Баян-Өлгий аймаг дахь Сум дундын эрүүгийн хэргийн анхан шатны шүүхийн шүүх хуралдааныг шүүгч Х.Талгат даргалж,

Нарийн бичгийн дарга К.Еркежан,

Орчуулагч, хэлмэрч Ж.Ахмарал,

Улсын яллагч Б.Ботакөз,

Шүүгдэгчийн өмгөөлөгч С.Тилеуберди,

Шүүгдэгч М.Ж нарыг оролцуулан тус шүүхийн шүүх хуралдааны танхимд нээлттэй явуулж, Баян-Өлгий аймгийн Прокурорын газрын хяналтын прокурор Б.Ботакөзөөс Эрүүгийн хуулийн Тусгай ангийн 11.6 дугаар зүйлийн 2 дахь хэсэгт заасан гэмт хэрэгт  яллах дүгнэлт үйлдэж ирүүлсэн 1913002090136 дугаартай эрүүгийн хэргийг хялбаршуулсан журмаар хянан хэлэлцэв.

Шүүгдэгчийн биеийн байцаалт:

Монгол Улсын иргэн, Т овогт Мн Ж, 1989 оны 12 дугаар сарын 14-ний өдөр Баян-Өлгий аймгийн Ногооннуур суманд төрсөн, 29 настай, эрэгтэй, бүрэн бус дунд боловсролтой, мэргэжилгүй, хувиараа хөдөлмөр эрхэлдэг, ам бүл 3, эхнэр хүүхдийн хамт амьдардаг, Баян-Өлгий аймгийн Ногооннуур сумын 3 дугаар багт оршин суудаг, урьд ял шийтгүүлж байгаагүй, регистрийн дугаар 0.

Шүүгдэгчийн холбогдсон хэргийн талаар:

Шүүгдэгч М.Ж нь 2019 оны 5 дугаар сарын 24-ний шөнө 23 цагийн үед БаянӨлгий аймгийн Ногооннуур сумын 3 дугаар багийн нутаг дэвсгэр, “Ховд гол” хэмээх газарт архи, согтууруулах ундааны зүйл хэрэглэсэн үедээ “хөрш айлын залуу яагаад чам руу исгэрдэг юм” гэж шалтаглан, бусадтай харилцах эрхэд нь халдах замаар гэр бүлийн хүчирхийлэл үйлдэн эхнэр Д.Нурсаулег зодож, түүний эрүүл мэндэд хөнгөн хохирол учруулсан гэмт хэрэгт холбогджээ.

ТОДОРХОЙЛОХ нь:

Шүүхийн хэлэлцүүлэгт дараах нотлох баримтуудыг шинжлэн судлав. Үүнд:

Нэг. Шүүхийн хэлэлцүүлэгт шүүгдэгчээс гаргасан мэдүүлэг.

1. Шүүгдэгч М.Ж мэдүүлэхдээ: Гэмт хэрэг үйлдсэн буруугаа хүлээн зөвшөөрч байна гэв.

Хоёр: Эрүүгийн 1913002090136 дугаартай хэргээс дараах нотлох баримтуудыг шинжлэн судлав. Үүнд:

1. Хохирогч Д.Нурсаулегийн мөрдөн шалгах ажиллагаанд өгсөн:  ...Миний бие 2011 оны 5 дугаар сарын 21-ний өдөр Баян-Өлгий аймгийн Ногооннуур сумын иргэн М.Жтэй гэр бүл болсон. Гэр бүл болсноос хойш 2012, 2013, 2015 онуудад амаржиж 3 хүүхдийн эцэг эх болчихсон юм. Миний нөхөр болох М.Ж нь эхний 6-7 жил гар хүрч байгаагүй сайхан амьдарч байсан бөгөөд 2017 оны 11 дүгээр сараас эхлээд хоорондоо маргалдаж улмаар би төрхөмдөө буцаж 1 сар орчим байсан бөгөөд 5-6 удаа ирээд надаас уучлалт гуйж улмаар дахин гэртээ буцаж ирсэн юмаа. Тэрнээс хойш эвтэй амьдарч байсан ба өчигдөр буюу 2019 оны 5 дугаар сарын 23-ны өдөр өглөө Ховд багт байдаг Асылбек гэх залуугийн машинаар гэрт ирээд буусан. Нөхөр болох М.Ж гэрт ирэх үед манай гэрт хадам ах М.Б, хадам дүү М.Х, хөрш айлын Ч гэх согтуу залуу сууж байсан ба бид дөрөв цай уугаад сууж байсан. Тэрээр хөрш айлын Ч надад тоглоод ямаа хувааж явж байхад тань руу исгэрэх үед та яагаад над руу хараагүй юм вэ? гэж хэлсэн ба тэр үед миний нөхөр Ж уурлаад эхэлсэн.

     Би Чоно гэх залууд чи над руу исгэрдэг хэн юм вэ? би чиний үеийн хүүхэд юм уу? гэж уурласан. Улмаар цай уугаад дуусаад хөрш айлын Ч, хадам ах М.Б, хадам дүү М.Х нар гараад явсан. Тэрээр би ширээний хажууд сандалд сууж байсан чинь Ж ирээд Ч чам руу ямар учраас исгэрдэг юм вэ? гэж миний баруун талын хацар руу зүүн талын гараараа нэг удаа алгадсан. Би юм хэлээгүй. Тэгээд оройн 23 цагийн орчимд унтах гэж байхад Ч ямар учраас исгэрдэг юм вэ? гэж хэлээд дахин миний нуруу орчимд гараараа нэг удаа цохисон ба тэр үед би ухаан алдаад унасан ба өмдөндөө шээчихсэн байна. Ухаан ороод харсан чинь миний гарыг хадам ах М.Б эхнэр нь Нургүл, хадам дүү Хийн эхнэр нь Айкүмис нар ирээд миний гар хөлийг барьж байсан гэх мэдүүлэг /хавтаст хэргийн 9-10 дугаар хуудас/,

2. Гэрч М.Жалыны /хоч нэр нь Ч/ мөрдөн шалгах ажиллагаанд өгсөн: ...Миний биеНогооннуур сумын 3 дугаар багт ээжийн хамт амьдардаг. Би 2019 оны 5 дугаар сарын 24-ны өдөр өглөө 07 цагт гэрээс гарч хонь хариулж өдрийн 13 цагийн үед гэрт ирсэн юм. Тэгээд өдрийн 17 цагийн үед манай багийн иргэн Х гэх залуугийн хамт “Брат" нэртэй 2,5 литрийн нэг шил шар айргийг бид хоёр хувааж уусан юм. Тэгээд Х бид хоёр Жийн гэрийн гадаа зогсож байхад Ногооннуур сумын таксигаар аймгаас Ж ирсэн. Тэгээд Х, Б, бид гурав Жийн гэрт орж цай ууж сууж байхад Ж “Хүрхрээ” нэртэй 2,5 литрийн нэг шил шар айраг хийсэн уг шар айргийг Х. Б, Ж, бид дөрөв хувааж уусан юм. Дараа нь Нурсауле өдөр та надад яах гэж исгэрсэн юм вэ? чи надаар тоглох хэн вэ? чи гэж надад загнасан, тэгээд би таныг бэр эгч гэж тоглосон юм, та буруугаар ойлгосон бол уучлаарай гэж хэлээд Жийн гэрээс орой 21 цагийн үед гараад гэрлүүгээ явчихсан юм. Дараа нь юу болсныг мэдэхгүй байна.  ...Манай хонь, ямаа Нурсаулегийн малд нийлсэн тэгээд танай малын дотор манай хонь, ямаа байна уу? гэж асуух гээд Нурсаулег исгэрч дуудсан нь үнэн. ...Би Б, Ж, Х, нарын хамт 2 шил шар айраг уусан байсан нь үнэн, би эрүүл ухаантай байсан, Ж халамцуу байсан гэх мэдүүлэг /хавтаст хэргийн 22-23 дугаар хуудас/,
3. Гэрч Ш.Дауитийн мөрдөн шалгах ажиллагаанд өгсөн: ...Шөнийн 03 цагийн үед манай хүргэн болох Ж манай гэрт ирж танай охин Нурсауле ухаан алдаж унаж гэртээ байна очиж аваарай гэж хэлсэн байна, тухайн үед гэрт миний эхнэр Т, хүү А, мөн Аийн эхнэр байсан, би өөрөө гэртээ байгаагүй ба, би Б гэхийн гэрт хонож байсан.

Тэгээд өглөө 08:00 цагийн үед миний бага хүү А миний хоньж байсан гэрт ирж хүргэн ах Ж ирж Нурсауле ухаан алдаж унасан байна аваарай гэж хэлсэн гэсэн. Тэгээд би гэрт ирж эхнэр мөн 2 охиноо дагуулж Ховд багт байдаг хүргэн Жийн гэрт 12 цагийн үед очсон. Тэгээд гэрт орж охиноо харсан чинь нэг нүд нь хөхөрсөн байдалтай байсан. Тэрээр би охиноос асуусан чинь Ж архи ууж ирж надад гар хүрсэн гэж хэлсэн, тэгээд охин Нурсаулегийн хувцас хунарыг авч гэртээ дагуулж ирсэн” гэх мэдүүлэг /хавтаст хэргийн 24-25 дугаар хуудас/,

4. Гэрч М.Тгийн мөрдөн шалгах ажиллагаанд өгсөн: ...Би 2019 оны 5 дугаар сарын24-ний өдөр гэрт байсан юм. Тэгээд шөнийн 03:00 цагийн үедээ манай хүргэн М.Ж мотоциклоор манай гэрт ирсэн. Би гэрт хүүхдийн хамт байсан миний нөхөр Дауит манай хүүхдийн гэрт хонож байсан ба би хүргэн хүү Жээс шөнө ямар ажлаар явж байна гэхээр таны охин өвдөж байна бид нарт хүч өгөхгүй байна та нар охиноо аваарай гэж хэлээд манай гэрээс шөнийн 03:30 цагт гараад явчихсан. Тэгээд би нөхөр Дауитыг дуудаж миний нөхөр ирсний дараа бид хоёр өөрийн уаз-469 маркийн машинаар Ногооннуур сумын “Ховдгол” гэх газарт очиж хүргэн Жийн гэрээс охин Нурсаулег 2019 оны 05 дугаар сарын 25-ны өдөр аймагт авчирсан юм. Миний охин Нурсаулегийн баруун талын нүд хөхөрсөн байсан, өөр гэмтэл шарх байгаагүй намайг нөхөр Ж зодсон гэж хэлж байсан гэх мэдүүлэг /хавтаст хэргийн 26-27 дугаар хуудас/,
5. Гэрч М.Бийн мөрдөн шалгах ажиллагаанд өгсөн:  ...2019 оны 5 дугаар сарын 24ны өдөр өглөө хонь хариулж оройн 17 цагийн үед гэрт ирсэн юм. Би гэрт ирж цай ууж сууж байхад Ногооннуур сумын таксигаар миний дүү М.Ж аймгаас ирсэн. Тэгээд би гадаа гараад зогсож байхад манай аавын гэрээс Ч гэх залуу гарч ирсэн. Тэгээд Ч бид хоёр Жийн хамт Жийн гэрт орж цай ууж сууж байхад Жийн гэрт миний дүү Х ирсэн, бүгдээрээ Жийн гэрт хоол идэж цай ууж байсан, ба миний дүү Х бид нараас түрүүлээд гараад явчихсан. Тэгээд Ж Ч бид хоёрд аймгаас авч ирсэн гэж “Хүрхрээ” нэртэй 2,5 литрийн шар айраг хийсэн уг шар айргийг бид гурав хувааж уусан. Тэрээр оройн 23 цагт тарцгаасан. Тэгээд гэрт ирж унтаж байхад шөнийн 23:50 цагийн үед миний дүү Ж манай гэрийн 94171674 дугаартай утас руу залгаж бэр эгчийг дагуулж манайд ирээрэй миний эхнэр Нурсауле амиа хорлож үхнэ гэж байна гэж хэлээд утсаа тасалсан. Тэгээд эхнэр Нургүл бид хоёр Жийн гэрт очиход Жийн эхнэр Нурсауле гэрийн дотор газар хэвтэж байсан. Дараа нь Ж хадам аав, ээжийг дуудна гэж шөнийн 01 цагийн үедээ гараад өөрийн “Мустанг-5” маркийн мотоциклоор Бугат сумын “Хатуу” гэх газарт байсан хадам аавын гэр руу явчихсан гэх мэдүүлэг /хавтаст хэргийн 28-29 дүгээр хуудас/,
6. Гэрч Ж.Нургүлийн мөрдөн шалгах ажиллагаанд: ...2019 оны 5 дугаар сарын 24-ны өдөроройн 21 цагийн үед миний нөхөр Б гэрт ирсэн. Тэгээд нөхөр хүүхдийн хамт хоол цай идэж дууссаны дараа унтаж амарж байхад шөнийн 23:50 цагийн үед миний хадам дүү Ж манай гэрийн 94171674 утас руу залгаж миний эхнэр Нурсауле амиа хорлож үхнэ гэж байна хурдан ирээрэй гэж хэлээд утсаа тасалсан. Тэгээд Б бид хоёр Жийн гэрт очиход Нурсауле газар хэвтэж байсан, Нурсаулег миний нөхөр Б бид хоёр хэвтэж байгаа газраас босгож байхад Ж нүцгэн хөлөөрөө Нурсаулегийн баруун талын нүд хэсгээс нэг удаа өшиглөсөн. Тэгээд би Жийг салгаж авсан юм. Дараа нь Нурсаулег оронд хэвтүүлсэн гэх мэдүүлэг /хавтаст хэргийн 31-32 дугаар хуудас/,
7. Баян-Өлгий аймгийн Шүүхийн шинжилгээний албаны шинжээч эмч, цагдаагийн ахмадК.Хайратын 2019 оны 5 дугаар сарын 26-ны өдрийн 233 дугаартай “...Иргэн Д.Нурсаулегийн биед тархины доргилттой, баруун нүдний салстад хөх ягаан туяатай цус хуралттай, хавдартай, баруун хацар хавдартай, цус хуралттай, хамрын нуруунд хавдартай зэрэг гэмтэл тогтоогдлоо. Дээрх гэмтэл нь хатуу мохоо бүхий зүйлийн үйлчлэлээр үүссэн болно. Дээрх гэмтэл бүгд шинэ гэмтэл болно. Ерөнхий хөдөлмөрлөхөд нөлөөлөхгүй.    Иргэн Д.Нурсаулегийн дээрх гэмтэл нь эрүүл мэндийг түр сарниулах гэмтлийн зэрэг тогтоох журмын 2.4 заалтыг агуулах гэмтлийн хөнгөн зэрэгт хамаарах гэмтэл болно” гэх дүгнэлт /хавтаст хэргийн 34 дүгээр хуудас/,
8. Шүүгдэгч М.Жийн мөрдөн шалгах ажиллагаанд өгсөн: ...Ч явсны дараа биэхнэр Нурсаулед уурлаад Ч та хоёр хоорондоо ямар холбоотой юм бэ? гэж хэлээд эхнэр Нурсаулегийн баруун талын хацар хэсгээс зүүн гараар нэг удаа алгадсан. Тэгээд миний эхнэр Нурсауле чи намайг зоддог хэн юм бэ? гэж бид хоёр тэрнээс болж хоорондоо маргасан. Тэгээд миний уур хүрээд эхнэр Нурсаулегийн нуруу хэсгээс баруун гараараа нэг удаа цохиод авсан. Тэр үед эхнэр Нурсауле амиа хорлож үхнэ гэж гэрт байсан цагаан өнгийн утсыг аваад гэрээс гүйж гарах гэж байхад барьж авсан. Дараа нь эхнэр Нурсауле амиа хорлож үхнэ гэж хэлээд ахиад гэрээс гарах гэж байхад Нурсаулег барьж аваад нүцгэн хөлөөрөө Нурсаулегийн баруун талын нүд хэсгээс баруун хөлөөрөө нэг удаа өшиглөж авсан үед миний эгч Нургүл орж ирсэн, дараа нь миний ах Б ирсэн. Хийсэн хэргээ хүлээн зөвшөөрч байна. Хуулийн дагуу хөнгөлөлт үзүүлж өгнө үү гэх мэдүүлэг /хавтаст хэргийн 36-37 дугаар хуудас/,
9. Авулын зэргийн үнэлгээ /хавтаст хэргийн 13 дугаар хуудас/,
10. Шүүгдэгч М.Жийн иргэний үнэмлэхийн лавлагаа /хавтаст хэргийн 41 дүгээрхуудас/, эрүүгийн хариуцлага хүлээж байсан эсэхийг шалгах хуудас /хавтаст хэргийн 43 дугаар хуудас/ болон хавтаст хэрэгт цугларсан бусад бичгийн нотлох баримтуудыг шинжлэн судалсан болно.

1.Гэм буруугийн талаар:

Шүүгдэгч М.Ж нь 2019 оны 5 дугаар сарын 24-ний шөнө 23 цагийн үед БаянӨлгий аймгийн Ногооннуур сумын 3 дугаар багийн нутаг дэвсгэр, “Ховд гол” хэмээх газарт архи, согтууруулах ундааны зүйл хэрэглэсэн үед гэртээ эхнэр Д.Нурсаулед “хөрш айлын залуу яагаад чам руу исгэрдэг юм” хэмээн гэр бүлийн хүчирхийлэл үйлдэж, эхнэр Д.Нурсаулег зодож  эрүүл мэндэд хөнгөн хохирол учруулсан гэмт хэрэг үйлдсэн болох нь хавтаст хэргээс шүүхийн хэлэлцүүлэгт шинжлэн судалсан нотлох баримтууд болох хохирогч Д.Нурсаулегийн мөрдөн шалгах ажиллагаанд өгсөн мэдүүлэг /хавтаст хэргийн 9-10 дугаар хуудас/, гэрч М.Жалыны /хоч нэр нь Ч/ мөрдөн шалгах ажиллагаанд өгсөн мэдүүлэг /хавтаст хэргийн 22-23 дугаар хуудас/, гэрч Ш.Дауитийн мөрдөн шалгах ажиллагаанд өгсөн мэдүүлэг /хавтаст хэргийн 24-25 дугаар хуудас/, гэрч М.Тгийн мөрдөн шалгах ажиллагаанд өгсөн мэдүүлэг /хавтаст хэргийн 2627 дугаар хуудас/, гэрч М.Бийн мөрдөн шалгах ажиллагаанд өгсөн мэдүүлэг /хавтаст хэргийн 28-29 дүгээр хуудас/, гэрч Ж.Нургүлийн мөрдөн шалгах ажиллагаанд өгсөн мэдүүлэг /хавтаст хэргийн 31-32 дугаар хуудас/, Баян-Өлгий аймгийн Шүүхийн шинжилгээний албаны шинжээч эмч, цагдаагийн ахмад К.Хайратын 2019 оны 5 дугаар сарын 26-ны өдрийн 233 дугаартай дүгнэлт /хавтаст хэргийн 34 дүгээр хуудас/, шүүгдэгч М.Жийн мөрдөн шалгах ажиллагаа болон шүүхийн хэлэлцүүлэгт өгсөн мэдүүлэг /хавтаст хэргийн 36-37 дугаар хуудас болон шүүх хуралдааны тэмдэглэл/ зэрэг бичгийн нотлох баримтуудаар нотлогдон тогтоогдож байна.

Шүүхийн хэлэлцүүлэгт шинжилсэн дээрх нотлох баримтууд нь хэрэгт хамааралтай, Эрүүгийн хэрэг хянан шийдвэрлэх тухай хуульд заасан үндэслэл, журмын дагуу цуглуулж бэхжүүлсэн, нотлох баримтуудыг үгүйсгэх нотлох баримт хэрэгт авагдаагүй бөгөөд шүүгдэгч нь өөрийнхөө гэм бурууг хүлээн зөвшөөрч байгаагаар давхар нотлогдож байх тул хэргийг хянан шийдвэрлэхэд хангалттай гэж шүүх үнэллээ.

Шүүгдэгч М.Жийн гэр бүлийн хүчирхийлэл үйлдэж, эхнэр Д.Нурсаулег зодож эрүүл мэндэд нь хөнгөн хохирол учруулсан гэм буруутай үйлдэл нь Эрүүгийн хуулийн Тусгай ангийн 11.6 дугаар 2 дахь хэсэгт заасан гэмт хэргийн үндсэн шинжийг хангаж байх тул түүнийг гэм буруутайд тооцож, эрүүгийн хариуцлага хүлээлгэх үндэслэлтэй гэж дүгнэлээ.

2. Гэмт хэргийн улмаас учруулсан хохирол, хор уршгийн тухай.

Гэмт хэргийн улмаас хохирогч Д.Нурсалегийн биед хөнгөн хохирол учирсан байх ба мөрдөн шалгах ажиллагааны явцад шүүгдэгч М.Жээс нэхэмжлэх зүйлгүй хэмээн мэдүүлсэн байх тул шүүгдэгч М.Жийг бусдад төлөх төлбөргүй гэж үзлээ. Мөн түүнээс гаргуулах хэрэг хянан шийдвэрлэх ажиллагааны зардалгүй байна.

3. Эрүүгийн хариуцлагын талаар.

Шүүгдэгч М.Жт холбогдох эрүүгийн хэрэгт мөрдөн шалгах ажиллагаа явуулан хэргийг прокурорт шилжүүлсний дараа шүүгдэгч нь хохирогчтой сайн дураараа эвлэрч, энэ тухай баталгааг прокурорт хэргийг хялбаршуулсан журмаар шийдвэрлэх тухай хүсэлтийн хамт гаргаж өгсөн байна.

Баян-Өлгий аймгийн Прокурорын газрын хяналтын прокурорын 2019 оны 6 дугаар сарын 27-ны өдрийн 5/56 дугаартай саналд яллагдагч М.Жт Эрүүгийн хуулийн Тусгай ангийн 11.6 дугаар зүйлийн 2 дахь хэсэгт зааснаар 450 нэгжтэй тэнцэх хэмжээний буюу 450.000 төгрөгөөр торгох ял оногдуулах санал гаргасныг яллагдагч М.Ж хүлээн зөвшөөрч гарын үсгээ зуржээ /хавтаст хэргийн 67 дугаар хуудас/.

Мөн шүүх хуралдаанаар Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 4 дэх хэсэгт заасан нөхцөл байдлыг хянахад бүрэн хангагдсан тул М.Жт холбогдох эрүүгийн хэргийг хялбаршуулсан журмаар хянан шийдвэрлэх нь зүйтэй гэж шүүх дүгнэлээ.

 Шүүх хуралдаанаар шинжлэн судлагдаж, шүүхийн шийдвэрийн үндэслэл болгосон нотлох баримтуудыг үндэслэн шүүгдэгч М.Жт эрүүгийн хариуцлага хүлээлгэхдээ үйлдсэн гэмт хэрэгт нь цээрлүүлэх, ахин гэмт хэрэг үйлдэхээс урьдчилан сэргийлэх зорилгоор түүний хувийн байдал, гэмт хэрэг үйлдсэн нөхцөл байдал, учруулсан хохирол, хор уршгийг барагдуулсан байдал, эрүүгийн хариуцлага хүндрүүлэх нөхцөл байдалгүй, анх удаа гэмт хэрэг үйлдсэн хөнгөрүүлэх нөхцөл байдалтай зэргийг тус тус харгалзан, Эрүүгийн хуульд заасан шударга ёсны зарчмыг баримтлан түүний үйлдсэн гэмт хэрэг, гэмт хэргийн нийгмийн аюулын шинж чанар, хэр хэмжээ, гэм буруугийн хэлбэрт нь тохирсон, хуульд заасан торгох ялыг сонгон, 450 нэгжтэй тэнцэх хэмжээний буюу 450.000 төгрөгөөр торгож, 5 сарын дотор боломжит хэмжээгээр хэсэгчлэн төлүүлэхээр эрүүгийн хариуцлага хүлээлгэхээр шийдвэрлэв.

Шүүгдэгч М.Ж эрүүгийн хариуцлага хүлээлгэхдээ Эрүүгийн хуулийн Ерөнхий ангийн 6.5 дугаар зүйлийн 1 дэх хэсгийн 1.1 дэх заалтад заасан тохиолдлын шинжтэй  анх удаа гэмт хэрэг үйлдсэн,  1.2 дахь заалтад заасан учруулсан хохирлыг төлсөн зэргийг эрүүгийн хариуцлага хөнгөрүүлэх нөхцөл байдлыг, эрүүгийн хариуцлага хүндрүүлэх нөхцөл байдалгүй зэргийг тус тус харгалзан үзлээ.

Шүүгдэгч М.Ж нь урьд ял шийтгэгдсэн эсэхийг шалгасан хуудсаар ял шийтгүүлж байгаагүй байна.

Шүүхээс тогтоосон хугацаанд шүүгдэгч нь торгох ялыг биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солихыг анхааруулах нь зүйтэй.

4. Бусад асуудлын талаар.

Хэргийн хамт шийдвэрлэвэл зохих битүүмжлэгдсэн эд хөрөнгөгүй, хураагдаж ирүүлсэн эд мөрийн баримтгүй, гаргавал зохих хэрэг хянан шийдвэрлэх ажиллагааны зардалгүй, шүүгдэгч М.Ж цагдан хоригдсон хоноггүй, түүний иргэний бичиг баримт шүүхэд шилжиж ирээгүй болохыг тус тус тогтоолд дурдав.

Эрүүгийн хэрэг хянан шийдвэрлэх тухай хуулийн 17.4 дүгээр зүйл, 36.1 дүгээр зүйл, 36.2 дугаар зүйлийн 1, 2, 4 дэх хэсэг, 36.6, 36.7 дугаар зүйл, 36.8 дугаар зүйлийн 1, 4 дэх хэсэг, 36.10 дугаар зүйлийн 4 дэх хэсэг, 36.13 дугаар зүйлийн 1, 2, 4 дэх хэсэг, 37.1 дүгээр зүйлийн 1, 2 дахь хэсэгт тус тус заасныг удирдлага болгон

ТОГТООХ нь:

1. 1. Шүүгдэгч Т овогт Мн Жийг гэр бүлийн хүчирхийлэл үйлдэж эхнэрД.Нурсауле зодож, эрүүл мэндэд хөнгөн хохирол учруулах гэмт хэрэг үйлдсэн гэм буруутайд тооцсугай.
   2. Эрүүгийн хуулийн Тусгай ангийн 11.6 дугаар зүйлийн 2 дахь хэсэгт зааснаар шүүгдэгч

М.Жийг 450 нэгжтэй тэнцэх хэмжээний буюу 450.000 төгрөгөөр торгох ял шийтгэсүгэй.

4. 3. Эрүүгийн хуулийн Ерөнхий ангийн 5.3 дугаар зүйлийн 4 дэх хэсэгт зааснаар шүүгдэгчМ.Жт оногдуулсан торгох ялыг шүүхийн шийтгэх тогтоол хүчин төгөлдөр болсон өдрөөс хойш 3 сар буюу 90 хоногийн дотор боломжит хэмжээгээр хэсэгчлэн төлүүлэхээр тогтоосугай.
   4. Эрүүгийн хуулийн Ерөнхий ангийн 5.3 дугаар зүйлийн 5 дахь хэсэгт зааснаар шүүгдэгчМ.Ж нь торгох ялыг шүүхээс тогтоосон хугацаанд биелүүлээгүй тохиолдолд биелэгдээгүй ялын 15 (арван тав) нэгжтэй тэнцэх хэмжээний төгрөгийг нэг хоногоор тооцож, хорих ялаар солихыг мэдэгдсүгэй.
5. Энэ хэрэгт шүүгдэгч М.Ж нь цагдан хоригдсон хоноггүй, энэ шийтгэх тогтоолоорбусдад төлөх төлбөргүй, битүүмжилсэн хөрөнгөгүй, хэрэг хянан шийдвэрлэх ажиллагааны зардалгүй, эд мөрийн баримтаар хураагдсан зүйлгүй, иргэний бичиг баримт нь шүүхэд шилжиж ирээгүй болохыг тус тус дурдсугай.
6. Шийтгэх тогтоол уншиж сонсгосноор хүчинтэй болох ба, шүүгдэгч М.Ж урьд авсанхувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.
7. Эрүүгийн хэрэг хянан шийдвэрлэх тухай хуулийн 38.1 дүгээр зүйлийн 1, 38.2 дугаарзүйлийн 2 дахь хэсэгт зааснаар шүүгдэгч, өмгөөлөгч, хохирогч, иргэний нэхэмжлэгч, улсын яллагч, түүний дээд шатны прокурор шийтгэх тогтоолыг гардан авсан буюу хүргүүлснээс хойш 14 хоногийн дотор Баян-Өлгий аймгийн Эрүү, Иргэний хэргийн давж заалдах шатны шүүхэд давж заалдах гомдол, эсэргүүцэл гаргах эрхтэйг мэдэгдсүгэй.
8. Шийтгэх тогтоолд давж заалдах гомдол, эсэргүүцэл гаргасан тохиолдолд тогтоолынбиелэлтийг түдгэлзүүлж, шийтгэх тогтоол хуулийн хүчин төгөлдөр болох хүртэлх хугацаанд М.Жт авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

                      ДАРГАЛАГЧ ШҮҮГЧ  Х.ТАЛГАТ