Багануур дүүргийн Иргэний хэргийн анхан шатны шүүхийн иргэний шүүх хуралдааныг шүүгч Т.Эрдэнэтунгалаг даргалж, шүүх хуралдааны танхимд хаалттай хийсэн хуралдаанаар:

Нэхэмжлэгч: Д аймгийн Х сумын .. дүгээр баг, Т-ийн .. дугаар гудамжны .. тоотод оршин суух, Х овогт Д-ийн Д-гийн нэхэмжлэлтэй,

Хариуцагч: Б дүүргийн ... дугаар хороо, Ү хэсэгт оршин суух, З овогт И-ын Ц-д холбогдох гэрлэлт цуцлуулах, хүүхдийн асрамж тогтоолгох тухай нэхэмжлэлийг 2018 оны 01 дүгээр сарын 18-ны өдөр хүлээн авч хянан хэлэлцэв.

Шүүх хуралдаанд онлайнаар нэхэмжлэгч Д.Д, хариуцагч И.Ц , нарийн бичгийн дарга Б.Одгэрэл нар оролцов.       

     ТОДОРХОЙЛОХ нь :

Нэхэмжлэгч Д.Д шүүхэд гаргасан нэхэмжлэл болон шүүх хуралдаанд өгсөн тайлбартаа: Д.Д миний бие И.Цтай 1997 онд танилцан 1998 оны 2 дугаар сард гэр бүл болж хамтран амьдарсан. Бидний хамтын амьдралын хугацаанд 19.. оны .. дүгээр сарын ...-ны өдөр охин Ц.Х, 20... оны .. дугаар сарын ...-ний өдөр хүү Ц.Б, 20.. оны ... дугаар сарын ...-ны өдөр охин Ц.С нар нь төрсөн. Бид 2005 оны 10 дугаар сараас хойш хувийн таарамжгүй харьцааны улмаас өнөөдрийг хүртэл тусдаа амьдарч байна. И.Ц нь тухайн үед гэрээ ачаалж, намайг бага насны 3 хүүхэдтэй минь орох орон ч үгүй орхиод явсан. Тэр цагаас хойш бидэнтэй огт холбоо бариагүй, хүүхдүүдээ харж хандан тусламж дэмжлэг өгч байгаагүй. Бид тус тусын амьдралтай болоод удаж байгаа тул гэрлэлтээ цуцлуулан, хүүхдүүдээ өөрийн асрамжид авах хүсэлтэй байна. Эд хөрөнгийн маргаан байхгүй мөн хүүхдүүддээ тэтгэлэг тогтоолгохгүй гэв.

Хариуцагч И.Ц шүүх хуралдаанд өгсөн тайлбартаа: Манайх 2005 онд гэр бүлээрээ Д аймгаас Б-т шилжиж ирээд хамт амьдарч байсан боловч Д энд амьдарч чадахгүй гээд буцаад Д аймаг руу аав, ээж рүү явсан. Бид тусдаа амьдраад 10 гаран жил болж байна. Би одоо өөр хүнтэй гэр бүл болсон тул нэхэмжлэлийн шаардлагыг хүлээн зөвшөөрч байна гэв.

ҮНДЭСЛЭХ нь:

            Нэхэмжлэгч Д.Д хариуцагч И.Ц-д холбогдуулан гэрлэлт цуцлуулах, хүүхдийн асрамж тогтоолгох нэхэмжлэлийн шаардлагыг шүүхэд гаргажээ.   

Хариуцагч И.Ц нь нэхэмжлэлийн шаардлагыг хүлээн зөвшөөрч маргаагүй болно. 

           Нэхэмжлэгч Д.Д, хариуцагч И.Ц нар нь 19.. оны ... дугаар сарын ...-ны өдөр гэр бүл болж, 20... оны ... дугаар сарын ...-ний өдөр гэрлэлтээ албан ёсоор бүртгүүлэн хамтран амьдарч байх хугацаандаа 19... оны ... дүгээр сарын ...-ны өдөр охин Ц.Х, 20... оны ... дугаар сарын ...-ний өдөр хүү Ц.Б, 20.. оны ... дугаар сарын ...-ны өдөр охин Ц.С нарыг төрүүлсэн болох нь гэрлэлтийн гэрчилгээний хуулбар, иргэний үнэмлэхний хуулбар, төрсний гэрчилгээний хуулбар зэргээр тогтоогджээ.  

  Зохигчид нь 2005 оноос хойш хувийн таарамжгүй харьцаанаас болж хамтран амьдраагүй 13 жил болсон, нэхэмжлэгч, хариуцагч нар нь тус тусын амьдралтай болсон учраас шүүх дэх эвлэрүүлэн зуучлагчид хандаагүй, эргэж хамтран амьдрах хүсэлгүй, бие биеэ гэх хайр сэтгэлгүй зэргээс харахад зохигчдод Гэр бүлийн тухай хуулийн 14 дүгээр зүйлийн 14.2 дахь хэсэгт зааснаар 3 сар хүртэл хугацаагаар эвлэрүүлэх арга хэмжээ авах нь тодорхой үр дүнд хүрэхгүй тул зохигчдын гэрлэлтийг цуцалж, амьдрах орчин, сурч боловсрох, хүмүүжих нөхцөл, хүүхдийн өөрийнх нь санал зэргийг харгалзан эх Д.Д-гийн асрамжид үлдээх нь зүйтэй гэж үзлээ.

Хэрэгт цугларсан бичгийн баримтууд нь хуульд заасан нотлох баримт гаргах, цуглуулах шаардлагыг хангасан, үнэн зөв, энэ хэрэгт хамааралтай, хэргийг шийдвэрлэхэд ач холбогдолтой, эргэлзээгүй баримтууд гэж дүгнэв.

Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлүүдэд заасныг удирдлага

болгон ТОГТООХ нь:

 1.Гэр бүлийн тухай хуулийн 14 дүгээр зүйлийн 14.1 дэх хэсэгт зааснаар Х овогт Д-ийн Д, З овогт И-ын Ц нарын гэрлэлтийг цуцалсугай.

2.Гэр бүлийн тухай хуулийн 14 дүгээр зүйлийн 14.5 дахь хэсэгт зааснаар 20... оны ... дугаар сарын ..-ний өдөр төрсөн хүү Ц.Б, 2... оны .. дугаар сарын ..-ны өдөр төрсөн охин Ц.С нарыг эх Д.Д-гийн асрамжид үлдээсүгэй.

3.Нэхэмжлэгч нь хариуцагчаас хүүхдийн тэтгэлэг нэхэмжлэхгүй, эд хөрөнгийн маргаангүй гэсэн болохыг дурдсугай.           

4.Иргэний хэрэг шүүхэд хянан шийдвэрлэх тухай хуулийн 58 дугаар зүйлийн 58.3 дахь хэсэгт зааснаар нэхэмжлэгч Д.Д нь 140.400 төгрөгийн улсын тэмдэгтийн хураамж төлөхөөс шүүгчийн захирамжаар чөлөөлөгдсөн болохыг дурдаж, хариуцагч И.Ц-аас улсын тэмдэгтийн хураамжид 140.400 төгрөгийг гаргуулж улсын орлогод олгосугай. 

5.Гэр бүлийн тухай хуулийн 14 дүгээр зүйлийн 14.9 дэх хэсэгт зааснаар шийдвэрийн нэг хувийг шийдвэр хүчин төгөлдөр болсноос хойш ажлын 3 хоногийн дотор зохигчдын гэрлэлтийг бүртгэсэн байгууллага болох Д аймгийн Улсын бүртгэлийн хэлтэст хүргүүлэхийг шүүгчийн туслах Д.Энхзаяад даалгасугай.

   6.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.4, 119.7 дахь хэсэгт зааснаар шийдвэр нь танилцуулан сонсгомогц хүчинтэй болох бөгөөд зохигч 7 хоног өнгөрснөөс хойш 14 хоногийн дотор шүүхэд хүрэлцэн ирж шийдвэрийг өөрөө гардан авах үүрэгтэй бөгөөд дээрх хугацаанд шүүхийн шийдвэрийг гардан аваагүй нь гомдол гаргах хугацааг хуульд заасан журмын дагуу тоолоход саад болохгүйг дурдсугай.

   7.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2 дахь хэсэгт зааснаар зохигч нь анхан шатны шүүхийн шийдвэрийг эс зөвшөөрвөл шийдвэрийг гардан авсан өдрөөс хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах эрхтэй болохыг дурдсугай.

ДАРГАЛАГЧ ШҮҮГЧ                                     Т.ЭРДЭНЭТУНГАЛАГ