2018 оны 03 сарын 14 өдөр

Дугаар 153/ШШ2018/00121

Ховд аймаг

МОНГОЛ УЛСЫН НЭРИЙН ӨМНӨӨС

            Ховд аймаг дахь Сум дундын Иргэний хэргийн анхан шатны шүүхийн шүүгч Ц.Оюун-Эрдэнэ даргалж, тус шүүхийн шүүх хуралдааны танхимд нээлттэй хийсэн шүүх хуралдаанаар

Хүсэлт гаргагч: Ховд аймгийн Зэрэг сумын Бургасан багт оршин суух, ПЕ58041715 дугаарын регистртэй, Бүргэд овогт Доржийн Мягмарын хүсэлттэй ажиллаж байсан байдал тогтоолгохыг хүссэн иргэний хэргийг хянан хэлэлцэв.

Шүүх хуралдаанд хүсэлт гаргагч Д.Мягмар

Шүүх хуралдааны нарийн бичгийн дарга Ж.Уранцэцэг нар оролцов.

ТОДОРХОЙЛОХ нь:

Хүсэлт гаргагч Д.Мягмар нь шүүхэд гаргасан хүсэлт, шүүх хуралдаанд гаргасан тайлбартаа: Би Ховд аймгийн Зэрэг суманд төрсөн. 1974 оны 01 дүгээр сарын 01-ний өдрөөс 1978 оны 06 дугаар сарын 23-ны өдөр хүртэл Ховд аймгийн Зэрэг сумын Хөдөлмөр нэгдэлд ажиллаж байгаад 1976 оны 06 дугаар сарын 23-ны өдрөөс цэргийн албанд татагдаж, 1981 оны 06 дугаар сарын 28-ны өдрийг хүртэл 0229 дүгээр ангид цэргийн алба хаасан. 1981 оны 06 дугаар сарын 28-ны өдрөөс 1992 оны 01 дүгээр сарын 28-ны өдрийн хооронд Ховд аймгийн Зэрэг сумын Хөдөлмөр нэгдэлд малчнаар ажилласан. 1992 оны 01 дүгээр сарын 28-ны өдрөөс 1993 оны 02 дугаар сарыг дуустал Ховд аймгийн Зэрэг сумын Бургасан багт малчнаар ажиллаж байсан.

Одоо миний бие өндөр насны тэтгэвэр тогтоолгох гэсэн боловч ажилд орсон гарсан тушаал архиваас олдохгүй хохироход хүрээд байна.

Иймд Д.Мягмар намайг 1974 оны 01 дүгээр сарын 01 -ний өдрөөс 1978 оны 06 дугаар сарын 23-ны өдөр хүртэл, 1981 оны 06 дугаар сарын 28-ны өдрөөс 1992 оны 01 дүгээр сарын 28-ны өдрийг хүртэл Ховд аймгийн Зэрэг сумын Хөдөлмөр нэгдэлд малчнаар, 1992 оны 01 дүгээр сарын 28-ны өдрөөс 1993 оны 02 дугаар сарыг дуустал Ховд аймгийн Зэрэг сумын Бургасан багт малчнаар ажиллаж байсан байдлыг тогтоож өгнө үү гэжээ.

Шүүх хуралдаанаар хэрэгт цугларсан нотлох баримтуудыг шинжлэн судлаад

ҮНДЭСЛЭХ нь:

Шүүх хүсэлтийг Иргэний Хэрэг Шүүхэд Хянан Шийдвэрлэх тухай хуулийн 133 дугаар зүйлийн 133.1.1-д зааснаар онцгой ажиллагааны журмаар хянан шийдвэрлэх нь зүйтэй гэж үзлээ.

Хүсэлт гаргагч Д.Мягмар нь 1974 оны 01 дүгээр сарын 01 -ний өдрөөс 1978 оны 06 дугаар сарын 23-ны өдөр хүртэл, 1981 оны 06 дугаар сарын 28-ны өдрөөс 1992 оны 01 дүгээр сарын 28-ны өдрийг хүртэл, 1992 оны 01 дүгээр сарын 28-ны өдрөөс 1993 оны 02 дугаар сарыг дуустал Ховд аймгийн Зэрэг сумын Хөдөлмөр нэгдэлд малчнаар ажиллаж байсан байдал тогтоолгохыг хүссэн хүсэлтийг хангаж шийдвэрлэх нь зүйтэй байна.

Хүсэлт гаргагч Д.Мягмар нь1974 оны 01 дүгээр сарын 01 -ний өдрөөс 1978 оны 06 дугаар сарын 23-ны өдөр хүртэл, 1981 оны 06 дугаар сарын 28-ны өдрөөс 1992 оны 01 дүгээр сарын 28-ны өдрийг хүртэл, 1992 оны 01 дүгээр сарын 28-ны өдрөөс 1993 оны 02 дугаар сарыг дуустал Ховд аймгийн Зэрэг сумын Хөдөлмөр нэгдэлд малчнаар ажиллаж байсан болох нь

-Хүсэлт гаргагч Д.Мягмарын 1981 оны 05 дугаар сарын 12-ны өдөр нээлгэсэн хөдөлмөрийн дэвтрийн нотариатаар баталгаажуулсан хуулбар,

-Хүсэлт гаргагч Д.Мягмарын 1991 оны 01 дүгээр сарын 10-ны өдөр нээлгэсэн хөдөлмөрийн дэвтрийн нотариатаар баталгаажуулсан хуулбар,

- Хүсэлт гаргагчийн 2014 оны 05 дугаар сарын 26-ны өдөр нээлгэсэн 0774161 дугаартай нийгмийн даатгалын дэвтрийн нотариатаар баталгаажуулсан хуулбар,

-Ховд аймгийн Засаг даргын Тамгын газрын дэргэдэх архивын тасгын 2018 оны 01 дүгээр сарын 30-ны өдрийн 143 дугаар албан бичгээр Ховд аймгийн Зэрэг сумын Бургасан багийн цалингийн цэс, 70 дугаар дансны хуулбарын хамт,

- Хүсэлт гаргагчид 1988 оны 02 дугаар сарын 10-ны өдөр Ховд аймгийн Зэрэг сумын Хөдөлмөр нэгдлийн зөвлөлөөс олгосон диплом, 1982 оны 03 дугаар сарын 27-ны өдрийн талархал, 1988 оны 02 дугаар сарын 10-ны өдрийн диплом, 1996 оны 01 дүгээр сарын 17-ны өдрийн баярын бичиг,

-Гэрч Д.Нарандуламын ....Би 1958 онд төрсөн. 1967 онд Ховд аймгийн Зэрэг сумын 8 жилийн дунд сургуульд элсэн орж 1971 онд 4 дүгээр ангиа төгсөөд сургуулиас гарсан. Улмаар 1971 оноос эхлэн эцэг эхийн хамт Ховд аймгийн Зэрэг сумын 2 дугаар бригад малчнаар ажиллаж байсан. Д.Мягмар нь 1974 оноос эхлэн Ховд аймгийн Зэрэг сумын 2 дугаар бригадад малчнаар ажиллаж байсан. Д.Мягмар нь 1974 оны 05 дугаар сараас эхлэн ажиллаж эхэлсэн. Ямар ч байсан Ховд аймгийн Зэрэг сумын Хөдөлмөр нэгдэл тарах хүртэл ажиллаж байсан. Хөдөлмөр нэгдэл 1992 оны үед тарсан санагдаж байна. Бид хамдаа нэг сум нэгдэлд олон жил ажиллаж байсан хүний хувьд Д.Мягмарын ажиллаж байсан байдлын талаар сайн мэдэж байна..... гэх гэрчийн мэдүүлэг,

-Гэрч Д.Гонгорын ...Би 1960 онд төрсөн. 1979 оноос 1982 оны хооронд хугацаат цэргийн ала хаасан. 1982 оноос эхлээд Ховд аймгийн Зэрэг сумын 2 дугаар бригадад малчнаар ажиллаж эхэлсэн. Одоо ч гэсэн тус сумандаа малчнаар ажиллаж байна. Д.Мягмар нь 1974 онд сургуулиас гараад эцэг эхийн хамт Ховд аймгийн Зэрэг сумын 2 дугаар бригадад малчнаар ажиллаж байгаад 1978 онд цэргийн албанд татагдаж 1981 онд цэргээс халагдаж ирсэн. Тэр цагаасаа хойш өнөөдрийг хүртэл Ховд аймгийн Зэрэг сумын Бургасан бригадад малчнаар ажиллаж байна.... гэх гэрчийн мэдүүлэг зэрэг нотлох баримтуудаар тогтоогдож байх тул Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д заасныг баримтлан Д.Мягмарын ажиллаж байсан байдлыг тогтоох нь зүйтэй байна.

Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1 дэх хэсэгт зааснаар хүсэлт гаргагчийн улсын тэмдэгтийн хураамжид төлсөн 70200 төгрөгийг улсын орлогод хэвээр үлдээх нь хуульд нийцнэ

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116,118, 133 дугаар зүйлүүд, 133.1.1 дэхь хэсэгт заасныг удирдлага болгон

ТОГТООХ нь:

1.Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д заасныг баримтлан Бүргэд овогт Доржийн Мягмарыг 1974 оны 01 дүгээр сарын 01 -ний өдрөөс 1978 оны 06 дугаар сарын 23-ны өдөр хүртэл, 1981 оны 06 дугаар сарын 28-ны өдрөөс 1992 оны 01 дүгээр сарын 28-ны өдрийг хүртэл, 1992 оны 01 дүгээр сарын 28-ны өдрөөс 1993 оны 02 дугаар сарыг дуустал Ховд аймгийн Зэрэг сумын Хөдөлмөр нэгдэлд малчнаар ажиллаж байсан байдлыг тогтоосугай.

2.Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1 дэх хэсэгт зааснаар Д.Мягмарын улсын тэмдэгтийн хураамжинд урьдчилан төлсөн 70200 төгрөгийг улсын орлогод хэвээр үлдээсүгэй.

3.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар шийдвэр нь танилцуулан сонсгомогц хүчинтэй болох бөгөөд шийдвэр хүчинтэй болсноос хойш 7 хоногийн хугацаа өнгөрмөгц шүүх хуралдаанд оролцсон тал 14 хоногийн дотор шүүхэд хүрэлцэн ирж шийдвэрийг өөрөө гардан авах үүрэгтэй болохыг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар энэ шийдвэрийг зохигч, тэдгээрийн төлөөлөгч буюу өмгөөлөгч эс зөвшөөрвөл шийдвэрийг гардан авснаас хойш 14 хоногийн дотор, Ховд аймаг дахь Эрүү, Иргэний хэргийн давж заалдах шатны шүүхэд давж заалдах журмаар гомдол гаргах эрхтэйг дурьдсугай

 

ДАРГАЛАГЧ, ШҮҮГЧ                                Ц.ОЮУН-ЭРДЭНЭ