах чинь өнгөрчихлөө хурдан хүрээд ирээ гэж ярихаар нь ээжийн бие нь тааруухан болохоор нь эгчдээ хэлээд дүүгээ дагуулаад өөрийнхөө машинаар явах гэж байгаад болиод өнгөрсөн гэсэн юм чинь шарил авчрах байх гээд. Онцгой  байдлын даргаас нь машин гуйж хөлслөөд дүүтэйгээ хамт явсан. 19 цагийн үед тухайн хэрэг болсон газар очиход цагдаа очоод хамгаалалтад авсан байсан. Шүүгдэгчийг мэдэхгүй болохоор эгчтэйгээ машин дотор сууж хүлээсэн. Тэр хугацаанд цагдаа нар хэргийн газрын үзлэг хийсэн. Үзлэг хийчихээд шарилаа аваад аймаг руу яв гэж хэлэхэд энэ хүмүүс надад ерөөсөө туслаагүй. Би өөрийнхөө дүү, нэг цагдаатай хамт шарил ачиж ирсэн. Энэ хүмүүс ямар нохойн гөлөг дарчихсан биш. Хамт шарил ачилцаж хамт ноорогт хийгээд өгсөн бол би тухайн үед арай өөр байх байсан. Нөгөөдөр нь тэгээд ахыгаа гаргасан. Арай дэндүү гэгээн цагаан өдөр ах дүү нарынхаа нүдэн дээр миний ахыг тамхи татаад сууж байхад дарсан гэсэн. Хохирлыг нь эхнэртэй нь хамт бүрдүүлсэн. Газар дээрх ганц ахын минь амь насыг хохироосонд гомдолтой  байна. Хавтаст хэргийн материалтай танилцаж, хүмүүсийн ярьж байгааг сонсоход арай дэндүү алсан байна лээ. Хуулийн дагуу шийдүүлэх хүсэлтэй байна гэв.

Хохирогчийн хууль ёсны төлөөлөгч ******* шүүх хуралдааны хэлэлцүүлэгт мэдүүлэг өгөхгүй гэв.

  Хохирогчийн хууль ёсны төлөөлөгч ******* мөрдөн байцаалтын шатанд мэдүүлэхдээ:... 2020 оны 09 дүгээр сарын 25-ны өдөр 17 цагийн үед Бүрэн гэх хүний дугаараас над руу залгаж талийгаач *******ыг өнгөрчихлөө гэж хэлсэн. Тэгээд намайг хурдан хүрээд ир гэж хэлсэн. ******* рүү залгаж асуугаад ахыгаа өөд болсныг мэдсэн. Талийгаач *******ын төрсөн эгч болох С.*******, Лхамсүрэн нарт хэлж Өвөрхангай аймгийн Онцгой байдлын газраас фургон машин хөлслөөд Өвөрхангай аймаг Зүүнбаян-Улаан сум руу явсан. Намайг Зүүнбаян-Улаан суманд төрсөн эгч Лхамсүрэн, өөрийн дүү Мөнхзандантай хамт хэрэг болсон газар 20 цагийн үед очиход хэргийн газрын үзлэг хийж байна гээд хамгаалалтад авчихсан байж байсан. Тэгээд талийгаачийн шарилыг 02 цагийн үед Фургон машинд ачаад аймаг руу ирсэн. Тухайн үед ямар хэрэг болсныг талийгаачийн эхнэр болох Наранцэцэгээс надад тайлбарлахдаа “Талийгаач гэрийн гадаа тамхи татаад сууж байсан чинь гэнэт нэг машин маш хурдтай ирээд дайрчихсан. Талийгаач нөгөө машины доор орчихсон. Тэгээд нөгөө машиныг холдуулаад ахыг гаргаж ирсэн. Тэр үед амьд байж байгаад удалгүй өөд болсон гэж хэлсэн. Би талийгаачийн төрсөн эгч болох *******ийн том охин нь юм. Талийгаачтай бага наснаасаа нэг гэрт хамт өссөн. Миний ах байгаа юм. Үнэхээр их гомдолтой байна. Сэтгэл санааны хохирлоо төлүүлмээр байна. Манай гэр бүлийнхэн болон эхнэр болох Наранцэцэг нь талийгаач *******ын оршуулгын зардал болон бусад зардал “талийгаачийг шарилыг авч ирэхэд гарсан зардал, буяны үйлд зориулж зарцуулсан зардал, 49 хоногт уншуулсан номын зардал, ажил явдалд оролцуулахаар авч ирсэн төрсөн ах, эгч нарын замын зардал” гэх мэт зүйлсийг нөхөн төлүүлмээр байна. /хх-ийн 45-46 хуудас/,

  Гэрч ******* мөрдөн байцаалтын шатанд мэдүүлэхдээ:...2020 оны 09 дүгээр  сарын 25-ны өдөр манай эгчийн том хүүгийнх нь охины хуримд очсон. Бэр хүргэж өгсөн хүмүүс ихэнх нь согтуу буцаж ирсэн. Талийгаач Энхбаатар нэг өвгөнтэй гэрийн гадаа сууж байсан. Манай бэр бид хоёр машин дотроо хүүхэд хөхүүлээд гэрийн гадаа сууж байгаад би хүүгийнхээ машинаас буугаад гэрийн зүг алхаж явтал ******* машинуудын зогсож байсан газраас гэнэт хурдтай гарч ирсэн. Тэгээд гэрийн урдуур нар буруу тойроод гэрийн урд сууж байсан талийгаачийн зүүн талаас нь очоод дайрсан. Талийгаач тэр машины доогуур орчихсон. Талийгаачийг машины доор байхад ******* ухарсан. ******* нь согтууруулах ундаа их хэмжээгээр хэрэглэсэн байсан. Талийгаачийг машины доороос гаргаад эмч ирээд гэрт оруулаад удалгүй нас барсан. /хх-ийн 57-58 хуудас/,

 Гэрч мөрдөн байцаалтын шатанд мэдүүлэхдээ:... 2020 оны 09 дүгээр сарын 25-ны өдөр манай охин Чулуунчимэгийн хурим болсон. Тэгээд бэр хүргэж өгөх гээд явсан хүмүүс 12 цаг өнгөрч байхад ирсэн. Тэр хүмүүс ирсний дараа намайг гэрт байхад гадаа хүмүүс шуугилдаад явчихсан. Намайг гараад иртэл *******ийн машин манай гэрийн үүдэнд байсан. Тэр машин ухартал доороос нь талийгаач ******* ах гараад ирсэн. Талийгаач тухайн үед ухаангүй байсан. Тэнд байсан хүмүүс түргэн дуудаад эмч ирээд талийгаачийг гэрт оруулсан. Тэгээд эмчилгээ хийж байх үед талийгаач нас барчихсан. Тухайн үед ******* нэлээд согтуу байсан. /хх-ийн 47-48 хуудас/,

Гэрч мөрдөн байцаалтын шатанд мэдүүлэхдээ:... Би 2020 оны 09 дүгээр сарын 24-ний өдөр гэр бүлийн хамт Зүүнбаян-Улаан сум 3 дугаар баг Мөнхийн Ам гэх газарт байх ын охины хуримд ирсэн. 2020 оны 09 дүгээр сарын 25-ны өдөр ын охин Чулуунчимэгийн хуримд оролцсон. Манай талаас бэрээ хүргэж өгчихөөд 13 цаг өнгөрөөгөөд ынд ирсэн. Тэгээд би машин дотроо сууж байтал ******* гэрийн зүүн талд гараараа газар цохиод бас машинаа цохиж байснаа, машинаа асаагаад урагшаа явчихсан. Тэгэхээр нь би согтуу мөргөчихөж магадгүй гэж бодоод хүүхдээ машиндаа суулгачихаад 2 гэрийн дунд ороод зогсож байтал ******* ******* улсын дугаартай машинтайгаа гэрийг нар зөв тойроод ын гэрийн үүдэнд тамхи татаад сууж байсан хүнийг мөргөчихсөн. Би тухайн үед яг хэнийг мөргөснийг нь мэдээгүй. Би яваад очтол манай хойд аав *******ын ташаа нь зулгарчихсан цус гарчихсан хэвтэж байсан. /хх-ийн 49-50 хуудас/,

Гэрч мөрдөн байцаалтын шатанд мэдүүлэхдээ:... 2020 оны 09 дүгээр сарын 25-ны өдөр манай охин Чулуунчимэг хуримаа хийсэн. Манай охиныг хүргэж өгсөн хүмүүс буцаж ирчихээд байж байтал хүмүүс шуугилдаад явчихсан. Би гэрээс гартал манай гэрийн харалдаа урд ******* улсын дугаартай *******ийн машин зогсож байсан. Машины хажууд талийгаач Энхбаатарыг дээш нь харуулаад хэвтүүлчихсэн хүмүүс овоороод байсан. Талийгаач Энхбаатар ахын толгойноос нь цус гарчихсан байсан. Тэгээд удалгүй нас барсан. /хх-ийн 51-52 хуудас/,

Гэрч мөрдөн байцаалтын шатанд мэдүүлэхдээ:... 2020 оны 09 дүгээр сарын 25-ны өдөр Зүүнбаян-Улаан суманд хуримд очсон. Би бэр хүргэж өгөхөд хамт явсан. Тэгээд бэрээ хүргэж өгчихөөд ирээд өөрийнхөө машинд хүүхдээ хөхүүлсэн. Тэгэхэд ******* өөрийнхөө машиныг уначихсан нэлээн хурдтай явж байсан. Тэгээд ******* гэрийн урд тамхи татаад сууж байсан хүнийг мөргөчихсөн. /хх-ийн 55-56 хуудас/,

Яллагдагч ******* мөрдөн байцаалтын шатанд мэдүүлэхдээ:...Би 2020 оны 09 дүгээр 24-ний өдөр Өвөрхангай аймгийн Зүүнбаян-Улаан сумын төвд гэртээ байж байгаад 21 цагийн үед Зүүнбаян-Улаан сумын 03 дугаар багийн нутаг “Мөнхийн Ам” гэх газарт байх ах ын гэрт очсон. ын охины хурим болох гэж байсан юм. Би гэрээсээ эхнэр Оюунтүлхүүр, охин Маралгоо нарын хамт очсон. Би очихдоо согтууруулах ундааны зүйл хэрэглээгүй эрүүл байсан. Очоод олон хүмүүс ирсэн байсан болохоор бид нар машиндаа унтсан. 2020 оны 09 дүгээр сарын 25-ны өдрийн өглөө ахынд ороход бэр авах хүмүүс нь ирчихсэн байсан. Тэгээд 08 цагийн орчимд ирсэн хүмүүс бэрээ аваад гарсан. Бэр хүргэж өгөхөөр явцгаахад би өөрийн ******* улсын дугаартай “приус” маркийн автомашинаа жолоодоод эхнэр, хүүхэд болон дүү , хүргэн нарын хамт тэр айлд найранд орсон. Би 1 литр орчим хэмжээтэй хулаар 2 удаа айраг уусан. Бас пивоор шахаад байхаар нь стаканаар 4 удаа уусан. Тэгээд явъя гээд босоод иртэл нэг эмэгтэй хүн дахиад 1 стакан пиво хийж өгсөн. Тэрнээс хойш юу болсныг санахгүй байгаа юм. Би нэг сэртэл машин дотор гараа гавлуулчихсан миний хажууд цагдаа сууж байсан. ын гэрийн харалдаа миний машин зогсож байсан. Намайг машинд сууж байхад
, Оюунтүлхүүр хоёр ирээд чи машинаараа хүн дайрчихлаа шүү дээ гэж хэлсэн.
Тэгээд би ******* ахыг дайрсан талаар мэдсэн. Яг   ямар байдалтайгаар дайрсныг мэдэхгүй байна. Дараа нь би ******* ахын бие нь яаж байна гэтэл нас барсан гэж надад хэлсэн. Гэм буруугаа хүлээн зөвшөөрч байна. Хийсэн хэрэгтээ гэмшиж байна. /хх-ийн 110-111 хуудас/,

Шүүхийн шинжилгээний үндэсний хүрээлэнгийн Тусгай шинжилгээний хүрээлэнгийн 2020 оны 10 дугаар сарын 16-ны өдрийн №5575 дугаартай шинжээчийн:...Шинжилгээнд ирүүлсэн ******* нас 35” гэж хаягласан цусанд 0.7 промилли спиртийн агууламж илэрч байна. Цусан дахь 0.7 промилли нь согтолтын хөнгөн зэрэгт хамаарна.” гэх дүгнэлт, /хх-н 66-67-р хуудас/

Өвөрхангай аймгийн Шүүхийн шинжилгээний албаны 2020 оны 10 дугаар сарын 12-ны өдрийн 94 дугаартай шинжээчийн:...Талийгаач *******ын цогцост хийсэн Шүүх эмнэлгийн задлан шинжилгээгээр авто ослын хавсарсан гэмтэл, уушигны эдийн хатгагдсан шарх, L-2 дугаар  нугалмын их биеийн хугарал, цээжний хөндийн хурц цус алдалт, баруун чихний дэлбэнгийн урд хэсгийн шарх, дух, баруун хөмсөг, хацар, чамархай, шанаа, хамрын нуруу, хамрын үзүүр, доод эрүү, бүсэлхий нуруу, зүүн гарын бугалга, тохой, баруун мөр хэсгийн зулгаралт, цус хуралт гэмтэл тогтоогдлоо. Дээрх гэмтлүүд нь авто ослын үед мохоо хүчин зүйлийн үйлчлэлээр үүсгэгдэх боломжтой. Дээрх гэмтлүүд нь хэрэг болсон гэх цаг хугацаанд үүссэн байх боломжтой. 4.5.Талийгаач *******ын цусанд 1.8 промилли спирт илэрсэн нь согтолтын дунд зэрэгт хамаарна. Шүүх эмнэлгийн задлан шинжилгээгээр үхэлд хүргэх архаг хууч өвчин тогтоогдоогүй болно. Нас барсан хугацаа 8-13 цаг болсон байх боломжтой. Талийгаач ******* нь авто ослын хавсарсан гэмтэл болох олон хавирганы хугарал уушгины эдийг хатгаж шарх үүсгэж улмаар цээжний хөндийд хурц цус алдаж нас баржээ.” гэх дүгнэлт, /хх-н 60-62-р хуудас/

            Өвөрхангай аймаг дахь Цагдаагийн газрын Уянга сум дахь сум дундын цагдаагийн тасгийн мөрдөгч, цагдаагийн дэслэгч Г.Батсайханы 2020 оны 11 дүгээр сарын 14-ний өдрийн магадалгаанд:... Монгол Улсын Замын хөдөлгөөний аюулгүй байдлын тухай хуулийн 12 дугаар зүйлийн 12.2.1 дэх хэсэгт заасан “Замын хөдөлгөөний дүрмийг баримтлан саадгүй зорчих”, Монгол Улсын Замын хөдөлгөөний дүрмийн 1 дүгээр бүлгийн 1.3-д заасан “Замын хөдөлгөөнд оролцогч нь аюул, хохирол учруулахгүй, хөдөлгөөнд осолтой байдал бий болгохгүйгээр зорчино”, Монгол Улсын Замын хөдөлгөөний дүрмийн 3 дугаар бүлгийн 3.7 Жолоочид дараах зүйлийг хориглоно: а. Тухайн ангиллын тээврийн хэрэгслийг жолоодох эрхгүй (жолоодлогын дадлага хийхээс бусад тохиолдолд), эсхүл согтууруулах ундаа, мансууруулах эм, сэтгэцэд нөлөөт бодис хэрэглэсэн, мөн хөдөлгөөний аюулгүй байдлыг хангаж чадахааргүй өвчтэй буюу ядарсан үедээ тээврийн хэрэгсэл жолоодох гэсэн заалтуудыг зөрчсөнөөс зам тээврийн осол болсон байх үндэслэлтэй байна. /хх-н 92-р хуудас/,

Эрүүгийн хэрэг үүсгэж яллагдагчаар татах тогтоол, Хөрөнгийн үнэлгээ төслийн Лэндс ХХК-ий 2020 оны 12 дугаар сарын 27-ны өдрийн 12/28 дугаартай үнэлгээний тайлан, 2021 оны 01 дүгээр сарын 13-ны өдрийн мөнгөн шилжүүлгийн баримт, /хх-106-107, 92-96 дугаар хуудас/, 

Шүүгдэгч *******ийн хувийн байдлыг тогтоосон Өвөрхангай аймгийн  Зүүнбаян-Улаан сумын 4 дүгээр багийн Засаг даргын 2020 оны 10 дугаар сарын 19-ний өдрийн 519 тоот тодорхойлолт, иргэний үнэмлэхийн лавлагаа /хх-ийн 112, 117 хуудас/,

Шүүгдэгч *******ийн эрүүгийн хариуцлага хүлээж байсан эсэхийг шалгах хуудас /хх-ийн 113 хуудас/ зэрэг болно.

Эрүүгийн хэрэг хянан шийдвэрлэх тухай хуулийн 34.14 дүгээр зүйлийн 1 дэх хэсэгт “Анхан шатны журмаар хэрэг хянан шийдвэрлэх ажиллагаа нь тухайн шүүгдэгчийн хувьд прокуророос шүүхэд шилжүүлсэн эрүүгийн хэргийн хүрээнд явагдана.” гэж заасан байх тул шүүгдэгч *******т холбогдох хэргийг прокуророос шүүхэд шилжүүлсэн эрүүгийн хэргийн хүрээнд шийдвэрлэсэн болно.

Дээрх нотлох баримтуудыг хуульд заасан үндэслэл, журмын дагуу цуглуулж, бэхжүүлсэн байх бөгөөд шүүх хэрэгт хамааралтай, ач холбогдолтойд тооцож, шүүгдэгчийг яллагдагчаар болон хохирогчийн хууль ёсны төлөөлөгч, гэрч нарыг байцаахдаа Эрүүгийн хэрэг хянан шийдвэрлэх ажиллагааны журам, шаардлагыг зөрчөөгүй, нотлох баримтууд нь агуулгын хувьд зөрүүгүй, нөхцөл байдлыг хангалттай тогтоосон байх тул шүүхийн хэлэлцүүлэгт шинжлэн судлагдсан нотлох баримтын хэмжээнд дүгнэлт хийж, шүүгдэгч *******т холбогдох эрүүгийн хэргийг хянан шийдвэрлэх боломжтой гэж дүгнэлээ.

Шүүх хуралдаанаар шинжлэн судалсан нотлох баримтуудаар шүүгдэгч ******* нь согтуурсан үедээ 2020 оны 09 дүгээр сарын 25-ны өдөр Өвөрхангай аймгийн Зүүнбаян-Улаан сумын 3 дугаар багийн нутаг дэвсгэр “Мөнхийн Ам” гэх газар ******* улсын дугаартай Тоёота Приус-11 загварын тээврийн хэрэгслийг жолоодож явахдаа “...1.Монгол Улсын Замын хөдөлгөөний аюулгүй байдлын тухай хуулийн 12 дугаар зүйлийн 12.2.1 дэх хэсэгт заасан “Замын хөдөлгөөний дүрмийг баримтлан саадгүй зорчих”, Монгол Улсын Замын хөдөлгөөний дүрмийн 1 дүгээр бүлгийн 1.3 “Замын хөдөлгөөнд оролцогч нь аюул, хохирол учруулахгүй, хөдөлгөөнд осолтой байдал бий болгохгүйгээр зорчино”, 3 дугаар бүлгийн 3.7 “Жолоочид дараах зүйлийг хориглоно: а.Тухайн ангиллын тээврийн хэрэгслийг жолоодох эрхгүй (жолоодлогын дадлага хийхээс бусад тохиолдолд), эсхүл согтууруулах ундаа, мөн хөдөлгөөний аюулгүй байдлыг хангаж чадахааргүй өвчтэй буюу ядарсан үедээ тээврийн хэрэгсэл жолоодох” гэсэн заалтуудыг зөрчсөний улмаас *******ын амь нас хохирсон үйл баримт тогтоогдсон бөгөөд энэ нь Эрүүгийн хуульд заасан гэмт хэрэг мөн байна.

Шүүгдэгч ******* нь согтуурсан үедээ 2020 оны 09 дүгээр сарын 25-ны өдөр Өвөрхангай аймгийн Зүүнбаян-Улаан сумын 3 дугаар багийн нутаг дэвсгэр “Мөнхийн ам” гэх газар ******* улсын дугаартай Тоёота Приус-11 загварын тээврийн хэрэгслийг жолоодож явахдаа “...1.Монгол Улсын Замын хөдөлгөөний аюулгүй байдлын тухай хуулийн 12 дугаар зүйлийн 12.2.1 дэх хэсэгт заасан “Замын хөдөлгөөний дүрмийг баримтлан саадгүй зорчих”, Монгол Улсын Замын хөдөлгөөний дүрмийн 1 дүгээр бүлгийн 1.3 “Замын хөдөлгөөнд оролцогч нь аюул, хохирол учруулахгүй, хөдөлгөөнд осолтой байдал бий болгохгүйгээр зорчино”, 3 дугаар бүлгийн 3.7 “Жолоочид дараах зүйлийг хориглоно: а.Тухайн ангиллын тээврийн хэрэгслийг жолоодох эрхгүй (жолоодлогын дадлага хийхээс бусад тохиолдолд), эсхүл согтууруулах ундаа, мөн хөдөлгөөний аюулгүй байдлыг хангаж чадахааргүй өвчтэй буюу ядарсан үедээ тээврийн хэрэгсэл жолоодох” гэсэн заалтуудыг зөрчсөний улмаас *******ын амь нас хохирсон гэмт хэрэг үйлдсэн болох нь шүүх хуралдааны хэлэлцүүлэгт шүүгдэгч *******ийн үйлдсэн хэргээ хүлээн мэдүүлсэн мэдүүлэг, шүүхийн хэлэлцүүлэгт шинжлэн судалсан болон хавтаст хэрэгт авагдсан хохирогчийн хууль ёсны төлөөлөгч *******гийн 2020 оны 09 дүгээр сарын 25-ны өдөр 17 цагийн үед Бүрэн гэх хүний дугаараас над руу залгаж талийгаач *******ыг өнгөрчихлөө гэж хэлсэн. Намайг Зүүнбаян-Улаан суманд төрсөн эгч Лхамсүрэн, өөрийн дүү Мөнхзандантай хамт хэрэг болсон газар 20 цагийн үед очиход хэргийн газрын үзлэг хийж байна гээд хамгаалалтад авчихсан байж байсан. Тэгээд талийгаачийн шарилыг 02 цагийн үед Фургон машинд ачаад аймаг руу ирсэн. Тухайн үед ямар хэрэг болсныг талийгаачийн эхнэр болох Наранцэцэгээс надад тайлбарлахдаа “Талийгаач гэрийн гадаа тамхи татаад сууж байсан чинь гэнэт нэг машин маш хурдтай ирээд дайрчихсан. Талийгаач нөгөө машины доор орчихсон. Тэгээд нөгөө машиныг холдуулаад ахыг гаргаж ирсэн. Тэр үед амьд байж байгаад удалгүй өөд болсон гэж хэлсэн. Хохирогчийн хууль ёсны төлөөлөгч *******ийн  манай бэр бид хоёр машин дотроо хүүхэд хөхүүлээд гэрийн гадаа сууж байгаад би хүүгийнхээ машинаас буугаад гэрийн зүг алхаж явтал ******* машинуудын зогсож байсан газраас гэнэт хурдтай гарч ирсэн. Тэгээд гэрийн урдуур нар буруу тойроод гэрийн урд сууж байсан талийгаачийн зүүн талаас нь очоод дайрсан. Гэрч ийн намайг гэрт байхад гадаа хүмүүс шуугилдаад явчихсан. Намайг гараад иртэл *******ийн машин манай гэрийн үүдэнд байсан. Тэр машин ухартал доороос нь талийгаач ******* ах гараад ирсэн. Талийгаач тухайн үед ухаангүй байсан. Тэнд байсан хүмүүс түргэн дуудаад эмч ирээд талийгаачийг гэрт оруулсан. Тэгээд эмчилгээ хийж байх үед талийгаач нас барчихсан. Гэрч ийн би машин дотроо сууж байтал ******* гэрийн зүүн талд гараараа газар цохиод бас машинаа цохиж байснаа, машинаа асаагаад урагшаа явчихсан. Тэгэхээр нь би согтуу мөргөчихөж магадгүй гэж бодоод хүүхдээ машиндаа суулгачихаад 2 гэрийн дунд ороод зогсож байтал ******* ******* улсын дугаартай машинтайгаа гэрийг нар зөв тойроод ын гэрийн үүдэнд тамхи татаад сууж байсан хүнийг мөргөчихсөн. Гэрч ын манай охиныг хүргэж өгсөн  хүмүүс  буцаж  ирчихээд  байж  байтал  хүмүүс шуугилдаад явчихсан. Би гэрээс гартал манай  гэрийн  харалдаа урд *******  улсын  дугаартай  *******ийн  машин зогсож байсан. Машины хажууд талийгаач  Энхбаатарыг  дээш нь харуулаад  хэвтүүлчихсэн  хүмүүс овоороод  байсан.  Талийгаач  Энхбаатар  ахын  толгойноос  нь  цус гарчихсан байсан. Тэгээд удалгүй нас барсан. Гэрч ийн бэрээ хүргэж өгчихөөд ирээд өөрийнхөө машинд хүүхдээ хөхүүлсэн. Тэгэхэд ******* өөрийнхөө машиныг уначихсан нэлээн хурдтай явж байсан. Тэгээд ******* гэрийн урд тамхи татаад сууж байсан хүнийг мөргөчихсөн гэсэн мэдүүлгүүд, Шүүхийн шинжилгээний үндэсний хүрээлэнгийн Тусгай шинжилгээний хүрээлэнгийн 2020 оны 10 дугаар сарын 16-ны өдрийн №5575 дугаартай шинжээчийн дүгнэлт, Өвөрхангай аймгийн Шүүхийн шинжилгээний албаны 2020 оны 10 дугаар сарын 12-ны өдрийн 94 дугаартай шинжээчийн дүгнэлт, Өвөрхангай аймаг дахь Цагдаагийн газрын Уянга сум дахь сум дундын цагдаагийн тасгийн мөрдөгч, цагдаагийн дэслэгч Г.Батсайханы 2020 оны 11 дүгээр сарын 14-ний өдрийн магадалгаа зэргээр нотлогдон тогтоогдсон, шүүгдэгч *******ийн дээрх үйлдэл нь эрүүгийн хуулийн тусгай ангид заасан гэмт хэрэг мөн бөгөөд мөрдөн байцаалтын шатанд хийгдвэл зохих ажиллагаа бүрэн хийгдсэн байна.