МОНГОЛ УЛСЫН НЭРИЙН ӨМНӨӨС

Дундговь аймаг дахь Сум дундын иргэний хэргийн анхан шатны шүүхийн шүүгч Д. У даргалж, тус шүүхийн Б танхимд нээлттэй хийсэн шүүх хуралдаанаар:

Нэхэмжлэгч: Дундговь аймгийн ******* сумын 7-р баг ******* тоотод оршин суух, Та  овогт М ийн Э /*******/-ны ажиллаж байсан байдал  тогтоолгох тухай нэхэмжлэлтэй иргэний хэргийг хянан хэлэлцэв.

 

Шүүх хуралдаанд нэхэмжлэгч М.Э, шүүх хуралдааны нарийн бичгийн дарга Б.Ж  нар оролцов.

ТОДОРХОЙЛОХ нь:

Нэхэмжлэгч М.Э шүүхэд гаргасан нэхэмжлэлдээ: М.Э миний бие  60 нас хүрч байгаа, улсад 41 жил ажилласан. 1990 оны 8 сарын 15-ны өдрөөс 1991 оны 9 сарын 18-ны өдрийг дуустал Дундговь аймгийн Мандалговь хотын хөнгөвчилсөн сургалттай тусгай сургуульд биеийн тамирын багшаар ажилласан. Дээрх хугацааны хөдөлмөрийн дэвтэр зөрчилтэй шаардлага хангахгүй байгаа тул гэрчийн мэдүүлэг, хөдөлмөрийн дэвтэр зэрэг баримтуудыг үндэслэн дээрх хугацаанд ажиллаж байсныг тогтоож өгнө үү гэжээ.

 

Нэхэмжлэгчийн нэхэмжлэл, шүүх хуралдаанаар хэлэлцсэн нотлох баримтуудыг шинжлэн судлаад

ҮНДЭСЛЭХ нь:

Нэхэмжлэгч М.Э нь ажиллаж байснаа тогтоолгох тухай нэхэмжлэл гаргасан байна.

Нэхэмжлэгч М.Эы Дундговь аймгийн Мандалговь хотын 10 жилийн тусгай сургуульд 1990 оны 8 сарын 15-ны өдрөөс 1991 оны 9 сарын 18-ны өдрийг дуустал биеийн тамирын багшаар ажилласан талаарх холбогдох баримт байхгүй болох нь Дундговь аймгийн Архивын тасгийн  2019 оны 10 сарын 14-ний өдрийн 326 дугаартай  тодорхойлолтоор нотлогдож  байгаа нь нэхэмжлэлийг хянан шийдвэрлэх үндэслэл болж байна.

 

               Шүүхийн хэлэлцүүлгээр дараах баримтуудыг шинжлэн судлав. Үүнд:

            - Дундговь аймгийн Мандалговь хотын 10 жилийн тусгай сургуулиас М.Эд 1977 оны 9 сарын 3-ны өдөр олгосон хөдөлмөрийн дэвтрийн нотариатчаар гэрчлүүлсэн хуулбар

            - Дундговь аймгийн Архивын тасгийн  2019 оны 10 сарын 14-ний өдрийн 326 дугаартай “...тус архивын сан хөмрөгт Дундговь аймгийн Мандалговь хотын 10 жилийн тусгай сургуульд 1990 оны 8 сарын 15-ны өдрөөс 1991 оны 9 сарын 18-ны өдрийг дуустал биеийн тамирын багшаар ажилласан талаарх холбогдох баримт байхгүй байна...” гэх тодорхойлолт

- Гэрч Т.Цэ-н “...М.Э нь 1990 оны 9 сараас 1992 он дуустал Дундговь аймгийн Мандалговь хотын Нэргүй захиралтай Тусгай сургуульд биеийн тамирын багшаар ажиллаж байсан. Би 1990-1992 онд Дундговь аймгийн Мандалговь хотын Тусгай сургуульд хөдөлмөрийн багшаар, 1993-1995 ******* 3-р дунд сургуульд тус тус ажиллаж байсан. Би М.Этай 1990-1993 онд тусгай сургуульд хамт ажиллаж байсан учраас энэ хүний ажиллаж байсан талаар мэдэж  байна...” гэх мэдүүлэг

-Гэрч Ш.Хи-н “...М.Э нь 1990-1991 онд Дундговь аймгийн Мандалговь хотын Тусгай сургуульд биеийн тамирын багшаар ажиллаж байсан. Би 1990-1994 он хүртэл Дундговь аймгийн Мандалговь хотын Тусгай сургуульд бичээч үйлчлэгчээр ажиллаж байсан. Бид хамт ажиллаж байсан учраас энэ хүний ажиллаж байсан талаар мэдэж  байна...” гэх мэдүүлэг баримтууд болно.

 

Хэрэгт цугларсан дээрх бичгийн нотлох баримтуудаар М.Э нь 1990 оны 8 сарын 15-ны өдрөөс 1991 оны 9 сарын 18-ны өдрийг дуустал  Дундговь аймгийн Мандалговь хотын хөнгөвчилсөн сургалттай тусгай сургуульд биеийн тамирын багшаар ажиллаж  байсан болох нь тогтоогдож байх тул нэхэмжлэлийн шаардлагыг  хангаж, нэхэмжлэгчийн улсын тэмдэгтийн хураамжид төлсөн 70200 төгрөгийг улсын орлогод хэвээр үлдээж шийдвэрлэх нь зүйтэй гэж шүүх үзлээ.

 

            Иргэний хэрэг шүүхэд хянан шийдвэрлэх тухай хуулийн 82.1.6, 115 дугаар зүйлийн 115.1, 115.2.1, 116, 118 дугаар зүйлд  заасныг удирдлага болгон ТОГТООХ нь:

 

1. Иргэний хэрэг шүүхэд хянан шийдвэрлэх тухай хуулийн  133 дугаар зүйлийн 133.1.1, 135 дугаар зүйлийн 135.2.6-д зааснаар Та овогт М-ийн Э /*******/ нь 1990 оны 8 сарын 15-ны өдрөөс 1991 оны 9 сарын 18-ны өдрийг дуустал  Дундговь аймгийн Мандалговь хотын хөнгөвчилсөн сургалттай тусгай сургуульд биеийн тамирын багшаар ажиллаж  байсан болохыг  тогтоосугай.  
2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 57 дугаар зүйлийн 57.1, Улсын тэмдэгтийн хураамжийн тухай хуулийн 7-р зүйлийн 7.1.2-т зааснаар нэхэмжлэгчийн улсын тэмдэгтийн хураамжинд төлсөн 70200 /далан мянга хоёр зуу/ төгрөгийг улсын орлогод хэвээр үлдээсүгэй.
3.  Иргэний хэрэг шүүхэд хянан шийдвэрлэх тухай хуулийн  120 дугаар зүйлийн 120.2-т  зааснаар нэхэмжлэгч энэ шийдвэрийг эс зөвшөөрвөл шийдвэрийг гардан авсан өдрөөс хойш 14 хоногийн дотор Дундговь аймгийн Эрүү, Иргэний хэргийн давж заалдах шатны шүүхэд гомдол гаргах эрхтэйг заасугай.

 

 

 

 ДАРГАЛАГЧ ШҮҮГЧ                       Д.У