Зохигчдын эвлэрлийг баталж,

хэргийг хэрэгсэхгүй болгох тухай

 

 

Шүүгч Г.Алгирмаа би, Дорноговь аймаг Сайншанд сум 3 дугаар баг Залуус хороолол 32 дугаар байрны 11 тоотод оршин суух Аюуш овогт Үржингийн Цагаан /РД: ЕЛ55041408/-ы нэхэмжлэлтэй Дорноговь аймаг Хөвсгөл сум 4 дүгээр багт оршин суух Боржигон овогт Ухны Хүрэлцалам /РД: ЕМ80071271/-д холбогдох тэмээ худалдах, худалдан авах гэрээний үлдэгдэл төлбөрт 2,400,000 төгрөг гаргуулах тухай нэхэмжлэлийг 2017 оны 05 дугаар сарын 31-ний өдөр хүлээн авч, 2017 оны 06 дугаар сарын 06-ны өдөр иргэний хэрэг үүсгэн хянаад,

ТОДОРХОЙЛОХ НЬ:

Нэхэмжлэгч Ү.Цагаан шүүхэд гаргасан нэхэмжлэлдээ: Миний бие нь У.Хүрэлцаламтай 2014 оны 06 дугаар сарын 4-ни өдөр 15 толгой тэмээг үнэ тохиролцон зарж 1,900,000 төгрөгийг 11 дүгээр сард багтаан авахаар болсон боловч одоог болтол мөнгөө өгөөгүй. Иймд мөнгөний ханшны өөрчлөлтийг тооцож 2,400,000 төгрөгийг У.Хүрэлцаламаас гаргуулж өгнө үү гэжээ.

Нэхэмжлэгч Ү.Цагаан шүүхэд гаргасан тайлбартаа: Миний бие нь У.Хүрэлцаламд холбогдуулан 15 толгой тэмээний үлдэгдэл төлбөрт 2,400,000 төгрөг гаргуулах тухай нэхэмжлэлийн шаардлага гаргасан. Нэхэмжлэлийн шаардлагаа 1,400,000 төгрөгөөр багасгаж У.Хүрэлцаламаас 1,000,000 төгрөгийг гаргуулах хүсэлтэй байна. Иймд хэргийг хялбаршуулсан журмаар шийдвэрлэж өгнө үү гэжээ.

Хариуцагч У.Хүрэлцалам шүүхэд гаргасан тайлбартаа: Миний бие нь тэмээний үлдэгдэл төлбөрт 900,000 төгрөг дээр 100,000 төгрөгийг нэмээд нийт 1,000,000 төгрөгийг нэхэмжлэгч Ү.Цагаанд төлөхийг зөвшөөрч байна. Иймд хэргийг хялбаршуулсан журмаар шийдвэрлэж өгнө үү гэжээ.

Хэрэгт цугларсан нотлох баримтуудыг шинжлэн судлаад

ҮНДЭСЛЭХ нь:

Нэхэмжлэгч Ү.Цагаан нь хариуцагч У.Хүрэлцаламд холбогдуулан тэмээ худалдах, худалдан авах гэрээний үлдэгдэл төлбөрт 2,400,000 төгрөг гаргуулах тухай нэхэмжлэл гаргажээ.

Нэхэмжлэгч Ү.Цагаан нь нэхэмжлэлийн шаардлагаа 1,400,000 төгрөгөөр багасгаж, 1,000,000 төгрөг гаргуулахаар нэхэмжилснийг хариуцагч Ү.Хүрэлцалам төлөхийг хүлээн зөвшөөрч эвлэрлийн гэрээ байгуулсан нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул зохигчдын эвлэрлийг баталж, хэргийг хэрэгсэхгүй болгох нь зүйтэй гэж үзлээ.

Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75 дугаар зүйлийг удирдлага болгон