2018 оны 02 сарын 26 өдөр

Дугаар 153/ШШ2018/00085

Жаргалант сум

 

Нэхэмжлэгч нэхэмжлэлээсээ татгалзсаныг

баталж, хэргийг хэрэгсэхгүй болгох тухай

             

Ховд аймаг дахь Сум дундын иргэний хэргийн анхан шатны шүүхийн шүүгч С.Оюунжаргал би 

Нэхэмжлэгч: Улаанбаатар хот, Чингэлтэй дүүрэгт байрлах, Мобиком корпораци ХХКомпанийн нэхэмжлэлтэй

Хариуцагч: Ховд аймгийн Жаргалант сумын Наран багийн 1-9 тоотод оршин суух Их тугтан овогт Батсүхийн Азжаргалд холбогдох

Үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан төхөөрөмжийн төлбөрт нийт 325,095 /гурван зуун хорин таван мянга ерэн тав/ төгрөг гаргуулах тухай нэхэмжлэлийг 2018 оны 01 дүгээр сарын 25-ны өдөр хүлээн авч, 2018 оны 01 дүгээр сарын 29-ний өдөр 153/2018/00054/и индекстэй иргэний хэрэг үүсгэн  хянаад

 

ТОДОРХОЙЛОХ нь:

Мобиком корпораци ХХКомпани шүүхэд гаргасан нэхэмжлэлдээ: Хариуцагч нь манай Үйлчилгээний нөхцөл-ийг хүлээн зөвшөөрч хэрэглэгч болох хүсэлтээ гарган 40640319 тоот гэрээ байгуулан 95010783 дугаартай үүрэн холбооны дараа төлбөрт үйлчилгээг мөн Гар утас, төхөөрөмж худалдах, худалдан авах нэмэлт гэрээ байгуулан Wifi Router-ийг зээлээр худалдан авч ашиглаж эхэлсэн. Хариуцагч нь Харилцаа холбооны тухай хуулийн 26-р зүйлийн 26.2.2-т заасан болон гэрээгээр хүлээсэн үүргээ үл биелүүлэн үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан төхөөрөмжийн төлбөрийг төлөөгүй учир үйлчилгээг зогсоон төлбөрийн үлдэгдлээ төлөхийг сануулж Анхааруулах хуудас илгээсэн боловч төлбөр төлөгдөөгүй байна.

Иймд хариуцагчаас үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан төхөөрөмжийн төлбөрт нийт 325,095 /гурван зуун хорин таван мянга ерэн тав/ төгрөгийг гаргуулахаар нэхэмжлэл гаргаж байгааг хүлээн авч шийдвэрлэж өгнө үү гэжээ.

Нэхэмжлэгчийн итгэмжлэгдсэн төлөөлөгч Мобиком Корпораци ХХК-ийн Ховд салбарын захирал П.Отгончимэг шүүхэд ирүүлсэн хүсэлтдээ: Хэрэглэгч Б.Азжаргал нь 40640319 гэрээний төлбөрийн үлдэгдэл 325,095 төгрөгийг 2017 оны 12 дугаар сарын 20-ны өдөр барагдуулсан тул иргэний хэргийг хянан шийдвэрлүүлэхээр гаргасан нэхэмжлэлээсээ татгалзаж байна гэжээ.

 

ҮНДЭСЛЭХ нь:

Нэхэмжлэгч Мобиком корпораци ХХК нь хариуцагч Б.Азжаргалд холбогдуулан үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан төхөөрөмжийн төлбөрт нийт 325,095 /гурван зуун хорин таван мянга ерэн тав/ төгрөг гаргуулах тухай нэхэмжлэлийн шаардлагыг шүүхэд гаргажээ.

2017 оны 12 дугаар сарын 20-ны өдөр Б.Азжаргал нь үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан төхөөрөмжийн төлбөр нийт 325,095 /гурван зуун хорин таван мянга ерэн тав/ төгрөгийг төлсөн гэх үндэслэлээр нэхэмжлэгчийн итгэмжлэгдсэн төлөөлөгч П.Отгончимэг нь нэхэмжлэлээсээ сайн дураараа татгалзсан тайлбараа шүүхэд бичгээр ирүүлсэн байна.

Нэхэмжлэгчийн татгалзал нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгох нь зүйтэй гэж үзлээ.

Нэхэмжлэгч Мобиком корпораци ХХК-ийн улсын тэмдэгтийн хураамжид урьдчилан төлсөн 10,403 төгрөгийн тал хувь болох 5,201.5 төгрөгийг улсын орлогод хэвээр үлдээж, тал хувь болох 5,201.5 төгрөгийг Төрийн банкинд 2018 оны 01 дүгээр сарын 23-ны өдөр төлсөн Ховд аймгийн Татварын хэлтсийн 100160000941 тоот данснаас буцаан гаргуулан нэхэмжлэгчид олгохоор тогтов.

 

Иргэний хэрэг шүүхэд хянан шийдвэрлэх тухай хуулийн 75, 123 дугаар зүйлийн 123.1-д заасныг удирдлага болгон

 

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар Мобиком корпораци ХХКомпанийн нэхэмжлэлтэй Б.Азжаргалд холбогдох үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан төхөөрөмжийн төлбөрт нийт 325,095 /гурван зуун хорин таван мянга ерэн тав/ төгрөг гаргуулах тухай иргэний хэрэгт нэхэмжлэгч Мобиком корпораци ХХКомпани нь нэхэмжлэлээсээ татгалзсаныг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, 59 дүгээр зүйлийн 59.4, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч Мобиком корпораци ХХКомпанийн улсын тэмдэгтийн хураамжид төлсөн 10,403 /арван мянга дөрвөн зуун гурав// төгрөгийн тал хувь болох 5,201.5 /таван мянга хоёр зуун нэг төгрөг таван мөнгө/ төгрөгийг улсын орлогод хэвээр үлдээж, тал хувь болох 5,201.5 /таван мянга хоёр зуун нэг төгрөг таван мөнгө/ төгрөгийг улсын орлогоос буцаан гаргуулан нэхэмжлэгч Мобиком корпораци ХХКомпанид олгосугай.

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ  С.ОЮУНЖАРГАЛ