МОНГОЛ УЛСЫН НЭРИЙН ӨМНӨӨС

 

Дундговь аймаг дахь сум дундын Иргэний хэргийн анхан шатны шүүхийн шүүгч Г.Б даргалж, тус шүүхийн Б танхимд хаалттай хийсэн шүүх хуралдаанаар:

Нэхэмжлэгч: Улаанбаатар хот, дүүргийн хороо, тоотод оршин суух  хаягтай,  Б овогт Ч.Б /РД/-ийн  нэхэмжлэлтэй,

Хариуцагч: Дундговь аймгийн багт оршин суух хаягтай, Г овогт Сын Б /РД/-д холбогдох гэрлэлт цуцлуулах, хүүхдийн асрамж, тэтгэлэг тогтоолгох шаардлага бүхий иргэний хэргийг хянан хэлэлцэв.

Шүүх хуралдаанд: Нэхэмжлэгч Ч.Б,  шүүх хуралдааны нарийн бичгийн дарга Г.Ц нар  оролцов.

ТОДОРХОЙЛОХ нь:

Нэхэмжлэгч Ч.Бшүүхэд гаргасан нэхэмжлэлдээ:   .. миний бие С.Бтэй 2006 оны 10 сард гэр бүл болсон. Хүү А 2007 оны 07 сарын 21 нд, хүү А 2010 оны 09 сарын 13 нд төрсөн. Хоёр хүү Улаанбаатар хотод дунд сургуульд сурдаг ба цаашид 2 хүүхдээ би өөрийн асрамжинд авна. .. цаашид С.Бтэй хамт амьдрах боломжгүй тул гэрлэлтээ цуцлуулж, хүүхдийн асрамж, тэтгэлэг тогтоолгох хүсэлтэй байна гэжээ.

Нэхэмжлэгч Ч.Бшүүх хуралдаанд гаргасан тайлбартаа: Нэхэмжлэлийн шаардлагаа өөрчилж байна. Шүүхээр зөвхөн гэрлэлтээ цуцлуулах асуудлыг шийдвэрлүүлэх хүсэлтэй. 2 хүүхдийн асрамж, тэтгэлэг тогтоолгох шаардлагаасаа татгалзаж байна гэв.

Хариуцагч С.Бтус шүүхэд ирүүлсэн хариу тайлбартаа: Бид 2005 онд албан ёсоор гэрлэн өнөөдрийг хүргэсэн. Миний эхнэр Б, түүний хойт эцэг Н нар намайг гэр бүлийн хүчирхийлэл гэх худал хуурмаг нэрийдлээр баривчлуулж, ....  2 жил 3 сарын хорих ялаар шийтгүүлсэн. ... миний хувьд Бээс салах шалтгаан огт байхгүй. 2 хүүхэдтэй болж бусдын жишгээр сайхан амьдарч байсан. ... миний бие эрх зүйн байдлаа сэргээсний дараа хувийн өмгөөлөгч авч ... шийдвэрлүүлэх хүсэлтэй байна... гэжээ.

ҮНДЭСЛЭХ нь:

Нэхэмжлэгч Ч.Бнь хариуцагч С.Бд холбогдуулан гэрлэлт цуцлуулах тухай нэхэмжлэлийн шаардлагыг гаргажээ.

С.Б, Ч.Бнар нь 2006 оны 10 сарын 03 өдөр гэр бүл болж, гэрлэлтээ 2006 оны 11 сарын 03 өдөр бүртгүүлсэн болох нь хэрэгт авагдсан баримтаар тогтоогдож байна.

Талууд хамтран амьдрах хугацаандаа хүү Б.Аг 2007 оны 07 сарын 21 өдөр,  Б.Аыг 2010 оны 09 сарын 13 өдөр төрүүлсэн болох нь  тогтоогдож байна.

Хариуцагч С.Бнь нэхэмжлэгч Ч.Бийн эсрэг  бэлгийн эрх чөлөө, халдашгүй байдлын эсрэг гэмт хэрэг үйлдэж шүүхээр ял шийтгүүлсэн болох нь талуудын гаргасан тайлбараар тогтоогдож байна.

Иймд талуудын гэрлэлтийг цуцлахаар шийдвэрлэв.

Шүүхийн хэлэлцүүлгийн шатанд нэхэмжлэгч тал хүүхдийн асрамж тогтоолгох, тэтгэлэг гаргуулах нэхэмжлэлийн шаардлагаасаа татгалзлаа. Нэхэмжлэгчийн татгалзал нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул нэхэмжлэгчийн татгалзалыг баталж шийдвэрлэв.

Талууд хүүхдийн асрамж, хүүхдийн тэтгэлэг тогтоолгох асуудлаар дахин нэхэмжлэл гаргах эрхтэй болохыг дурдах нь зүйтэй.

 

Хариуцагч С.Бд  шүүх хуралдааны товийг боломжит хугацаанд хуульд заасан хэлбэрээр мэдэгдсэн боловч хүрэлцэн ирээгүй,  шүүх хуралдаанд биечлэн оролцох болон хуралдааныг хойшлуулах талаар хүсэлт ирүүлээгүй тул хэргийг хариуцагчийн эзгүйгээр хянан шийдвэрлэсэн болно.

 

Иргэний хэрэг шүүхэд хянан шийдвэрлэх тухай 115 дугаар зүйлийн 115.2.1, 116, 118-д заасныг удирдлага болгон ТОГТООХ НЬ: 

 

1. Гэр бүлийн тухай хуулийн 14 дугаар зүйлийн 14.4, Иргэний хэрэг шүүхэд хянан шийдвэрлэх тухай хуулийн 132-р зүйлийн 132.4-д зааснаар Г овогт Сын Б /РД/, Б овогт Чын Б /РД/ нарын гэрлэлтийг цуцалсугай.
2. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5-д зааснаар хүү Б.А /РД/, Б.А /РД/ нарын асрамжийг тогтоолгох, хүүхдийн тэтгэлэг гаргуулах нэхэмжлэлийн шаардлагаасаа нэхэмжлэгч Ч.Бтатгалзсан татгалзалыг баталж, холбогдох хэргийг хэрэгсэхгүй болгосугай.
3. Иргэний хэрэг шүүхэд хянан шийвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7-р зүйлийн 7.1.2-т зааснаар нэхэмжлэгчийн улсын тэмдэгтийн хураамжинд төлсөн 152565 төгрөгийг төсвийн орлогод хэвээр үлдээж хариуцагч С.Батэрдэнээс 70200 төгрөг гаргуулан нэхэмжлэгчид олгосугай.
4. Гэр бүлийн тухай хуулийн 14-р зүйлийн 14.9-д зааснаар шүүхийн шийдвэрийг хуулийн хүчин төгөлдөр болсноос хойш ажлын 3 өдрийн дотор Иргэний гэр бүлийн бүртгэлийн байгууллагад хүргүүлэхийг шүүгчийн туслахад даалгасугай.
5. Иргэний хэрэг шүүхэд хянан шийдвэрлэх тухай хуулийн 119, 120 дугаар зүйлд зааснаар зохигчид энэ шийдвэрийг эс зөвшөөрвөл гардан авснаас хойш 14 хоногийн дотор Дундговь аймгийн Эрүү, Иргэний хэргийн давж заалдах шатны шүүхэд гомдол гаргах эрхтэйг заасугай. 

 

 

 

ДАРГАЛАГЧ ШҮҮГЧ                       Г.Б