Дархан-Уул аймаг дахь Сум дундын Иргэний хэргийн анхан шатны шүүхийн шүүх хуралдааныг шүүгч З.Тунгалагмаа даргалж, тус шүүхийн танхимд хийсэн шүүх хуралдаанаар,

Нэхэмжлэгч: Дархан-Уул аймаг, Дархан сум, 8 дугаар баг, 17 дугаар хороолол, 13 дугаар байрны 31 тоотод оршин суух, Боржигин овогт Хүрэлбаатарын Нарангэрэл /регистрийн дугаар МЮ83062864, утас 99378532/-ийн нэхэмжлэлтэй,

Хариуцагч: Дархан-Уул аймаг, Дархан сум, 8 дугаар баг, 17 дугаар байрны 13 дугаар байрны 31 тоотод оршин суух, Хэрэйд овогт Бадарчийн Амартулга /регистрийн дугаар МФ78012410, утас 99379836/-д холбогдох

 

“Гэрлэлт цуцлах, хүүхдийн асрамж, тэтгэлэг тогтоолгох тухай” иргэний хэргийг хянан хэлэлцэв.

 

Шүүх хуралдаанд: нэхэмжлэгч Х.Нарангэрэл, хариуцагч Б.Амартулга, шүүх хуралдааны нарийн бичгийн дарга Б.Тэмүүжин нар оролцов.

ТОДОРХОЙЛОХ нь:

Нэхэмжлэгч Х.Нарангэрэл нь шүүхэд гаргасан нэхэмжлэл болон шүүх хуралдаанд гаргасан тайлбартаа:

“...миний бие Х.Нарангэрэл нь нөхөр Б.Амартулгатай 2010 оны 11 сард гэр бүл болж гэрлэлтээ батлуулсан. Бидний дундаас том охин А.Ану 2013 оны 04 дүгээр сарын 20-ны өдөр төрсөн. Бага охин А.Мишээл 2015 оны 01 дүгээр сарын 02-ны өдөр төрсөн. Б.Амартулга нь амьдралын идэвхигүй  ажил төрөл хийдэггүй, гэр бүлдээ  халамжгүй, архи байнга уудаг, үр хүүхдийнхээ дэргэд хэл амаар доромжилдог, хэрүүл маргаан хийж зодож нүддэг ааш зан нь тогтворгүй сүүлийн үед гэр орондоо ирэхээ больсон. Иймд би энэ хүнтэй цаашид амьдрахгүй.  Хоёр охиноо өөрийн асрамжид үлдээж эцгээс нь тэтгэлэг гаргуулна. Бидний хооронд эд хөрөнгийн маргаан байхгүй. Нэхэмжлэлийг хангаж өгнө үү.” гэв.

 

Хариуцагч Б.Амартулга шүүх хуралдаанд гаргасан тайлбартаа:

“...зөвшөөрч байна.” гэв.

 

Шүүх хуралдаанаар хэрэгт авагдсан бичгийн нотлох баримтуудыг шинжлэн судлаад,                                                                                                    

ҮНДЭСЛЭХ нь:

Нэхэмжлэгч Х.Нарангэрэл нь хариуцагч Б.Амартулгад холбогдуулан гэрлэлт цуцлах, хүүхдийн асрамж, тэтгэлэг гаргуулах тухай нэхэмжлэлийн шаардлагыг шүүхэд гаргажээ.

Нэхэмжлэгч Х.Нарангэрэл, хариуцагч Б.Амартулга нар нь 2010 оны 10 дугаар сарын 10-ны өдөр гэр бүл болсныг 2013 оны 02 дугаар сарын 25-ны өдөр Дархан-Уул аймгийн иргэний гэр бүлийн байдлын гэрлэсний бүртгэлд бүртгүүлсэн бөгөөд 2013 оны 04 дүгээр сарын 20-ны өдөр охин А.Ануг, 2015 оны 01 дүгээр сарын 02-ны өдөр охин А.Мишээлийг тус тус төрүүлсэн болох нь гэрлэлтийн гэрчилгээний хуулбар, хүүхдүүдийн төрсний гэрчилгээний хуулбар, зохигчдын тайлбар болон хэрэгт авагдсан бичгийн нотлох баримт зэргээр нотлогдож байна.

            Гэрлэгчид нь 2017 оноос хойш тусдаа амьдарсан, эд хөрөнгийн маргаангүй, хэн аль нь гэрлэлтээ цуцлахыг хүлээн зөвшөөрсөн, эвлэрүүлэн зуучлах ажиллагаа дуусгавар болсон  зэрэг нөхцөл байдлыг харгалзан Гэр бүлийн тухай хуулийн 14 дүгээр зүйлийн 14.2-д зааснаар гэрлэлтийг цуцлах үндэслэлтэй байна.

 

            Зохигч талууд хүүхдийн асрамжийн талаар маргаангүй бөгөөд хүүхдийн амьдарч, өсөж хүмүүжих орчин, нөхцөл, насны байдал, зэргийг харгалзан Гэр бүлийн тухай хуулийн 14 дүгээр зүйлийн 14.6-д зааснаар 2013 оны 04 дүгээр сарын 20-ны өдөр төрсөн охин А.Ану, 2015 оны 01 дүгээр сарын 02-ны өдөр төрсөн охин А.Мишээл нарыг эх Х.Нарангэрэлийн асрамжинд үлдээж, эцэг Б.Амартулгаас хүүхдийн тэтгэлэг гаргуулах нь зүйтэй байна.

 

Гэр бүлийн тухай хуулийн 21 дүгээр зүйлийн 21.1-д “Хүүхэд төрснөөр эцэг, эх, хүүхдийн хооронд эрх, үүрэг үүснэ”, мөн хуулийн 38 дугаар зүйлийн 38.1-д “Эцэг, эх нь насанд хүрээгүй болон насанд хүрсэн боловч хөдөлмөрийн чадваргүй хүүхдээ тэжээн тэтгэх үүрэгтэй” гэж заасны дагуу эцэг Б.Амартулга, эх Х.Нарангэрэл нар нь хүүхэд болох А.Ану, А.Мишээл нарыг хэний асрамжид үлдсэн эсэхээс үл хамааран асарч, халамжлах, тэжээн тэтгэж байх үүргээсээ чөлөөлөгдөхгүй болохыг дурьдах нь зүйтэй юм.

 

            Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118 дугаар зүйл, 132 дугаар зүйлийн 132.6-д заасныг удирдлага болгон ТОГТООХ нь:

 

1. Гэр бүлийн тухай хуулийн 14 дүгээр зүйлийн 14.1-д зааснаар Боржигин овогт Хүрэлбаатарын Нарангэрэл, Хэрэйд овогт Бадарчийн Амартулга нарын гэрлэлтийг цуцалсугай.

 

2. Гэр бүлийн тухай хуулийн 14 дүгээр зүйлийн 14.5-д зааснаар 2013 оны 04 дүгээр сарын 20-ны өдөр төрсөн охин А.Ану, 2015 оны 01 дүгээр сарын 02-ны өдөр төрсөн охин А.Мишээл нарыг эх Х.Нарангэрэлийн асрамжинд үлдээсүгэй.

 

3. Гэр бїлийн тухай хуулийн 40 дїгээр зїйлийн 40.1.1, 40.1.2-т зааснаар 2013 оны 04 дүгээр сарын 20-ны өдөр төрсөн охин А.Ану, 2015 оны 01 дүгээр сарын 02-ны өдөр төрсөн охин А.Мишээл нарыг 11 нас хүртэл тухайн бүс нутагт тогтоогдсон амьжиргааны доод түвшингийн 50 хувиар, 11-16 нас  /сурч байгаа бол 18 нас/ хїртэл тухайн бїс нутагт тогтоогдсон амьжиргааны доод тївшингийн хэмжээгээр, эцэг Б.Амартулгаас сар бїр хїїхдийн тэтгэлэг гаргуулж, тэжээн тэтгїїлсїгэй.

 

4. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2 дахь хэсэгт зааснаар нэхэмжлэгч Х.Нарангэрэлийн улсын тэмдэгтийн хураамжид төлсөн 210,600 төгрөгийг төрийн сангийн орлогод хэвээр үлдээж, хариуцагч Б.Амартулгаас улсын тэмдэгтийн хураамж 210,600 төгрөгийг гаргуулж, нэхэмжлэгч Х.Нарангэрэлд олгосугай.

 

5. Гэр бүлийн тухай хуулийн 26 дугаар зүйлд зааснаар зохигчид нь хүүхдээ эрүүл чийрэг өсгөн бойжуулах, сэтгэхүйн хувьд төлөвшүүлэх, асран хамгаалах, тэжээн тэтгэх, суурь боловсрол эзэмшүүлэх, үндэсний ёс заншил уламжлалаа дээдлэх, хүүхдийн эрхийг хамгаалах, хөдөлмөрийн анхны дадлага олгох зэрэгт эцэг эх тэгш эрх эдэлж, адил үүрэг хүлээх учрыг дурьдсугай.

 

6. Гэр бүлийн тухай хуулийн 26 дугаар зүйлийн 26.6-д зааснаар гэрлэлтээ цуцлуулсан эцэг, эхийн хэн нэг нь нөгөөдөө хүлээсэн үүргээ хэрэгжүүлэхэд нь саад учруулахыг хориглох учиртайг мэдэгдсүгэй.

 

7. Гэр бүлийн тухай хуулийн 15 дугаар зүйлийн 15.1-д зааснаар гэрлэлтээ цуцлуулсан хүмүүс эвлэрсэнээ хамтран илэрхийлж, өөр хүнтэй гэрлээгүй бол өргөдөл гарган гэрлэлтээ сэргээж болохыг мэдэгдсүгэй.

 

8. Зохигчдын хооронд хамтран өмчлөх дундын хөдлөх болон үл хөдлөх эд хөрөнгийн маргаангүй гэснийг дурьдсугай.

 

9. Гэр бүлийн тухай хуулийн 14 дүгээр зүйлийн 14.9-д зааснаар энэхүү шүүхийн шийдвэрийг гэрлэлтийг бүртгэсэн иргэний гэр бүлийн бүртгэлийн байгууллагад бүртгүүлж болохыг дурдсугай.

 

10. Иргэний хэрэг шүүхэд хянан шийдвэрлэх тухай хуулийн  120 дугаар зүйлийн 120.2-т зааснаар зохигч, тэдгээрийн төлөөлөгч буюу өмгөөлөгч шийдвэрийг эс зөвшөөрвөл гардан авснаас хойш 14 хоногийн дотор Дархан-Уул аймгийн Иргэний хэргийн Давж заалдах шатны шүүхэд гомдол гаргах эрхтэйг дурдсугай.

 

 

 

 

 

 

ДАРГАЛАГЧ ШҮҮГЧ                                      З.ТУНГАЛАГМАА