2020 оны 06 сарын 15 өдөр

Дугаар 153/ШШ2020/00402

Жаргалант сум

Хариуцагчийн зөвшөөрлийг баталж, хэргийг

хэрэгсэхгүй болгох тухай

 

Ховд аймаг дахь сум дундын иргэний хэргийн анхан шатны шүүхийн шүүгч С.Оюунжаргал би,

нэхэмжлэгч: Улаанбаатар хотын Сүхбаатар дүүрэгт байрлах, М корпораци ХХК //-ийн нэхэмжлэлтэй,

хариуцагч: Ховд аймгийн Жаргалант сумын Бичигт багийн ... тоотод оршин суух, Дэлэг овогт С-ын Я //-т холбогдох,

зээлээр худалдан авсан гар утасны үлдэгдэл төлбөр 414,169 төгрөг, торгуулийн үлдэгдэл төлбөр 93,166 төгрөг, үүрэн холбооны дараа төлбөрт үйлчилгээний хэрэглээний төлбөр 17,731 төгрөг, нийт 525,066 /таван зуун хорин таван мянга жаран зургаа/ төгрөг гаргуулах тухай нэхэмжлэлийг 2020 оны 5 дугаар сарын 06-ны өдөр хүлээн авч, 2020 оны 5 дугаар сарын 12-ны өдөр 153/2020/00418/и индекстэй иргэний хэрэг үүсгэн хянаад

 

ТОДОРХОЙЛОХ нь:

Нэхэмжлэгч М корпораци ХХК нь шүүхэд гаргасан нэхэмжлэлдээ: Хариуцагч нь манай “Үйлчилгээний нөхцөл”-ийг хүлээн зөвшөөрч хэрэглэгч болох хүсэлтээ гарган 41118263 тоот гэрээ байгуулан 85846247 дугаартай үүрэн холбооны дараа төлбөрт үйлчилгээг, мөн Гар утас, төхөөрөмж худалдах, худалдан авах нэмэлт гэрээ байгуулан Huawei Y6 /2019, brown/ утсыг зээлээр худалдан авч ашиглаж эхэлсэн.

Хариуцагч нь Харилцаа холбооны тухай хуулийн 26-р зүйлийн 26.2.2-т заасан болон гэрээгээр хүлээсэн үүргээ үл биелүүлэн үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан гар утасны төлбөрийг төлөөгүй учир үйлчилгээг зогсоон төлбөрийн үлдэгдлээ төлөхийг сануулж Анхааруулах хуудас илгээсэн боловч төлбөр төлөгдөөгүй байна.

Иймд хариуцагчаас зээлээр худалдан авсан гар утасны үлдэгдэл төлбөр 414,169 төгрөг, торгуулийн үлдэгдэл төлбөр 93,166 төгрөг, үүрэн холбооны дараа төлбөрт үйлчилгээний хэрэглээний төлбөр 17,731 төгрөг, нийт 525,066 төгрөгийг гаргуулахаар нэхэмжлэл гаргаж байгааг хүлээн авч шийдвэрлэж өгнө үү гэжээ.

Хариуцагч С.Я тус шүүхэд ирүүлсэн хариу тайлбартаа: М корпораци ХХК нь надаас зээлээр худалдан авсан гар утасны үнийн төлбөр 525,066 дугаар төгрөгийг гаргуулахаар нэхэмжилсэн байна. Иймд би 525,066 төгрөгийг төлөхөө хүлээн зөвшөөрч байна гэжээ.

 

ҮНДЭСЛЭХ нь:

Нэхэмжлэгч М корпораци ХХК нь С.Ят холбогдуулан зээлээр худалдан авсан гар утасны үлдэгдэл төлбөр 414,169 төгрөг, торгуулийн үлдэгдэл төлбөр 93,166 төгрөг, үүрэн холбооны дараа төлбөрт үйлчилгээний хэрэглээний төлбөр 17,731 төгрөг, нийт 525,066 /таван зуун хорин таван мянга жаран зургаа/ төгрөг гаргуулах тухай шаардлага бүхий нэхэмжлэлийг тус шүүхэд гаргасан байна.

Хэрэг хянан шийдвэрлэх ажиллагааны явцад хариуцагч С.Я нь нэхэмжлэлийн шаардлага болох зээлээр худалдан авсан гар утасны үлдэгдэл төлбөр 414,169 төгрөг, торгуулийн үлдэгдэл төлбөр 93,166 төгрөг, үүрэн холбооны дараа төлбөрт үйлчилгээний хэрэглээний төлбөр 17,731 төгрөг, нийт 525,066 /таван зуун хорин таван мянга жаран зургаа/ төгрөгийг хариуцагч С.Я нь нэхэмжлэгч М корпораци ХХК-д төлөхийг зөвшөөрсөн тайлбарыг 2020 оны 5 дугаар сарын 12-ны өдөр тус шүүхэд бичгээр ирүүлсэн бөгөөд хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн  74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар  нэхэмжлэгч М корпораци ХХК-ийн 2020 оны 4 дүгээр сарын 29-ний өдөр Төрийн сангийн 100160000941 тоот дансанд улсын тэмдэгтийн хураамжид төлсөн 16,402 /арван зургаан мянга дөрвөн зуун хоёр/ төгрөгийн тал хувь болох 8,201 /найман мянга хоёр зуун нэг/ төгрөгийг улсын орлогод хэвээр үлдээж, тал хувь болох 8,201 /найман мянга хоёр зуун нэг/ төгрөгийг улсын орлогоос буцаан гаргуулж, хариуцагч С.Яээс улсын тэмдэгтийн хураамжийн тал хувь болох 8,201 /найман мянга хоёр зуун нэг/ төгрөгийг гаргуулан тус тус нэхэмжлэгч М корпораци ХХК-д олгохоор тогтов.

Хариуцагч С.Ят нь энэ захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдлаа.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1-д заасныг удирдлага болгон

 

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар эхэмжлэгч М корпораци ХХК-ийн нэхэмжлэлтэй, хариуцагч С.Ят холбогдох, зээлээр худалдан авсан гар утасны үлдэгдэл төлбөр 414,169 төгрөг, торгуулийн үлдэгдэл төлбөр 93,166 төгрөг, үүрэн холбооны дараа төлбөрт үйлчилгээний хэрэглээний төлбөр 17,731 төгрөг, нийт 525,066 /таван зуун хорин таван мянга жаран зургаа/ төгрөг гаргуулах тухай иргэний хэрэгт хариуцагч С.Я нь нэхэмжлэлийн шаардлага болох нийт 525,066 /таван зуун хорин таван мянга жаран зургаа/ төгрөгийг нэхэмжлэгч М корпораци ХХК-д төлөхийг хүлээн зөвшөөрсөн байх тул хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч М корпораци ХХК-ийн улсын тэмдэгтийн хураамжид төлсөн 16,402 /арван зургаан мянга дөрвөн зуун хоёр/ төгрөгийн тал хувь болох 8,201 /найман мянга хоёр зуун нэг/ төгрөгийг улсын орлогод хэвээр үлдээж, тал хувь болох 8,201 /найман мянга хоёр зуун нэг/ төгрөгийг улсын орлогоос буцаан гаргуулж, хариуцагч С.Яээс улсын тэмдэгтийн хураамжийн тал хувь болох 8,201 /найман мянга хоёр зуун нэг/ төгрөгийг гаргуулан тус тус нэхэмжлэгч М корпораци ХХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч С.Я нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

  

 

 

ШҮҮГЧ                                                      С.ОЮУНЖАРГАЛ