2020 оны 05 сарын 29 өдөр                                        Дугаар 139/ШШ2020/0399                                                    Сайнцагаан сум

 

 

Нэхэмжлэлийн шаардлагыг хариуцагч

биелүүлснийг баталж, хэргийг хэрэгсэхгүй

болгох тухай

 

 

Дундговь аймаг дахь Сум дундын иргэний хэргийн анхан шатны шүүхийн шүүгч Д.У би МХХК-ий нэхэмжлэлтэй, Д   аймгийн Э  сумын   Ц  гэх газар оршин суух, Ө овогт Ц-ийн Б /ЗП /-д холбогдох 251392 /хоёр зуун тавин нэгэн мянга гурван зуун ерэн хоёр / төгрөг гаргуулах тухай нэхэмжлэлтэй, 139/2020/00420/И индекстэй иргэний хэргийг хянаад

 

ТОДОРХОЙЛОХ нь:

Нэхэмжлэгч МХХК  шүүхэд гаргасан нэхэмжлэлдээ: Хариуцагч нь манай ‘’Үйлчилгээний нөхцөл’’-ийг хүлээн зөвшөөрч  41565428 тоот гэрээ байгуулан 95118810 дугаартай үүрэн холбооны үйлчилгээг ашиглаж эхэлсэн.    Хариуцагч нь Харилцаа холбооны тухай хуулийн  26 дугаар зүйлийн 26.2.2-т заасан болон гэрээгээр хүлээсэн үүргээ  үл биелүүлэн үүрэн холбооны дараа төлбөрт үйлчилгээний хэрэглээний төлбөрийн үлдэгдлийг төлөхийг сануулж,  анхааруулах хуудас илгээсэн боловч төлбөр төлөгдөөгүй байна.  Иймд хариуцагчаас үүрэн холбооны дараа төлбөрт үйлчилгээний төлбөр 251392 төгрөгийг гаргуулахаар нэхэмжилж байгааг хүлээн авч шийдвэрлэж өгнө үү гэжээ.

 

Нэхэмжлэгчийн итгэмжлэгдсэн төлөөлөгч Г.Х  шүүхэд гаргасан тайлбартаа: “Мобиком корпораци” ХХК-ий нэхэмжлэлтэй 41565428 гэрээний дугаартай 95118810 дугаарын эзэмшигч Ц овогтой Бнь  нэхэмжлэлийн шаардлага болох 251392 төгрөгийг 2020 оны 05 сарын 01-ний өдөр бүрэн төлсөн тул хэргийг хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь:

Нэхэмжлэгч  Мнь Ц.Батцоожоос  үүрэн холбооны дараа төлбөрт үйлчилгээний  төлбөр 251392 төгрөгийг гаргуулахаар нэхэмжлэл гаргажээ.

 

Хэрэг хянан шийдвэрлэх ажиллагааны явцад хариуцагч Ц.Б нь нэхэмжлэлийн шаардлага болох 251392 төгрөгийг бүрэн төлсөн болох нь нэхэмжлэгчийн итгэмжлэгдсэн төлөөлөгчийн тайлбараар тогтоогдож байх тул нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгож шийдвэрлэх нь зүйтэй гэж үзэв.

          Нэхэмжлэгчээс улсын тэмдэгтийн хураамжид төлсөн  8192 төгрөгөөс   төсвийн орлогоос 4097 төгрөгийг, 4097 төгрөгийг тус тус гаргуулж нэхэмжлэгчид олгохоор шийдвэрлэлээ.

 

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар  зүйлийн 123.1 дэх хэсэгт заасныг удирдлага болгон ТОГТООХ НЬ:

 

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагч Өовогт Ц-ийн Б /ЗП / нь М ХХК–д 251392 /хоёр зуун тавин нэгэн мянга гурван зуун ерэн хоёр / төгрөгийг төлж нэхэмжлэлийн шаардлагыг биелүүлснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.4, 57 дугаар зүйлийн 57.1, 74 дүгээр зүйлийн 74.5 дахь хэсэгт тус тус зааснаар нэхэмжлэгчээс улсын тэмдэгтийн хураамжид урьдчилан төлсөн 8192 төгрөгөөс   төсвийн орлогоос 4097 төгрөгийг, хариуцагч Ц.Батцоожоос 4097 төгрөгийг тус тус гаргуулан МХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигч, тэдгээрийн төлөөлөгч нь энэхүү асуудлаар   захирамжид давж  заалдах, хяналтын журмаар хянан шийдвэрлүүлэхээр гомдол  гаргах,  тухайн  асуудлаар  анхан  шатны  шүүхэд  дахин  нэхэмжлэл  гаргах  эрхгүйг заасугай. 

 

 

 

 

                    ШҮҮГЧ                            Д.У