2020 оны 03 сарын 30 өдөр

Дугаар 153/ШШ2020/00159

Ховд аймаг

 

МОНГОЛ УЛСЫН НЭРИЙН ӨМНӨӨС

 

Ховд аймаг дахь сум дундын иргэний хэргийн анхан шатны шүүхийн Ерөнхий шүүгч Ц.Оюун-Эрдэнэ даргалж, тус шүүхийн шүүх хуралдааны танхимд нээлттэй хийсэн шүүх хуралдаанаар

Хүсэлт гаргагч: Ховд аймаг, Жаргалант сум, Тахилт баг, 8-14 тоотод оршин суух, ... дугаарын регистртэй, Х овогт Г-н А-гийн хүсэлттэй ажиллаж байсан байдал тогтоолгохыг хүссэн нэхэмжлэлийг 2020 оны 01 дүгээр сарын 21-ний өдөр хүлээн авч, 2020 оны 01 дүгээр сарын 28-ны өдөр  иргэний хэрэг үүсгэн хянан хэлэлцэв.

Шүүх хуралдаанд хүсэлт гаргагч Г.А

Шүүх хуралдааны нарийн бичгийн дарга О.Ням-Адъяа нар оролцов.

 

ТОДОРХОЙЛОХ нь:

Хүсэлт гаргагч Г.А нь шүүхэд гаргасан хүсэлтдээ: Хүрд овогт Гүнзэнгийн А миний бие 1969оны 11 дүгээр сарын 27-ны өдөр Ховд аймгийн Мөст сумын Баянзүрх багийн малчин Гүнзэнгийн 6 дахь охин болж төрсөн. 1987 оны 6 дугаар сарын 14-ний өдөр 10-р ангиа төгсөөд Ховд аймгийн Мөст сумын Туяа нэгдлийн Баянзүрх бригадад эцэг эхийн хамт мал маллаж байгаад 1989 оны 12 дугаар сарын 27-ны өдөр /Нямаа/ Мягмартай гэр бүл болж тус нэгдлийнхээ Баянзүрх бригадад мал малласаар 1991 онд нэгдэл тарж Туяа компани болоход мөн малчнаар ажилласаар байсан. 1994 оны 1 дүгээр сарын 31-ний өдөр хариуцлагат компаниас гарсан. Одоо тэтгэвэрт гарах гэсэн боловч аав ээжтэйгээ ажиллаж байсан жилүүдээ тогтоолгох шаардлагатай болсон. Ийм учраас Ховд аймгийн Засаг даргын Тамгийн газрын Архивийн тасгаас 70-р дансны лавлагаа авч хэрэгт хавсаргасан. Иймд Ховд аймгийн Мөст сумын Туяа нэгдэлд 1987 оны 7 дугаар сарын 01-ний өдрөөс 1991 оны 12 дугаар сарын 23-ны өдөр хүртэл Ховд аймгийн Мөст сумын Туяа хариуцлагат компанид 1991 оны 12 дугаар сарын 23-ны өдрөөс 1994 оны 12 дугаар сарын 31-ний өдрийг дуустал тус тус малчинаар ажиллаж байсныг тогтоож өгнө үү гэжээ.

Шүүх хуралдаанаар хэрэгт цугларсан нотлох баримтуудыг шинжлэн судлаад

 

ҮНДЭСЛЭХ нь:

Шүүх хүсэлтийг Иргэний Хэрэг Шүүхэд Хянан Шийдвэрлэх тухай хуулийн 133 дугаар зүйлийн 133.1.1-д зааснаар онцгой ажиллагааны журмаар хянан шийдвэрлэх нь зүйтэй гэж үзлээ.

Хүсэлт гаргагч Г.Агийн 1987 оны 7 дугаар сарын 01-ний өдрөөс 1991 оны 12 дугаар сарын 23-ны өдөр хүртэл Ховд аймгийн Мөст сумын Туяа нэгдэлд малчнаар, 1991 оны 12 дугаар сарын 23-ны өдрөөс 1994 оны 12 дугаар сарын 31-ний өдрийг дуустал Ховд аймгийн Мөст сумын Туяа ХК-д малчнаар тус тус ажиллаж байсан байдлаа тогтоолгохыг хүссэн хүсэлтийг хангаж шийдвэрлэх нь зүйтэй байна.

Хүсэлт гаргагч Г.А 1987 оны 7 дугаар сарын 01-ний өдрөөс 1991 оны 12 дугаар сарын 23-ны өдөр хүртэл Ховд аймгийн Мөст сумын Туяа нэгдэлд малчнаар, 1991 оны 12 дугаар сарын 23-ны өдрөөс 1994 оны 12 дугаар сарын 31-ний өдрийг дуустал Ховд аймгийн Мөст сумын Туяа ХК-д малчнаар тус тус ажиллаж байсан болох нь

Ховд аймгийн Засаг даргын Тамгын газрын дэргэдэх архивын тасгийн 2020 оны 01 дүгээр сарын 13-ны өдрийн 100 дугаартай албан бичгээр ирүүлсэн Ховд аймгийн Мөст сумын 3 дугаар бригадын 1986 оноос 1995 оны 70 дугаар дансны хуулбар, цалингийн цэс

Хүсэлт гаргагчийн 1991 оны 01 дүгээр сарын 15-ны өдөр нээлгэсэн хөдөлмөрийн дэвтрийн нотариатаар гэрчлүүлсэн хуулбар, 1995 оны 05 дугаар сарын 20-ны өдөр нээлгэсэн 279383 дугаартай нийгмийн даатгалын дэвтэр, ажилласан жил, тэтгэврийн даатгалын шимтгэлийг нөхөн тооцох тухай хуульд заасны дагуу 1995 оноос 2000 оны хооронд ажилласан жил, тэтгэврийн даатгалын шимтгэлийг нөхөн тооцуулсан талаарх 160000697 дугаартай Баталгаажилтын хуудасны хуулбар,  526371 дугаартай бүрэн бус дунд боловсролын үнэмлэхийн эх хувь,

Ховд аймгийн Улсын бүртгэлийн хэлтсийн 2020 оны 01 дүгээр сарын 20-ны өдрийн 35 дугаартай Ховд аймгийн Мөст сумын Туяа нэгдэл нь 1991 оны 12 дугаар сарын 23-нд Туяа ХК болж өөрчлөгдөн улсын бүртгэлд бүртгэгдсэн тухай лавлагаа,

Иргэн Д.Мягмарын ...Миний бие Г.Атай 1985 оны 06 дугаар сарын 14-ний өдрөөс 1990 оны 12 дугаар сарын 31-ний өдрийг дуустал Ховд аймгийн Мөст сумын Туяа нэгдэлд малчнаар, 1991 оны 12 дугаар сарын 09-ний өдрөөс 1994 оны 12 дугаар сарын 31-ний өдрийг дуустал Туяа ХК-д малчнаар хамтдаа ажиллаж байсан нь үнэн... гэх нотариатаар гэрчлүүлсэн тодорхойлолт

Иргэн Д.Даваахүүгийн ...Миний бие Г.Атай 1985 оны 06 дугаар сарын 14-ний өдрөөс 1990 оны 12 дугаар сарын 31-ний өдрийг дуустал Ховд аймгийн Мөст сумын Туяа нэгдэлд малчнаар ажиллаж байсан нь үнэн... гэх нотариатаар гэрчлүүлсэн тодорхойлолт зэрэг нотлох баримтууд болон зохигчийн тайлбараар тогтоогдож байх тул Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д заасныг баримтлан Г.Агийн ажиллаж байсан байдлыг тогтоох нь зүйтэй байна.

Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1 дэх хэсэгт зааснаар хүсэлт гаргагчийн улсын тэмдэгтийн хураамжид төлсөн 70,200 төгрөгийг улсын орлогод хэвээр үлдээх нь хуульд нийцнэ

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116,118, 133 дугаар зүйлүүд, 133.1.1 дэхь хэсэгт заасныг удирдлага болгон

 

ТОГТООХ нь:

1.Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д заасныг баримтлан Хүрд овогт Гүнзэнгийн Аг 1987 оны 7 дугаар сарын 01-ний өдрөөс 1991 оны 12 дугаар сарын 23-ны өдөр хүртэл Ховд аймгийн Мөст сумын Туяа нэгдэлд малчнаар, 1991 оны 12 дугаар сарын 23-ны өдрөөс 1994 оны 12 дугаар сарын 31-ний өдрийг дуустал Ховд аймгийн Мөст сумын Туяа ХК-д малчнаар тус тус ажиллаж байсан байдлыг тогтоосугай.

2.Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1 дэх хэсэгт зааснаар хүсэлт гаргагчийн улсын тэмдэгтийн хураамжид урьдчилан төлсөн 70,200 төгрөгийг улсын орлогод хэвээр үлдээсүгэй.

3.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар шийдвэр нь танилцуулан сонсгомогц хүчинтэй болох бөгөөд шийдвэр хүчинтэй болсноос хойш 7 хоногийн хугацаа өнгөрмөгц шүүх хуралдаанд оролцсон тал 14 хоногийн дотор шүүхэд хүрэлцэн ирж шийдвэрийг өөрөө гардан авах үүрэгтэй болохыг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар энэ шийдвэрийг зохигч, тэдгээрийн төлөөлөгч буюу өмгөөлөгч эс зөвшөөрвөл шийдвэрийг гардан авснаас хойш 14 хоногийн дотор, Ховд аймгийн Эрүү, Иргэний хэргийн давж заалдах шатны шүүхэд давж заалдах журмаар гомдол гаргах эрхтэйг дурьдсугай.

 

  

 

ДАРГАЛАГЧ, ЕРӨНХИЙ ШҮҮГЧ  Ц.ОЮУН-ЭРДЭНЭ