Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.2, 116, 118 дугаар зүйлүүдэд заасныг удирдлага болгон
 
ТОГТООХ нь:
 
1. Гэр бүлийн тухай хуулийн 14 дүгээр зүйлийн 14.1 дэх хэсэгт заасныг баримтлан С.А Ш.Д нарын гэрлэлтийг цуцалсугай.
 
2. Гэр бүлийн тухай хуулийн 14 дүгээр зүйлийн 14.5 дахь хэсэгт заасныг баримтлан 2009 оны 3 дугаар сарын 30-ны өдөр төрсөн охин Д.Цг эх С.Аийн асрамжид үлдээсүгэй.
 
3. Гэр бүлийн тухай хуулийн 38 дүгээр зүйлийн 38.2 дахь хэсэгт заасны дагуу Ш.Д охин Д.Цдоо сар бүр хадгаламжид 100 000 төгрөг хийж дэвтрийг нь ээжид нь өгөхөөр тохиролцож, нэхэмжлэгч С.А хүүхдийн тэтгэлэг нэхэмжлэхгүй гэсэн болохыг дурдсугай.
 
4. Гэр бүлийн тухай хуулийн 26 дугаар зүйлийн 26.2 дахь хэсэгт зааснаар зохигчид хүүхдээ эрүүл чийрэг өсгөн бойжуулах, сэтгэхүйн хувьд төлөвшүүлэх, асран хамгаалах, тэжээн тэтгэх, хүүхдийн эрхийг хамгаалж үүргээ биелүүлэхэд нь туслах, суурь боловсрол эзэмшүүлэх, хөдөлмөрийн анхны дадлага олгох зэрэг эцэг, эхийн үүрэг хэвээр үлдэх болохыг дурьдсугай.
 
5. Иргэний хэрэг шүүхэд хянан хэлэлцэх тухай хуулийн 74 дүгээр зүйлийн 74.6 заасны дагуу хариуцагч Ш.Д Баруун-Урт сумын 2 дугаар багт байрлах Цайртын 1 дүгээр байрны 2 дугаар орцны 102 тоот 50 м.кв орон сууцыг бүрэн тавилгатай нь, гражийн хамт эхнэр, 2 охинд өгөхөөр, нэхэмжлэгч С.А хариуцагчид Ш.Дд Приус-20 маркийн автомашин, 3 000 000 төгрөгийг 2020 оны 3 дугаар сард багтааж өгөхөөр тохиролцсон зохигчдын эвлэрлийг баталсугай.
 
6. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.1, 7.1.2 дахь хэсэгт заасныг баримтлан нэхэмжлэгч С.Аийн нь улсын тэмдэгтийн хураамжинд төлсөн 70 200 төгрөгийг улсын төсвийн орлогод хэвээр үлдээж, нэхэмжлэгч нь хариуцагч Ш.Дгээс улсын тэмдэгтийн хураамж нэхэмжлэхгүй гэсэн болохыг дурдаж, Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6 дахь хэсэгт заасныг баримтлан нэхэмжлэгч С.Аээс эд хөрөнгө гаргуулах тухай нэхэмжлэлийн шаардлагад тохирох улсын тэмдэгтийн хураамж 482 144 төгрөгийн тал хувь болох 241 072 төгрөг, хариуцагч Ш.Дгээс улсын тэмдэгтийн хураамж 249 114 төгрөгийн тал хувь болох 124 557 төгрөгийг тус тус гаргуулсугай.
 
7. Гэр бүлийн тухай хуулийн 14 дүгээр зүйлийн 14.9 дэх хэсэгт зааснаар шийдвэрийн хувийг хүчин төгөлдөр болсноос хойш ажлын 3 өдрийн дотор Улсын бүртгэлийн байгууллагад явуулахыг шүүгчийн туслах /Х.Бат-Эрдэнэ/-д даалгасугай.
 
8. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2 дахь хэсэгт зааснаар уг шийдвэр танилцуулан сонсгомогц хуулийн хүчинтэй болохыг дурдсугай.
 
9. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2 дахь хэсэгт зааснаар зохигчид нь шийдвэрийг эс зөвшөөрвөл гардан авснаас хойш 14 хоногийн дотор Сүхбаатар аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.
 
 
 
 
ДАРГАЛАГЧ, ШҮҮГЧ Ш.ОЮУНГЭРЭЛ