МОНГОЛ УЛСЫН НЭРИЙН ӨМНӨӨС

 

 

******* дүүргийн Эрүүгийн хэргийн анхан шатны шүүхийн шүүгч Э.Энхжаргал даргалж,

шүүх хуралдааны нарийн бичгийн дарга Б.Эрдэнэпүрэв,

улсын яллагч Д.*******э,

хохирогч С.*******,

шүүгдэгч Г.******* нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар

 

*******, ******* дүүргийн прокурорын газрын хяналтын прокурор Д.*******ийн Эрүүгийн хуулийн тусгай ангийн 13.14 дүгээр зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн ******* овогт *******ын *******д холбогдох эрүүгийн 0700066011 дугаартай хэргийг *******-ны өдөр хүлээн авч хянан хэлэлцэв.

 

Шүүгдэгчийн биеийн байцаалт:

*******, -ний өдөр , т төрсөн, тай, эрэгтэй, дээд боловсролтой, эдийн засагч мэргэжилтэй, хувиараа ресторан ажиллуулдаг, ам бүл 3, эхнэр, хүүхдийн хамт ******* дүүрэг, , ын ны тоотод оршин суух бүртгэлтэй боловч , , , тоотод оршин суудаг,

урьд дахь сум дундын Эрүүгийн хэргийн анхан шатны шүүхийн 00 оны 01 дүгээр сарын 30-ны өдрийн 00/ШТ/4 дугаар шийтгэх тогтоолоор Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 500 нэгжтэй тэнцэх хэмжээний буюу 500.000 төгрөгөөр торгох ял шийтгүүлсэн,

******* дүүргийн Эрүүгийн хэргийн анхан шатны шүүхийн 00 оны 10 дугаар сарын 6-ны өдрийн 184 дугаар шийтгэх тогтоолоор Эрүүгийн хуулийн ерөнхий ангийн 7.1 дүгээр зүйлийн 1 дэх хэсгийг журамлан мөн хуулийн тусгай ангийн 11.3 дугаар зүйлийн 1 дэх хэсэгт зааснаар хорих ял оногдуулахгүйгээр 6 сарын хугацаагаар тэнссэн,

******* овогт *******ын ******* /РД: УД9111951/.

 

            Холбогдсон хэргийн талаар:

Шүүгдэгч Г.******* нь 0 оны 0 дугаар сарын 10-ны өдрийн 1 цаг 3 минутад өөрийн “” нэртэй фейсбүүк хаягаас “*******чуудын нээлттэй групп” гэх цахим хуудсанд ******* дүүргийн ийн Стратеги төлөвлөлт, гадаад харилцаа хариуцсан орлогч дарга, эмч С.*******ийн зураг бүхий, эрхэлж буй ажилтай нь холбогдуулан нэр төрд нь халдаж “наад эмч чинь гаж сдаа манай эхнэр шамжран болоод мэсэд хэвтэж байхад үзэж байгаа нэртэй шөнө согтуу орж ирээд үзлэгтэй энэ тэр гээд доод эрхтнээр нь оролдож бөөн юм болж байсан түүхтэй” гэсэн илт худал мэдээллийг олон нийтэд тараасан буюу Эрүүгийн хуулийн тусгай ангийн 13.14 дүгээр зүйлийн 1 дэх хэсэгт заасан гэмт хэрэгт холбогджээ.

 

ТОДОРХОЙЛОХ нь:

 

            Шүүхийн хэлэлцүүлэгт дараах нотлох баримтуудыг шинжлэн судлав. Үүнд:

 

            Шүүгдэгч Г.******* нь шүүхийн хэлэлцүүлэгт мэдүүлэхдээ: “Гэм буруугаа хүлээн зөвшөөрч байна. Энэ эмчийн нэр хүндэд санаатайгаар халдсан болчимгүй үйлдэл хийсэндээ харамсаж уучлалт гуйж байна.” гэв.

 

            Хохирогч С.******* нь шүүхийн хэлэлцүүлэгт мэдүүлэхдээ: “Манай эрүүл мэндийн төв цахим тусламж үйлчилгээгээ сайжруулахын тулд гэх тусгай дугаар луу нэгдсэн дуудлагыг авдаг болох энэ ажлыг би өөрөө гардан зохион байгуулсан. Зохион байгуулж байгаад ажлаа иргэддээ танилцуулахаар Шуурхай удирдлагын төвд цаасан слайд бэлдэж, сошиал орчинд тавиад, ярилцлага тавигдаад олон нийтэд хүрээд явж байсан. 0 оны 0 дугаар сарын 10-ны өдөр 1 цаг 45 минутад манай ажилтан над руу залгаад “эмчээ таныг *******чуудын нээлттэй групп дээр бичсэн байна, та ороод хараач” гэсэн асуудлыг тавьсан. Тэгээд би *******чуудын нээлттэй групп руу орж харахад энэ залуу өөрийн зургаа тавьсан фейсбүүкээрээ улсын яллагчийн хэлсэн тэр комментыг бичсэн байсан. Тэгэхээр нь би энэ залуу руу фейсбүүкээр залгахад сүлжээгүй газар байсан юм болов уу мэдэхгүй, аваагүй. Тэгээд найзууд руу нь ороод харахад гэх залуу найз нь байсан. Тэгээд би гэх залуу руу залгаад энэ залууг чи таних уу гэхэд “энэ залууг би танина мэднэ, энэ бацаан нд байдаг, сүүлийн үед архи уудаг болчихсон юм” гэж надад танилцуулсан. Тэгээд би бичсэн зүйлийг нь скрийншот хийгээд луу явуулсан. Яг ингээд байж байтал энэ залуу өөрөө фейсбүүкээрээ над руу залгаж орж ирсэн. Хоёулаа ярилцъя гэсэн. Анхандаа би энэ хүний эхнэрийг үзсэн юм болов уу гэж бичсэн постоос нь ойлгосон. Энэ залуутай ярилцаад ирэхэд шал өөр зүйл яриад эхэлсэн. Тэгэхээр нь ер нь энэ бичлэгийг хийж аваад хуулийн байгууллагад хандах ёстой юм байна гэсэн байдлаар бичлэгийг нь рекорд хийж бичиж авсан. Энэ залуутай маргалдсаны дараа энэ пост устсан. Тухайн үед над руу эргэж залгаад, би *******тай ярьсан, энэ постоо устгасан байна гэж хэлсэн. Удалгүй байж байтал энэ залуу бичсэн постоо скрийншот хийгээд “*******чуудаасаа хүлцэл өчье, ийм мэдээлэл дээр шүүлтүүр хийж оруулна уу” гээд буцаагаад тэр постоо оруулсан байсан. Энэ пост тавигдсаны дараа би “*******чуудын нээлттэй групп”-ын админ рүү залгаад ийм пост тавигдсан байна устгаад өгөөч гэсэн асуудлыг тавьсан. Түүний дагуу тэр постыг устгасан байгаа. Энэ залуутай би фейсбүүкээр ярьж байхдаа ойлголцоод тайлбарлаад хэлэх болов уу гэж бодож байсан. Гэтэл бид хоёрын дунд маргаан үүссэн. Иймд би албан ёсны хуулийн байгууллагад илт худал мэдээлэл тараасан гэдгээр хандсан. Худал мэдээлэл тарааж байгаа нь миний ажил мэргэжилтэй холбоотой мэдээлэл байсан. Би бол мэс заслын эмч, 008 оноос хойш ******* дүүрэгт ажиллаад амьдраад явж байгаа. Ингэж миний ажил мэргэжил, нэр хүндтэй холбоотой илт худал мэдээллийг группэд тавьсан. Үүний дараа гэр бүлийн хүрээнд ойлгомжгүй асуудал үүссэн. Найз нөхдийн хүрээнд гээд над руу их олон хүмүүс ярьсан. Сэтгэлзүйн хувьд би 1- сарын хугацаанд их хэцүү байдалтай, сэтгэлзүйн дарамтад байсан. Энэ залууг би над руу ярих болов уу гэж бодсон. Уучлал гуйх болов уу гэж бодтол тэгээгүй. сараас хойш явсаар байгаад өнөөдөр шүүх хурал болж байна. Товч танилцуулахад ийм байна. Энэ залууг би огт танихгүй, харж байгаагүй хүн. Би энэ залууг юун хүн юм бэ гээд судлаад үзэхэд ээж нь манай байгууллагаас ахмад насны тэтгэвэрт гарсан, манай байгууллагын ахмад ажилтан байсан. Хүргэн ах нь одоо манай байгууллагад 103 түргэний жолоочоор ажилладаг ийм хүн байсан. Энэ залуу ерөнхийдөө эмнэлгийн ажил ямар байдгийг өөрөө маш сайн мэднэ. Ээж нь эмнэлэгт ажилладаг байсан. Ийм илт худал мэдээлэл постыг яагаад бичсэн юм бэ? Хэн чамаар бичүүлсэн юм бэ, яагаад чи бичсэн юм бэ, би чамайг танихгүй. Чи намайг гаднаас эмч гэдгээр таньж болно, яагаад ийм мэдээлэл бичсэнийг гайхаад байна. Хэрэв үнхэхээр надтай, эмнэлгийн байгууллагатай холбоотой гомдол санал байдаг бол гомдол саналаа гаргаж болно. Манай эмнэлгийн байгууллагын ёс зүйн хороо шалгадаг. Ийм зүйлийг яагаад бичсэн бэ гэж би чамаас асуумаар байна.” гэв.

 

            Улсын яллагч шүүх хуралдаанд шүүгдэгч Г.*******ыг хүний нэр төр, алдар хүндэд халдсан илт худал мэдээллийг олон нийтэд тараасан буюу Эрүүгийн хуулийн тусгай ангийн 13.14 дүгээр зүйлийн 1 дэх хэсэгт заасан гэмт хэрэг үйлдсэн гэм буруутайг нотлох байр сууринаас оролцож дараах нотлох баримтуудыг шинжлэн судлав. Үүнд:

           

1. Хохирогч С.*******ээс гаргасан гэмт хэргийн талаарх гомдол, хавсралт, баримтууд (хавтаст хэргийн 14-19 дэх тал),
2. 0 оны 0 дугаар сарын 10-ны өдөр Цахим хуудсанд үзлэг хийсэн мөрдөгчийн тэмдэглэл (хавтаст хэргийн 1 дэх тал),
3. 0 оны 0 дугаар сарын 1-ний өдрийн Эд зүйлд үзлэг хийсэн тухай мөрдөгчийн тэмдэглэл (хавтаст хэргийн 3-4 дэх тал),
4. Хохирогч С.*******ийн мэдүүлэг (хавтаст хэргийн 8 дахь тал),
5. Гэрч А., гэрч Ж., гэрч Д., гэрч Х., гэрч Б., гэрч А. нарын мэдүүлэг (хавтаст хэргийн 38, 40, 43, 46, 48-49, 51, 53 дахь тал),
6. ******* дүүргийн өөс ирүүлсэн гэрч Б.ын 019 оны 1 дугаар сарын 13-наас 18-ны өдрийг хүртэл хэвтэн эмчлүүлсэн 446 дугаартай өвчний түүх (хавтаст хэргийн 141-159 дэх тал),
7. Яаралтай тусламж, үйлчилгээ үзүүлэгсдийн бүртгэл (хавтаст хэргийн 160-174 дэх тал),
8. 0 оны 05 дугаар сарын 13-ны өдөр Эмнэлгийн бичиг баримтад үзлэг хийсэн тэмдэглэл (хавтаст хэргийн 175 дахь тал),
9. Хохирогч С.*******ийн гаргаж өгсөн ярианы бичлэг бүхий 1 ширхэг СД,
10. Шүүгдэгч Г.*******ы яллагдагчаар өгсөн мэдүүлэг (хавтаст хэргийн 64 дэх тал) зэрэг болно.

 

            Харин шүүгдэгч Г.*******, хохирогч С.******* нар хавтаст хэрэгт авагдсан нотлох баримтуудаас нотлох баримт шинжлүүлээгүй болно.

 

Шүүгдэгчийн гэмт хэрэг үйлдсэн гэм буруугийн талаар

 

Шүүх прокуророос шүүхэд шилжүүлсэн эрүүгийн хэргийн хүрээнд, шүүгдэгчийн холбогдсон хэрэгт гэм буруу, эрүүгийн хариуцлага хүлээлгэхдээ шүүхийн хэлэлцүүлэгт тогтоогдсон үйл баримт, шинжлэн судалсан болон хэрэгт цугласан нотлох баримтуудыг үндэслэн дүгнэвэл:

 

Шүүгдэгч Г.******* нь 0 оны 0 дугаар сарын 10-ны өдрийн 1 цаг 3 минутад өөрийн “” нэртэй фейсбүүк хаягаас “*******чуудын нээлттэй групп” гэх цахим хуудсанд ******* дүүргийн ийн Стратеги төлөвлөлт, гадаад харилцаа хариуцсан орлогч дарга, эмч С.*******ийн зураг бүхий, эрхэлж буй ажилтай нь холбогдуулан нэр төрд нь халдаж “наад эмч чинь гаж сдаа манай эхнэр шамжран болоод мэсэд хэвтэж байхад үзэж байгаа нэртэй шөнө согтуу орж ирээд үзлэгтэй энэ тэр гээд доод эрхтнээр нь оролдож бөөн юм болж байсан түүхтэй” гэсэн илт худал мэдээллийг олон нийтэд тараасан үйл баримт нь:

 

• Хохирогч С.*******ээс гаргасан 0 оны 0 дугаар сарын 10-ны өдөр ******* дүүрэг дэх т гаргасан гэмт хэргийн талаарх гомдол, хавсралт баримтууд (хавтаст хэргийн 14-19 дэх тал),

 

• Хохирогч С.*******ийн мөрдөн шалгах ажиллагаанд өгсөн: “...0 оны 0 дугаар сарын 10-ны өдөр ажил дээрээ 1 цагийн орчимд байж байтал хамт ажилладаг эмэгтэй таныг *******чуудын нээлттэй групп дээр бичээд тавьчихсан байна гэж хэлсэн. Би өөрийнхөө фейсбүүк хаягаар үзтэл намайг согтуудаа хүний эхнэр оролдсон, гаж донтой гэсэн утгатай постыг “” нэртэй фейсбүүк хэрэглэгч оруулсан байсан. Намайг харахад нийтлэл нийтлэгдээд 9 минут болчихсон байсан. Би тэр хүний фейсбүүк рүү мессенжерээр залгатал аваагүй. Удалгүй 3-аас 5 минут орчмын дараа тэр фейсбүүкээс залгаад бид хоёр ойлголцолгүй маргаан үүссэн. Тэр нийтлэл 31 минутын дараа *******чуудын нээлттэй группээс устсан. 13 цаг 0 минутын орчимд би *******чуудын нээлттэй групп руу ороод үзтэл тэр залуу “Эрхэм *******чуудаас хүлцэл өчье” гэсэн эхлэлтэй, залруулга нийтлэл оруулсан байсан. Намайг доромжилсон нийтлэлээ скрийншот хийгээд, фейсбүүкээ алдсан гэсэн утгатай зүйл бичсэн байсан. Тухайн фейсбүүкийг Г.******* гэдэг залуу ашигладаг юм билээ. Би тэр залууг огт танихгүй, өмнө нь харж ч байгаагүй. Би эмч хүний хувиар олон хүний биед үзлэг хийж, эмчилгээ хийдэг боловч Л. гэх эмэгтэйтэй өмнө нь ерөөсөө таарч байгаагүй. Би архи согтууруулах ундааны зүйл хэрэглэдэггүй, ажлын байран дээрээ бол хэзээ ч хэрэглэж үзэж байгаагүй. Миний талаар худлаа зүйлсийг олон нийтийн сүлжээнд нийтэлж, ажил мэргэжил, миний нэр хүндэд халдаж, гутаан доромжилсонд би гомдолтой байна...” гэх мэдүүлэг (хавтаст хэргийн 8 дахь тал),

 

• 0 оны 0 дугаар сарын 1-ний өдрийн Эд зүйлд үзлэг хийсэн тухай мөрдөгчийн тэмдэглэл, С.*******ээс гаргаж өгсөн 3 минут 4 секундын яриа бүхий дууны бичлэг (хавтаст хэргийн 3-4 дэх тал),

 

• Гэрч А.ын мөрдөн шалгах ажиллагаанд өгсөн: “... би өөрийн фейсбүүк чатуудыг харахад Г.*******тай 0 оны 0 дугаар сарын 10-ны өдөр огт фейсбүүк чат, дүрст дуудлага болон энгийн дуудлагаар ярих гэх мэтээр холбоо бариагүй байна. Тухайн үед Г.******* нь надаас 19 цагийн орчимд дугаарын утсаар залгаж мөнгө асуусан санагдаж байна. Би мөнгийг өөрийнхөө тоот данснаасаа Г.*******ы 571750695 тоот данс руу оройн 19 цаг 08 минутад 10.000 төгрөгийг “tt” гэсэн гүйлгээний утгатай шилжүүлсэн байна. ...Г.******* нь 0 оны 0 дугаар сарын 10-ны өдөр миний хажууд нэг хүнтэй утсаар яриад байгааг нь би сонссон л болохоос би яг юу болсон талаар нь мэдээгүй. Би тухайн үед Г.******* нэг фейсбүүкийн постын талаар хүнтэй утсаар яриад байх шиг байсан. Миний санаж байгаагаар “та эмч хүн болохоор ингэж болдог юм уу, таны хийдэг ажил чинь тийм юм уу, та намайг шалгуулах газраар нь шалгуул” гэсэн зүйлсийг яриад эхэндээ тайван ярьж байгаад, сүүлдээ маргалдаад эхлэх шиг болсон. ...Г.******* миний хажууд нэг их хүнтэй маргалдаад байдаггүй болохоор би хүнтэй утсаар маргалдаад байсныг санасан юм...” гэх мэдүүлэг (хавтаст хэргийн 48-49 дэх тал),

 

• Гэрч Ж.ын мөрдөн шалгах ажиллагаанд өгсөн: “..0 оны 0 дугаар сарын 10-ны өдөр би ийн байранд ажил дээрээ байж байтал өдөр 13 цагийн орчимд С.******* над руу фейсбүүкээр залгаад Г.******* гэдэг залууг таних уу, фейсбүүк дээр нэг пост тавьчихсан байна гээд над руу *******чуудын нээлттэй группт тавьсан Г.*******гийн фейсбүүкээр тавьсан нийтлэлийг явуулсан. Тэр нь С.*******ийг доромжилсон шинжтэй, манай эхнэрийг оролдсон гэсэн нийтлэл байсан. Тэгтэл С.******* надад хүнийг ингэж доромжилж болдог юм уу гэсэн зүйлс яриад тасалсан. Тэгэхээр нь би Г.*******гийн “” гэсэн фейсбүүк хаяг руу нь би фейсбүүкээр залгахад хоёроос гурван удаа дуудуулаад авсан. Тэгээд би “чи энэ хүнийг яагаад тэгж бичиж байгаа юм, уулзах юм байвал өөртэй нь очоод уулзаж болдоггүй юм уу, хүнийг ингэж гүтгэж болохгүй, хуулийн хариуцлага хүлээнэ, чи энийгээ устга” гээд хэлсэн чинь “дүү нь архи уучихсан байна, дэмий юм биччихлээ, за за би устгачихъя” гээд тасалсан. ...Би Г.*******ы хоолойг танина. Надад дэмий юм биччихлээ гэсэн зүйлс ярихаар нь би одоо устга гээд загнаад устгуулсан...” гэх мэдүүлэг (хавтаст хэргийн 51 дэх тал),

 

• Гэрч Д.гийн мөрдөн шалгах ажиллагаанд өгсөн: “Би “*******чуудын нээлттэй групп” фейсбүүк группын админ эрхтэй юм. 0 оны 0 дугаар сарын 10-ны өдөр 13 цаг 40 минутын орчимд над руу С.******* миний дугаар луу залгаад “миний талаар худлаа мэдээлэл орсон байна. Устгаад өгөөч” гэж холбогдсон юм. Тэгэхээр нь “над руу чатаар зургийг нь явуулаарай, устгаад өгье” гэж хэлсэн. Тэгтэл С.******* “” гэсэн хаягаас байршуулсан нийтлэлийг над руу явуулсан. Тэр нийтлэлийг сайн санахгүй байна. Гэхдээ чатаа устгадаггүй болохоор чат нь надад байгаа. Тэгээд би тэр постыг нь устгаж өгсөн.” гэх мэдүүлэг (хавтаст хэргийн 53 дахь тал),

 

• Гэрч Б.ын мөрдөн шалгах ажиллагаанд өгсөн: “...Би огт “*******чуудын нээлттэй групп”-ын админ байж үзээгүй. Намайг хүмүүс тэгж бодоод байдаг юм шиг байна лээ. ...Г.******* над руу ерөөсөө утсаар залгаж ярьж байгаагүй. Би энэ тухай одоо л сонсож байна. Тийм юм ерөөсөө болоогүй. ...Би тэр группын админуудыг ерөнхийд нь танина. Тэр групп ихэнхдээ ******* дүүрэгт ажиллаж, амьдардаг хүмүүс байдаг ойролцоогоор 71.000 гаруй хүн тухайн группт гишүүнээр орсон байдаг. Би тэр Г.*******гийн бичсэн гээд байгаа постыг ч олж хараагүй...” гэх мэдүүлэг (хавтаст хэргийн 46 дахь тал),

 

• Гэрч Х.ийн мөрдөн шалгах ажиллагаанд өгсөн: “...Би 0 оны 0 дугаар сарын 10-ны өдөр дүүргийн нутаг дэвсгэрт байх Улсын 1 дүгээр төв эмнэлэгт сурч байсан юм. Тэр үед “*******чуудын нээлттэй групп” фейсбүүк групп дээр манай нөхөр С.*******тэй холбоотой нийтлэлийг “******* *******” нэртэй фейсбүүк хаягтай залуу “манай эхнэрийг эмнэлэгт хэвтэж байхад шөнө согтуу манай эхнэрийг үзсэн, гаж донтой эмч” гэсэн утгатай зүйл бичсэн байсан. Тэр үеэс хойш нэлээн хугацаа өнгөрсөн болохоор би сайн санахгүй байна. Тэр үед би постыг нь харчихаад шууд коммент дээр нь “чи юу гээд хуцаад байгаа юм бэ, чи баримтгүй ингэж хүн доромжлох хэрэг байгаа юм уу би хуулийн байгууллагаар шалгуулна” гэж биччихээд, тэр фейсбүүк хаягруу нь “би чамайг хуулийн байгууллагаар шалгуулна, нэр хүндэд халдсан, гутаан доромжилсон” гээд хэлтэл “эгчээ, та зөвөөр ойлгоорой, би залруулга пост оруулсан, би өөрийнхөө хувьд мундаг эмч ахыг ингэж боддоггүй шүү” гэсэн хариу ирсэн. Одоо тэр чатны скрийншот надад байгаа.” гэх мэдүүлэг (хавтаст хэргийн 38 дахь тал),

 

• Гэрч Б.ын мөрдөн шалгах ажиллагаанд өгсөн: “...Би 00 оны 05 дугаар сард ******* дүүргийн , төрөх тасагт хүүхдээ төрүүлэхээр хэвтэж байснаас өөрөөр ******* дүүрэгт эмнэлэгт хэвтэж байгаагүй. 019 оны 1 дугаар сард *******ын эмнэлэгт шинжилгээ өгсөн. Би С.******* гэх эмчийг өмнө нь огт харж байгаагүй, миний биед ямар ч үзлэг эмчилгээ хийж байгаагүй. гэх фейсбүүк хаягийг манай нөхөр Г.******* ашигладаг. Намайг ******* дүүргийн эмнэлгээр үйлчлүүлэх үед ямар нэгэн байдлаар архи, согтууруулах ундааны зүйл хэрэглэсэн эмч, эмнэлгийн ажилтан огт таарч байгаагүй. 019 онд ядаргаанаас эмэгтэйчүүдийн өвчний шинж илэрч шинжилгээ өгсөн. ...Намайг дандаа эмэгтэй эмч нар үзсэн. Нэг ч удаа эрэгтэй эмчид үзүүлж байгаагүй...” гэх мэдүүлэг (хавтаст хэргийн 40-41 дэх тал),

 

• Гэрч А.ийн мөрдөн шалгах ажиллагаанд өгсөн: “...өвчтний түүхээс үзэхэд тухайн иргэн нь 019 оны 1 дугаар сарын 13-ны өдрөөс 18-ны өдрийн хооронд хэвтэн эмчлүүлсэн байна. Онош нь “Умайн булчингийн тонус ихэссэн, 4 сартай жирэмсэн, архаг бронхит” гэсэн. 019 оны 1 дугаар сард С.******* нь манай эмнэлгийн стратеги, төлөвлөлт хариуцсан орлогч дарга гэсэн албан тушаалд ажилладаг байсан боловч жижүүр эмчээр 4 цагаар үүрэг гүйцэтгэдэг байсан. Б. гэх иргэний хувьд эмчлэгч эмчээр би ажиллаж байсан байна. Эмнэлгийн бичиг баримтуудаас үзэхэд өөр эмчид үзүүлэх шаардлагагүй байсан бөгөөд төрөх, эмэгтэйчүүдийн тасагт хэвтэн эмчлүүлж байгаа өвчтөнийг эмчлэгч эмчээс өөр хүн үзэхгүй. Оройн цагаар буюу ажлын цаг тарсны дараа өвчтөний биеийн байдал муудсан тохиолдолд жижүүр эмчийг дуудуулж үзүүлдэг. Тухайн жижүүр эмч нь өвчтөний түүх дээр заавал үзэх үед ямар байсан, ямар арга хэмжээ авсан талаар бичиж тэмдэглэдэг. Б.ын өвчний түүх дээр С.******* эмчийн үзлэг байхгүй байгаа тул тухайн иргэнийг С.******* эмч үзээгүй гэж хэлж болно. Миний мэдэхээр С.******* нь архи, согтууруулах ундааны зүйл хэрэглэж байсан тохиолдол огт байхгүй...” гэх мэдүүлэг (хавтаст хэргийн 43-44 дэх тал),

 

• ******* дүүргийн өөс ирүүлсэн гэрч Б.ын 019 оны 1 дугаар сарын 13-аас 18-ны өдрийг хүртэл хэвтэн эмчлүүлсэн 446 дугаартай өвчний түүх (хавтаст хэргийн 141-159 дэх тал),

 

• Яаралтай тусламж, үйлчилгээ үзүүлэгсдийн бүртгэл, 0 оны 05 дугаар сарын 13-ны өдөр Эмнэлгийн бичиг баримтад үзлэг хийсэн тэмдэглэл (хавтаст хэргийн 160-174, 175 дахь тал) зэрэг хавтаст хэрэгт авагдсан баримтуудаар нотлогдон тогтоогдож байна.

 

Шүүхийн хэлэлцүүлэгт шинжлэн судалсан дээрх нотлох баримтууд нь энэ хэрэгт хамааралтай, ач холбогдолтой, хоорондоо агуулгын зөрүүгүй, Эрүүгийн хэрэг хянан шийдвэрлэх тухай хуульд заасан журмын дагуу цуглуулж бэхжүүлсэн байх тул хэргийг хянан шийдвэрлэхэд хангалттай, үнэн зөв гэж үнэлж, шүүхийн шийдвэрийн үндэслэл болгов.

 

            Шүүгдэгч Г.******* нь дээд боловсролтой, монгол хэл, бичиг мэддэг бөгөөд Эрүүгийн хэрэг хянан шийдвэрлэх тухай хуулийн 34.10 дугаар зүйлийн 4 дэх хэсэгт зааснаар өөрийгөө өмгөөлөх хүсэлтийг шүүхэд бичгээр гаргасан тул шүүх хуралдааныг өмгөөлөгчгүйгээр явуулж, шүүгдэгчийн өөрийгөө өмгөөлөх эрхийг хангасан болохыг тэмдэглэв.

            Эрүүгийн хуулийн тусгай ангийн 13.14 дүгээр зүйлд “хүний нэр төр, алдар хүнд, хуулийн этгээдийн ажил хэргийн нэр хүндэд халдсан илт худал мэдээллийг олон нийтэд тараах” гэмт хэргийг хуульчилсан.

 

            Монгол Улсын Үндсэн хуулийн арван зургаадугаар зүйлийн 13 дахь хэсэгт “...Хэний ч нэр төрийг нь гутаан доромжилж болохгүй...” гэж хуульчилсан ба шүүгдэгчийн хувьд хүний нэр төр, алдар хүндэд халдсан илт худал мэдээлэл буюу огт үндэслэлгүй, худал хуурмаг мэдээллийг цахим орчинд нэг буюу түүнээс олон хүнд түгээж, тараасан идэвхитэй үйлдэл хийсэн байх бөгөөд өөрийн үйлдлийн нийгэмд аюултай шинж чанарыг ухамсарлаж, түүнийг хүсэж үйлдсэн тул Эрүүгийн хуулийн ерөнхий ангийн .3 дугаар зүйлийн дахь хэсэгт зааснаар гэм буруугийн санаатай хэлбэр гэж үзнэ.

 

            Өөрөөр хэлбэл шүүгдэгч Г.******* нь “” нэртэй өөрийн фейсбүүк хаягаас “*******чуудын нээлттэй групп” гэх цахим хуудсанд ******* дүүргийн ийн Стратеги төлөвлөлт, гадаад харилцаа хариуцсан орлогч дарга, эмч С.*******ийн зургийг зөвшөөрөлгүйгээр нийтэлж, улмаар “наад эмч чинь гаж сдаа манай эхнэр шамжран болоод мэсэд хэвтэж байхад үзэж байгаа нэртэй шөнө согтуу орж ирээд үзлэгтэй энэ тэр гээд доод эрхтнээр нь оролдож бөөн юм болж байсан түүхтэй” гэсэн мэдээлэл оруулсан үйлдэл нь дээрх гэмт хэргийн шинжийг хангаж байна. 

 

            Иймд улсын яллагчийн дүгнэлтийг хүлээн авч, шүүгдэгч Г.*******ыг дээрх зүйл, хэсэгт зааснаар буюу хүний нэр төр, алдар хүндэд халдсан илт худал мэдээллийг олон нийтэд тараасан гэмт хэрэг үйлдсэн гэм буруутайд тооцох хууль зүйн үндэслэлтэй гэж шүүх үзэв.

 

            Гэмт хэргийн улмаас учирсан хохирол, хор уршгийн талаар:

 

            Гэмт хэргийн улмаас хохирогч С.*******ийн нэр төр, алдар хүндэд хохирол учирсан бөгөөд хохирогч нь баримтаар нэхэмжилсэн зүйлгүй, шүүхийн хэлэлцүүлэгт “Нэхэмжлэх зүйлгүй, гомдолтой, хуулийн дагуу шийдүүлж, нэр төрөө сэргээлгэмээр байна” гэж мэдүүлсэн тул шүүгдэгчийг бусдад төлөх төлбөргүй гэж үзэв.

 

            Шүүгдэгчид эрүүгийн хариуцлага хүлээлгэх талаар:

 

Шүүх хуралдаанд улсын яллагч “Эрүүгийн хуулийн тусгай ангийн 13.14 дүгээр зүйлийн 1 дэх хэсэгт зааснаар 850 нэгжтэй тэнцэх хэмжээний буюу 850.000 төгрөгөөр торгох ял оногдуулж, уг торгох ялыг 3 сарын хугацаанд хэсэгчлэн төлүүлэх” гэсэн дүгнэлт гаргасан бөгөөд уг ялын дүгнэлттэй холбогдуулан шүүгдэгч, хохирогч нар санал, тайлбар гаргаагүй болно.

 

Шүүгдэгч Г.******* нь урьд эрүүгийн хариуцлага хүлээж байсан эсэхийг шалгах хуудсаар Цагдаагийн ерөнхий газрын бүртгэлийн санд удаа ял шийтгэгдэж, ялыг эдэлж дууссан байх тул түүнд нэмж нэгтгэх ялгүй байх ба түүнд эрүүгийн хариуцлага хүлээлгэхэд Эрүүгийн хуулийн ерөнхий ангийн 6.5 дугаар зүйлд заасан хөнгөрүүлэх, 6.6 дугаар зүйлд заасан хүндрүүлэх нөхцөл байдал тогтоогдоогүй.

 

Шүүх шүүгдэгчид эрүүгийн хариуцлага хүлээлгэхэд гэмт хэрэг үйлдсэн нөхцөл байдал /хохирогчийн эрхэлж буй ажил, мэргэжилтэй нь холбогдуулж илт худал мэдээллийг олон нийтэд тараасан/, учирсан хохирол, хор уршгийн шинж чанар /эмч хүний нэр төр, алдар хүндэд хохирол учруулсан, хохирогч хохирлын баримт гаргаж өгөөгүй, “гомдолтой, нэр төрөө сэргээлгэмээр байна” гэх/, хувийн байдал /гэм буруугаа хүлээж, уучлалт гуйсан, эрхэлсэн тодорхой орлоготой/ зэргийг харгалзан прокурорын гаргасан саналын хүрээнд Эрүүгийн хуулийн тусгай ангийн 13.14 дүгээр зүйлийн 1 дэх хэсэгт зааснаар шүүгдэгч Г.*******ыг 850 нэгжтэй тэнцэх хэмжээний буюу 850.000 төгрөгөөр торгох ял шийтгэж, тухайн ялыг 3 сарын хугацаанд хэсэгчлэн төлүүлэхээр тогтоож шийдвэрлэв.

 

Шүүгдэгч нь торгох ялыг шүүхээс тогтоосон хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солихыг анхааруулж, урьд авсан хувийн баталгаа гаргах таслан сэргийлэх арга хэмжээг хэвээр үргэлжлүүлж шийдвэрлэв.

 

            Хэрэгт эд мөрийн баримтаар хураагдан ирсэн 1 ширхэг СД-г хавтаст хэргийн хугацаа дуустал хэрэгт хадгалж, шүүгдэгч Г.******* нь цагдан хоригдсон хоноггүй, энэ хэрэгт битүүмжлэгдсэн зүйлгүй, хэрэг хянан шийдвэрлэх ажиллагааны зардалгүй болохыг тус тус дурдах нь зүйтэй байна.

 

            Эрүүгийн хэрэг хянан шийдвэрлэх тухай хуулийн 36. дугаар зүйлийн 1, 4, 36.6, 36.7, 36.8, 37.1 дүгээр зүйл, 34.14 дүгээр зүйлийн дахь хэсэгт заасныг тус тус удирдлага болгон

 

ТОГТООХ нь:

 

1. ******* овогт *******ын *******ыг Эрүүгийн хуулийн тусгай ангийн 13.14 дүгээр зүйлийн 1 дэх хэсэгт заасан хүний нэр төр, алдар хүндэд халдсан илт худал мэдээлэл олон нийтэд тараасан гэмт хэрэг үйлдсэн гэм буруутайд тооцсугай.

 

1. Эрүүгийн хуулийн тусгай ангийн 13.14 дүгээр зүйлийн 1 дэх хэсэгт зааснаар шүүгдэгч Г.*******ыг 850 (найман зуун тавь) нэгжтэй тэнцэх хэмжээний буюу 850.000 (найман зуун тавин мянга) төгрөгөөр торгох ял шийтгэсүгэй.

 

3. Эрүүгийн хуулийн ерөнхий ангийн 5.3 дугаар зүйлийн 4, 5 дахь хэсэгт зааснаар шүүгдэгч Г.*******д оногдуулсан 850 (найман зуун тавь) нэгжтэй тэнцэх хэмжээний буюу 850.000 (найман зуун тавин мянга) төгрөгөөр торгох ялыг 3 (гурав) сарын хугацаанд хэсэгчлэн төлүүлэхээр тогтоож уг хугацаанд биелүүлээгүй бол шүүх биелэгдээгүй торгох ялын 15 (арван тав) нэгжтэй тэнцэх хэмжээний төгрөгийг 1 (нэг) хоногоор тооцож хорих ялаар солихыг мэдэгдсүгэй.

 

4. Шүүгдэгч Г.******* нь цагдан хоригдсон хоноггүй, бусдад төлөх төлбөргүй, энэ хэрэгт битүүмжлэгдсэн зүйлгүй, хэрэг хянан шийдвэрлэх ажиллагааны зардалгүй болохыг тус тус дурдсугай.

 

5. Эрүүгийн хэрэг хянан шийдвэрлэх тухай хуулийн 1.5 дугаар зүйлийн 1 дэх хэсгийн 1.-т зааснаар хэрэгт эд мөрийн баримтаар хураагдаж ирсэн 1 ширхэг СД-г хавтаст хэргийн хугацаа дуустал хэрэгт хадгалсугай.

 

6. Эрүүгийн хэрэг хянан шийдвэрлэх тухай хуулийн 36.8 дугаар зүйлийн 1 дэх хэсгийн 1.5-д зааснаар шийтгэх тогтоол хүчин төгөлдөр болтол шүүгдэгч Г.*******д урьд авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.
7. Эрүүгийн хэрэг хянан шийдвэрлэх тухай хуулийн 36.10 дугаар зүйлийн 4 дэх хэсэгт зааснаар шүүхийн шийтгэх тогтоол уншин сонсгосноор хүчинтэй болохыг

дурдсугай.

 

8. Эрүүгийн хэрэг хянан шийдвэрлэх тухай хуулийн 38. дугаар зүйлийн 1 дэх хэсэгт зааснаар шийтгэх тогтоолыг эс зөвшөөрвөл прокурор, дээд шатны прокурор, оролцогч шийтгэх тогтоол гардан авсан буюу хүргүүлснээс хойш 14 хоногийн дотор Нийслэлийн Эрүүгийн хэргийн давж заалдах шатны шүүхэд давж заалдах гомдол гаргах, прокурор эсэргүүцэл бичих эрхтэй болохыг дурдсугай.

 

 

 

 

 

ДАРГАЛАГЧ, ШҮҮГЧ                                         Э.ЭНХЖАРГАЛ