Шүүх | Чингэлтэй дүүргийн Иргэний хэргийн анхан шатны шүүх |
---|---|
Шүүгч | Содномтүнрэвийн Буд |
Хэргийн индекс | 182/2021/01920/И |
Дугаар | 182/ШШ2023/2920 |
Огноо | 2023-10-19 |
Маргааны төрөл | Гэм хор учруулснаас гаргуулсан эд хөрөнгийн хохирол, |
Чингэлтэй дүүргийн Иргэний хэргийн анхан шатны шүүхийн Шийдвэр
2023 оны 10 сарын 19 өдөр
Дугаар 182/ШШ2023/2920
2023 10 19 | 182/ШШ2023/02920 |
|
МОНГОЛ УЛСЫН НЭРИЙН ӨМНӨӨС
Чингэлтэй дүүргийн иргэний хэргийн анхан шатны шүүхийн Ерөнхий шүүгч С.Буд даргалж, шүүгч О.Аззаяа, И.Амартөгс нарын бүрэлдэхүүнтэй тус шүүхийн хуралдааны танхимд хийсэн шүүх хуралдаанаар
Нэхэмжлэгч: Б.Ж
Хариуцагч: ХХААХҮСХТ
5,901,300 төгрөг гаргуулах тухай нэхэмжлэлтэй иргэний хэргийг хянан хэлэлцэв.
Шүүх хуралдаанд оролцогчид:
Нэхэмжлэгчийн төлөөлөгч Г.Х,
Нэхэмжлэгчийн өмгөөлөгч Ч.Ж,
Хариуцагчийн төлөөлөгч Б.Э,
Шүүх хуралдааны нарийн бичгийн дарга Ц.Баярзаяа.
ТОДОРХОЙЛОХ нь:
Тээврийн цагдаагийн албаны шинжээчид 2019 оны 11 дүгээр сарын 11-ний өдөр дүгнэхдээ Хөдөө аж ахуйн үйлдвэрлэлд шинжлэх ухааны ололтыг нэвтрүүлэх төвийн өмчлөлийн Landcuiser 100 маркийн +++ улсын дугаартай тээврийн хэрэгслийг жолоодож явсан Н.Мын буруутай үйлдлийн улмаас зам тээврийн осол гарсан гэж дүгнэсэн. Дээрх дүгнэлтийг үндэслэн Сонгинохайрхан дүүргийн Замын цагдаагийн газраас Н.Мт холбогдох 310000619118471 дугаартай зөрчлийн хэргээр Зөрчлийн тухай хуулийн 14.7 дугаар зүйлийн 51 дэх хэсэгт зааснаар 100.000 төгрөгөөр торгох шийтгэл оногдуулсан бөгөөд зөрчлийн хэргийн хохирлыг нэхэмжилсэн боловч буруутай этгээд одоог хүртэл төлж барагдуулаагүй байна. Б.Ж нь Б.Сгийн осолд орсон автомашиныг 10.000.000 төгрөг нөхөн төлж, өөрийн өмчлөлдөө шилжүүлэн авсан. Н.М нь ХХАУХҮСХТ УТҮГ-ын ажилтан бөгөөд ажил үүргээ гүйцэтгэж явахдаа зам тээврийн осол гарган нэхэмжлэгчид хохирол учруулсан тул Иргэний хуулийн 498 дугаар зүйлийн 498.1-ийг үндэслэн хохирол 5,901,300 төгрөгөө Хүнс хөдөө аж ахуй, хөнгөн үйлдвэрийн судалгаа хөгжлийн төв улсын төсөвт үйлдвэрийн газраас нэхэмжилж байна. Хохиролд автомашины эвдрэлийн үнэлгээ “Мастер үнэлгээ” ХХК-ийн үнэлгээгээр 5,020,300 төгрөг, үнэлгээний зардал 240,500 төгрөг, “Мастер сүлжээ” авто оношилгооны төвөөр хийлгэсэн автомашины оношилгооны төлбөр 90,500 төгрөг, журмын хашааны төлбөрт 220,000 төгрөг, тээврийн хэрэгслийг ачуулсан төлбөрт 120,000 төгрөг, автомашины зогсоолын төлбөрт 210,000 төгрөг тус тус орж нийт 5,901,300 төгрөг болсон. Зам тээврийн осол гарах үед Н.Мын ажиллаж байсан байгууллага нь Хөдөө, аж үйлдвэрлэлд шинжлэх ухааны ололт ухааны ололт нэвтрүүлэх төв гэж байсан ба осол гарснаас хойш Хуучнаар Хөдөө, аж үйлдвэрлэлд шинжлэх ухааны ололт ухааны ололт нэвтрүүлэх төвийн бүтэц зохион байгуулалтын өөрчлөлт хийгдэж, хуулийн этгээдийн нэр нь ХХААХҮСХТ болсон байдаг. Анх хохирлыг Н.М, ажиллуулж байсан байгууллага хоёроос нэхэмжилсэн ба хэрэг хянан шийдвэрлэх ажиллагааны явцад хариуцагч Н.Мт холбогдох нэхэмжлэлийн шаардлагаасаа татгалзсаныг шүүх тогтоолоор шийдвэрлэсэн гэв.
ҮНДЭСЛЭХ нь:
1.Б.Ж нь 2019 оны 09 дүгээр сарын 10-ны өдрийн 11 цаг 25 минутад өөрийн үеэл Б.Сгийн өмчлөлийн Тоёота Приус 20 маркийн *** улсын дугаартай автомашиныг жолоодож, Сонгинохайрхан дүүргийн 20 дугаар хорооны нутаг дэвсгэрт ТЭЦ-4 станцын баруун уулзварт 4 дүгээр Цахилгаан станцын баруун уулзварын замд явж байхдаа Н.Мын жолоодож явсан Тоёота Ланд круйзер 100 маркийн +++ улсын дугаартай автомашинтай мөргөлдөж, зам тээврийн осол гарч улмаар Тоёота Приус 20 маркийн *** улсын дугаартай автомашинд 5,901,300 төгрөгийн хохирол учирсныг нэхэмжилнэ гэж Н.Мыг ажиллуулагч байгууллага- ХХААХҮСХТ улсын төсөвт үйлдвэрийн газраас нэхэмжилж байна. Хариуцагч энэ хэргийн хариуцагч биш үндэслэлээр маргаж байна.
Зам тээврийн осол болох үед Б.Ж-ын жолоодож явсан дээрх автомашины өмчлөгч нь Б.С, харин Н.М-ын жолоодож явсан автомашины өмчлөгч буюу эзэмшигч нь Хөдөө аж ахуйн үйлдвэрлэлд шинжлэх ухааны ололт нэвтрүүлэх төв байжээ. Б.Ж нь ослын улмаас эвдэрсэн Тоёота Приус 20 маркийн *** улсын дугаартай автомашины төлбөрт 10,000,000 төгрөгийг Б.С-д өгч, тээврийн хэрэгслийн өмчлөлийг өөрийн нэр дээр шилжүүлэн авсан нь нэхэмжлэгчийн тайлбар, Хаан банкны дансны хуулга, тээврийн хэрэгслийн гэрчилгээ зэргээр тогтоогдож байна. Б.Ж хохирлыг нэхэмжлэх эрх бүхий этгээд байна.
2.Зам тээврийн осолд зөрчлийн хэрэг бүртгэлт явагдаж, Тоёота Ланд круйзер 100 маркийн +++ улсын дугаартай автомашиныг жолоодон явсан Н.М Замын хөдөлгөөний дүрмийн заалт зөрчсөнөөс зам тээврийн осол гарсан гэж үзэн, Сонгинохайрхан дүүрэг дэх Замын цагдаагийн хэлтсийн зохицуулагч жолооч Н.Мыг Зөрчлийн тухай хуулийн 14.7 дугаар зүйлийн 51-т зааснаар 100 нэгж /нэг зуун мянган төгрөг/-ээр торгох шийтгэл оногдуулжээ.
3.Н.Мын жолоодон явсан автомашин нь Хөдөө аж ахуйн үйлдвэрлэлд шинжлэх ухааны ололт нэвтрүүлэх төвийн эзэмшлийнх байсан нь тээврийн хэрэгслийн гэрчилгээнээс харагдаж байна.
Засгийн газрын 2020 оны 09 дүгээр сарын 02-ны өдрийн 93 дугаар тогтоолоор “Хөнгөн үйлдвэрийн судалгаа, туршилт, үйлдвэрлэл, бизнесийн корпораци” төрийн өмчит үйлдвэрийн газар, “Хөдөө аж ахуйн үйлдвэрлэлд шинжлэх ухааны ололт нэвтрүүлэх төв” улсын төсөвт үйлдвэрийн газрыг нийлүүлэх замаар “ХХААХҮСХТ” улсын төсөвт үйлдвэрийн газрыг байгуулсан байх бөгөөд энэ тогтоолын 3 дугаар заалтаар 2020 оны батлагдсан төсвийн багц, орон тооны хязгаартаа багтаан зохицуулалт хийх замаар “ХХААХҮСХТ” улсын төсөвт үйлдвэрийн газрын хэвийн үйл ажиллагааг хангаж ажиллахыг Хүнс, хөдөө аж ахуй, хөнгөн үйлдвэрийн сайдад, 5 дугаар заалтаар Улсын төсөвт үйлдвэрийн газар байгуулсантай холбогдуулан комисс томилж, эд хөрөнгөд тооллого хийж, үндсэн болон бусад эд хөрөнгө, албан хэрэг архивыг шинээр байгуулагдсан хуулийн этгээдэд шилжүүлэх арга хэмжээ авахыг Хүнс, хөдөө аж ахуй, хөнгөн үйлдвэрийн сайд, Төрийн өмчийн бодлого, зохицуулалтын газарт үүрэг болгосон байна.
Дээрх тогтоолын заалтаар Хөдөө аж ахуйн үйлдвэрлэлд шинжлэх ухааны ололт нэвтрүүлэх төвийн автомашин болон жолооч нь шинэ байгуулагдсан “ХХААХҮСХТ” улсын төсөвт үйлдвэрийн газарт шилжсэн байх тул жолооч Н.Мыг ажиллуулж байсан байгууллага нь хариуцагч “ХХААХҮСХТ” улсын төсөвт үйлдвэрийн газар мөн гэж үзнэ.
4.Хариуцагч нэхэмжлэлийг татгалзаж буй татгалзлаа жолооч Н.М тус төвийн захирлын 2020 оны 11 дүгээр сарын 06-ны өдрийн Б-04 тоот тушаалаар ажлаас чөлөөлөгдсөн, мөн автомашиныг Төрийн өмчийн бодлого, зохицуулалтын газрын 2022 оны 10 дугаар сарын 25-ны өдрийн тогтоолоор Цагдаагийн ерөнхий газарт балансаас балансад шилжүүлсэн гэдгээр үндэслэдэг ба дээрх нь жолооч Н.Мыг ажиллуулж байсан байгууллагын хүлээх хариуцлагаас хариуцагчийг чөлөөлөх үндэслэл болохгүй юм.
5.Иргэний хуулийн 498 дугаар зүйлийн 498.1-т Ажиллагсад хөдөлмөрийн гэрээ буюу албан тушаалын дагуу хүлээсэн үүргээ гүйцэтгэх явцад гэм буруутай үйлдэл /эс үйлдэхүй/-ээрээ бусдад учруулсан гэм хорын хариуцлагыг түүнийг ажиллуулж байгаа ажил олгогч хүлээнэ гэж заажээ. Жолооч Н.М ажлын өдөр, ажлын цагаар автомашинаа жолоодон ажил үүргээ гүйцэтгэн явсан үедээ зам тээврийн осол гарган нэхэмжлэгчийн жолоодон явсан автомашинд хохирол учруулсан нь тогтоогдож байх тул хохирлыг ажил олгогч буюу “ХХААХҮСХТ” улсын төсөвт үйлдвэрийн газар хариуцах үндэслэлтэй байна.
6.Төлүүлэх хохирлын хэмжээг автомашинд учирсан эвдрэлийн үнэлгээ болох 5,020,300 төгрөг, нотлох баримт бүхий оношлогоо, үнэлгээний хөлсөнд төлөгдсөн 240,500 төгрөг, нийт 5,260,800 төгрөгөөр тогтоож, нэхэмжлэлийн шаардлагын бусад хэсгийг хэрэгсэхгүй болгов.
7.Улсын тэмдэгтийн хураамжийг нөхөн төлүүлэх, хуваарилах асуудлыг Улсын тэмдэгтийн хураамжийн тухай хуулийн 7дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1-д зааснаар шийдвэрлэв.
Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.2, 116, 118 дугаар зүйлүүдийг удирдлага болгон
ТОГТООХ нь:
3. Иргэний хэрэг шүүхэд хянан шийдвэрлэх тухай хуулийн 119-р зүйлийн 119.2, 120-р зүйлийн 120.2-д зааснаар шийдвэр танилцуулан сонсгомогц хуулийн хүчинтэй болох ба зохигч, тэдгээрийн төлөөлөгч, өмгөөлөгч 7 хоногт бэлэн болох шийдвэрийг 14 хоногт гардан авах үүрэгтэй ба гардан авснаас хойш 14 хоногийн дотор Нийслэлийн иргэний хэргийн давж заалдах шатны шүүхэд давж заалдах гомдол гаргах эрхтэй.
ДАРГАЛАГЧ С. БУД
ШҮҮГЧИД О.АЗЗАЯА
И.АМАРТӨГС