ТОГТООХ нь:

 

1. Гэр бүлийн тухай хуулийн 14 дүгээр зүйлийн 14.1-д заасныг баримтлан Боржигон овогт Э.Ш болон Боржигон овогт Д.Б нарын гэрлэлтийг цуцалсугай.

 

2. Гэр бүлийн тухай хуулийн 14 дүгээр зүйлийн 14.5-д заасныг баримтлан 2007 оны 7 дугаар сарын 15-ны өдөр төрсөн охин Ш.Намуунаа /РД:уп07271561/, 2016 оны 01 дүгээр сарын 08-ны өдөр төрсөн охин Ш.Цэцэйхэн /РД:уш16210847/ нарыг эх Д.Бгийн асрамжид үлдээсүгэй.

 

3. Гэр бүлийн тухай хуулийн 40 дүгээр зүйлийн 40.1.1, 40.1.2.-т заасныг баримтлан 2007 оны 7 дугаар сарын 15-ны өдөр төрсөн охин Ш.Намуунаа, 2016 оны 01 дүгээр сарын 08-ны өдөр төрсөн Ш.Цэцэйхэн нарыг 11 нас хүртэл тухайн бүс нутагт тогтоогдсон амьжиргааны доод түвшингийн 50 хувиар, 11-16 нас /суралцаж байгаа бол 18 нас/-тай болон насанд хүрсэн боловч хөдөлмөрийн чадваргүй бол амьжиргааны доод түвшингийн хэмжээгээр тэтгэлгийг сар болгон эцэг Э.Шээс гаргуулан олгосугай.

 

4. Гэр бүлийн тухай хуулийн 14 дүгээр зүйлийн 14.5-д заасныг баримтлан эрхийн улсын бүртгэлийн Ү-2205066656 дугаарт бүртгэлтэй, Баянгол дүүрэг, 3 дугаар хороо /16020/, Энгельс гудамж, 15 дугаар байр, 501 тоот хаягт байршилтай 55.04м2 талбайтай, орон сууцны зориулалттай үл хөдлөх эд хөрөнгө нэхэмжлэгч Д.Б, охин Ш.Цэцэйхэн, Ш.Намуунаа нарын өмчлөлд, 77-26 УНК улсын дугаартай, “Хьюндэй” /Hyundai, Santa fe 0/ маркын автомашиныг нэхэмжлэгч Д.Бгийн өмчлөлд тус тус үлдсэнийг дурдсугай.

 

5. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсгүүдэд заасныг баримтлан нэхэмжлэгчээс улсын тэмдэгтийн хураамжид төлсөн 892,299 төгрөгийг улсын орлогод хэвээр үлдээж, хариуцагч Э.Шээс 892,299 төгрөгийг гаргуулж нэхэмжлэгчид олгосугай. 

 

6. Гэр бүлийн тухай хуулийн 26 дугаар зүйлд зааснаар хүүхдээ эрүүл чийрэг өсгөн бойжуулах, сэтгэхүйн хувьд төлөвшүүлэх, асран хамгаалах, тэжээн тэтгэх, суурь боловсрол эзэмшүүлэх, үндэсний ёс заншил уламжлалаа дээдлэх, хүүхдийн эрхийг хамгаалах, хөдөлмөрийн анхны дадлага олгох зэрэгт эцэг эх тэгш эрх эдэлж, адил үүрэг хүлээхийг тайлбарласугай.

 

7. Гэр бүлийн тухай хуулийн 26 дугаар зүйлийн 26.6-д зааснаар гэрлэлтээ цуцлуулсан эцэг, эхийн хэн нэг нь нөгөөдөө хүлээсэн үүргээ хэрэгжүүлэхэд нь саад учруулахыг хориглосугай.

 

8. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигчид шүүхийн шийдвэрийг эс зөвшөөрвөл гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

 

    

  

   ДАРГАЛАГЧ ШҮҮГЧ                                                          Н.ХАНГАЛ