МОНГОЛ УЛСЫН НЭРИЙН ӨМНӨӨС

 

Дорноговь аймаг дахь Сум дундын Эрүүгийн хэргийн анхан шатны шүүхийн эрүүгийн шүүх хуралдааныг шүүгч Д.Адъяасүрэн даргалж

Шүүх хуралдааны  нарийн бичгийн даргаар Э.Уранбилэг

Улсын яллагчаар хяналтын прокурор: Д.Дэлгэрбаяр

Шүүгдэгч: Ю.Болчулуун нарыг оролцуулан тус шүүхийн шүүх хуралдааны танхимд нээлттэй хийсэн шүүх хуралдаанаар Дорноговь аймгийн Прокурорын газраас Эрүүгийн хуулийн тусгай ангийн 152 дугаар зүйлийн 152.1 дэх хэсэгт заасан гэмт хэрэгт холбогдуулан яллагдагчаар татах тогтоол үйлдэж ирүүлсэн Ямаан ойдов овогт Юрагийн Болчулуунд холбогдох эрүүгийн 201610000215 дугаартай хэргийг 2016 оны 11 сарын 28-ны өдөр хүлээн авч хянан хэлэлцэв

 

           Монгол Улсын харьяат, Өмнөговь аймгийн Манлай суманд 1971 оны 04 сарын 03-ны өдөр төрсөн, 45 настай, эрэгтэй, яс үндэс халх, бүрэн бус дунд боловсролтой, жолооч мэргэжилтэй, ам бүл 5, эхнэр 3 хүүхдийн хамт Өмнөговь аймгийн Ханбогд  сумын 2 дугаар баг Хөөврийн 7-4 оршин суудаг, эрхэлсэн тодорхой ажилгүй, Өмнөговь аймгийн Ханбогд сум дахь Сум дундын Эрүүгийн хэргийн анхан шатны шүүхийн 2015 оны 10 сарын 15-ны өдрийн 57 дугаартай шийтгэх тогтоолоор Эрүүгийн хуулийн 98 дугаар зүйлийн 98.1 дэх хэсэгт зааснаар 260 цагийн албадан ажил хийлгэх ялаар шийтгэгдэж байсан, ухаан мэдрэл бүрэн, хэрэг хариуцах чадвартай, Ямаан ойдов овогт Юрагийн Болчулуун /РД:КЕ71040311/

                                                                                                                                                                                                             

Шүүгдэгч Ю.Болчулуун нь иргэн Д.Дашдоржийн итгэмжлэн өгсөн эд хөрөнгө болох БНХАУ-д үйлдвэрлэсэн Sanya маркийн 1500000 төгрөгийн үнэ бүхий мотоциклийг завшсан гэмт хэрэгт холбогджээ. /Прокурорын яллагдагчаар татах тогтоолд бичигдсэнээр/

ТОДОРХОЙЛОХ нь:

 

           Шүүгдэгч Ю.Болчулууны шүүхийн хэлэлцүүлэгт өгсөн: 2016 оны 06 сарын 21-ний өдөр Сайншандад найз Мэндбаярынд архи ууж байхад Дашдорж ирээд хөдөө явахаар болсон. Би тухайн үед согтуу байсан болохоор Дашдорж машин бариад явсан. Би аймгаас гараад унтаад явсан. Гэтэл Дашдорж машин асахаа больчихлоо гээд байсан, сэрээд харахад Сайн-ус гэх газар байсан. Машины мотор эвдэрсэн байсан. Дашдоржийнх тэндээс холгүй байсан ба мотоциклоо гэрээсээ авчирч бид гэр рүү нь явсан. Тэгээд Дашдорж машины мотороо энэ мотоциклийг зараад ав,

илүү мөнгий нь өгөөрэй гэж хэлсэн. Мотоциклийг Болдбаатар гэдэг хүнд зарсан ба мөнгийг нь манай хүргэн Үлтанихын дансанд хийсэн. Үлтаних бид хоёр Улаанбаатар хот руу мотор авах гээд явсан, хотод очоод бид хоёр өөр өөр газар буугаад Үлтанихын утас холбогдохгүй болоод мотороо авч чадаагүй, мөнгийг Үлтаних үрчихсэн гэж хэлсэн. Болдбаатарт хохирлыг Үлтаних төлж өгнө гэж хэлсэн гэв.

    

          Хохирогч Д.Дашдоржийн мөрдөн байцаалтад өгсөн: ...Сайншанд сумын арын төмөр замын Мэндбаяр гэх айлын гаднаас  Болчулууны машиныг би барьж яваад Алтанширээ явах шороон замд оруулаад Болчулуунд машиныг өгсөн. Болчулуун  өөрөө машинаа бариад манай хөдөө гэр Сайн-ус хүртэл явсан. ...Болчулуун Алтанширээ суманд 2 хүн үлдээчихсэн  тэр хоёрыгоо авчирмаар байна гэж ярихаар нь би унаагүй явгарчихсан хүнд тус больё гэж бодоод “миний мотоциклийг унаж яваад хүн амьтантайгаа уулзчихаад удахгүй хүрээд ир” гэж хэлээд шинэ  Sanya маркийн  мотоциклио өгөөд явуулсан. Миний мотоциклийг зараад мөнгө болгож ав гэж огт яриагүй. ...Санал гомдол,нэхэмжлэх зүйл байхгүй, өөрийн мотоциклоо буцааж авсан гэсэн мэдүүлэг

 

           Гэрч Б.Ундрахбаярын мөрдөн байцаалтад өгсөн: 2016.06.22-ны өдөр манай гэрт Болчулуун нь БНХАУ-д үйлдвэрлэгдсэн улаан өнгийн Sanya маркийн шинэ мотоцикльтой ирээд “миний машин Сайн усанд эвдэрчихлээ. Энэ мотоциклийг дэлгүүрт барьцаанд тавьж мөнгөтэй болж машинаа янзлая гээд Болдбаатар Болчулуунаас 800000 төгрөгөөр мотоцкль худалдаж авахаар болж 600000 төгрөгийг банкнаас авч өгөхөөр болж үлдсэн 200000 төгрөгийг надаас авч Болчулуунд өгөөд би 200000 төгрөгөндөө Болдбаатараас 2 хонь, 1 ямаа авахаар болсон. Би Болчулууныг тэр оройдоо өөрийн машинаар Сайншанд руу хүргэж өгсөн, хамт явсан 3 хүнийг нь бас авч явсан. Маргааш нь Болчулуун Үлтанихын хамт Улаанбаатар хот руу танксинд суугад явсан”  гэсэн мэдүүлэг,

 

          Гэрч Д.Болдбаатарын мөрдөн байцаалтад өгсөн: “2016 оны 06 сарын 21-ний өдөр Ундрахын гэрт очиж уулзахад нэг хүн унтаж байсан.  Тэгээд тэр хүнтэй уулзаж мотоцикль худалдаж авах талаар ярихад тэр хүн “би уул нь машинтай ирсэн юм, машины мотор болохоо больчихоор нь Шандад байдаг найзтайгаа уулзахад энэ мотоцклыг бэлгэнд өгч машиныхаа моторыг аваарай гэсэн. Би найздаа Өмнөговьд байхад нь тусалж байсан юм, би 1 сая төгрөгөөр зарна гэхээр нь 800000 төгрөгөөр худалдаж авахаар тохирч  200000 төгрөгөнд нь мал өгье гээд Ундрах миний өмнөөс 200000 төгрөгийг өгч  надаас мал авахаар болсон.  600000 төгрөгийг нь ХААН банкинд очоод Гочоосүрэнгийн Үлтаних гэж хүний дансанд хийсэн...” гэсэн мэдүүлэг,

 

          Гэрч Б.Алтангэрэлийн мөрдөн байцаалтанд өгсөн, “2016.06.18, 19-ний үед манай эхнэрийн хамаатан болох хүмүүс  Өмнөговь аймгийн Ханбогд сумаас цагаан өнгийн суудлын автомашинтай ирсэн. ...Маргааш өглөө нь тэр жолооч нь улаан өнгөтэй, гялгар ууттайгаа шинэ хятад мотоцикль унаж ирээд “машинаа эвдэлчихсэн, энэ мотоцклыг манай найз өгсөн юм. Энийг зарна гээд Ундрахынх руу явсан...” гэсэн мэдүүлэг

 

          Тээврийн хэрэгсэлд үзлэг хийсэн тэмдэглэл  хх-ийн 10-14

          Ашид билгүүн ХХК-ны Шинжээчийн дүгнэлт /хх-ийн 23/

          Ял шийтгэгдсэн эсэхийг шалгах хуудас /хх-ийн 26/ зэрэг болно.         

          Шүүгдэгч Ю.Болчулуун нь 2016 оны 06 сарын 21-ний өдөр Алтанширээ сумын Сайн-Ус гэх газар оршин суух иргэн Д.Дашдоржийн итгэмжлэн өгсөн эд хөрөнгө болох БНХАУ-д үйлдвэрлэсэн Sanya маркийн 1500000 төгрөгийн үнэ бүхий мотоциклийг завшсан  болох нь хавтаст хэрэгт цугларсан дараах нотлох баримтаар тогтоогдож байна. Үүнд: Хохирогч Д.Дашдоржийн мөрдөн байцаалтанд  өгсөн: ...Болчулуун Алтанширээ дээр 2 хүн үлдээчихсэн, тэр 2-гоо авчирмаар байна гэж ярихаар нь би унаагүй явгарчихсан хүнд тус больё гэж бодоод “миний мотоциклийг унаж яваад хүн амьтантайгаа уулзчихаад удахгүй хүрээд ир” гэж хэлээд шинэ Sanya маркийн  мотоциклио өгөөд явуулсан. Миний мотоциклийг зараад мөнгө болгож ав гэж огт хэлээгүй. Одоо надад гомдол санал байхгүй, нэхэмжлэх зүйлгүй гэсэн мэдүүлэг,  гэрч Д.Болдбаатарын мөрдөн байцаалтад өгсөн: мотоцикль худалдаж авах талаар ярихад тэр хүн “би уул нь машинтай ирсэн юм, машины мотор болохоо больчихоор нь Шандад байдаг найзтайгаа уулзахад энэ мотоцклыг бэлгэнд өгч машиныхаа моторыг аваарай гэсэн. Би найздаа Өмнөговьд байхад нь тусалж байсан юм, би 1 сая төгрөгөөр зарна гэхээр нь 800000 төгрөгөөр худалдаж авахаар тохирч  200000 төгрөгөнд нь мал өгье гээд Ундрах миний өмнөөс 200000 төгрөгийг өгч  надаас мал авахаар болсон.  600000 төгрөгийг нь ХААН банкинд очоод Гочоосүрэнгийн Үлтаних гэж хүний дансанд хийсэн.” гэсэн мэдүүлэг, гэрч Б.Алтангэрэлийн  мөрдөн байцаалтад өгсөн:... 2016.06.18,19-ний үед манай эхнэрийн хамаатан болох хүмүүс  Өмнөговь аймгийн Ханбогд сумаас цагаан өнгийн суудлын автомашинтай ирсэн. ...Маргааш өглөө нь тэр жолооч нь улаан өнгөтэй,гялгар ууттайгаа шинэ хятад мотоцикль унаж ирээд “машинаа эвдэлчихсэн,энэ мотоцклыг манай найз өгсөн юм. Энийг зарна гээд Ундрахынх руу явсан Баянжаргал намайг зодож миний эрүүг хугалсан гэж хэлж байсан. ...” гэсэн мэдүүлэг болон хавтаст хэрэгт авагдсан бусад  нотлох баримтуудаар тогтоогдож байна.

          Иймд шүүгдэгч  Ю.Болчулууныг Эрүүгийн хуулийн тусгай ангийн 152 дугаар зүйлийн 152.1 дэх хэсэгт зааснаар аймгийн прокурорын газраас яллагдагчаар татах тогтоол үйлдэж ирүүлсэн хуулийн зүйлчлэл тохирсон байх тул ял шийтгэл оногдуулах үндэслэлтэй байна.

          Шүүгдэгч Ю.Болчулуун нь цагдан хоригдсон хоноггүй, хэрэгт эд мөрийн баримтаар болон шүүгдэгчийн бичиг баримт хураагдан ирээгүй болно.

 

          Шүүгдэгч Ю.Болчулуун нь Эрүүгийн байцаан шийтгэх хуулийн 36 дугаар зүйлийн 36.3.3 дахь хэсэгт зааснаар шүүх хуралдаанд  өөрийгөө өмгөөлөхөөр  хүсэлт гаргасан байна.

 

   Шүүгдэгч Ю.Болчулуун нь ялтай  байхдаа  гэмт хэрэг дахин үйлдсэн нь Эрүүгийн хуулийн ерөнхий ангийн 56 дугаар зүйлийн 56.1.12-т зааснаар хүндрүүлэх нөхцөл байдал болно.