Шүүх | Дундговь аймаг дахь сум дундын иргэний хэргийн анхан шатны шүүх |
---|---|
Шүүгч | Гүнбаярын Баярдаваа |
Хэргийн индекс | 139/2019/00397/И |
Дугаар | 406 |
Огноо | 2019-10-09 |
Маргааны төрөл | Бусад хуулиар, |
Дундговь аймаг дахь сум дундын иргэний хэргийн анхан шатны шүүхийн Шийдвэр
2019 оны 10 сарын 09 өдөр
Дугаар 406
МОНГОЛ УЛСЫН НЭРИЙН ӨМНӨӨС
Дундговь аймаг дахь сум дундын Иргэний хэргийн анхан шатны шүүхийн шүүгч Г.Б даргалж, тус шүүхийн Б танхимд нээлттэй хийсэн шүүх хуралдаанаар:
Нэхэмжлэгч: Дундговь аймаг дахь Цгийн газрын нэхэмжлэлтэй Дундговь аймгийн С сумын 9-р баг тоотод оршин суух, Б овогт Дийн Т /ЗЮ /-ыг архины албадан эмчилгээнд хамруулах тухай нэхэмжлэлтэй, 139/2019/00397/И индекстэй иргэний хэргийг хянан хэлэлцэв.
Шүүх хуралдаанд нэхэмжлэгчийн итгэмжлэгдсэн төлөөлөгч Б.Гантуяа, гуравдагч этгээд Д.Т, шүүх хуралдааны нарийн бичгийн дарга С.Уянга нар оролцов.
ТОДОРХОЙЛОХ нь:
Нэхэмжлэгч Дундговь аймаг дахь Цгийн газар шүүхэд гаргасан нэхэмжлэлдээ: Д.Т нь сүүлийн жилүүдэд согтууруулах ундааг тогтмол хэтрүүлэн хэрэглэж, иргэдийн амгалан тайван байдлыг алдагдуулдаг, олон нийтийн газар гудамж талбайд бөөгнөрөл үүсгэж, архидан согтуурч удаа дараа эрүүлжүүлэх байранд хүргэгдэн ирж, захиргааны арга хэмжээ авагдсан. Гуравдагч этгээд нь 2014 оны намар архины албадан эмчилгээнд мөн явж байсан.
Иймд эмнэлгийн комиссын дүгнэлт, багийн засаг даргын тодорхойлолт, удаа дараа саатуулагдсан бүртгэл зэргийг үндэслэн архины албадан эмчилгээнд хамруулах албадлагын арга хэмжээ авахуулах хүсэлт гаргаж гаргаж байна гэжээ.
Нэхэмжлэгчийн итгэмжлэгдсэн төлөөлөгч шүүх хуралдаанд гаргасан тайлбартаа: Д.Тыг архины албадан эмчилгээнд хамруулж өгнө үү гэжээ.
Гуравдагч этгээд шүүх хуралдаанд гаргасан тайлбартаа: 2014 онд архины албадан эмчилгээ хийлгэж байсан. Одоо албадан эмчилгээ хийлгэхийг зөвшөөрөхгүй байна гэв.
Нэхэмжлэгчийн нэхэмжлэл, зохигчийн тайлбар, шүүх хуралдаанаар хэлэлцсэн нотлох баримтуудыг шинжлэн судлаад
ҮНДЭСЛЭХ нь:
Нэхэмжлэгч Дундговь аймаг дахь Цгийн газар нь Д.Тыг архины албадан эмчилгээнд хамруулах тухай нэхэмжлэл гаргажээ.
Б овогт Дийн Т нь архины шалтгаант сэтгэцийн эмгэгтэй, удаа дараа эрүүлжүүлэгдсэн, нийгмийн хэв журам зөрчиж захиргааны хариуцлага хүлээсэн, архи согтууруулах ундаа хэрэглэдэг, урьд өмнө нь архины албадан эмчилгээнд эмчлүүлж байсан болох нь
Дундговь аймгийн Нэгдсэн эмнэлгийн эмч нарын 2019 оны 7 сарын 3-ны өдрийн “...архины шалтгаант сэтгэцийн эмгэгтэй, эмчилгээ хийлгэх шаардлагатай...” гэх дүгнэлт /хэргийн 4 хуудас/
Дундговь аймаг дахь Цгийн газрын 2019 оны 8 сарын 21-ний өдрийн 35/815 дугаартай “Д.Тыг архины албадан эмчилгээнд хамруулах тухай” хүсэлт /хэргийн 2 хуудас/
Цгийн газрын мэдээллийн сангаас ирүүлсэн Д.Т нь удаа дараа саатуулагдсан, эрүүлжүүлэгдсэн, зөрчлийн хуулиар шийтгэгдсэн талаарх лавлагаа /хэргийн 6-10 хуудас/
Дундговь аймгийн Сайнцагаан сумын 9-р баг засаг даргын 2019 оны 7 сарын 2-ны өдрийн 85 дугаартай албан бичгээр ирүүлсэн “...Д.Т нь нийгмийн идэвхи султай, байнга архидан согтуурч бүлэг бөөгнөрөл үүсгэдэг...” талаарх тодорхойлолт /хэргийн 5 хуудас/ зэргээр тогтоогдож байна.
Д.Т нь архины шалтгаант сэтгэцийн эмгэгтэй болох нь эмнэлгийн байгууллагын дүгнэлтээр тогтоогдсон, архи согтууруулах ундаа хэрэглэж удаа дараа захиргааны хариуцлага хүлээсэн болох нь тогтоогдож байх тул түүнийг албадан эмчлэх газарт явуулж албадан эмчилгээ хийлгэх нь зүйтэй гэж үзлээ.
Иймд нэхэмжлэлийн шаардлагыг хангаж, нэхэмжлэгч улсын тэмдэгтийн хураамж төлөхөөс чөлөөлөгдсөн болохыг дурдаж шийдвэрлэлээ.
Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн 133.1.1, 135 дугаар зүйлийн 135.2.14-т заасныг удирдлага болгон ТОГТООХ нь:
ДАРГАЛАГЧ ШҮҮГЧ Г.Б