МОНГОЛ УЛСЫН НЭРИЙН ӨМНӨӨС

 

Дундговь аймаг дахь сум дундын Иргэний хэргийн анхан шатны шүүхийн шүүгч Г.Бдаргалж, тус шүүхийн Б танхимд нээлттэй хийсэн шүүх хуралдаанаар:

Нэхэмжлэгч: Дундговь аймгийн Эрдэнэдалай сумын оршин суух хаягтай, Р овогт Г.Х //-ийн  ажиллаж байсан байдал  тогтоолгох тухай шаардлага бүхий иргэний хэргийг хянан хэлэлцэв.

Шүүх хуралдаанд нэхэмжлэгч Г.Х, шүүх хуралдааны нарийн бичгийн дарга Б.Жнар  оролцов.

ТОДОРХОЙЛОХ нь:

Нэхэмжлэгч Г.Х шүүхэд гаргасан нэхэмжлэл, шүүх хуралдаанд гаргасан тайлбартаа:  “... Миний бие Г.Х нь 1965 онд төрсөн, 54 настай. 1981 оноос эхлэн ээж, аавын хамт Эрдэнэдалай сумын Хөгжил нэгдэлд мал маллаж байсан. Иймд 1981 оны 6 сарын 15-аас  1990 оны 3 сарын 31-нийг хүртэл мөн 1991 оны 1 сарын 1-нээс 1991 оны 12 сарын 31-нийг дуустал Эрдэнэдалай сумын Хөгжил нэгдэлд малчинаар ажиллаж байсан болохыг тогтоож өгнө үү...” гэв. 

Нэхэмжлэгчийн нэхэмжлэл, шүүх хуралдаанаар хэлэлцсэн нотлох баримтуудыг шинжлэн судлаад

 

ҮНДЭСЛЭХ нь:

Нэхэмжлэгч Г.Х нь  ажилласан жил тогтоолгохоор нэхэмжлэл гаргажээ.

Г.Хд хамаарах 1981 оны 6 сарын 15-аас  1990 оны 3 сарын 31-нийг хүртэл, 1991 оны 1 сарын 1-нээс 1991 оны 12 сарын 31-нийг дуустал Эрдэнэдалай сумын Хөгжил нэгдэлд малчинаар ажиллаж байсан талаарх баримт архивт хадгалагдаагүй байх тул хэрэгт авагдсан баримтыг үндэслэн нэхэмжлэлийг шүүхээр шийдвэрлэх нь зүйтэй байна.  /хэргийн 5-6-р хуудас/

Нэхэмжлэгчийн нэхэмжлэлийн шаардлага дараах баримтуудаар нотлогдон тогтоогдож байна.

-Дундговь аймгийн Эрдэнэдалай сумын Хөгжил нэгдлээс 1981 оны 4 сарын 27-ны өдөр Гийн Х олгосон 1981 оны 06-р сараас 1990 оны 03-р сарыг дуустал хугацааны “ажилласан хоног, авсан хөлс”-ний бичилт бүхий ; 1991 оны 01 сарын 01 өдөр олгосон, 1991 оны 01-12 саруудад хамаарах “ажилласан хоног, олгосон урьдчилгаа”-ны бичилт бүхий хөдөлмөрийн дэвтрүүдийн хуулбар /хэргийн 8-10-р хуудас/

-Гэрч Н.Ёндонжамцын  “... Г.Х нь Дундговь аймгийн Эрдэнэдалай сумын Хөгжил нэгдэлд малчинаар ажиллаж байсан. Оныг нь мэдэхгүй байна. Би тухайн үед Дундговь аймгийн Эрдэнэдалай сумын Хөгжил нэгдэлд жолоочоор 1975-1995 он хүртэл ажилласан. Г.Х бог мал маллаж байсан. Г.Х нь өөр газар ажиллаж байгаагүй. Мал л малладаг байсан. Г.Х нь тухайн үед шагнал урамшуулал авч байсныг нь сайн мэдэхгүй байна” гэх мэдүүлэг /хэргийн 13-р хуудас/

-Гэрч Б.Наранцэцэгийн “...Г.Х нь 1982 онд 8 дугаар ангиа төгсөөд Эрдэнэдалай сумын Хөгжил нэгдэлд 1982 оноос хувьчлал тартал мал малласан. Би тухайн үед Дундговь аймгийн Эрдэнэдалай сумын Хөгжил нэгдэлд 1983-1992 он хүртэл мал малласан. Би үхэр, хонь маллаж байсан. Г.Х үхэр, төлөг, ишиг маллаж байсан. Г.Х нь өөр газар ажиллаж байгаагүй. Мал л малладаг байсан. Г.Х нь тухайн үед шагнал урамшуулал авч байсныг нь сайн мэдэхгүй байна” гэх мэдүүлэг /хэргийн 14-р хуудас/

Гэрч Ж.Наранчимэгийн “...Г.Х нь 1981 онд илгээлтээр гараад Эрдэнэдалай сумын Хөгжил нэгдэлд 1981 оноос хувьчлагдах хүртэл мал малласан. Одоо ч гэсэн мал маллаж байгаа. Би тухайн үед Дундговь аймгийн Эрдэнэдалай сумын ахуй үйлчилгээнд 1978-1982 он хүртэл эсгүүрчинээр ажиллаж байсан. Г.Х бог мал маллаж байсан. Г.Х нь өөр газар ажиллаж байгаагүй. Мал л малладаг байсан. Г.Х нь тухайн үед шагнал урамшуулал авч байсныг нь сайн мэдэхгүй байна” гэх мэдүүлэг /хэргийн 15-р хуудас/ зэрэг  баримтууд болно.

 

Иймд нэхэмжлэлийн шаардлагыг бүрэн хангахаар шийдвэрлэв.

 

   Иргэний хэрэг шүүхэд хянан шийдвэрлэх тухай 115 дугаар зүйлийн 115.2.1, 116, 118, 133 дугаар зүйлийн 133.1.1-д заасныг удирдлага болгон ТОГТООХ НЬ: 

 

1. Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д  зааснаар Р овогт Г.Х //-ийг 1981 оны 06 сарын 15-аас 1990 оны 3 сарын 31 хүртэл,  1991 оны 1 сарын 1-нээс 1991 оны 12 сарын 31-нийг дуустал Дундговь аймгийн Эрдэнэдалай сумын Хөгжил нэгдэлд малчинаар ажиллаж байсан болохыг  тогтоосугай.
2. Иргэний хэрэг шүүхэд хянан шийдвэрлэх тухай хуулийн 57-р зүйлийн 57.1, Улсын тэмдэгтийн хураамжийн тухай хуулийн 7-р зүйлийн 7.1.2-д зааснаар нэхэмжлэгчийн улсын тэмдэгтийн хураамжинд төлсөн 70200 төгрөгийг төсвийн орлогод хэвээр үлдээсүгэй.
3. Иргэний хэрэг шүүхэд хянан шийдвэрлэх тухай хуулийн 119, 120 дугаар зүйлд зааснаар нэхэмжлэгч энэ шийдвэрийг эс зөвшөөрвөл гардан авснаас хойш 14 хоногийн дотор Дундговь аймгийн Эрүү, Иргэний хэргийн давж заалдах шатны шүүхэд гомдол гаргах эрхтэйг заасугай. 

 

 

 

 

 

 

 ДАРГАЛАГЧ ШҮҮГЧ                       Г.Б