МОНГОЛ УЛСЫН НЭРИЙН ӨМНӨӨС

 

Дундговь аймаг дахь сум дундын Иргэний хэргийн анхан шатны шүүхийн шүүгч Г.Б даргалж, тус шүүхийн Б танхимд нээлттэй хийсэн шүүх хуралдаанаар:

Нэхэмжлэгч: Дундговь аймгийн  тоотод оршин суух хаягтай, О овогт Л.М /РД/-ын ажиллаж байсан байдал тогтоолгох тухай шаардлага бүхий  иргэний хэргийг хянан хэлэлцэв.

Шүүх хуралдаанд нэхэмжлэгчийн итгэмжлэгдсэн төлөөлөгч Л.М, шүүх хуралдааны нарийн бичгийн дарга Б.Жнар  оролцов.

 

ТОДОРХОЙЛОХ нь:

Нэхэмжлэгч Л.Мшүүхэд гаргасан нэхэмжлэлдээ: “...миний бие 1980 оны 06 сарын 18 өдрөөс 1982 оны 07 сарын 01 хүртэл,  1985 оны 07 сарын 05 өдрөөс 1985 оны 10 сарын 01 өдөр хүртэл Дундговь аймгийн Луус сумын Суврага бригадад малчин, 1985 оны 10 сарын 01 өдрөөс 1985 оны 11 сарын 15 хүртэл Хөдөлмөр нэгдлийн конторын галч, 1985 оны 11 сарын 20 өдрөөс 1987 оны 11 сарын 10 өдөр хүртэл Луус сумын Суврага бригадын аж ахуй, 1987 оны 11 сарын 10 өдрөөс 1990 оны 04 сарын 26 хүртэл Луус сумын НААҮ-нд машинист, 1990 оны 04 сарын 26 өдрөөс 1993 оны 04 сарын 03 өдөр хүртэл Луус сумын Эрчим хүчний төвд дизельчин, 1993 оны 10 сарын 26 өдрөөс 1995 оны 01 сарын 01 хүртэл аймгийн Эрчим хүчний үйлдвэрт гэрлийн байцаагч, монтёроор ажиллаж байсан тул холбогдох баримтыг үндэслэн ажилласан жилийг тогтоож өгнө үү гэжээ.

Нэхэмжлэгчийн итгэмжлэгдсэн төлөөлөгч Л.М шүүх хуралдаанд гаргасан тайлбартаа: Нэхэмжлэлийн шаардлагыг дэмжиж байна. Ажилласан жилийг хэрэгт авагдсан баримтыг үндэслэн тогтоож өгнө үү гэв.   

 

Нэхэмжлэгчийн нэхэмжлэл, шүүх хуралдаанаар хэлэлцсэн нотлох баримтуудыг шинжлэн судлаад

 

ҮНДЭСЛЭХ нь:

Нэхэмжлэгч Л.Мнь  ажилласан жил тогтоолгохоор нэхэмжлэл гаргажээ.

Нэхэмжлэгчийн нэхэмжлэлийн шаардлага дараах баримтуудаар нотлогдон тогтоогдож байна.

-1964 оны 11 сарын 08 өдөр төрсөн, Лувсанжамба овогтой Мандахын 35 дугаартай төрсний гэрчилгээний, Лувсанжамбын Мандахыг Л.Мболгон өөрчилсөн овог эцгийн нэр, нэр өөрчилсний  гэрчилгээний хуулбар /хэргийн 5-р хуудас/

Дундговь  аймгийн Татварын хэлтсийн 2019 оны 12 сарын 24 өдрийн 08/793 дугаартай “Луус сумын Шинэ эхлэлт нэгдэл”-ийн талаархи, 08/794 дугаартай “Луус сумын Эрчим хүчний төв”-ийн талаархи хуулийн этгээдийн лавлагаа /хэргийн 9-10-р хуудас/

- Дундговь аймгийн Луус сумын Хөдөлмөр нэгдлийн даргын 1980 оны 6 сарын 17-ны өдрийн 28 дугаартай “МХЗЭ-н илтгээлтээр ХАА-н үйлдвэрлэлд хуваарилагдсан сурагчдыг ажилд томилох тухай”  1982 оны 7 сарын 1-ний өдрийн 31 дугаартай “ Ажилд авах ба ажлаас чөлөөлөх тухай”, 1985 оны 7 сарын 5-ны өдрийн 41 дугаартай “Ажилд томилох тухай”, 1985 оны 10 сарын 3-ны өдрийн 60 дугаартай “Ажлаас чөлөөлөх ба ажилд томилох тухай”, 1985 оны 11 сарын 15-ны өдрийн 72 дугаартай “Ажлаас чөлөөлөх ба ажилд томилох тухай”, 1985 оны 11 сарын 28-ны өдрийн 75 дугаартай “Ажлаас чөлөөлөх ба ажилд томилох тухай”, 1987 оны 10 сарын 23-ны өдрийн 69 дугаартай “Ажилд томилох ба ажлаас чөлөөлөх тухай” тушаалын хуулбарууд /хэргийн 13-18-р хуудас/

- Эрчим хүчний яамны харъяа Дундговь аймгийн Эрчим хүчний нэгдсэн үйлдвэрийн даргын 1993 оны 10 сарын 27-ны өдрийн 117 дугаартай “Ажилд авах тухай”, 1995 оны 01 сарын 10 өдрийн 07 дугаартай “...Ажиллагсдын хөдөлмөрийн дэвтрийг 1995 оны 01 сарын 01-ээр хаасугай...” гэх тушаалын хуулбар /хэргийн 19-22-р хуудас/

-1989 оны 10 сарын 10-ны өдрийн 764650 дугаартай нэхэмжлэгч Л.Мт олгосон Монголын үйлдвэрчний эвлэлийн гишүүний бат илэрхийлэх эх хувиараа /хэргийн 24-р хуудас/

-Дундговь аймгийн Луус сумын Хөдөлмөр нэгдлээс 1988 оны 05 сарын 15-ны өдөр Л.Мт олгосон, “1980 оны 06 сарын 18-аас Суварга бригадад үхэрчинээр томилж ажиллуулав” гэх тушаалын бичилттэй,   1988 оны 06-09 саруудад хамаарах “ажилласан хоног, авсан хөлс”-ний бичиглэл бүхий хөдөлмөрийн дэвтэр эх хувиараа /хэргийн 25-р хуудас/

-Луус сумын Хөдөлмөр нэгдлээс Лын М-д олгосон, 161320 дугаартай, 1985 оны 10 сарын 01 өдрөөс 1987 оны 11 сарын 10 хүртэл, 1988 оны 05 сарын 01 өдрөөс 1993 оны 04 сарын 03 хүртэл, 1993 оны 10 сарын 26 өдрөөс 1995 оны 01 сарын 01 хүртэл Дундговь аймгийн Луус сумын Хөдөлмөр нэгдэлд конторын галч, бригадын аж ахуйгаар, Нийтийн аж ахуй үйлчилгээний машинистаар, сумын Эрчим хүчний төвд дизельчинээр, гэрлийн байцаагч, монтёроор  томилсон чөлөөлсөн тушаалын бичилт бүхий хөдөлмөрийн дэвтэр эх хувиараа /хэргийн 26-р хуудас/

-10308  дугаартай, 1980 оны 06 сарын 02 өдөр Лын М-д олгосон МХЗЭ-н хүндэт илгээлт эх хувиар /хэргийн 28-р хуудас/

-Гэрч Ц.Бийн “1980 онд би Луус сумын эрчим хүчний төвд цахилгаанчинаар ажиллаж байхад 1988 онд нэхэмжлэгч Луус сумын эрчим хүчний төвд 1990 он хүртэл надтай хамт ажилласан. Нэхэмжлэгч Луус сумын эрчим хүчний төвд дизелчинээр ажиллаж байсан. 1990-1993 он хүртэл аймгийн эрчим хүчний харъяа гэж өөрчлөгдөхөд бас нэхэмжлэгч бид хоёр хамт ажиллаж байсан. 1993 оноос хойш нэхэмжлэгчийг хаана, ямар ажил хийснийг нь мэдэхгүй" гэх мэдүүлэг /хэргийн 40-р хуудас

-Гэрч Б.Г “Л.М... манай нөхөр байгаа юм гэв. ...  мэдүүлэг өгөхийг зөвшөөрч байна. 1989 оны 7 сард санхүү эдийн засгийн техникумийг төгсөөд Луус сумын ахуй үйлчилгээний төвд нягтлан бодогчоор томилогдож очсон. Намайг Луус суманд очиж ажиллахад М ажиллаж байсан. М өөрөө Луус сумын иргэн байгаа юм. 1990 оны хавар ахуй үйлчилгээ нь хувьчлагдаад сумын эрчим хүчний төв, шинэ эхлэлт хоршоо гэж салахад нэхэмжлэгч эрчим хүчний цахилгаан мотор асаадаг дизелчинээр ажиллаж байгаад 1993 онд аймгийн эрчим хүчиний төвд шилжин ажилласан. Үүнээс хойш одоог хүртэл аймгийн эрчим хүчний төвд ажиллаж байгаа. М 8-р ангиа төгсөөд Луус сумын Хөдөлмөр нэгдэлд илгээлтээр гарч туслах малчин хийж байгаад цэрэгт явсан. Тэгээд цэргээс халагдаж ирээд Луус сумын Хөдөлмөр нэгдэлд ажилласан” гэх мэдүүлэг /хэргийн 41-42-р хуудас/ 

 -Гэрч Ц.Н “Би Дундговь аймгийн Луус сумын нийтийн ахуй үйлчилгээний дизель цахилгаан станцад Мандахноовтой хамт ажиллаж байсан. Нэхэмжлэгч Дундговь аймгийн Луус сумын эрчим хүчний төвд ажиллаж байсан. Мандахноов туслах дизелчин, цахилгаанчины ажлыг хавсарч хийдэг байсан гэв. .... 1988-1995 оны хооронд Луус суманд ажиллаж байгаад аймгийн эрчим хүчний төвд одоо ажиллаж байгаа” гэх мэдүүлэг /хэргийн 43-44-р хуудас/ зэрэг  шууд баримтууд,

- Б.Г 1989 оны 07 сарын 03 өдрөөс 1993 оны 05 сарын 10 хүртэл Дундговь аймгийн Луус сумын НААҮТөв, Эрчим хүчний төв, Шинэ эхлэлт хоршоонд ажиллаж байсан болохыг тогтоосон Дундговь аймгийн Сум дундын шүүхийн 2002 оны 10 сарын 22 өдрийн 248 дугаартай шийдвэрийн хуулбар /хэргийн 39-р хуудас/ зэрэг дам баримтууд болно.

 

Иймд нэхэмжлэлийн шаардлагыг бүрэн хангахаар шийдвэрлэв.

 

   Иргэний хэрэг шүүхэд хянан шийдвэрлэх тухай 115 дугаар зүйлийн 115.2.1, 116, 118, 133 дугаар зүйлийн 133.1.1-д заасныг удирдлага болгон ТОГТООХ НЬ: 

 

1. Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д  зааснаар О овогт Л.М /РД/-ыг 1980 оны 06 сарын 18-аас 1982 оны 7 сарын 1 хүртэл,  1985 оны 7 сарын 5 өдрөөс 1985 оны 10 сарын 01 өдөр хүртэл Дундговь аймгийн Луус сумын Хөдөлмөр нэгдэлд малчинаар, 1985 оны 10 сарын 01 өдрөөс 1985 оны 11 сарын 15 хүртэл Дундговь аймг ийн Луус сумын Хөдөлмөр нэгдэлд галчаар, 1985 оны 11 сарын 20 өдрөөс 1987 оны 11 сарын 10 өдөр хүртэл Дундговь аймгийн Луус сумын Хөдөлмөр нэгдэлд Суврага бригадын аж ахуйгаар, 1987 оны 11 сарын 10 өдрөөс 1990 оны 04 сарын 26 хүртэл Луус сумын НААҮ-нд машинистаар, 1990 оны 04 сарын 26 өдрөөс 1993 оны 04 сарын 03 өдөр хүртэл Луус сумын Эрчим хүчний төвд дизельчинээр, 1993 оны 10 сарын 26 өдрөөс 1995 оны 01 сарын 01 хүртэл аймгийн Эрчим хүчний үйлдвэрт гэрлийн байцаагч, монтёроор тус тус ажиллаж байсан болохыг  тогтоосугай.

1. Иргэний хэрэг шүүхэд хянан шийдвэрлэх тухай хуулийн 57-р зүйлийн 57.1, Улсын тэмдэгтийн хураамжийн тухай хуулийн 7-р зүйлийн 7.1.2-д зааснаар нэхэмжлэгчийн улсын тэмдэгтийн хураамжинд төлсөн 70200 төгрөгийг төсвийн орлогод хэвээр үлдээсүгэй.
2. Иргэний хэрэг шүүхэд хянан шийдвэрлэх тухай хуулийн 119, 120 дугаар зүйлд зааснаар нэхэмжлэгч түүний төлөөлөгч энэ шийдвэрийг эс зөвшөөрвөл гардан авснаас хойш 14 хоногийн дотор Дундговь аймгийн Эрүү, Иргэний хэргийн давж заалдах шатны шүүхэд гомдол гаргах эрхтэйг заасугай. 

 

 

 

 

 

 ДАРГАЛАГЧ ШҮҮГЧ                       Г.Б