2020 оны 08 сарын 12 өдөр

Дугаар 153/ШШ2020/00538

Жаргалант сум

 

Хариуцагчийн зөвшөөрлийг баталж, хэргийг

хэрэгсэхгүй болгох тухай

 

Ховд аймаг дахь сум дундын иргэний хэргийн анхан шатны шүүхийн шүүгч С.Оюунжаргал би,

нэхэмжлэгч: Улаанбаатар хотын Сүхбаатар дүүргийн 1 дүгээр хороо Юнескогийн гудамж-28, МПМ цогцолборт байрлах, Мобиком корпораци ХХК /.../-ийн нэхэмжлэлтэй,

хариуцагч: Ховд аймгийн Жаргалант сумын Наран багийн 11-17 тоотод оршин суух бүртгэлтэй, одоо Ховд аймгийн Жаргалант сумын Жаргалан багийн 2/60 айлын орон сууцны .. тоотод оршин суух, Гөжгөн овогт Гомбожавын О /.../-д холбогдох,

зээлээр худалдан авсан гар утасны үлдэгдэл төлбөр 612,940 төгрөг, торгуулийн үлдэгдэл төлбөр 111,500 төгрөг, үүрэн холбооны дараа төлбөрт үйлчилгээний хэрэглээний төлбөр 86,648 төгрөг, нийт 811,088 /найман зуун арван нэгэн мянга наян найм/ төгрөг гаргуулах тухай нэхэмжлэлийг 2020 оны 6 дугаар сарын 23-ны өдөр хүлээн авч, 2020 оны 6 дугаар сарын 29-ний өдөр 153/2020/00579/и индекстэй иргэний хэрэг үүсгэн хянаад

 

ТОДОРХОЙЛОХ нь:

Нэхэмжлэгч Мобиком корпораци ХХК нь шүүхэд гаргасан нэхэмжлэлдээ: Хариуцагч нь манай “Үйлчилгээний нөхцөл”-ийг хүлээн зөвшөөрч хэрэглэгч болох хүсэлтээ гарган 22363283 тоот гэрээ байгуулан 99474710 дугаартай үүрэн холбооны дараа төлбөрт үйлчилгээг, мөн Гар утас, төхөөрөмж худалдах, худалдан авах нэмэлт гэрээ байгуулан Huawei Y7 /2019, black/ утсыг зээлээр худалдан авч ашиглаж эхэлсэн.

Хариуцагч нь Харилцаа холбооны тухай хуулийн 26-р зүйлийн 26.2.2-т заасан болон гэрээгээр хүлээсэн үүргээ үл биелүүлэн үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан гар утасны төлбөрийг төлөөгүй учир үйлчилгээг зогсоон төлбөрийн үлдэгдлээ төлөхийг сануулж Анхааруулах хуудас илгээсэн боловч төлбөр төлөгдөөгүй байна.

Иймд хариуцагчаас зээлээр худалдан авсан гар утасны үлдэгдэл төлбөр 612,940 төгрөг, торгуулийн үлдэгдэл төлбөр 111,500 төгрөг, үүрэн холбооны дараа төлбөрт үйлчилгээний хэрэглээний төлбөр 86,648 төгрөг, нийт 811,088 төгрөгийг гаргуулахаар нэхэмжлэл гаргаж байгааг хүлээн авч шийдвэрлэж өгнө үү гэжээ.

 Хариуцагч Г.О нь тус шүүхэд ирүүлсэн хариу тайлбартаа: Мобиком корпораци ХХК надаас зээлээр авсан гар утасны үлдэгдэл төлбөр нийт 811,088 төгрөгийг гаргуулахаар нэхэмжилснийг хүлээн зөвшөөрч байна. Би 811,088 төгрөгийг төлнө гэжээ.

 

ҮНДЭСЛЭХ нь:

Нэхэмжлэгч Мобиком корпораци ХХК нь Г.Од холбогдуулан зээлээр худалдан авсан гар утасны үлдэгдэл төлбөр 612,940 төгрөг, торгуулийн үлдэгдэл төлбөр 111,500 төгрөг, үүрэн холбооны дараа төлбөрт үйлчилгээний хэрэглээний төлбөр 86,648 төгрөг, нийт 811,088 /найман зуун арван нэгэн мянга наян найм/ төгрөг гаргуулах тухай шаардлага бүхий нэхэмжлэлийг тус шүүхэд гаргасан байна.

Хэрэг хянан шийдвэрлэх ажиллагааны явцад хариуцагч Б.О нь нэхэмжлэлийн шаардлага болох зээлээр худалдан авсан гар утасны үлдэгдэл төлбөр 612,940 төгрөг, торгуулийн үлдэгдэл төлбөр 111,500 төгрөг, үүрэн холбооны дараа төлбөрт үйлчилгээний хэрэглээний төлбөр 86,648 төгрөг, нийт 811,088 /найман зуун арван нэгэн мянга наян найм/ төгрөгийг нэхэмжлэгч Мобиком корпораци ХХК-д төлөхийг зөвшөөрсөн тайлбарыг тус шүүхэд бичгээр ирүүлсэн бөгөөд хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч Мобиком корпораци ХХК-ийн Төрийн сангийн 100160000941 тоот дансанд улсын тэмдэгтийн хураамжид төлсөн 24,016 /хорин дөрвөн мянга арван зургаа/ төгрөгийн тал хувь болох 12,008 /арван хоёр мянга найм/ төгрөгийг улсын орлогод хэвээр үлдээж, тал хувь болох 12,008 /арван хоёр мянга найм/ төгрөгийг улсын орлогоос буцаан гаргуулж, хариуцагч Г.Оэс улсын тэмдэгтийн хураамжийн тал хувь болох 12,008 /арван хоёр мянга найм/ төгрөгийг гаргуулан тус тус нэхэмжлэгч Мобиком корпораци ХХК-д олгохоор тогтов.

Хариуцагч Г.О нь энэ захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдлаа.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1-д заасныг удирдлага болгон

 

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч Мобиком корпораци ХХК-ийн нэхэмжлэлтэй, хариуцагч Г.Од холбогдох, зээлээр худалдан авсан гар утасны үлдэгдэл төлбөр 612,940 төгрөг, торгуулийн үлдэгдэл төлбөр 111,500 төгрөг, үүрэн холбооны дараа төлбөрт үйлчилгээний хэрэглээний төлбөр 86,648 төгрөг, нийт 811,088 /найман зуун арван нэгэн мянга наян найм/ төгрөг гаргуулах тухай иргэний хэрэгт хариуцагч Г.О нь нэхэмжлэлийн шаардлага болох нийт 811,088 /найман зуун арван нэгэн мянга наян найм/ төгрөгийг нэхэмжлэгч Мобиком корпораци ХХК-д төлөхийг хүлээн зөвшөөрсөн байх тул хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч Мобиком корпораци ХХК-ийн улсын тэмдэгтийн хураамжид төлсөн 24,016 /хорин дөрвөн мянга арван зургаа/ төгрөгийн тал хувь болох 12,008 /арван хоёр мянга найм/ төгрөгийг улсын орлогод хэвээр үлдээж, тал хувь болох 12,008 /арван хоёр мянга найм/ төгрөгийг улсын орлогоос буцаан гаргуулж, хариуцагч Г.Оэс улсын тэмдэгтийн хураамжийн тал хувь болох 12,008 /арван хоёр мянга найм/ төгрөгийг гаргуулан тус тус нэхэмжлэгч Мобиком корпораци ХХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч Г.О нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

    

 

 

ШҮҮГЧ                                                      С.ОЮУНЖАРГАЛ