МОНГОЛ УЛСЫН НЭРИЙН ӨМНӨӨС

 

 

Налайх дүүргийн Эрүүгийн хэргийн анхан шатны шүүхийн шүүгч Э.Энхжаргал даргалж,

шүүх хуралдааны нарийн бичгийн дарга А.Еликай,

улсын яллагч Д.Аянагүл,

шүүгдэгчийн өмгөөлөгч Х.Сэргэлэнбат,

шүүгдэгч Э.******* нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар

 

Налайх, Багахангай дүүргийн прокурорын газрын хяналтын прокурор Д.Аянагүлийн Эрүүгийн хуулийн тусгай ангийн 13.14 дүгээр зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж, хялбаршуулсан журмаар хянан шийдвэрлүүлэхээр ирүүлсэн ******* овогт *******ы *******д холбогдох эрүүгийн 2311013090331 дугаартай хэргийг 2023 оны 12 дугаар сарын 15-ны өдөр хүлээн авч хянан хэлэлцэв.

 

Шүүгдэгчийн биеийн байцаалт:

Монгол Улсын иргэн, 1995 оны 06 дугаар сарын 06-ны өдөр *******,******* суманд төрсөн, *******тай, эрэгтэй, тусгай дунд боловсролтой, ******* мэргэжилтэй, *******т ажилтай, ам бүл 4, аав, ээж, дүү нарын хамт *******,******* сум, ,од оршин суух, урьд ял шийтгэл үгүй,

******* овогт *******ы ******* /РД: /.

 

            Холбогдсон хэргийн талаар:

Шүүгдэгч Э.******* нь 2023 оны 06 дугаар сарын 23-ны өдөр тоотод байрлах гэртээ байхдаа хамтран амьдрагч Д.аас салсандаа ундуйцан өс хонзон санах, уур хорслоо тайлах зэрэг атгаг санаагаа хэрэгжүүлэх зорилгоор олон нийтийн сүлжээ буюу Монгол порн фэйсбүүк группэд доромжилсон утга бүхий мэдээлэл /зар/-ийг байршуулж нэр хүндэд нь халдаж илт худал мэдээллийг олон нийтэд тараасан буюу Эрүүгийн хуулийн тусгай ангийн 13.14 дүгээр зүйлийн 1 дэх хэсэгт заасан гэмт хэрэгт холбогджээ.

 

ТОДОРХОЙЛОХ нь:

 

Гэм буруугийн талаар:

 

Шүүгдэгч Э.******* нь 2023 оны 06 дугаар сарын 23-ны өдөр тоотод байрлах гэртээ байхдаа хамтран амьдрагч Д.аас салсандаа ундуйцан өс хонзон санах, уур хорслоо тайлах зэрэг атгаг санаагаа хэрэгжүүлэх зорилгоор олон нийтийн сүлжээ буюу Монгол порн фэйсбүүк группэд доромжилсон утга бүхий мэдээлэл /зар/-ийг байршуулж нэр хүндэд нь халдаж илт худал мэдээллийг олон нийтэд тараасан гэмт хэргийг үйлдсэн болох нь:

 

• Хохирогч Д.ын мөрдөн шалгах ажиллагаанд өгсөн: “Би 2021 оны 06 сараас эхлэн Э.*******тэй танилцаад хамтран амьдарч байсан юм. Э.******* гэгч нь хамтран амьдарч эхэлснээсээ хойш ерөнхийдөө архи согтууруулах ундааны зүйл их хэрэглэдэг байсан. ...Мөн согтууруулах ундааны зүйл хэрэглэхээрээ цахим мөрийтэй тоглоом тоглоод өөрийнхөө болон миний данснаас мөнгө хэлж болон хэлэхгүйгээр нууцаар аваад тоглочихдог болсон юм. Тэгээд би 2022 оны 10 дугаар сард ер нь салсан нь дээр юм байна гэж бодоод энэ тухайгаа хэлтэл Э.******* би чамаас салахгүй, хэрэв салах юм бол чиний сайныг чинь үзэхгүй, ажилгүй, амьдралгүй болгоно гээд уурлаад байдаг байсан. Тэгээд Э.*******ээс салахаар шийдээд ажлаасаа гарсан. 2023 оны 05 дугаар сард залгаад чам руу одоо чат болон дугаар руу чинь зурвас бичиж эхлэх болно гэхээр нь би нээх тоогоогүй юм. 2023 оны 06 дугаар сарын 23-ны өдрөөс миний фейсбүүк цахим хаяг болох // хаяг руу болон дугаарын утас руу “танилцаж болох уу, уулзаж болох уу” гэх утгатай чат, зурвас зэрэг зүйлс байнга ирэх болсон ба нэг хүнээс “миний дугаар хаягийг хаанаас авсан юм вэ” гэж асуухад “фейсбүүк зараас авсан, дуудахаар гараад ирдэг гэж хэлсэн шүү дээ” гэж байсан. Надруу чат бичиж байсан хүмүүсээс асууж тодруулахад “Таван толгойд ажилладаг хувцас, зурагтай хүн хэлсэн” гэж хэлсэн бөгөөд Э.******* нь өөрийнхөө фейсбүүк хаягт тийм зурагтай байсан юм. Ерөнхийдөө бол цахим фейсбүүк орчинд миний өөрийн зураг утас, хаяг зэргийг цахим орчинд нийтлээд биеэ үнэлдэг гэх утгатай зар оруулсан байсан. Э.******* нь хамтран амьдрах хугацаандаа миний бэлэг эрхтний зургийг 10 гаран удаа өөрийн гар утсан дээрээ дарж байсан. Бичлэг хийх гэхээр нь хийлгэдэггүй байсан” гэх мэдүүлэг (хавтаст хэргийн 10-12, 143 дахь тал),

 

• Хохирогч Д.аас гаргаж өгсөн фейсбүүк чатны бусадтай харилцсан зурвас бүхий баримтууд (хавтаст хэргийн 24-93 дахь тал),

 

• Шүүгдэгч Э.*******ийн мөрдөн шалгах ажиллагаанд яллагдагчаар өгсөн: “Би яллагдагчаар татсан тогтоолтой танилцлаа уг тогтоолыг хүлээн зөвшөөрч байна. ...Д. цагдаа дуудаад намайг хөөж туугаад байдаг байсан. Тэгээд миний уур хүрээд өширхөөд Д.ыг чадахаар өөрийн ******* ******* гэх улбар шар өнгийн ажлын хантаазтай зурагтай цахим хаягаас Монгол порн групп болон бусад групп чатуудад мэдээлэл тавьсан. Ингэхдээ Д.ын өөрийн царайны зураг, бэлэг эрхтний зураг болон цахим хаяг, гар утас зэргийг олон нийтийн сүлжээнд тараасан. Миний мэдээлэл тавьсан групп ойролцоогоор 10 гаран мянган гишүүнтэй байсан шиг санагдаж байна. Тэгээд би сүүлд намайг цагдаад өгч байгааг мэдээд өөрийн гар утсанд байсан гэрэл зургуудыг болон группэд тавьсан мэдээлэл, гэрэл зургуудаа бүгдийг нь устгаад байршуулсан группээс бүгдээс нь гарчихсан” гэх мэдүүлэг (хавтаст хэргийн 153-155 дахь тал) болон шүүх хуралдаанд гэм буруугаа хүлээн зөвшөөрсөн мэдүүлэг зэрэг нотлох баримтаар нотлогдон тогтоогдсон гэж дүгнэв.

 

Шүүхийн хэлэлцүүлэгт яллах дүгнэлтэд тусгасан бөгөөд талуудаас шинжлэн судалснаар тооцуулсан дээрх нотлох баримтуудыг Эрүүгийн хэрэг хянан шийдвэрлэх тухай хуульд заасан үндэслэл, журмын дагуу цуглуулж бэхжүүлсэн байх бөгөөд эдгээр нь энэ хэрэгт хамааралтай, хэргийг эцэслэн шийдвэрлэхэд хүрэлцээтэй байна.

 

            Монгол Улсын Үндсэн хуулийн арван зургадугаар зүйлийн 13 дахь хэсэгт “...Хэний ч нэр төрийг нь гутаан доромжилж болохгүй...” гэж хуульчилсан ба шүүгдэгчийн хувьд хүний нэр төр, алдар хүндэд халдсан илт худал мэдээлэл буюу огт үндэслэлгүй, худал хуурмаг мэдээллийг цахим орчинд нэг буюу түүнээс олон хүнд түгээж, тараасан идэвхитэй үйлдэл хийсэн байх бөгөөд өөрийн үйлдлийн нийгэмд аюултай шинж чанарыг ухамсарлаж, түүнийг хүсэж үйлдсэн тул түүний үйлдэл нь Эрүүгийн хуулийн тусгай ангийн 13.14 дүгээр зүйлийн 1 дэх хэсэгт заасан “Худал мэдээлэл тараах” гэмт хэргийн шинжийг бүрэн агуулж байна.

 

Шүүгдэгч Э.******* нь өөрт холбогдох хэргийг хялбаршуулсан журмаар хянан шийдвэрлүүлэх хүсэлтийг сайн дураар гаргаснаа илэрхийлж байх ба түүнд эрүү шүүлт тулгах, хүнлэг бус хэрцгий харьцах, хуурч мэхлэх зэрэг хууль бусаар хэрэг хүлээлгэсэн нөхцөл байдал тогтоогдоогүй болно.

 

Энэ гэмт хэргийн улмаас хохирогч Д.ын нэр төрд хохирол учирсан бөгөөд хохирогч нь баримтаар нэхэмжилсэн зүйлгүй, мөрдөн шалгах ажиллагааны явцад “нэхэмжлэх зүйлгүй” гэж мэдүүлсэн байх тул шүүгдэгчийг бусдад төлөх төлбөргүйд тооцов.

 

Эрүүгийн хариуцлагын талаар:

 

Прокурорын санал болгож, шүүгдэгчийн хүлээн зөвшөөрсөн Эрүүгийн хуулийн тусгай ангийн 13.14 дүгээр зүйлийн 1 дэх хэсэгт зааснаар шүүгдэгч Э.*******ийг 600 нэгжтэй тэнцэх хэмжээний буюу 600,000 төгрөгөөр торгох ял нь Эрүүгийн хуульд нийцсэн бөгөөд шүүгдэгч тухайн эрүүгийн хариуцлагын хууль зүйн үр дагаврыг ухамсарлан ойлгосон байх тул Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 5 дахь хэсэгт зааснаар прокурорын саналыг баталж, шүүгдэгчид эрүүгийн хариуцлага хүлээлгэх хууль зүйн үндэслэлтэй байна.

 

Иймд шүүгдэгч Э.*******ийг Эрүүгийн хуулийн тусгай ангийн 13.14 дүгээр зүйлийн 1 дэх хэсэгт зааснаар 600 нэгжтэй тэнцэх хэмжээний буюу 600,000 төгрөгөөр торгох ял шийтгэж, торгох ялыг 3 сарын хугацаанд хэсэгчлэн төлүүлэхээр тогтоох нь зүйтэй гэж шүүх дүгнэв.

 

Шүүхийн шийтгэх тогтоол хуулийн хүчин төгөлдөр болтол шүүгдэгч Э.*******д авсан хувийн баталгаа гаргах таслан сэргийлэх арга хэмжээг хэвээр үргэлжлүүлж, шүүгдэгч нь цагдан хоригдсон хоноггүй, энэ хэрэгт эд мөрийн баримтаар хураагдсан, битүүмжлэгдсэн зүйлгүй, хэрэг хянан шийдвэрлэх ажиллагааны зардалгүй болохыг тус тус дурдах нь зүйтэй байна.

 

Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 5 дахь хэсэг, 36.2, 36.3, 36.6, 36.7, 36.8, 36.10 дугаар зүйлүүдэд заасныг тус тус удирдлага болгон

ТОГТООХ нь:

 

1. ******* овогт *******ы *******ийг Эрүүгийн хуулийн тусгай ангийн 13.14 дүгээр зүйлийн 1 дэх хэсэгт заасан хүний нэр төрд халдсан илт худал мэдээллийг олон нийтэд тараасан гэмт хэрэг үйлдсэн гэм буруутайд тооцсугай.

 

2. Эрүүгийн хуулийн тусгай ангийн 13.14 дүгээр зүйлийн 1 дэх хэсэгт зааснаар шүүгдэгч Э.*******ийг 600 (зургаан зуу) нэгжтэй тэнцэх хэмжээний буюу 600,000 (зургаан зуун мянга) төгрөгөөр торгох ял шийтгэсүгэй.

 

3. Эрүүгийн хуулийн ерөнхий ангийн 5.3 дугаар зүйлийн 4, 5 дахь хэсэгт зааснаар шүүгдэгч Э.*******д оногдуулсан 600 (зургаан зуу) нэгжтэй тэнцэх хэмжээний буюу 600,000 (зургаан зуун мянга) төгрөгөөр торгох ялыг 3 (гурав) сарын хугацаанд хэсэгчлэн төлүүлэхээр тогтоож, уг хугацаанд биелүүлээгүй бол шүүх биелэгдээгүй торгох ялын 15 (арван тав) нэгжтэй тэнцэх хэмжээний төгрөгийг 1 (нэг) хоногоор тооцож хорих ялаар солихыг мэдэгдсүгэй.

 

4. Шүүгдэгч Э.******* нь цагдан хоригдсон хоноггүй, бусдад төлөх төлбөргүй, энэ хэрэгт эд мөрийн баримтаар хураагдсан, битүүмжлэгдсэн зүйлгүй, хэрэг хянан шийдвэрлэх ажиллагааны зардалгүй болохыг тус тус дурдсугай.

 

5. Эрүүгийн хэрэг хянан шийдвэрлэх тухай хуулийн 36.10 дугаар зүйлийн 4 дэх хэсэгт зааснаар шүүхийн шийтгэх тогтол уншин сонсгосноор хүчинтэй болохыг дурдсугай.

 

6. Шийтгэх тогтоолыг гардаж авсан, эсхүл хүргүүлснээс хойш 14 хоногийн дотор зөвхөн Эрүүгийн хэрэг хянан шийдвэрлэх тухай хуулийг ноцтой зөрчсөн үндэслэлээр оролцогч давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэйг дурдсугай.

 

7. Дээр дурдсан үндэслэлээр оролцогч давж заалдах гомдол гаргасан, улсын яллагч, дээд шатны прокурор эсэргүүцэл бичсэн тохиолдолд шийтгэх тогтоолын биелэлтийг түдгэлзүүлж, тогтоол хуулийн хүчин төгөлдөр болтол шүүгдэгч Э.*******д авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

 

 

 

 

 

ДАРГАЛАГЧ, ШҮҮГЧ                                           Э.ЭНХЖАРГАЛ