2019 оны 05 сарын 20 өдөр                                   Дугаар 139/ШШ2019/00212                                                      Дундговь аймаг

МОНГОЛ УЛСЫН НЭРИЙН ӨМНӨӨС

 

 

Дундговь аймаг дахь сум дундын Иргэний хэргийн анхан шатны шүүхийн шүүгч Г.Б даргалж, тус шүүхийн ‘’Б’’ танхимд нээлттэй хийсэн шүүх хуралдаанаар:

 Нэхэмжлэгч Улаанбаатар хот,                                  02 тоотод оршин суух Боржигин овогт Жийн О /РД:ЗЖ /-ийн ажиллаж байсан байдал тогтоолгох тухай 139/2019/00210/И индекстэй иргэний хэргийг хянан хэлэлцэв.

 Шүүх хуралдаанд шүүх хуралдааны нарийн бичгийн дарга С.Уянга   оролцов.

                                                                                    ТОДОРХОЙЛОХ нь:

Нэхэмжлэгч Ж.О шүүхэд гаргасан нэхэмжлэлдээ: ... миний бие 1967 онд төрсөн..... Улсад 6-н жил ажилласан юм. 1988 оны 1 сарын 01-ний өдрөөс 1993 оны 12 сарын 31-ний өдрийг хүртэл   Дундговь аймгийн Дэрэн сумын Найрамдал нэгдэлд малчинаар ажиллаж байсан үеийн хөдөлмөрийн дэвтэр үрэгдсэн ажилласан жилийг сэргээн тогтоож өгнө үү     гэжээ.

 

 Нэхэмжлэгчийн нэхэмжлэл, шүүх хуралдаанаар хэлэлцсэн нотлох баримтуудыг шинжлэн судлаад

                                                                                              ҮНДЭСЛЭХ нь:

Нэхэмжлэгч Ж.О  нь 1988 оны 1 сарын 01-ний өдрөөс 1993 оны 12 сарын 31-ний өдрийг хүртэл   Дундговь аймгийн Дэрэн сумын Найрамдал нэгдэлд малчинаар ажиллаж байсан болохыг тогтоолгохоор нэхэмжлэлийн шаардлагыг   гаргажээ.

Ж.От холбогдох 1988 оны 1 сарын 01-ний өдрөөс 1993 оны 12 сарын 31-ний өдрийг хүртэл   Дундговь аймгийн Дэрэн сумын Найрамдал нэгдэлд малчинаар ажиллаж байсан талаархи баримт архивт хадгалагдаагүй болох нь Дундговь аймгийн Архивын тасгийн  2019 оны 05 сарын 01-ний өдрийн 150 дугаартай албан бичгээр нотлогдож  байх тул  хэргийг шүүхээр хянан шийдвэрлэх нь зүйтэй байна /хх-ийн 07/

Нэхэмжлэгч Ж.О  нь 1988 оны 1 сарын 01-ний өдрөөс 1993 оны 12 сарын 31-ний өдрийг хүртэл   Дундговь аймгийн Дэрэн сумын Найрамдал нэгдэлд малчинаар ажиллаж  байсан болох нь:

1. Дундговь аймгийн Татварын хэлтсийн  2019 оны 04 сарын 30-ны өдрийн 08/270 дугаартай “ Дэрэн сумын Найрамдал нэгдэл, Найрамдал ББХК-н талаархи” тодорхойлолт /хх-ийн 04/
2. Дундговь аймгийн Дэрэн сумын засаг даргын тамгын газрын даргын   2019 оны 04 сарын 22-ны өдрийн 34 дугаартай “..Ж.Оийн 1990-1993 оны цалингийн картын хуулбарыг олгосон тухай” тодорхойлолт /хх-ийн 06/
3. Ж.Оийн 1990-1993 онуудын цалингийн баримтын хуулбар /хх-ийн 09-18/
4. Гэрч А.Т, Б.А , А.Да нарын  мэдүүлэг /хх-25-27, 29-30/ зэргээр шууд байдлаар,
5. Гэрч Б.А-г 1965 оны 1 сарын 01-ний өдрөөс 1992 оны 06  сарын 01 хүртэл Дундговь аймгийн Дэрэн суманд  малчин тууварчинаар ажиллаж байсан болохыг тогтоосон Дундговь аймгийн Сум дундын шүүхийн 2004 оны 9 сарын 03-ны өдрийн 264 дугаартай шүүхийн шийдвэрийн хуулбар /хх-ийн 28/
6. Гэрч А.Да-т Дундговь аймгийн Дэрэн сумын Найрамдал нэгдлээс олгосон 1983-1990 онуудад хамаарах “Ажилласан хоног, авсан хөлс”-ний бичилт бүхий, 1991-1993 онуудад хамаарах “Ажилласан хоног, цалин”-гийн бичилт бүхий  хөдөлмөрийн дэвтрүүдийн хуулбар /хх-ийн 31-35/ зэргээр дам байдлаар нотлогдон тогтоогдож байна.

 

Иймд нэхэмжлэлийн шаардлагыг бүхэлд нь хангаж шийдвэрлэв.  

 

Нэхэмжлэгч Ж.О нь өөрийн эзгүйгээр шүүх хуралдааныг хийлгэх тухай хүсэлтийг бичгээр ирүүлсэн байх тул Иргэний хэрэг шүүхэд хянан шийдвэрлэх тухай хуулийн  100 дугаар зүйлийн 100.1-д зааснаар нэхэмжлэгчийн эзгүйд хэргийг хянан шийдвэрлэсэн болно.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн  133.1.1-д  заасныг удирдлага болгон  ТОГТООХ нь

1. Иргэний хэрэг шүүхэд хянан шийдвэрлэх тухай хуулийн  135 дугаар зүйлийн 135.2.6-д зааснаар Боржигин овогт Жийн О /ЗЖ-г  1988 оны 1 сарын 01-ний өдрөөс 1993 оны 12 сарын 31-ний  өдрийг хүртэл  Дундговь аймгийн Дэрэн сумын Найрамдал нэгдэлд малчинаар ажиллаж байсан болохыг  тогтоосугай.

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-т зааснаар нэхэмжлэгч Ж.Оийн улсын тэмдэгтийн хураамжид төлсөн 70.200 /далан мянга хоёр зуу/ төгрөгийг төсвийн орлогод хэвээр үлдээсүгэй. 

3. Иргэний хэрэг шүүхэд хянан шийдвэрлэх тухай хуулийн 119, 120 дугаар зүйлд зааснаар нэхэмжлэгч энэ шийдвэрийг эс зөвшөөрвөл шийдвэрийг гардан авсан өдрөөс хойш 14 хоногийн дотор Дундговь аймгийн Эрүү, иргэний хэргийн давж заалдах шатны шүүхэд гомдол гаргах эрхтэйг дурдсугай.

 

 

 

 

ДАРГАЛАГЧ ШҮҮГЧ                      Г.Б