ТОГТООХ нь:

1. Иргэний хуулийн 58 дугаар зүйлийн 58.2.2, 287 дугаар зүйлийн 287.1-д зааснаар хариуцагч Д.М 800.000 /найман зуун мянга/ төгрөгийг гаргуулж нэхэмжлэгч Д.Э олгож, нэхэмжлэгчийн 2014 оны 12 дугаар сарын 17-ны өдөр хариуцагч Д.М, С.Г нартай байгуулсан “Орон сууц худалдах, худалдан авах гэрээ”-г хүчин төгөлдөр бусад тооцуулах тухай нэхэмжлэлийн шаардлагыг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.2, 60 дугаар зүйлийн 60.1, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид урьдчилан төлсөн 198.700 /нэг зуун ерэн найман мянга долоон зуу/ төгрөгийг улсын орлогод хэвээр үлдээж, хариуцагч Д.М 23.750 /хорин гурван мянга долоон зуун тавь/ төгрөгийг гаргуулан нэхэмжлэгч Д.Э олгосугай.

3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.4, 119.7-д зааснаар шийдвэр танилцуулан сонсгож, 7 хоног өнгөрснөөс хойш 14 хоногийн дотор шүүх хуралдааны оролцогч талууд шүүхэд хүрэлцэн ирж шийдвэрийг өөрөө гардан авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүй бөгөөд шүүх хуралдаанд оролцоогүй талд шийдвэрийг гардуулснаар гомдол гаргах хугацааг тоолохыг, Иргэний хэрэг шүүхэд хянан шийдвэрлэх тухай хуулийн 120 дугаар зүйлийн  120.2-т зааснаар зохигч, гуравдагч этгээд, тэдгээрийн төлөөлөгч, өмгөөлөгч анхан шатны шүүхийн шийдвэрийг эс зөвшөөрвөл 14 хоногийн дотор давж заалдах шатны шүүхэд гомдол гаргах эрхтэйг дурдсугай.

ДАРГАЛАГЧ ШҮҮГЧ                              Н.БЯМБАСҮРЭН