2019 оны 10 сарын 28 өдөр                                          Дугаар 139/ШШ2019/00441                                                 Дундговь аймаг

 

 

МОНГОЛ УЛСЫН НЭРИЙН ӨМНӨӨС

 

 

Дундговь аймаг дахь сум дундын Иргэний хэргийн анхан шатны шүүхийн шүүгч Г.Б би Ц.Оын нэхэмжлэлтэй Ц.Од холбогдох эх байх эрх хасуулах, эцэг тогтоолгох тухай  139/2019/00409/И индекстэй  иргэний хэргийг хянан хэлэлцэв

 

Шүүх хуралдаанд: нэхэмжлэгч Ц.О,   нарийн бичгийн дарга С.У  нар оролцов. 

ТОДОРХОЙЛОХ НЬ:

Хариуцагч Ц.О шүүхэд ирүүлсэн нэхэмжлэлдээ:    Ц.О миний бие ... Ц.Отай  2009 онд  танилцаж  2011 оны 9 сарын 9-нд  хүү Б нь мэндэлсэн хүүгээ төрсний дараа гэрлэлтийн гэрчилгээ  байхгүй учраас хүүгээ тухайн үед  ээж Оаар овоглосон. Гэвч О нь хүүгээ 9-н сартай байхад  2012 онд  6 сард орхиж явснаас  хойш 3-н удаа уулзсан  байдаг. Хүү Б  нь одоо Э  сумын сургуульд  3-р ангид сурдаг. Оааг хүүгээ орхиж  явсан цагаас  хойш миний  асрамжид байгаа. Эх нь  хүүгээ  асууж сурдаггүй анхаарал  тавьдаггүй  хаа яваа нь  мэдэгдэхгүй  байгаа.  ..... Ц.О нь хаа байгаа нь мэдэгдэхгүй холбоо барьж болохгүй байгаа учраас Улсын бүртгэлийн байгууллагаар  овог нэр өөрчлөх боломжгүй байна.  Иймд  шүүхэд хандахаас  өөр аргагүй  тул Ц.Оын эх байх эрхийг хасаж О.Бийн  төрсөн эцэг  Ц.О мөн болохыг тогтоож өгнө үү гэжээ.

Нэхэмжлэгч Ц.О нь шүүх хуралдаанд гаргасан тайлбартаа: хүү Бийн эцэг нь Ц.О мөн болохыг тогтоолгох нэхэмжлэлийн шаардлагаасаа татгалзаж байна.  Ц.Оын хүү Бийн эх байх эрхийг хасуулах нэхэмжлэлийн шаардлагаа дэмжиж байна гэв.

Хариуцагч нь шүүхэд ирүүлсэн тайлбартаа:   Ц овогтой  О би нөхөр байсан Цийн Отай  2010 онд гэр бүл болж амьдарч байхдаа хүү Бийгээ 2011 онд төрүүлсэн юм. ..... О  миний бие нь хүү Бдээ ээж байх эрхгүй болсон. Ц  овогтой  О Ц   овогтой О бид 2 тус тусдаа амьдралтай болсон учир  хүү Бийг ааваар нь  овоглохыг  хүлээн зөвшөөрч байна. Эх байх эрх хасуулах  нэхэмжлэлийн шаардлагыг зөвшөөрч байна. Хүүхдийн асрамжин дээр  маргах зүйл байхгүй гэжээ.

 ҮНДЭСЛЭХ НЬ:

Нэхэмжлэгч Ц.О хүү Бийн эцэг мөн болохыг тогтоолгох, Ц.Оыг хүү Бийн эх байх эрхийг хасуулах шаардлага бүхий нэхэмжлэлийг гаргажээ. Шүүх хуралдааны явцад нэхэмжлэгч Ц.О хүү Бийн эцэг мөн болохыг тогтоолгох нэхэмжлэлийн шаардлагаасаа татгалзсан болно.  Хариуцагч Ц.О нэхэмжлэлд дурдсан үйл баримт /хүүхдээ асрах болон тэжээн тэтгэх үүргээ биелүүлдэггүй талаар/-тай маргаагүй бөгөөд  шаардлагыг хүлээн зөвшөөрсөн тайлбараа тус шүүхэд ирүүлсэн байна.

Иймд  эцэг тогтоолгох тухай шаардлагаасаа татгалзсаныг баталж,  Ц.Оын хүү Бийн эх байх эрх хасуулах тухай шаардлагыг хангаж шийдвэрлэв.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлд  заасныг удирдлага болгон ТОГТООХ нь:

 

1. Нэхэмжлэгч Ц.Оын хүү О.Б /ЗП /-ийн эцэг  тогтоолгох тухай нэхэмжлэлийн  шаардлагаасаа татгалзсаныг баталсугай.
2. Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.1.12, Гэр бүлийн тухай хуулийн 30 дугаар зүйлийн 30.1-д зааснаар  Ц.О / ЗП /-ын 2011 оны 09 сарын 09 өдөр төрсөн Б овогт Оын Б /ЗП /-ийн эх байх эрхийг нь хассугай.
3. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1,  57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгчээс улсын тэмдэгтийн хураамжинд төлсөн 140400  /нэг зуун дөчин мянга дөрвөн зуун/ төгрөгийг   улсын орлогод хэвээр үлдээж, хариуцагч Ц.Оаас 70200  /далан мянга хоёр зуун/ төгрөгийг гаргуулж нэхэмжлэгч Ц.От олгосугай. 
4. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар нэхэмжлэгч, хариуцагч энэ шийдвэрийг эс зөвшөөрвөл шийдвэрийг гардан авсан өдрөөс хойш 14 хоногийн дотор Дундговь аймгийн Эрүү, иргэний хэргийн давж заалдах шатны шүүхэд гомдол гаргах эрхтэйг заасугай.

 

 

 

 

 

ДАРГАЛАГЧ                      Г.Б