Дархан-Уул аймаг дахь Сум дундын иргэний хэргийн анхан шатны шүүхийн шүүх хуралдааныг шүүгч З.Тунгалагмаа даргалж, тус шүүхийн танхимд хийсэн хуралдаанаар,

 

Нэхэмжлэгч: Дархан-Уул аймаг, Дархан сум, ******* багт байрлах, ****** ************ ХК /РД:*******-ий нэхэмжлэлтэй,

 

Хариуцагч: Дархан-Уул аймаг, Дархан сум, ****** баг, ******* байр, ******тоотод оршин суух,  ******* овогт ******* ******* /регистрийн дугаар *******-д холбогдох

 

3,059,235.48 төгрөг гаргуулах тухай иргэний хэргийг хянан хэлэлцэв.

 

Шүүх хуралдаанд: Нэхэмжлэгчийн итгэмжлэгдсэн төлөөлөгч *******, нэхэмжлэгчийн өмгөөлөгч Н.Баттунсаг, хариуцагч Э.*******, шүүх хуралдааны нарийн бичгийн дарга Б.Энх-Амгалан нар оролцов.

ТОДОРХОЙЛОХ нь:

 

Нэхэмжлэгч ****** ************ ХК нь шүүхэд гаргасан нэхэмжлэлдээ болон нэхэмжлэгчийн итгэмжлэгдсэн төлөөлөгч шүүх хуралдаан дээр гаргасан тайлбартаа:

“...Э.******* нь 2009 оноос өмнө 385,295.40 төгрөгийн өртэй байсан. Түүнээс хойш төлбөр нь хуримтлагдсаар 2018 оны 02 дугаар сарын 28-ны өдрийн байдлаар 3,059,235.48 төгрөг болсон байна. Удаа дараа тухайн айл өрхийг хариуцсан  усны байцаагч хэрэглэсэн усны төлбөрөө төлөхийг шаардахад өгнө гэсэн тайлбарыг хэлсээр өдийг хүрсэн байна.

Ам бүл 1 задгайгаар тооцогддог. Ам бүлд 2011 оны 07 дугаар сард 2 болж өөрчлөлт орсон.

Иймд хариуцагчаас 3,059,235.48 төгрөгийн цэвэр ус хэрэглэсэн бохир ус татан зайлуусны мөнгийг гаргуулж өгнө үү” гэжээ. 

 

Хариуцагч Э.******* нь шүүхэд гаргасан тайлбартаа шүүх хуралдаанд гаргасан тайлбартаа:

 “...Хэрэглэсэн нь үнэн. Уг мөнгийг төлөх боломжгүй яваад байсан. Би оюутны зээлтэй бөгөөд энэ оны 11 дүгээр сард төлөөд дуусч байгаа. Оюутны зээлээ дуусахаар  ****** ************ийн нэхэмжилсэн мөнгийг бага багаар төлөөд дуусгана.”гэжээ.

 

         Шүүх хуралдаанаар зохигчдын тайлбар, хэрэгт авагдсан нотлох баримтуудаас талуудын хүсэлтээр  шинжлэн судлаад

ҮНДЭСЛЭХ нь:

 

Нэхэмжлэгч ****** ************ ХК нь хариуцагч Э.*******өд холбогдуулан 3,059,235.48 төгрөг гаргуулах тухай нэхэмжлэлийн шаардлагыг гаргажээ.

     Дархан-Уул аймгийн Дархан сумын 5 дугаар баг 61 дүгээр брак-8 тоотод оршин суугч Э.******* нь цэвэр ус хэрэглэсэн, бохир ус татан зайлуулсны төлбөрт 2009 оноос өмнө  385,295.40 төгрөгийн өртэй байсан бөгөөд түүнээс хойш төлбөр нь хуримтлагдсаар 2018 оны 02 дугаар сарын 28-ны өдрийн байдлаар 3,059,235.48 төгрөг болсон болох нь хэрэгт авагдсан ****** ************ ХК-ий харилцагчийн авлагын дэлгэрэнгүй гүйлгээний баримт болон талуудын тайлбараар тогтоогдож байна.

Иргэний хуулийн 75 дугаар зүйлийн 75.2.1-т “гэрээний үүрэгтэй холбоотой шаардлага гаргах хөөн хэлэлцэх хугацаа гурван жил байна” гэж заасны дагуу хариуцагч Э.*******өөс 2015 оны 02 дугаар сараас 2018 оны 02 дугаар сарын 28-ны өдөр  хүртэлх хугацааны цэвэр ус хэрэглэсэн, бохир ус татан зайлуулсны төлбөр 1,363,610.48 төгрөгийг гаргуулах үндэслэлтэй байна.

Иймд хариуцагч Э.*******өөс 1,363,610.48 төгрөгийг гаргуулж, нэхэмжлэгч ******* ******* ХК-нд олгож, нэхэмжлэлийн үлдэх 1,695,625 төгрөгийн шаардлагыг хэрэгсэхгүй болгох нь зүйтэй байна.        

 

            Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.2, 116, 11******* зүйлд заасныг удирдлага болгон

ТОГТООХ нь:

 

1. Иргэний хуулийн 243 дугаар зүйлийн 243.1-т заасныг баримтлан хариуцагч Э.*******өөс 1,363,610.48 төгрөгийг гаргуулан нэхэмжлэгч ******* ******* ХК-нд олгож, нэхэмжлэлийн үлдэх 1,695,625 төгрөгийн шаардлагыг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгчээс улсын тэмдэгтийн хураамжид төлсөн 63,898 төгрөгийг төрийн сангийн орлогод хэвээр үлдээж, хариуцагч Э.*******өөс улсын тэмдэгтийн хураамж 36,768 төгрөгийг  гаргуулж, нэхэмжлэгч ******* ******* ХК-нд олгосугай.

3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 120 дугаар зүйлийн 120.2-д зааснаар шийдвэр танилцуулан сонсгомогц хүчинтэй болох бөгөөд зохигч, тэдгээрийн төлөөлөгч, өмгөөлөгч шийдвэрийг эс зөвшөөрвөл шийдвэрийг гардан авсан өдрөөс хойш давж заалдах журмаар 14 хоногийн дотор Дархан-Уул аймгийн Иргэний хэргийн давж заалдах шатны шүүхэд гомдол гаргах эрхтэй, мөн хуулийн 119 дүгээр зүйлийн 119.4, 119.7-д зааснаар шийдвэрийг гардаж авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүйг тайлбарласугай.

 

 

 

 

 

                             ДАРГАЛАГЧ ШҮҮГЧ                                    З.ТУНГАЛАГМАА