Шүүх | Баянгол дүүргийн Эрүүгийн хэргийн анхан шатны шүүх |
---|---|
Шүүгч | Чулуунбаатарын Отгонбаяр |
Хэргийн индекс | 106/2023/0002/Э |
Дугаар | 2023/ШЦТ/20 |
Огноо | 2023-01-02 |
Зүйл хэсэг | 17.3.1., |
Улсын яллагч | Г.Нандин-Эрдэнэ |
Баянгол дүүргийн Эрүүгийн хэргийн анхан шатны шүүхийн Шийтгэх тогтоол
2023 оны 01 сарын 02 өдөр
Дугаар 2023/ШЦТ/20
2023 01 02 2023/ШЦТ/20
МОНГОЛ УЛСЫН НЭРИЙН ӨМНӨӨС
Баянгол дүүргийн эрүүгийн хэргийн анхан шатны шүүхийн шүүх хуралдааныг шүүгч Ч.Отгонбаяр даргалж,
Нарийн бичгийн дарга: Б.Хулан,
Улсын яллагч: Г.Нандин-Эрдэнэ,
Шүүгдэгч: *** нарыг оролцуулан тус шүүхийн шүүх хуралдааны А танхимд нээлттэй явуулсан шүүх хуралдаанаар, Баянгол дүүргийн прокурорын газрын хяналтын прокуророос Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан гэмт хэрэгт ***д холбогдуулж яллах дүгнэлт үйлдэж ирүүлсэн эрүүгийн 2205006412368 дугаартай хэргийг 2022 оны 12 дугаар сарын 09-ний өдөр хүлээн авч хянан хэлэлцэв.
Шүүгдэгч: Монгол Улсын иргэн, ***, тоот регистртэй,
Шүүгдэгч *** нь 2021 оны 10 дугаар сарын 27-ны өдөр Баянгол дүүргийн 17 дугаар хорооны нутаг дэвсгэрт байрлах Модны 2-н автобусны буудал дээр байхдаа хохирогч ***оос “жолооны үнэмлэхний эрх сэргээж өгнө” гэж хуурч, бодит байдлыг нуух замаар төөрөгдөлд оруулж, өөрийн хаан банкны ..... тоот данс руу нийт 2.000.000 төгрөгийг шилжүүлэн авч залилсан гэмт хэрэгт холбогджээ.
ТОДОРХОЙЛОХ НЬ:
Шүүхийн хэлэлцүүлэгт яллах, өмгөөлөх талаас шинжлэн судалсан болон хэрэгт цугларсан дараах нотлох баримтуудыг тал бүрээс нь бүрэн бодитой шинжлэн судлав. Үүнд:
Шүүгдэгч *** шүүх хуралдаанд: “...Мөрдөн байцаалтын шатанд үнэн зөв мэдүүлэг өгсөн тул нэмж мэдүүлэх зүйлгүй” гэв.
Хохирогч ***ын мөрдөн байцаалтөд өгсөн: “...Би *** гэж хүнтэй утсаар холбоо бариад 2021 оны 10 дугаар сарын 27-ны өдөр Баянгол дүүргийн 17 дугаар хорооны нутаг дэвсгэрт байрлах Модны 2-н автобусны буудал дээр төвийн *** улсын дугаартай тээврийн хэрэгсэлтэйгээ очоод ***тэй биечлэн уулзсан бөгөөд *** 2.400.000 төгрөгөөр эрх сэргээнэ гэхдээ 2.000.000 төгрөг өгчих гээд байхаар нь өөрийн .....тоот хаан банкны данснаас ***гийн ..... тоот хаан банкны данс руу машин дотор байхдаа 2.000.000 төгрөгийг шилжүүлж өгсөн. *** 14 хоногийн дараа эрх чинь сэргэнэ гэж хэлсэн бөгөөд сарын дараа асуухад эрх чинь сэргээгүй байгаа удахгүй сэргэнэ гэж хэлсэн. Тэгээд одоо болтол жолооны эрх сэргээгүй байгаа. *** сүүлдээ утсаа авахгүй намайг залилсан. Би эргүүлэн 600.000 төгрөгийг авсан хамгийн сүүлд 2022 оны 8 дугаар сарын 26-ны өдөр 300.000 төгрөгийг өгсөн...” гэсэн мэдүүлэг /хх-н 16/,
Гэрч ***ийн мөрдөн байцаалтад өгсөн: “...Би тухайн үед танил Хишгээ гэх хүнээс яаралтай мөнгөний хэрэг гараад зээлсэн бөгөөд эргүүлээд бүгдийг нь өгчихсөн. Тухайн үед надад мөнгө шаардлага болсон тул Хишгээгээс утсаар мөнгө байвал зээлээч гэхэд надад ямар нэгэн хүү төлбөр байхгүйгээр зээлсэн...” гэсэн мэдүүлэг /хх-н 25/,
Хохирогчийн өргөдөл /хх-н 10/, депозит дансны дэлгэрэнгүй хуулга /хх-н 13-60/, шүүгдэгчийн хувийн байдалтай холбоотой баримтууд /хх-н 68-72, 75-77/ зэрэг болно.
Шүүхийн хэлэлцүүлгийн үед шинжлэн судалсан дээрх нотлох баримтууд нь энэ хэрэгт хамааралтай, хуульд заасан журмаар цугларсан, хэрэг хянан шийдвэрлэхэд хангалттай байна гэж үнэлэв.
Нэг: Шүүгдэгчийн гэм буруугийн талаар:
Шүүгдэгч *** нь 2021 оны 10 дугаар сарын 27-ны өдөр Баянгол дүүргийн 17 дугаар хорооны нутаг дэвсгэрт байрлах Модны 2-н автобусны буудал дээр байхдаа хохирогч ***оос “жолооны үнэмлэхний эрх сэргээж өгнө” гэж хуурч, бодит байдлыг нуух замаар төөрөгдөлд оруулж, өөрийн хаан банкны ...... тоот данс руу нийт 2.000.000 төгрөгийг шилжүүлсэн буюу Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан гэмт хэрэг үйлдсэн гэм буруутай болох нь:
Шүүгдэгчийн мөрдөн байцаалтын шат болон шүүх хуралдаанд үйлдсэн хэргээ хүлээн мэдүүлсэн мэдүүлгүүд, хохирогч ***, гэрч *** нарын мэдүүлэг, депозит дансны дэлгэрэнгүй хуулга болон шүүх хуралдаанаар хэлэлцэгдсэн Эрүүгийн хэрэг хянан шийдвэрлэх тухай хуульд заасан үндэслэл журмын дагуу цуглуулж, бэхжүүлсэн дээрх нотлох баримтуудаар нотлогдон тогтоогдлоо.
Хавтаст хэрэгт авагдсан буюу шүүх хуралдаанд шинжлэн судалсан нотлох баримтууд нь хуулиар тогтоосон үндэслэл, журмын дагуу цуглуулж, бэхжүүлсэн бөгөөд дээрх цугларсан, бэхжүүлсэн нотлох баримтуудыг үгүйсгэсэн баримт байхгүй ба тухайн баримтуудаар шүүгдэгчийн гэм буруугийн асуудлыг шийдвэрлэхэд хангалттай байна гэж шүүх үзлээ.
Эрүүгийн хэрэг хянан шийдвэрлэх ажиллагаа нь хуульд заасан үндэслэл журмын дагуу явагдсан, хэрэг хянан шийдвэрлэх ажиллагаа явагдахад хэргийн оролцогчийн хууль ёсны эрхийг зөрчсөн, хязгаарласан нөхцөл байдал тогтоогдохгүй байна.
Шүүгдэгч *** нь хохирогч ***ын жолооны үнэмлэхийг эрхийг сэргээнэ гэж 2.000.000 төгрөг залилаж, хохирол учруулсан нь өөрийн үйлдлийн хууль бус шинжтэй болохыг ухамсарлаж түүнийг хүсэж үйлдсэн, хохирол, хор уршигт зориуд хүргэсэн гэм буруугийн санаатай хэлбэртэй, Эрүүгийн хуулийн тусгай ангид гэмт хэрэгт тооцохоор заасан үйлдэл болох нь хэрэгт авагдсан болон шинжлэн судалсан нотлох баримтуудаар нотлогдон тогтоогдлоо.
Шүүгдэгч ***гийн үйлдэл нь Эрүүгийн хуулийн тусгай ангийн 17.3 дүгээр зүйлийн 1 дэх хэсэгт заасан “хуурч, зохиомол байдлыг зориудаар бий болгож, бодит байдлыг нуух замаар бусдыг төөрөгдөлд оруулж, өмчлөгчийн эд хөрөнгийн шилжүүлэн авсан” гэмт хэргийн бүх шинжийг хангасан байх тул түүнд холбогдуулж яллах дүгнэлт үйлдэж ирүүлсэн хуулийн зүйл, хэсэг тохирсон байна.
Шүүгдэгч *** нь шүүх хуралдаанд хохирогчийг залилсан гэм буруугийн талаар маргаагүй бөгөөд улсын яллагчийн шүүгдэгчийг гэм буруутай гэсэн дүгнэлт нь үндэслэлтэй байна.
Түүнчлэн жолооны эрх сэргээх үйл явц нь хууль, дүрэм журмын дагуу явагдах бөгөөд хэн нэгэн мөнгө авч эрх сэргээх нь хууль бус ба шүүгдэгчийн дээрх үйлдэл нь анхнаасаа хэрэгжих боломжгүй, зохиомол байдлыг зориуд бий болгож, бусдыг төөрөгдөлд оруулан өмчлөгчийн эд хөрөнгийг нь шилжүүлэн авсан болох нь тогтоогдсон.
Шүүгдэгч *** нь мөрдөн байцаалтын шатанд 800.000 төгрөгийн хохирол төлсөн, шүүх хуралдаанд шинээр дансны хуулгануудыг гаргаж өгсөн тухайн баримтаар хохирогчид 750.000 төгрөг, нийт 1.550.000 төгрөгийн хохирол төлсөн байна.
Хохирогчийн үлдэгдэл хохирлыг барагдуулаагүй тул шүүгдэгч ***гээс 450.000 төгрөг гаргуулж хохирогч ***т олгохоор шийдвэрлэв.
Хоёр: Эрүүгийн хариуцлагын талаар:
2.1. Талуудын санал, дүгнэлт
Улсын яллагч шүүхийн хэлэлцүүлэгт шүүгдэгчид 1.000 нэгж буюу 1.000.000 төгрөгөөр торгох ял оногдуулах эрүүгийн хариуцлагын талаар дүгнэлт гаргасан болно.
2.2. Эрүүгийн хариуцлага
Шүүх шүүгдэгч ***гийн үйлдсэн гэмт хэрэг нь нотлогдон тогтоогдсон тул түүнийг гэм буруутайд тооцсон бөгөөд түүнд эрүүгийн хариуцлага хүлээлгэх нь зүйтэй гэж дүгнэлээ.
Шүүгдэгч ***д Эрүүгийн хуулийн ерөнхий ангийн 6.5 дугаар зүйлийн 1 дэх хэсгийн 1.1 дэх заалтад заасан “анх удаа гэмт хэрэг үйлдсэнийг” ял хөнгөрүүлэх нөхцөл байдалд тооцов.
Эрүүгийн хуулийн ерөнхий ангийн 6.6 дугаар зүйлд заасан ял хүндрүүлэх нөхцөл байдал тогтоогдоогүй болно.
Шүүх шүүгдэгчийн гэмт хэрэг үйлдсэн нөхцөл байдал, хохирогчийн зарим хохирлыг барагдуулсан, хувийн байдал, хүүгийн хамт амьдардаг зэргийг харгалзан улсын яллагчийн ялын дүгнэлтээс доогуур буюу Эрүүгийн хуулийн тусгай ангийн 17.3 дугаар зүйлийн 1 дэх хэсэгт зааснаар 600 нэгж буюу 600.000 төгрөгөөр ял оногдуулах нь зүйтэй гэж дүгнэлээ.
2.3. Бусад асуудал
Хэрэгт эд мөрийн баримтаар хураагдан ирсэн зүйлгүй, битүүмжилсэн эд хөрөнгөгүй, гаргуулах хэрэг хянан шийдвэрлэх ажиллагааны зардалгүй болно.
Шүүхийн тухай хуулийн 22 дугаар зүйлийн 22.1, 22.4.1, Эрүүгийн хэрэг хянан шийдвэрлэх тухай хуулийн 36.2, 36.6, 36.7, 36.8, 36.10 дугаар зүйлд тус тус заасныг удирдлага болгон
ТОГТООХ нь:
ДАРГАЛАГЧ, ШҮҮГЧ Ч.ОТГОНБАЯР