МОНГОЛ УЛСЫН НЭРИЙН ӨМНӨӨС

 

 

Дундговь аймаг дахь сум дундын Иргэний хэргийн анхан шатны шүүхийн шүүгч  Л.Х даргалж, тус шүүхийн ‘’Б’’ танхимд нээлттэй хийсэн шүүх хуралдаанаар:

 

 Нэхэмжлэгч: Дундговь аймгийн Сайнцагаан сумын 7-р баг 1-р байр 1 тоотод оршин суух, Ба овогт Е М /ЗК65060603/-ийн нэхэмжлэлтэй ажиллаж байсан байдал тогтоолгох тухай иргэний хэргийг хянан хэлэлцэв.

 

 Шүүх хуралдаанд нэхэмжлэгч Е.М, шүүх хуралдааны нарийн бичгийн дарга И.За нар оролцов.

                                                                                    ТОДОРХОЙЛОХ нь:

Нэхэмжлэгч Е.М шүүхэд гаргасан нэхэмжлэл, шүүх хуралдаанд гаргасан тайлбартаа: Би 1983 оны 9 сарын 1-ний өдрөөс 1989 оны 1 сарын 31-ний өдрийг хүртэл Дундговь аймгийн Сайнцагаан сумын 8 жилийн сургуульд цэвэрлэгчээр ажиллаж байсан.  Тухайн үеийн хөдөлмөрийн дэвтэр байгаа боловч зөрчилтэй, аймгийн болон сумын архивт  холбогдох тушаал шийдвэр нь байхгүй тул хамт ажиллаж байсан хүмүүсийн гэрчийн мэдүүлэг, хөдөлмөрийн дэвтэр зэргийг үндэслэн 1983 оны 9 сарын 1-ний өдрөөс 1989 оны 1 сарын 31-ний өдрийг хүртэл Дундговь аймгийн Сайнцагаан сумын 8 жилийн сургуульд цэвэрлэгчээр ажиллаж байсан байдлыг тогтоож өгнө үү гэжээ. 

 

Нэхэмжлэгчийн нэхэмжлэл, шүүх хуралдаанаар хэлэлцсэн нотлох баримтуудыг шинжлэн судлаад

                                                                                              ҮНДЭСЛЭХ нь:

Нэхэмжлэгч Е.М нь ажиллаж байсан байдлаа тогтоолгохоор шүүхэд нэхэмжлэлийн шаардлага гаргажээ.

Нэхэмжлэгч Е.Мийг 1983 оны 9 сарын 1-ний өдрөөс 1989 оны 1 сарын 31-ний өдрийг хүртэл Дундговь аймгийн Сайнцагаан сумын 8 жилийн сургуульд цэвэрлэгчээр ажиллаж   байсныг нотлох хөдөлмөрийн дэвтэр зөрчилтэй, ажилд томилсон, ажлаас чөлөөлөгдсөн тушаал өөрт нь хадгалагдаагүй бөгөөд архиваас олдохгүй байгаа болох нь нэхэмжлэгчийн тайлбар, Дундговь аймгийн архивын тасгийн 95 дугаартай тодорхойлолтоор тогтоогдож байх тул нэхэмжлэгчийн нэхэмжлэлийг хэрэгт авагдсан бөгөөд шүүх хуралдаанаар хэлэлцэгдсэн нотлох баримтанд үндэслэн шийдвэрлэх нь зүйтэй гэж шүүх үзлээ.

 

Нэхэмжлэгч Е.М Дундговь аймгийн Сайнцагаан сумын 8 жилийн сургуульд 1983 оны 9 сарын 1-ний өдрөөс 1989 оны 1 сарын 31-ний өдрийг хүртэл цэвэрлэгчээр ажиллаж  байсан болох нь дараах бичгийн нотлох баримтаар нотлогдож байна.

 

• Дундговь аймгийн Татварын хэлтсийн 2019 оны 3 сарын 26-ны өдрийн 08/180 дугаартай тодорхойлолт /хэргийн 5-р хуудас
• Дундговь аймгийн Сайнцагаан сумын Ардын депутатуудын хурлын гүйцэтгэх захиргааны 1987 оны 11 сарын 2-ны өдрийн 66 дугаартай “тэтгэмжтэй чөлөө олгох тухай” захирамжийн хуулбар /хэргийн 7-р хуудас/
• Дундговь аймгийн Сайнцагаан сумын Ардын депутатуудын хурлын гүйцэтгэх захиргааны 1984 оны 1 сарын 10-ны өдрийн 5 дугаартай “ажилд авах тухай” захирамжийн хуулбар /хэргийн 8-р хуудас/
• Дундговь аймгийн Сайнцагаан сумын Ардын депутатуудын хурлын гүйцэтгэх захиргаанаас 1984 оны 1 сарын 5-ны өдөр Е.Мт олгосон 153448 дугаартай, ажилд томилсон, ажлаас чөлөөлсөн тушаалын бичилт бүхий хөдөлмөрийн дэвтрийн нотариатчаар гэрчлүүлсэн хувь /хэргийн 9-10-р хуудас/
•  Дундговь аймгийн Сайнцагаан сумын Ардын депутатуудын хурлын гүйцэтгэх захиргааны 1983 оны 12 сарын 6-ны өдрийн 63 дугаартай “төсөвт байгууллагуудын тооллогын комисс томилох тухай ” захирамжийн хуулбар /хэргийн 23-р хуудас/
• Дундговь аймгийн Сайнцагаан сумын Ардын депутатуудын хурлын гүйцэтгэх захиргааны 1985 оны 11 сарын 12-ны өдрийн 65 дугаартай “урлагийн үзлэгт бэлтгэх тухай ” захирамжийн хуулбар /хэргийн 24-р хуудас/
• Дундговь аймгийн Сайнцагаан сумын Ардын депутатуудын хурлын гүйцэтгэх захиргааны 1986 оны 9 сарын 9-ний өдрийн 53 дугаартай “их бүтээл хөдөлмөр соёлын чуулганд бэлтгэх тухай” захирамжийн хуулбар /хэргийн    25-р хуудас/
• Дундговь аймгийн Сайнцагаан сумын Ардын депутатуудын хурлын гүйцэтгэх захиргааны 1988 оны 12 сарын 8-ны өдрийн 63 дугаартай “ажлаас чөлөөлөх тухай” захирамжийн хуулбар /хэргийн 26-р хуудас/

- Гэрч Ц.Ба-н “...Е.М нь 1983-1989 он хүртэл Дундговь аймгийн Сайнцагаан сумын 5-р сургуульд үйлчлэгчээр ажиллаж байсан. Би 1983-1990 он хүртэл Дундговь аймгийн Сайнцагаан сумын 5-р сургуульд мужаан, сантехникчээр ажиллаж байсан...” гэх мэдүүлэг /хэргийн 17-р хуудас/

- Гэрч Ш.Цэ-н “...Е.М 1983-1989 он хүртэл Дундговь аймгийн Сайнцагаан сумын 5-р сургуулийн дотуур байрны үйлчлэгчээр ажиллаж байсан. Би 1969 оны 9 сараас 2001 он хүртэл тус сургуульд бага ангийн багшаар ажилласан. Бид хамт ажиллаж байсан учраас  энэ хүний талаар мэдэж байна...гэх мэдүүлэг /хэргийн 18-р хуудас/

- Гэрч З.Цэ-н “...Е.М нь 1980-1989 хүртэл Дундговь аймгийн Сайнцагаан сумын 5-р сургуульд үйлчлэгч, байранд үйлчлэгчээр  тус тус ажиллаж байсан. Би 1979 оны 6 сараас 2010 он хүртэл Дундговь аймгийн Сайнцагаан сумын 5-р сургуульд байрны багшаар  ажиллаж байсан, бид нэг газарт ажилладаг байсан учраас энэ хүний талаар мэдэж байна...” гэх мэдүүлэг /хэргийн 19-р хуудас/ зэрэг баримтууд болно.

 

          Иймд нэхэмжлэгчийн нэхэмжлэлийн шаардлагыг хангаж, нэхэмжлэгчийн улсын тэмдэгтийн хураамжинд төлсөн 70200 төгрөгийг улсын орлогод хэвээр үлдээж  шийдвэрлэлээ.

 

Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118, 119 дүгээр зүйлд тус тус заасныг удирдлага болгон  ТОГТООХ нь:

          

1. Иргэний хэрэг шүүхэд хянан шийдвэрлэх тухай хуулийн 133 дугаар зүйлийн  133.1.1, 135 дугаар зүйлийн 135.2.6-д зааснаар Ба овогт Е  М-ийг  Дундговь аймгийн Сайнцагаан сумын 8-н жилийн сургуульд 1983 оны 9 сарын 1-ний өдрөөс 1989 оны 1 сарын 31-ний өдрийг хүртэл цэвэрлэгчээр ажиллаж байсан байдлыг тогтоосугай.
2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1 дэх хэсэгт зааснаар нэхэмжлэгчийн улсын тэмдэгтийн хураамжинд төлсөн 70200 /далан мянга хоёр зуу/ төгрөгийг улсын орлогод хэвээр үлдээсүгэй. 
3. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2 дахь хэсэгт зааснаар нэхэмжлэгч энэ шийдвэрийг эс зөвшөөрвөл шийдвэрийг гардан авсан өдрөөс хойш 14 хоногийн дотор Дундговь аймгийн Эрүү, иргэний хэргийн давж заалдах шатны шүүхэд гомдол гаргах эрхтэйг дурдсугай.

 

 

 

 

ДАРГАЛАГЧ ШҮҮГЧ                            Л.Х