Сэлэнгэ аймаг дахь Сум дундын иргэний хэргийн анхан шатны шүүхийн шүүгч Д.Мөнхцэцэг би Сэлэнгэ аймаг, Сүхбаатар сумын Засаг даргын тамгын газрын нэхэмжлэлтэй Б.Баясгаланд холбогдох “Зээл, зээлийн хүү, алданги, нотариатын зардлын үнэ 1.515.823 төгрөг гаргуулах”-ыг хүссэн нэхэмжлэлийн шаардлагатай иргэний хэргийг хянаад

                                         

                                              ТОДОРХОЙЛОХ нь:

 

           Нэхэмжлэгч Сэлэнгэ аймаг, Сүхбаатар сумын Засаг даргын тамгын газар шүүхэд гаргасан нэхэмжлэлдээ: Сэлэнгэ аймгийн Сүхбаатар сумын Баянхан 4 дүгээр баг, 4 дүгээр хэсэг 006 тоотод оршин суух иргэн Балдан овогтой Баясгалан нь 2013 оны 07 дугаар сарын 24-ний өдөр Сум хөгжүүлэх сангаас “Мод модон эдлэл, үйлдвэрлэл” төсөл хэрэгжүүлэхээр 3.000.000 төгрөгийг жилийн 3 хувийн хүүтэй, 36 сарын хугацаатайгаар эргэн төлөх нөхцөлтэйгээр авсан. Иргэн Б.Баясгалангийн зээлийн хугацаа 2016 оны 07 дугаар сарын 24-ний өдөр дууссан бөгөөд одоо болтол зээлээ төлж дуусаагүй байна.

         Иймд иргэн Б.Баясгалангийн үндсэн зээл болон зээлийн хүү болох 1.474.462 төгрөг, алданги 36.861 төгрөг, нотариатын үнэ 4.500 төгрөг нийт 1.515.823 төгрөгийг   Б.Баясгалангаас гаргуулан манай сумын төрийн сангийн 100131455401 тоот дансанд төвлөрүүлж өгнө үү! ... гэжээ. 

 

   Хариуцагч Б.Баясгалан 2018 оны 03 дугаар сарын 16-ны өдөр шүүхэд гаргасан тайлбартаа:

      ...Миний бие Балдан овогтой Баясгалан нь Сүхбаатар сумын Засаг даргын тамгын газрын нэхэмжилсэн 1.515.823 төгрөгийг төлөхийг хүлээн зөвшөөрч байна. Улсын тэмдэгтийн хураамжийн 50 хувийг төлөхийг ойлгосон... гэжээ.                                                         

                                                

                                                  ҮНДЭСЛЭХ нь:

 

         Нэхэмжлэгч Сэлэнгэ аймаг, Сүхбаатар сумын Засаг даргын тамгын газар хариуцагч Б.Баясгаланд холбогдуулан “Зээл, зээлийн хүү, алданги, нотариатын зардлын үнэ 1.515.823 төгрөг гаргуулах”-ыг хүссэн нэхэмжлэлийг шүүхэд гаргажээ.

        Хэрэг хянан шийдвэрлэх ажиллагааны явцад хариуцагч Б.Баясгалан “Зээл, зээлийн хүү, алданги, нотариатын зардлын үнэ 1.515.823 төгрөг гаргуулах” нэхэмжлэлийн шаардлагыг бүрэн хэмжээгээр хүлээн зөвшөөрсөн нь түүний шүүхэд  гаргасан тайлбараар нотлогдож байх тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хялбаршуулсан журмаар шийдвэрлэх үндэслэл болж байна.

        Хариуцагчийн зөвшөөрөл нь хуульд харшлаагүй, нийцсэн, гуравдагч этгээдийн хуулиар хамгаалагдсан эрх ашиг, сонирхлыг хөндөөгүй байна.

       Улсын тэмдэгтийн хураамжийн тухай хуулийн 41 дүгээр зүйлийн 41.1.4 дэх хэсэгт зааснаар нэхэмжлэгч Сэлэнгэ аймаг, Сүхбаатар сумын Засаг даргын тамгын газрын шүүхэд гаргасан нэхэмжлэл улсын тэмдэгтийн хураамжаас чөлөөлөгдсөн байна.

       Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5 дахь хэсэгт зааснаар улсын тэмдэгтийн хураамжийн тал хувь болох 19.602 төгрөгийг хариуцагчаас гаргуулан Сүхбаатар сумын орон нутгийн орлогод оруулах нь зүйтэй байна.  

Иргэний хэрэг шүүхэд хянан шийдвэрлэх тухай хуулийн 75 дугаар зүйлд заасныг удирдлага болгон ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт зааснаар Сэлэнгэ аймаг, Сүхбаатар сумын Засаг даргын тамгын газрын нэхэмжлэлтэй хариуцагч Б.Баясгаланд холбогдуулан “Зээл, зээлийн хүү, алданги, нотариатын зардлын үнэ 1.515.823 төгрөг гаргуулах”-ыг хүссэн иргэний хэрэгт хариуцагч нэхэмжлэлийн шаардлагыг бүрэн хэмжээгээр хүлээн зөвшөөрснийг баталж, хэргийг хэрэгсэхгүй болгосугай.

2. Улсын тэмдэгтийн хураамжийн тухай хуулийн 41 дүгээр зүйлийн 41.1.4 дэх хэсэгт зааснаар нэхэмжлэгч Сэлэнгэ аймаг, Сүхбаатар сумын Засаг даргын тамгын газрын шүүхэд гаргасан нэхэмжлэл улсын тэмдэгтийн хураамжаас чөлөөлөгдсөн болохыг дурдаж, Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5 дахь хэсэгт улсын тэмдэгтийн хураамжийн тал хувь болох 19.602 төгрөгийг хариуцагчаас гаргуулж, Сүхбаатар сумын орон нутгийн орлогод оруулсугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэж болохыг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дугаар зүйлийн 74.4-т зааснаар зохигчид давж заалдах, хяналтын журмаар хянуулахаар гомдол гаргах, тухайн асуудлаар дахин анхан шатны шүүхэд гомдол гаргах эрхгүй дурдсугай.

 

 

                                ШҮҮГЧ                               Д.МӨНХЦЭЦЭГ