МОНГОЛ УЛСЫН НЭРИЙН ӨМНӨӨС

 

 

          Дундговь аймаг дахь Сум дундын эрүүгийн хэргийн анхан шатны шүүхийн шүүгч Г.Мөнхбат даргалж тус шүүхийн “А” танхимд нээлттэй хийсэн шүүх хуралдаанд:

          Нарийн бичгийн дарга Ж.Батдэлэг

          Улсын яллагч О.Эрхэмбаяр

          Хохирогчийн төлөөлөгч С.Дэжид

          Шүүгдэгчийн өмгөөлөгч Ж.Чимэддулам

          Шүүгдэгч ******* нарыг оролцуулан Дундговь аймгийн Прокурорын газрын хяналтын прокуророос Эрүүгийн хуулийн Тусгай ангийн 17.4 дүгээр зүйлийн 1 дэх хэсэгт зааснаар яллах дүгнэлт үйлдэж ирүүлсэн *******эд холбогдох эрүүгийн ******* дугаартай  хэргийг 2022 оны 12 дугаар сарын 13-ны өдөр хүлээн авч хэлэлцэв.

 

          Шүүгдэгч: Монгол Улсын иргэн, 1982 оны 10 дугаар сарын 26-ны өдөр Дундговь аймгийн Сайнцагаан суманд төрсөн,  38 настай, эмэгтэй, ******* *******, худалдааны зөвлөх мэргэжилтэй, ам бүл 4, *******,******* хамт , Баянгол дүүрэг Богд ар 2А байрны 8 тоотод оршин суух, урьд ял шийтгэлгүй, овогтой //.

 

          Яллагдагч ******* нь /яллах дүгнэлтэд дурдсанаар/ Дундговь аймгийн Сайнцагаан сумын 7 дугаар багт байрлах “Ялгуум билэгт” ХХК-д худалдагчаар ажиллаж байх хугацаандаа буюу 2019 оны 08 сарын 18-аас 2019 оны 11 сарын 29-ний өдрийн хооронд, түүнд итгэмжлэн хариуцуулсан эд хөрөнгөнөөс, ажил үүргийнхээ дагуу нийт 89.894.910 төгрөгийн  бараа хүлээн авч 15.138.850 төгрөгийн барааг бэлэн бусаар худалдаалсан, 23.221.760 төгрөгийн барааг бэлэн мөнгөөр худалдаалж, бэлэн мөнгө тушаасан, 38.836.525 төгрөгийн барааг тооллогоор хүлээлгэн өгч, нийт 77.197.135 төгрөгийн зарлагыг тооцсоноос 12.697.775 төгрөгийн барааны зөрүү /дутагдал/ гаргаж завшсан гэмт хэрэгт холбогджээ.

 

ТОДОРХОЙЛОХ нь:

 

          Шүүхийн хэлэлцүүлгээр дараах нотлох баримтуудыг шинжлэн судлав.Үүнд:

        1.Шүүгдэгч ******* шүүхийн хэлэлцүүлэгт өгсөн мэдүүлэгтээ “Би Ялгуум дэлгүүрт 2006 оны 08 сарын 25-ны өдөр ажилд орж байсан. Түүнээс хойш тасралтгүй ажилласан. Бараа материалын байнгын дутагдал гардаг байсан. Тухайн дутсан барааны мөнгийг төлөөд дуусгах юмсан гэж явсаар байгаад ийм зүйл болсон. 2019 оны тооллогоор тавиур дээр байгаа барааг би хэлж өгч Оюунчимэг бичсэн. 2 тооллогын бүртгэлийг хүлээн зөвшөөрөөгүй учир гарын үсэг зураагүй. Үнэн зөв бичсэн эсэхэд эргэлзэж байгаа. Хятадаас ирсэн бараануудын үнэ нь наагдсан байдаг. Бараануудыг шалаар асгачихдаг. Тэрийг нь би өөрөө тоос шороог нь арчиж, тоолж авдаг байсан. Тооллогын бүртгэлд байсан падаанууд дээр аудит явуулсан. Эхний тооллого явуулахдаа тооллогын бүртгэлийг надад үзүүлэлгүй өөрөө бодно гээд аваад  явсан. Дэлгүүрт үлдсэн барааг нэмж бичиж тооцох ёстой. Өмнө нь 10.000.000 төгрөгийн дутагдал гаргачхаад дахин 3.000.000 төгрөгийн дутагдал гаргана гэж байх уу. Би тийм үйлдэл хийх хүн биш. Миний дансыг бүгдийг нь шалгаж үзсэн. Би одоо ч ажил хийхгүй дүүгийнхээ компаниар нийгмийн даатгалаа төлүүлж явдаг. Дансны хуулгаар яллах дүгнэлт үйлдэж байгаад харамсаж байна. Юу нь мэдэгдэхгүй зүйлийг хүлээн зөвшөөрч чадахгүй” гэв.

 

2. Хохирогчийн хууль ёсны төлөөлөгч шүүхийн хэлэлцүүлэгт мэдүүлэхдээ “Бүх бичиг баримт гарын үсэгтэй байгаа. Тооллогын бүртгэл бол өөр дээр нь байгаа барааг тоолсон учир зөв хийсэн. 1 хувь үйлдсэнийг үгүйсгээгүй. Тооллогын бүртгэлд бүртгэгдсэн бараа өөр байсан талаар баримт байвал ярьж болно. Тооцоо бодсон актад өөрөө хүлээн зөвшөөрч гарын үсэг зурсан байсан. Шинжээч, аудитын дүгнэлт зэргээр 12.697.775 төгрөг гарсан. Үүнийг буруутгах эрх хэмжээ бидэнд байхгүй. Сүүлийн шинжээчийн дүгнэлт бодитой асуулттай хийгдсэн зүйл. Дүгнэлтээр гарсан хохирлыг нэхэмжилнэ” гэв.

  

            3. Хохирогч Д.Оюунчимэгийн:  “Манай “Ялгуум билэгт” ХХК-д 2005 оноос хойш худалдагчаар ажиллаж байсан нь 2019 оны 08 сарын 18-ны өдрөөс 2019 оны 11 сарын 29-ний өдөр хүртэл “Гоо сайхан, бичиг хэрэг”-ийн тасгийн худалдагчаар ажилласан. Тэгээд 2019 оны 11 сарын 16-ны өдөр би бараандаа явах гээд тус тасагт тооллого хийхэд 10,050,177 төгрөг дутсан. Тэгээд их хэмжээний дутагдал гарсан учраас  2019 оны 11 сарын 17-ны өдрөөс 29-ний өдрийн хооронд ажиллуулаад тооллого хийхэд 2,647,598 төгрөгийн дутагдал гарсан. Ингээд худалдагчаар ажиллаж байхдаа их хэмжээний мөнгө дутаасан учраас би өөртөө итгэхгүй алдаа  гаргачихсан байх вий гэж бодоод “Саруул баян уул” ХХК-д аудитын дүгнэлт  гаргуулахаар “Ялгуум билэгт” ХХК-ийн “Гоо сайхан, бичиг хэргийн тасаг”-ийн 2019 оны  08 сарын 18-ны өдрөөс 2019 оны 11 сарын 29-ны өдөр хүртэлх санхүүгийн баримтыг өгсөн. “Саруул баян уул” ХХК-аас 2020 оны 01 сарын 22-ны өдөр №03 дугаартай дүгнэлт гарч миний хийсэн тооцоо зөрүүгүй батлагдсан. Би эд тухайн аудитын дүгнэлтийг танилцуулж гарын үсэг зуруулсан. нь алдаа  дутагдал гаргаснаа тухай бүр тооллого хийгээд мэдсэн. Би ээс  дутаасан мөнгөө яаж барагдуулах гэж байгаа талаар асуухад 03 сараас эхэлж  сар бүр 1000000 төгрөг өгч байя гэж хэлсэн. Манай компанийн “гоо сайхан, бичиг хэрэг”-ийн дэлгүүрт 2019 онд өдөрт дунджаар 50,000-600,000 төгрөг ордог байсан байх, нарийн сайн мэдэхгүй байна, бүгд санхүүгийн баримтанд дээр тусгагдсан байгаа. Тухайн үед худалдагчаар ажиллаж байсан эд түлхүүр байдаг байсан, өөр хүнд байдаггүй. ийн дутаасан 12,697,775 төгрөгийг бүрэн гаргуулж авмаар байна” гэх мэдүүлэг  /1-р хх-ийн 20-21/

 

4. Хохирогч Д.Оюунчимэгийн  2 дахь удаагаа өгсөн: “Худалдагчаар ажиллаж байсан *******ээс дэлгүүрийн орлогыг бэлнээр болон картын пос машин гэсэн 2 хэлбэрээр нэг баримт бичиж нэгтгэлээр авдаг байсан. Тэгж авахдаа доор нь тайлбартай авдаг байсан. ээс орлогын мөнгө авсан баримтууд худалдагчийн тайланд  байгаа. Тухайн үед тооллого явуулсан баримт байгаа. Тухайн тооллого явуулаад  худалдагчаар гарын үсэг зуруулж авсан баримт байгаа. Мөн тооцоо бодсон акт нь худалдагчийн тайланд байгаа.   манай дэлгүүрт ажиллаж байх  хугацаандаа дэлгүүрийн орлогоос мөнгө дутаасан тул дутсан мөнгийг эргүүлж төлөх  талаар дуудаж уулзсан. Илүүдсэн мөнгө тооцоо бодсон актаар нотлогдоно. Тухайн үед тооллого явуулаад өөрт нь танилцуулж гарын үсэг  зуруулсан. ээс хохирлоо бүрэн гаргуулж авмаар байна”  гэх мэдүүлэг /1-р хх-ийн 144-145/

 

5. Хохирогч  Д.Оюунчимэгийн  3 дахь удаагаа өгсөн: “ бид хоёр 2019 оны 11 сарын 16-ны өдөр болон 2019 оны 11 сарын 29-ний өдөр гоо сайхны тасагт тооллого хийсэн. 2019 оны 11 сарын 16-ны өдөр хийсэн гоо сайхны тасгийн тооллогоор 10.050.177 төгрөг, 2019 оны 11 сарын 29-ны өдөр гоо сайхны тасагт хийсэн тооллогоор 2,647,598 төгрөгийн дутагдал гарсан. Тооллогыг бид хоёр хоёулаа зэрэг тоолоод зэрэг бичээд явдаг. Тооллогын дараа нь худалдагч өөрөө зөв эсэх талаар нягталж өөрөө дахин шалгаж тоолсон. Худалдагч бараа материал буруу тоолсон байна гэж үзвэл бараагаа дахин дахин тоолох бүрэн эрх байгаа. Өмнө гоо сайхны тасагт 2019 оны 04 сарын 20-ны өдөр тооллого хийж тооцоо бодоход 5 сая төгрөгийн бараа материал дутсаныг ийн цалингаас суутгаж барагдуулсан. Ер нь бол нэг их дутаад байдаггүй, багаар 200000-300000 төгрөг дутдаг, ингэж ихээр дутаж байсан асуудал байхгүй. Зарах барааг бол агуулахаас оруулж, орлогын падан үйлдэж, барааг худалдагчид хүлээлгэж өгдөг. Худалдагч өдөр болгон орсон орлогоо бэлнээр болон пос машины баримтаар тулгаж тооцоогоо хийгээд, худалдагчид бэлэн мөнгөний ордер бичиж өгдөг. Бараа материалд бэлэн мөнгө, пос машин уншуулаагүй тохиолдолд худалдагч тухайн бараанд зарлагын падан үйлдэж өгдөг. Энэ зарлагын падан нь 3 хувь үйлдэгдэж нэг нь тухайн байгууллагад, нэг нь надад, нэг нь худалдагчид өөрт баримт болон үл******* тайландаа хавсаргаж өгдөг. Гоо сайхны тасагт 2019 оны 11 сарын 29-ны өдрөөс өмнө кассын машин ажиллаж байгаагүй. “Ялгуум билэгт” ХХК-д нэгдсэн касс байхгүй.  манай компанид ажиллаж байхдаа сард гар дээрээ 800 гаран мянган төгрөгийн цалин авдаг байсан. ийн цалинг сар болгон бэлнээр өгдөг. нь манай компанид 2019 оны 07 сарын 21-ний өдрөөс 2019 оны 08 сарын 18-ны өдөр хүртэл ажилласан. Анх д гоо сайхны тасгийн барааг хүлээлгэж өгөхдөө , бид гурав хамтдаа дэлгүүрт байгаа барааг нүд үзэж, гараараа тоолж дуусгаад д хүлээлгэн өгсөн. д анх 2019 оны 07 сард гоо сайхны тасгийн барааг тоолж хүлээлгэн өгөөд ийн өөрийн гараар бичсэн тайлан, орлого зарлагын баримтыг үндэслэн тооцоог бодоход 90,000 төгрөгийн дутагдал гарсан. дутагдал гарсан 90,000 төгрөгөө төлж барагдуулсан. 2019 оны 08 сарын 18-ны өдөр гаас гоо сайхны тасгийн барааг , бид гурав цуг тоолж дуусгаад, барааг эд хүлээлгэн өгсөн. нь хоёр гурван шатны дүгнэлтээр хохирол учруулсан гэдэг нь  тогтоогдчихоод байхад төлбөр тооцоо хийхгүй, утсаар ч ярихгүй, ер санаа  зовохгүй байгаад гомдолтой байна. Хохирлоо гаргуулж авмаар байна”  гэх мэдүүлэг /1-р хх-ийн 157-158/

 

6. Хохирогч Д.Оюунчимэгийн 4 дэх удаагаа өгсөн:  “Манай компани нь нэмэгдсэн өртгийн албан татвар төлөгч компани. Манай “Бичиг хэрэг, гоо сайхны” тасаг үйлчлүүлсэн хүмүүст нэмэгдсэн өртгийн албан татварын Е баримт олгож байгаа. Би касс байхгүй гэж хэлсэн нь нэгдсэн тооллогын систем байхгүй гэж ойлгож хэлсэн юм. “Ялгуум билэгт” ХХК-д кассын машин байгаа, орлого, зарлага шивж нэгдсэн систем болгож ашигладаггүй. Орлогоо орлогын маягтан дээр, зарлагаа зарлагын баримтанд дээр хөтөлж явдаг. тэй 2019 оны 11 сарын 16-ны өдөр, 2019 оны 11 сарын 29-ны өдөр 2 удаа тооллого хийхдээ санхүүгийн анхан шатны баримтаар бичгээр тооллогоо хийсэн. Цахимаар баталгаажуулсан юм бол байхгүй. Манай компани тооллогоо уламжлалт гар аргаар  хийдэг. Орлого зарлагын баримтаа санхүүгийн анхан шатны баримтаар үйлдэж өгдөг. Худалдагч өөрийн гараар орлого, зарлагын баримтаа нэгтгэж, тайлан гаргаж өгдөг. Тэр тайланд бичигдсэн бүх орлого, зарлагын баримтыг тайлантай тулгасны үндсэн дээр тооцоо бодогддог. Одоо манай компани энэ аргаараа явж байгаа. Манай компанийн бичиг хэрэг, гоо сайхны тасагт цахимаар бичилт хийсэн юм байхгүй. Тооллого гар бичилт хийсэн зарлагын баримтан дээр нэр, төрөл, тоо ширхэг, үнэтэйгээ байгаа. Зарим нэр төрлийн барааг товчилж бичсэн байхыг үгүйсгэхгүй. Дээрх 2 тооллогын барааны кодыг харах боломж байхгүй. Бүх бараа кодлогдож орж байгаа. Дээрх хоёр удаагийн тооллого нь бүгд ширхгийн бараанууд байгаа учраас хэмжих нэгж бичих ямар ч шаардлага байхгүй. Тухайн хоёр тооллогыг бид хоёр хамтдаа нүдээр үзэж, гараар тоолсон. Тухайн 2 удаагийн тооллогыг бид хоёр байж байгаад тоолсон, хоёулаа зэрэг бичсэн, бүх баримт 2-3 хувь байгаа, тэр баримт эд өөрт нь ч байгаа. Тооллого хийснээс хойш 7 хоногийн дараа тооллогын дүнг танилцуулсан юм огт байхгүй. манай компанийн бичиг хэрэг, гоо сайхны тасагт олон жил ажилласан. ийг ажиллах хугацаанд нь зохих амралтыг олгож, түр худалдагч ордог байсан, тэр худалдагч нар дутагдал гаргаж байгаагүй ээ. Өмнө нь 2019 оны 04 сарын 20-ны өдрийн тооллогоор 5 сая төгрөгийн бараа материал дутагдуулсныг цалингаас нь  төлүүлсэн. 2019 оны 11 сарын 29-ны өдрийн тооллогын 10, 11-р баримтад бичсэн бичгийг манай дүү Ганчимэг бичсэн байна. Тухайн өдөр би тэй хамт тооллогыг явуулсан. Намайг түр орж, гарах хугацаанд  Ганчимэг бичилт хийсэн байна. Тооллого хийж эхлэхээс дуусах хугацаанд  байнга хамт байж цуг тоолсон.  2019 оны 11 сарын 29-ний өдрийн тооллогын баримтын 7-р баримтад байгаа “гал тог алч” гэж бичсэн нь “гал тогооны алчуур” гэсэн үг. Тоо ширхэг дээр бичсэн тоо зөв, тооллого хийхэд хоёр талаасаа цуг тулгаж  тоолдог. Тоо ширхэг зарах үнийн үржвэрийн нийт дүн тохирч байгаа, тооллого буруу хийгдээгүй ээ. 12/15+16 гэсэн тэмдэглэгээг юу тэмдэглэснийг санахгүй байна. 2019 он болон 2020 онд “Ялгуум билэгт’ ХХК нь агуулахад ямар нэгэн бараа бүтээгдэхүүн хадгалаагүй. Учир нь бага багаар ойр ойрхон татан авалт хийдэг учраас гоо сайхны бараа, бичиг хэргийн бараа ирэхэд шууд дэлгүүрт буулгаж худалдагчид нь хүлээлгэж өгдөг. Тиймээс агуулахад хадгалах ямар ч  шаардлага байхгүй. “Ялгуум билэгт” ХХК-нд  бичиг хэрэг, гоо сайхны барааны тасгаас гадна хүнсний тасаг байдаг. Тухайн тасагт хааяа нэг 100,000-200,000 төгрөгийн дутагдал гардаг. Хохирлоо яаралтай барагдуулж авмаар байна. Хэргийг түргэн шуурхай шийдэж өгнө үү. Удаан шалгаж байна. Санхүүгийн анхан шатны баримттай тулгалт хийж, шалгалт хийж “Саруул баян Уул-аудит” ХХК-ийн аудитор 2020 оны 01 сарын 22-ны өдөр 03 дугаартай дүгнэлтээр 12,667,775 төгрөгийн дутагдал гарсан гэж гаргасан. Тухайн дүгнэлтийг танилцаад хүлээн зөвшөөрсөн. Мөн Шүүхийн шинжилгээний үндэсний хүрээлэнгийн шинжээч Ж Бадамсүрэнгийн 2020.03.26-ны өдрийн 067 дугаартай дүгнэлтээр ын гаргасан дүгнэлт баталгаажсан. 2019 оны 11 сарын 16-ны өдөр, 2019 оны 11 сарын 29-ны өдрийн тооллогуудыг хийхэд хамт байж хийсэн. Худалдагч ийн өөрийн гараар бичсэн орлого зарлагын нэгдсэн тайланг анхан шатны баримттай тулгалт хийж тооцоо бодогддог. тооллогыг нягт нямбай хийдэг, нэг барааг ч мянган удаа ч тоолох шахдаг хүн, тийм учраас тооллого дээр ямар ч будилаан байхгүй” гэх мэдүүлэг /1-р хх235-239/

 

            7. Гэрч Л.гийн: “Би “Ялгуум билэгт” ХХК-ийн гоо сайхны тасагт 2018 оны 11 сард, 2019 оны 07 сараас 08 сарын хооронд худалдагчаар ажилладаг байсан. ийг  амрах хооронд нь 2 удаа худалдагчаар ажиллаж байсан. Би “Ялгуум билэгт” ХХК-ийн гоо сайхны тасагт худалдагчаар 2018 оны 11 сард ажиллахдаа 35 хоног ажилласан, 2019 онд ажиллахдаа нэг сар ажилласан. Би өөрөө төрсөн учраас ажил хийхгүй байгаа. “Ялгуум билэгт” ХХК-ийн гоо сайхны тасагт худалдагчаар ажиллаж байх хугацаанд дунджаар хамгийн их орлого орлоо гэхэд 250,000-300,000 төгрөгийн орлого олдог байсан. Хааяа нэг 300,000 гаран төгрөгийн орлого ордог байсан. Би 2019 оны 07 дугаар сард, өдрийг нь санахгүй байна, гоо сайхны тасагт ажиллахдаа тэй хамт гоо сайхны тасгийн  барааг тоолж хүлээж авсан. Мөн оны 08 сард бид хоёр гоо сайхны барааны тасгийн барааг хоёулаа хамтдаа тоолж эд хүлээлгэн өгсөн. Тэгэхэд 100 гаран мянган төгрөгийн дутагдал гарсан. Түүнийг нь би өөрөө төлж барагдуулж эд ямар ч дутагдалгүй гоо сайхны тасгийн барааг хүлээлгэж өгсөн. Би 2019 онд "Ялгуум билэгт” ХХК-ны гоо сайхны тасагт ажиллаж байхдаа өдөрт нь орлогын бэлэн мөнгийг тухай бүрт нь өгдөг байсан. Бас пос машинаар гүйлгээ хийгддэг байсан. Намайг ажил хүлээж авах, ажлаа хүлээлгэж өгөхөд нийт 2 удаа барааг тулгаж тооллого хийсэн. Гоо сайхны тасагт тооллого хийхдээ барааг нүдээр үзэж шууд падан дээр бичиж явдаг” гэх мэдүүлэг /1-р хх-н 28-29, 168/

 

          8. Гэрч :  “Би 2005 онд “Ялгуум билэгт” ХХК-д худалдагчаар орсон юм. Харин надаас нэг жилийн дараа буюу 2006 онд “Ялгуум билэгт” ХХК-д орсон. Түүнээс хойш хамт нэг газарт ажиллаж байгаад ажлаасаа гарсан. бид хоёр “Ялгуум билэгт” ХХК-ийн гоо сайхны худалдагчаар ажиллаж байсан, тэр хугацаад ямар нэгэн алдаа, зөрчил, дутагдал гаргалгүй ажиллаж, ээлж хүлээлцээд явдаг байсан юм. Би 2009-2010 онд хүнсний тасагт худалдагчаар орж ажилладаг болсон юм. Намайг хүнсний тасагт орсноос хойш , Байгальмаа гэдэг худалдагчтай ээлжилж “гоо сайхны тасаг”-т ажиллаж байгаад Байгальмаа нь 2018 онд ажлаасаа гарсан. Тэрнээс хойш ганцаараа “гоо сайхны тасаг”-т ажиллаж байсан. Завсраар нь гэдэг эмэгтэй ээлжилж ийг амраадаг байж байгаад 2019 оны 09 сард төрснөөс хойш “гоо сайхны тасаг”-т ажлаас гартлаа тасралтгүй ажилласан. ийг ажилд орсноос хойш бид хоёр найзалж *******лөж байгаа, ааш зангийн  хувьд энгийн, даруухан, дөлгөөхөн, хүнд тусархуу, элдэв зан ааш байхгүй, ажилдаа үнэнч шударга ажиллаж, олон гавьяа шагнал авч байсан” гэх мэдүүлэг /1-р хх-ийн 30-31/

 

            9. Гэрч : “Би сарыг нь сайн санахгүй байна. 2019 оны 11 сарын хавьцаа байх, ажил дээрээ ажиллаж байгаад оройтоод заримдаа хамгийн сүүлд гардаг. Тэгээд явахдаа гаднах бүргэд хаалгаа хоёр эргүүлж цоожилдог байсан. Тэгээд маргааш эрт ирээд би онгойлгоход нэг эргэж онгойгоод байхаар нь эхлээд эд хэлж байсан, бас энэ талаар хэлсэн. Тэр хоёр энэ талаар мэдэхгүй гэж хэлж байсан санаж байна. Тэгээд л тэр үедээ өнгөрсөн. Яагаад тэгж байсныг мэдэх юм алга.  Намайг цоожны талаар хэлж байхад дэлгүүрээс бараа бусад зүйл дутсан гэж хэлж ярьсан асуудал огт байхгүй. Бичиг хэрэг гоо сайхны барааны дэлгүүрийн хаалганы цоож эвдэрсэн гэж огт юм хэлж байгаагүй” гэх мэдүүлэг /1-р хх-ийн 241-242/

 

          10. Гэрч : “Би ХААН банканд 5465013695 гэсэн данс эзэмшдэг. Дансны хуулгыг харахад 2019 оны 06 сарын 02-ны өдөр 5450319255 дугаарын дансанд 400.000 төгрөгийг АТМ-ээс шилжүүлсэн байна. Би ээс тухайн үед зээлж авсан мөнгө шилжүүлсэн байх гэж санаж байна. Би гоо сайхан бичиг хэргийн дэлгүүрээс бараа бүтээгдэхүүн авч мөнгийг нь дансаар шилжүүлж байсан тохиолдол байхгүй” гэх мэдүүлэг /2-р хх-ийн 174/

 

          11. Шинжээч ын:  Би тухайн дүгнэлтийг “Ялгуум билэгт” ХХК-ийн анхан шатны санхүүгийн баримтад тулгуурлаж хийсэн. Тийм болохоор баримтад бичигдсэн үнийн дүнгээр тооцоог бодож гаргаж байгаа учраас бэлэн хэдэн төгрөг,   бараа хэр хэмжээтэй дутагдаж байгааг ялгах боломж байхгүй. Бараа юм уу бэлэн мөнгө аль нь дутсан болохыг мэдэх боломжгүй, үнийн дүнгээр тооцсон. Дурдсан хугацаанд нийт дүнгээрээ дутагдсан үнийн дүнг баримтад тулгуурлаж гаргасан” гэх мэдүүлэг /1-р хх-ийн 146/

       

12. Шинжээч шүүх хуралдаанд өгсөн мэдүүлэгтээ “2022 оны 10 сарын 18-ны өдрийн 144 дугаартай шинжээчийн дүгнэлт гаргахдаа 1 хавтас санхүүгийн баримтад үндэслэсэн. Цахимаар гаргасан 12.000.000 төгрөгийн баримтыг үндэслээгүй. Эцсийн дүн нь 12.000.000 төгрөгөөр гарч ирсэн байсан учир үндэслээгүй. Шинжээчийн дүгнэлтийн 1 дүгээр асуултын хариулт дээр сүүлд шинжээчид ирүүлсэн тооцоолол нь гаргасан тооцоололтой адилхан байгаа. Тэр анхан шатны баримт биш. Дүгнэлтийн 2 дугаар хариултыг 2 удаагийн тооллогын баримт, бараа материалын тайланд үндэслэж гаргасан.  Дэлгүүрт үлдчихээд байгаа 38.000.000 төгрөгийн барааны нэгж бүрийн үнэ нь зарах барааны нэгж бүрийн үнэтэй надад ирүүлсэн баримтын хувьд адилхан байсан. Анхан шатны баримт гэж ногоон хавтастай баримтыг ойлгоно. 11 сарын 16-ны өдөр, 11 сарын 29-ний өдрийн 2 тооллогын баримтад 2 талаас гарын үсэг зурсан акт байсан учир анхан шатны баримт гэж үзнэ. 2 хүний гарын үсэг, компанийн тамга нь байсан.  Бараа материалын дутагдал гэсэн дүгнэлт гаргасан.  Худалдах үнэ, өртөг 2 өөр. Зардлын баримт нь худалдах үнээр ирсэн тул тохирох ёстой. Тооллогын баримт, тооцоо нийлсэн акт нийлээд анхан шатны баримт болж байгаа” гэв.

 

         13. “Саруул баян уул аудит” ХХК-ний 2020 оны 01 дүгээр сарын 22-ны өдрийн 03 тоот “Аудитын явцад шалгасан нотлох баримтуудыг үндэслэн “Ялгуум билэгт” ХХК-ний худалдагч *******ийн тооцооноос 12.697.775 төгрөгийн бараа дутагдаж байгааг баталгаажууллаа” гэх дүгнэлт, аудит хийсэн дүнгийн хуулбар /1-р хх-ийн 6-11/

 

14. Шүүхийн шинжилгээний Үндэсний хүрээлэнгийн 2020 оны 03 дугаар сарын 26-ны 067 дугаартай:  “Саруул баян уул аудит” ХХК-ийн 2020 оны 01 дүгээр сарын 22-ны өдрийн №03 тоот дүгнэлтээр “Ялгуум билэгт” ХХК-ийн худалдагч ******* нь 2019 оны 08-р сарын 08-ны өдрөөс 2019 оны 11-р сарын 30-ны хугацаанд нийт 89,894.910 төгрөгийн бараа хүлээн авч, 15,138.850 төгрөгийн барааг бэлэн бусаар худалдаалсан, 23,221.760 төгрөгийн барааг бэлэн мөнгөөр худалдаалж, бэлэн мөнгө тушаасан. 38,836.525 төгрөгийн барааг тооллогоор хүлээлгэн өгч, нийт 77,197.135 төгрөгийн зарлагыг тооцсоноос 12,697.775 төгрөгийн барааны зөрүү, /дутагдал/ гарсан байна.

Шинжээчийн дүгнэлтээр: Энэ дүгнэлт нь үндэслэлтэй байна. Шинжээч жижиглэнгийн худалдааны үйл ажиллагаанд борлуулалтын хөнгөлөлт, буцаалт байхаас гадна хулгайд алдах, барааны хугацаа дуусах, буруу хадгалалт хамгаалалтын зэрэг бизнесийн эрсдэл байдаг тул түүнийг хэрхэн тооцдог талаар захирал Д.Оюунчимэгээс асуухад энэ талаар байгуулсан сан байдаггүй гэж хэлсэн. *******ийн дутагдлаас 5 хувийн хөнгөлөлт 634.888 төгрөг хасах боломжтой гэсэн. Үүнийг шинжээч хасаж тооцоогүй бөгөөд үүнийг мөрдөн байцаалтын түвшинд хасах боломжтой. Шинжээчид “Ялгуум билэгт” ХХК-ийн Гоо сайхны тасгийн 2018 оны 10 сарын 25-аас 2019 оны 04 сарын 20 хүртэлх, 2019 оны 04 сарын 20-ноос 2019 оны 08 сарын 18 хүртэлх, 2019 оны 08 сарын 18-аас 2019 оны 11 сарын 29 хүртэлх бараа  материалын санхүүгийн баримтуудыг ирүүлсэн. Эдгээр баримтуудын хүрээнд нягтлан бодох бүртгэл журмын дагуу хөтлөгдөж байсан байна. Ирүүлсэн баримтуудад зөрчил гараагүй болно” гэх дүгнэлт /1-р хх-ийн 35-37/

 

15. Шүүхийн шинжилгээний үндэсний хүрээлэнгийн шинжээчийн 2022 оны 10 дугаар сарын 18-ны өдрийн 144 тоот дугаартай  “Ялгуум билэгт ХХК-ний бүрдүүлсэн санхүүгийн анхан шатны баримтууд нь 2019.11.17-оос 2019.11.29-ний хоорондох, 2019.08.18-2019.11.16-ны хоорондох бараа материалын тооцоо бодсон баримтууд, №1,2,3,4 тайлангууд, түүнд хавсаргагдсан орлогын баримтууд, зарлагын баримтууд, орлогын падаанууд, тооллогын бүртгэл, мөнгө тушаасан орлогын ордеруудыг ирүүлсэн байна. Эдгээр баримтууд нь тооцоо хийхэд иж бүрэн баримт болж чадна. Эдгээр баримтуудыг эд хариуцагч, нягтлан бодогч нар хөтөлсөн байна. Шинжилгээ хийх боломжтой болно. Сүүлд шинжээчид ирүүлсэн тооцоолол нь шинжээчийн гаргасан тооцоололтой адил байна. 2019 оны 11 сарын 16-ны өдөр, 2019 оны 11 сарын 19-ний өдрүүдийн 2 удаагийн тооллогын баримтад бичсэн барааны нэгжийн үнэ *******эд бараа хүлээлгэн өгсөн барааны нэр төрөл, нэгжийн үнэтэй тохирч байна. Ялгуум билэгт ХХК-ний худалдагч ******* нь 2019 оны 08-р сарын 18-ны өдрөөс 2019 оны 11-р сарын 30-ны өдрийн хугацаанд нийт 89.894.910 төгрөгийн бараа хүлээн авсан. Хүлээн авсан барааны тайлан, зарлагын падаанууд, Ялгуум билэгт ХХК-ийн орлогын падаанууд шинжилгээнд ирүүлсэн байна. Хүлээн авсан барааны орлогын падаанууд баримттайгаа байгаа бөгөөд барааны тайлан дээр гаас, Оюунаас гэж хүлээлгэн өгсөн хүний нэрээр орлогоо бичсэн байна. 2019 оны 11 сарын 16-ны өдөр, 2019 оны 11 сарын 29-ний өдрүүдийн 2 удаагийн тооллогын баримтад гарын үсэг зурж, тамга дарсан байна. 2020 оны 01 дүгээр сарын 22-ны өдрийн №03 дугаартай “Саруул баян уул-аудит” ХХК-ний аудитын дүгнэлтээр нийт орлого 89.894.910 төгрөг, бэлэн бусаар худалдаалсан 15.138.850 төгрөг, тушаасан мөнгө 23.221.760 төгрөг, тооллогоор хүлээлгэн өгсөн бараа 38.836.525 төгрөг, зарлагын дүн 77.197.135 төгрөг, зөрүү /дутагдал/ 12.697.775 төгрөг гаргасан. Шинжээч өмнө гаргасан дүгнэлтийн тооцооллыг үндэслэн тооцооллоо хийсэн бөгөөд нийт 12.697.775 төгрөгийн дутагдал тооцоологдож байна. 2019.08.18-аас 2019.11.29-ний өдрийн хооронд 12.697.775 төгрөгийн дутагдал үүссэн бөгөөд үүнийг тухайн үед ажиллаж байсан худалдагч ******* хариуцна. Шинжээч “Ялгуум билэгт” ХХК-ний санхүүгийн анхан шатны баримтуудыг үндэслэн шинжилгээ хийсэн бөгөөд хөрөнгө, эх үүсвэрийн хөдлөл, өөрчлөлтийн бүртгэл нь шинжилгээнд хамрагдаагүй тул хариулах боломжгүй байна. “Саруул баян уул аудит” ХХК-ний 2020.01.22-ны өдөр гаргасан 03 дугаартай аудитын дүгнэлт нь үндэслэлтэй байна. Шинжилгээний явцад ач холбогдол бүхий шинээр нөхцөл байдал илрээгүй болно” гэх дүгнэлт /3-р хх-ийн 179-182/

 

16. Ялгуум билэгт ХХК-ний захирал Д.Оюунчимэг, худалдагч ******* нарын хооронд байгуулсан хөдөлмөрийн гэрээний хуулбар /1-р хх-ийн 12-14/

 

17. Гэмт хэргийн талаарх  гомдол мэдээллийг хүлээн авсан тэмдэглэл /1-р хх-ийн 3/

18. Хэргийн газарт нөхөн үзлэг хийсэн тэмдэглэл, гэрэл зургууд /3-р хх-ийн 21-28/

19. Ялгуум билэгт ХХК-ний санхүүгийн анхан шатны баримтууд болон шүүгдэгчийн хувийн байдалтай холбоотой баримтуудыг шинжлэн судлав.

 

            Хэрэгт авагдсан болон шүүхийн хэлэлцүүлэгт судлагдсан дээрх баримтуудыг мөрдөн байцаалтын шатанд Эрүүгийн хэрэг хянан шийдвэрлэх тухай хуульд заасан үндэслэл журмын дагуу цуглуулж бэхжүүлж авсан байх тул шүүх нотлох баримтаар үнэлж  шийдвэрлэлээ.

          Үйл баримт, гэм буруугийн талаар:

         Шүүхийн хэлэлцүүлэгт судлагдсан баримтуудаар шүүгдэгч ******* нь Ялгуум билэгт ХХК-ны гоо сайхны барааны тасагт 2019 оны 08-р сарын 08-ны өдрөөс 2019 оны 11-р сарын 30-ны өдрийг хүртэл худалдагчаар ажиллах хугацаандаа нийт 89.894.910 төгрөгийн  бараа хүлээн авснаас  15.138.850 төгрөгийн барааг бэлэн бусаар худалдаалсан, 23.221.760 төгрөгийн барааг бэлэн мөнгөөр худалдаалж, бэлэн мөнгө тушаасан, 38.836.525 төгрөгийн барааг тооллогоор хүлээлгэн өгч, нийт 77.197.135 төгрөгийн зарлагыг тооцсон, 12.697.775 төгрөгийн барааны зөрүү /дутагдал/ гаргасан болох нь нотлогдож байна.

            Шүүгдэгчийн өмгөөлөгчөөс “шүүгдэгч ******* нь бараа дутаасан юм уу бэлэн мөнгө дутаасан юм уу, ямар аргаар завшаад байгаа юм гэдгийг тогтоогоогүй, тооллогын баримтан дээр гарын үсэг зураагүй тул хэргийг хэрэгсэхгүй болгож өгнө үү” гэсэн тайлбарыг гаргаж байна.

            Шүүгдэгч ******* нь дээрх хугацаанд Ялгуум билэгт ХХК-ийн гоо сайхны барааны тасагт худалдагчаар ажиллаж байсан бөгөөд ажил олгогчоос бараа хүлээн авч, бусдад худалдан борлуулж мөнгийг нь  ажил олгогчид тушаах үүрэг бүхий этгээд юм. Худалдагч нь хүлээн авсан бараа эсхүл бараа борлуулсан үнийн  аль алиныг нь ашиглах боломжтой бөгөөд бараа эсхүл мөнгө дутаасан гэдгийг тогтоож чадаагүй нь завших гэмт хэргийг үгүйсгэх нөхцөл байдал болохгүй юм. Өөрөөр хэлбэл шүүгдэгч нь хөдөлмөрийн гэрээгээр хүлээсэн үүргийнхээ дагуу ажил олгогчоос 89.894.910 төгрөгийн  бараа хүлээн авсан боловч  12.697.775 төгрөгийн барааг дутаасан болох нь хэрэгт авагдсан баримтуудаар нотлогдож байх бөгөөд  энэ нь бусдын итгэмжлэн хариуцуулсан эд  хөрөнгийг завших гэмт хэргийн шинжийг бүрэн хангаж байна.

          Шүүгдэгч ******* нь 2019 оны 11 дүгээр сарын 16, 2019 оны 11 дүгээр сарын 29-ний өдрүүдэд хийгдсэн тооллогын баримтан дээр гарын үсэг зураагүй гэх боловч уг тооллогыг үндэслэн гаргасан тооцоо нийлсэн баримтан дээр гарын үсэг зурж баталгаажуулсан нь хэрэгт хавсарган ирүүлсэн “Ялгуум билэгт” ХХК-ын гоо сайхны тасгийн 2019 оны 08 сарын 18-ны өдрөөс 2019 оны 11 сарын 29-ний өдрийг хүртэл хугацааны санхүүгийн анхан шатны баримтаар тогтоогдсон, аудитын дүгнэлт, шинжээчийн дүгнэлт зэргээр баталгаажсан байх тул өмгөөлөгчийн дээрх тайлбарыг хүлээн авах боломжгүй гэж үзлээ.

 

Иймд шүүгдэгч *******ийг бусдын итгэмжлэн хариуцуулсан эд хөрөнгийг завших гэмт хэргийг үйлдсэн гэм буруутай байна гэж шүүх дүгнэлээ.

 

Эрүүгийн хариуцлагын талаар:

Шүүгдэгч нь тохиолдлын шинжтэй нөхцөл байдлын улмаас анх удаа гэмт хэрэг үйлдсэн нь түүнд оногдуулсан эрүүгийн хариуцлагыг хөнгөрүүлэх нөхцөл байдал болох бөгөөд эрүүгийн хариуцлагыг хүндрүүлэх нөхцөл байдал тогтоогдохгүй байна.

Шүүгдэгчийн хувийн байдал, гэмт хэрэг үйлдсэн нөхцөл байдал, шүүх хуралдаанд хохирогчийн төлөөлөгчөөс гаргасан тайлбар зэргийг харгалзан шүүгдэгч *******эд Эрүүгийн хуулийн  Тусгай ангийн  17.4 дүгээр зүйлийн 1 дэх хэсэгт заасан ялаас торгох ялыг сонгон тухайн зүйл хэсэгт заасан торгох ялын доод хэмжээгээр оногдуулж, шүүгдэгчийн орлого олох боломжийг харгалзан шүүхээс оногдуулсан торгох ялыг 1 жил 6 сарын хугацаанд хэсэгчлэн төлүүлэхээр тогтоолоо.

 

Шүүгдэгчийн өмгөөлөгчөөс шүүгдэгч *******ийн үйлдэл нь цаг хугацааны хувьд 2021 онд батлагдсан Өршөөл үзүүлэх тухай хуульд хамаарахаар байх тул хэрэгсэхгүй болгож өгнө үү гэсэн тайлбар гаргаж байна.

Шүүгдэгч *******ийг гэм буруутайд тооцсон Эрүүгийн хуулийн 17.4 дүгээр зүйлийн 1 дэх хэсэгт заасан гэмт хэргийг 2021 оны 07 дугаар сарын 02-ны өдөр батлагдсан Өршөөл үзүүлэх тухай хуулийн 9 дүгээр зүйлийн 9.2 дахь хэсэг буюу өршөөлд хамааруулахгүй гэмт хэрэг, эрүүгийн хариуцлагын төрөлд хамааруулан хуульчлаагүй боловч мөн хуулийн 7 дугаар зүйлийн 7.1 дэх хэсэгт хамааруулан хуульчлан заажээ.

Монгол Улсын Дээд шүүхийн нийт шүүгчдийн хуралдааны 2022 оны 02 дугаар сарын 09-ний өдрийн 07 дугаар тогтоолоор ““Өршөөл үзүүлэх тухай” хуулийн 7 дугаар зүйлийн 7.1, 7.2-т заасан гэмт хэрэг үйлдэж хорихоос өөр төрлийн ял шийтгүүлсэн хүний эдлээгүй үлдсэн үндсэн болон нэмэгдэл ялыг энэ хуулийн 4 дүгээр зүйлийн 4.1 дэх хэсэгт заасан журмаар өршөөлд хамааруулахгүй гэж ойлгон хэрэглэнэ” гэж тайлбарласан байх тул шүүгдэгч *******эд оногдуулсан торгох ялыг Өршөөл үзүүлэх тухай хуульд хамруулах боломжгүй юм.

 

Хохирол төлбөрийн талаар:

Шүүгдэгч *******ийн хариуцаж байсан бараанаас 12.697.775 төгрөгийн дутагдал гарсан болох нь аудитын дүгнэлт, Шүүхийн Шинжилгээний Үндэсний хүрээлэнгийн шинжээчийн дүгнэлтүүдээр тогтоогдсон бөгөөд  шинжээчийн дүгнэлтэд 5 хувийн хөнгөлөлт 634.888 төгрөгийг хасах боломжтой гэснийг хохирогчийн төлөөлөгч зөвшөөрч байна.

Иргэний хуулийн 497 дугаар зүйлийн  497.1 дэх хэсэгт “бусдын эрх, амь нас, эрүүл мэнд, нэр төр, алдар хүнд, ажил хэргийн нэр хүнд, эд хөрөнгөд хууль бусаар санаатай буюу болгоомжгүй үйлдэл /эс үйлдэхүй/-ээр гэм хор учруулсан этгээд уг гэм хорыг хариуцан арилгах үүрэгтэй” гэж, мөн хуулийн 510 дугаар зүйлийн  510.1 дэх хэсэгт “бусдын эд хөрөнгөд гэм хор учруулсан этгээд уг гэм хорыг арилгахдаа гэм хор учруулахаас өмнө байсан байдалд нь сэргээх /адил нэр, төрөл, чанарын эд хөрөнгө өгөх, гэмтсэн эд хөрөнгийг засах зэргээр/ буюу учирсан хохирлыг мөнгөөр нөхөн төлнө” гэж тус тус заажээ.

Иймд шүүгдэгч *******ээс 12.062.887  төгрөгийг /12.697.775 - 634.888/ гаргуулан  хохирогч Дундговь аймгийн  Сайнцагаан сумын 7-р багт байрлах “Ялгуум билэгт” ХХК-нд олгохоор шийдвэрлэлээ.

 

Бусад асуудлын талаар:

Шүүгдэгч нь энэ хэргийн улмаас цагдан хоригдоогүй, хэрэгт эд мөрийн баримтаар хураагдсан зүйлгүй, битүүмжилсэн хөрөнгөгүй болохыг тус тус дурдах нь зүйтэй.

          Эрүүгийн хэрэг хянан шийдвэрлэх ажиллагааны явцад Ялгуум билэгт ХХК-ын гоо сайхны тасгийн 2019 оны 08 сарын 18-ны өдрөөс 2019 оны 11 сарын 29-ний өдрийг хүртэл хугацааны санхүүгийн анхан шатны баримт /хавтсаар-1, хуудсаар-215/-г хэрэгт эх хувиар нь хавсарган ирүүлсэн байх тул шийтгэх тогтоол хүчин төгөлдөр болмогц Ялгуум билэгт ХХК-д буцаан олгож, худалдагч *******ийн тайлант хугацааны орлого, зарлагын нэр төрлийн тайлан гэх 1 хавтас баримтыг эрүүгийн ******* дугаартай хэрэгт хэргийн хадгалах хугацаа дуустал хавсаргахаар шийдвэрлэв.

 

          Эрүүгийн хэрэг хянан шийдвэрлэх тухай хуулийн 36.1, 36.2 дугаар зүйлийн 1, 2, 3, 4 дэх хэсэг, 36.3, 36.6, 36.7, 36.8, 36.10, 36.13, 38.1, 38.2 дугаар зүйлд тус тус заасныг удирдлага болгон ТОГТООХ НЬ:

 

          1.Шүүгдэгч овогт ийг Эрүүгийн хуулийн тусгай ангийн 17.4 дүгээр зүйлийн 1 дэх хэсэгт заасан бусдын итгэмжлэн хариуцуулсан эд хөрөнгийг завших гэмт хэргийг үйлдсэн гэм буруутайд тооцсугай.

 

          2.Эрүүгийн хуулийн Тусгай ангийн 17.4 дүгээр зүйлийн 1 дэх хэсэгт зааснаар шүүгдэгч овогт эд 2700 /хоёр мянга долоон зуун/ нэгжтэй тэнцэх хэмжээний буюу 2.700.000 /хоёр сая долоон зуун мянган/ төгрөгөөр торгох ял оногдуулж шийтгэсүгэй.

 

          3.Эрүүгийн хуулийн Ерөнхий ангийн 5.3 дугаар зүйлийн 4 дэх хэсэгт зааснаар шүүгдэгч ******* нь шүүхээс оногдуулсан торгох ялыг шийтгэх тогтоол хүчин төгөлдөр болсноос хойш 1 /нэг/ жил 6 /зургаан/ сарын хугацаанд хэсэгчлэн төлөхөөр тогтоосугай.

 

          4.Эрүүгийн хуулийн Ерөнхий ангийн 5.3 дугаар зүйлийн 5 дахь хэсэгт зааснаар шүүгдэгч *******  нь оногдуулсан ялыг тогтоосон хугацаанд биелүүлээгүй бол шүүх биелэгдээгүй торгох ялын 15 нэгжийг 1 хоногоор тооцож хорих ялаар сольдог болохыг мэдэгдсүгэй.

 

          5.Шүүгдэгч нь энэ хэргийн улмаас цагдан хоригдоогүй, хэрэгт эд мөрийн баримтаар хураагдсан зүйлгүй, битүүмжлэгдсэн хөрөнгөгүй болохыг тус тус дурдсугай.

 

          6.Иргэний хуулийн 497 дугаар зүйлийн 497.1 510 дугаар зүйлийн 510.1-д зааснаар шүүгдэгч *******ээс 12,062,887 /арван хоёр сая, жаран хоёр мянга, найман зуун наян долоон/  төгрөгийг гаргуулж Ялгуум билэгт ХХК-д олгосугай.

 

          7.Шийтгэх тогтоол хүчин төгөлдөр болтол шүүгдэгч *******эд урьд авсан хувийн баталгаа гаргах таслан сэргийлэх арга хэмжээг хэвээр үлдээсүгэй.

 

          8. Эрүүгийн хэрэг хянан шийдвэрлэх тухай хуулийн 36.8 дугаар зүйлийн 1 дэх хэсгийн 1.8-д зааснаар шийтгэх тогтоол хүчин төгөлдөр болсны дараа хэрэгт хавсарган ирүүлсэн Ялгуум билэгт ХХК-ын гоо сайхны тасгийн 2019 оны 08 сарын 18-ны өдрөөс 2019 оны 11 сарын 29-ний өдрийг хүртэл хугацааны санхүүгийн анхан шатны баримт /хавтсаар-1, хуудсаар-215/ -г Ялгуум билэгт ХХК-д буцаан олгож, хэрэгт хавсарган ирүүлсэн худалдагч *******ийн тайлант хугацааны орлого, зарлагын нэр төрлийн тайлан гэх 1 хавтас баримтыг эрүүгийн ******* дугаартай хэрэгт хэргийн хадгалах хугацаа дуустал хавсаргасугай.

 

          9. Энэхүү шийтгэх тогтоол нь уншин сонсгосноор хүчинтэй болох бөгөөд шийтгэх тогтоолыг эс зөвшөөрвөл гардуулсан буюу Эрүүгийн хэрэг хянан шийдвэрлэх тухай хуулийн 11.9 дүгээр зүйлд зааснаар хүргүүлснээс хойш 14 хоногийн дотор Дундговь аймгийн Эрүү, Иргэний хэргийн давж заалдах шатны шүүхэд шүүгдэгч, хохирогч, түүний төлөөлөгч, тэдгээрийн өмгөөлөгч гомдол гаргах, улсын яллагч, ******* шатны прокурор эсэргүүцэл бичих эрхтэйг дурдсугай.

 

 

 

 

 

ДАРГАЛАГЧ,ШҮҮГЧ                           Г.МӨНХБАТ